តារាចម្រៀង វ៉ាន់ នីឡា បាននិយាយថាឈ្មោះជាតារាមិនមែនសុទ្ធតែមាននោះទេដោយខ្លះទទួលបានថ្លៃសម្តែងប៉ុន្តែចំណាយទៅវិញសឹងតែអស់ចំណែកអ្នកខ្លះទៀតមួយឆ្នាំសឹងតែមិនទាន់មានរឿងឬរោងមួយផង។ តារាចម្រៀងរូបនេះថា ទម្រាំតារាដាច់ចិត្តសុំជំនួយមានន័យថាពួកគាត់ទាល់ខ្លាំង។ ងាកមកកាន់តារាសម្តែង ចាន់ នីកា បានលើកឡើងថាជីវិតសិល្បៈគឺកម្សត់ខ្លាំងអ្នកប្រឡូកលើវិថីនេះបានដឹងច្បាស់។

មរណភាពរបស់តារាសម្តែង អ៊ុន សិទ្ធា បានធ្វើឱ្យមហាជននិងអ្នកសិល្បៈសោកស្តាយជាខ្លាំងព្រោះតែតារាសម្តែងរូបនេះចាកចេញដោយស្ងប់ស្ងាត់ពុំមានដំណឹងអ្វី ខណៈមានការលើកឡើងថាព្រោះតែខ្លាចពាក្យថាតារាឈឺសុំជំនួយទើបធ្វើឱ្យលោកមិនបង្ហាញថាធ្លាក់ខ្លួនឈឺរហូតដល់ដង្ហើមចុងក្រោយ។ ជាមួយនឹងដំណឹងសោកសៅនេះតារាចម្រៀងនិងជាពិធីការិនី វ៉ាន់ នីឡា បានបង្ហោះសំណេរដោយនិយាយថាអ្នកមានឈ្មោះជាតារាមិនមែនសុទ្ធតែមាននោះទេ។

នៅថ្ងៃទី២០ ខែវិច្ឆិកា នេះ វ៉ាន់ នីឡា បានបង្ហោះថា «ឈ្មោះជាតារាមិនមែនសុទ្ធតែមានទេបងប្អូន តារាស្រុកយើងថ្លៃចេញសម្តែងចេញច្រៀងក៏មិនបានច្រើនដែរ ទៅច្រៀងមួយកម្មវិធីបើកលុយបានភ្លាមចំណាយទៅវិញចង់អស់ហើយបែងចែកគ្រប់មុខ។ បើគេមានរឿងសម្តែងញឹកញយរឺមាន event រហូតមិនដាច់គេចេះតែសល់លុយហើយ ប៉ះអ្នកខ្លះមួយឆ្នាំមិនទាន់មានមួយរឿងរឺមួយរោងផងមិចវិញ ពេលខ្លះចង់អោយបងប្អូនយល់ដែរ ទម្រាំតែពួកគាត់ដាច់ចិត្តចេញសុំជំនួយគែបានន័យថាគាត់ទាល់មែនទែនហើយ»។

មិនត្រឹមតែតារាចម្រៀង វ៉ាន់ នីឡា ប៉ុណ្ណោះទេដែលលើកឡើងខាងលើកនេះ តារាសម្តែង ចាន់ នីកា ក៏បានបង្ហោះសំណេរដែរថាជីវិតសិល្បៈមើលមកល្អមើលណាស់ប៉ុន្តែការពិតកម្សត់ទៅវិញនោះទេអ្នកប្រឡូកបានយល់ច្បាស់។

តារាសម្តែងរូបនេះបានបង្ហោះថា «ជីវិតសិល្បៈមើលមកបែបល្អមើលណាស់តែការពិតកម្សត់ទៅវិញទេ ជាអ្នកប្រឡូកសិល្បៈទើបយល់ច្បាស់។ ឃើញគ្នាហឺហា ដើម្បីស័ក្តិសម ជាអ្នកសិល្បៈត្រូវគេដៀលថាពេលឈឺកុំសុំជំនួយ។ ពេលគ្នាធ្លាក់ខ្លួនថាតារាស្អីមិនសមជា តារា។ ជីវិតពិតសិល្បៈកម្សត់ណាស់ពេលខ្លះទៅថតកន្លែងខ្លះមិនបើកលុយឱ្យពួកគាត់ទេ ។ តម្លៃថតក៏មិនបានច្រើន ។ តារាសម្តែងហត់ជាងគេតែតម្លៃខ្លួនក៏បានតិចជាងគេដែរ»៕

អ្នកគាំទ្រពិតសោកស្តាយយ៉ាងខ្លាំងសម្រាប់ ហ្វីយ៉ាតា បវរកញ្ញាចក្រវាលកម្ពុជាឆ្នាំ២០២៥ ដែលពុំអាចចូល TOP នៅក្នុងការប្រកួត Miss Universe លើកទី៧៤ នៅឯប្រទេសថៃបាននោះទេ។ ទោះយ៉ាងណាអ្នកគាំទ្របានផ្ញើសេចក្តីស្រលាញ់គាំទ្រលើកទឹកចិត្តដល់ ហ្វីយ៉ាតា ព្រោះនាងបានខិតខំប្រឹងប្រែងអស់ពីសមត្ថភាពហើយក្នុងការប្រកួតនេះ។

នៅព្រឹកថ្ងៃទី២១ ខែវិច្ឆិកា កម្មវិធីប្រកួតសម្រស់ដ៏ធំមួយលើពិភពលោក Miss Universe បាននឹងកំពុងឈានចូលដល់វគ្គផ្តាច់ព្រ័ត្រហើយដែលឆ្នាំនេះប្រទេសថៃធ្វើជាម្ចាស់ផ្ទះប៉ុន្តែពោរពេញដោយភាពចម្រូងចម្រាស។ ក្នុងវគ្គផ្តាច់ព្រ័ត្របេក្ខភាពបានណែនាំឈ្មោះនិងប្រទេសតំណាង។ ក្រោយពីបេក្ខភាពចូលរួមជាង១២០នាក់បានស្រែកឈ្មោះប្រទេសរួចកម្មវិធីបានបន្តទៅការប្រកាសបេក្ខនារីអាចចូលដល់ TOP30 ។ ជារឿងគួរឱ្យសោកស្តាយ ហ្វីយ៉ាតា ដែលតំណាងឱ្យកម្ពុជាពុំអាចចូល TOP នៅក្នុងការប្រកួតបានឡើយ។

នៅក្នុងការប្រកួតនេះបវរកញ្ញាដែលស្ថិតនៅតំបន់អាស៊ានមានតែ២ប្រទេសប៉ុណ្ណោះដែលអាចចូលTOP30 គឺបេក្ខនារីថៃដែលជាម្ចាស់ផ្ទះ និងបវរកញ្ញាមកពីប្រទេសហ្វីលីពីន។ សូម្បីតែប្រទេសវៀតណាមដែលមានសំឡេងការគាំទ្រខ្លាំងក៏ពុំអាចចូល TOP នៅក្នុងការប្រកួតលើនេះបាននោះទេ។

លទ្ធផលខុសពីការរំពឹងទុកនេះបានធ្វើឱ្យអ្នកគាំទ្រជាច្រើនសោកស្តាយចំពោះ ហ្វីយ៉ាតា ដែលឱកាសមួយនេះមិនអាចនាំកម្ពុជាចូលTOPបាន ប៉ុន្តែអ្នកគាំទ្របានលើកទឹកចិត្តផ្ញើសេចក្តីស្រលាញ់ចំពោះអ្នកតំណាងកម្ពុជារូបនេះព្រោះទស្សនិកជនពិតជាបានឃើញនាងប្រឹងប្រែងអស់ពីសមត្ថភាពហើយទោះបីមានរឿងជាច្រើនប៉ុន្តែនាងបានជម្នះឧបសគ្គដើម្បីមិនឱ្យបានបាត់ឈ្មោះកម្ពុជាលើឆាកអន្តរជាតិ។ យ៉ាងណាមិញ ចំណុចមួយដែលអ្នកគាំទ្រមិនអស់ចិត្តផេកផ្លូវការរបស់ Miss Universe ពុំបានបង្ហោះរូបភាពរបស់ ហ្វីយ៉ាតា នៅពេលបង្ហាញឈុតតំណាងជាតិ ចាប៉ីមាស ឈុតហែលទឹក និងឈុតរាត្រីស្រមោលសរ ហាក់បីដូចជាចៃដន្យរហូតមានមន្ទិលសង្ស័យថាផេករបស់កម្មវិធីនេះប្តូរ Admin ឬយ៉ាងណា៕

ក្រោយការកាត់ក្តីស្ករគ្រាប់បន្លែ KERA កាលពីថ្ងៃទី១៩ ខែវិច្ឆិកា កញ្ញា Thuy Tien ត្រូវបានតុលាការកាត់ទោសឱ្យជាប់ពន្ធនាគាររយៈពេល ២ឆ្នាំ ពីបទ «បោកប្រាស់អតិថិជន»។ ដំណឹងនេះបានសាយភាយយ៉ាងឆាប់រហ័សព្រោះនាងជា Miss Grand International 2021 ខណៈអ្នកគាំទ្រវិស័យបវរកញ្ញារង់ចាំអ៊ុតមើលថាតើ ណាវ៉ាត់ ស្ថាបនិក MGI នឹងដកហូតមកុដនិង Title ឬអត់?

បន្ទាប់ពីការកាត់ក្តីដ៏តឹងតែង តុលាការប្រជាជនទីក្រុងហូជីមិញបានចេញសាលក្រមលើសំណុំរឿង «បោកប្រាស់អតិថិជន» ពាក់ព័ន្ធនឹងចុងចោទដ៏ល្បីល្បាញកញ្ញា Nguyen Thuc Thuy Tien ដែលធ្លាប់ស្គាល់ថាជា Miss Grand International 2021 ត្រូវបានកាត់ទោសឱ្យជាប់គុក ២ ឆ្នាំជាផ្លូវការ។ សាលក្រមនេះត្រូវបានចាត់ទុកថាជាផលវិបាកដែលជៀសមិនរួចនៃកំហុសធ្ងន់ធ្ងររបស់ Thuy Tien និងបក្ខពួកក្នុងការផ្សាយពាណិជ្ជកម្មផលិតផលស្ករគ្រាប់ Kera ដោយមានព័ត៌មានមិនពិតអំពីការប្រើប្រាស់ ប្រភពដើម និងខ្លឹមសារអាហារូបត្ថម្ភ ដោយខុសច្បាប់បានប្រាក់ចំណេញរាប់ម៉ឺនដុល្លារពីការជឿទុកចិត្តរបស់សាធារណជន។

ហេតុការណ៍នេះបានធ្វើឱ្យមុខមាត់របស់ Thuy Tien ធ្លាក់ចុះ។ បន្ទាប់ពីត្រូវបានកាត់ទោស ម៉ាកយីហោជាច្រើនបានលុបរូបភាពរបស់ពួកគេ ហើយកិច្ចសន្យាសហប្រតិបត្តិការត្រូវបានលុបចោល។ សូម្បីតែគម្រោងភាពយន្តដែល Thuy Tien ចូលរួមក៏ត្រូវបង្ខំចិត្តប្រើបច្ចេកវិទ្យា AI ដើម្បីជំនួសសាច់រឿង ប៉ុន្តែនៅតែធ្លាក់ចូលទៅក្នុងស្ថានភាពនៃប្រាក់ចំណូលទាបនៅពេលចាក់បញ្ចាំងក្នុងរោងភាពយន្ត។ ពីគំរូដ៏បំផុសគំនិត Thuy Tien ឥឡូវប្រឈមនឹងការកាត់ទោស ហានិភ័យនៃការបាត់បង់តំណែងជាអន្តរជាតិ និងអាជីពរបស់នាងត្រូវបានប៉ះពាល់យ៉ាងធ្ងន់ធ្ងរ។ ភ្លាមៗក្រោយការប្រកាសផ្ដន្ទាទោសដាក់ពន្ធនាគារ២ឆ្នាំនៅថ្ងៃទី១៩ វិច្ឆិកា សេចក្តីថ្លែងការណ៍ចាស់របស់ Nawat Itsaragrisil ប្រធានអង្គការ Miss Grand International បានធ្វើផ្ទុះជាថ្មីម្តងទៀត។ ការគ្រងមកុដ Miss Grand International 2021 គឺជាសមិទ្ធិផលដែលនាំឱ្យឈ្មោះរបស់ Thuy Tien ក្លាយជានារីវៀតណាមដំបូងគេដែលបានឈ្នះមកុដនេះ។

ក្នុងខែមិថុនា ឆ្នាំ២០២៥ នៅពេលដែល Thuy Tien ត្រូវបានកាត់ទោស Nawat បាននិយាយថា៖ «ដោយសារការប្រព្រឹត្តិខុសរបស់នាងមិនបានកើតឡើងខណៈពេលដែលនាងកំពុងជាប់កិច្ចសន្យាជាមួយអង្គការរបស់យើង នេះជាបទល្មើសផ្ទាល់ខ្លួន។ យើងមិនបានដកហូតតំណែងនាងទេ ប៉ុន្តែអនាគតគឺមិនដឹង។ ប្រសិនបើការសន្និដ្ឋាននៅពេលក្រោយបង្ហាញថាកម្រិតនៃការរំលោភបំពាននេះធ្ងន់ធ្ងរពេក យើងនឹងពិនិត្យមើលម្តងទៀត។ ប៉ុន្តែនៅពេលនេះ យើងមិនបានដកហូតតំណែងនាងទេ ហើយក៏មិនបានសហការជាមួយនាងដែរ ហើយក៏មិនមានទំនាក់ទំនងអ្វីជាមួយនាងដែរ»។

ទោះបីជា ណាវ៉ាត់ បានបញ្ជាក់ថាកំហុសបានកើតឡើងបន្ទាប់ពី Thuy Tien បញ្ចប់កិច្ចសន្យាជាមួយ MGI ក៏ដោយ ប៉ុន្តែការផ្តន្ទាទោសដាក់ពន្ធនាគាររយៈពេល២ ឆ្នាំដែលបានប្រកាសនៅពេលនេះ ត្រូវបានសាធារណជនវៀតណាមចាត់ទុកថាជា «កម្រិតនៃការបំពានធ្ងន់ធ្ងរ» និងធ្ងន់ល្មមសម្រាប់ MGI ក្នុងការពិនិត្យឡើងវិញនូវ Title ប្រសិនបើ MGI សម្រេចចិត្តដកហូតមកុដ Thuy Tien នេះនឹងក្លាយជាផលវិបាកចុងក្រោយ និងឈឺចាប់បំផុតនៃកំហុសរបស់នាង ហើយក្នុងពេលតែមួយក្លាយជាមេរៀនដ៏មានតម្លៃសម្រាប់សិល្បករដទៃទៀត៕