បរទេស៖ អ្នកដំណើរចំនួន ២៧០ នាក់មានការភ្ញាក់ផ្អើលខ្លាំង ក្រោយដឹងថា អ្នកបើកបរក្នុងរថភ្លើងក្រោមដី បានដេកលក់អស់រយៈពេល ៤០ នាទីដោយមិនដឹងខ្លួន និងមិនបានគ្រប់គ្រោងម៉ាស៊ីនរថភ្លើង ហើយលោកបាននិយាយថាគាត់មិនចាំថាមា អ្វីកើតឡើងទេ ឬនៅពេលណានោះឡើយ។

មានហេតុការណ៍ដ៏គួរឱ្យហួសចិត្តនិងបង្កការភ្ញាក់ផ្អើលជាខ្លាំងក្រោយពីមានការចុះផ្សាយអំពីហេតុការណ៍ដែលបានកើតឡើង បន្ទាប់ពីបុរសជនជាតិជប៉ុន វ័យ ៤៨ឆ្នាំម្នាក់ ដែលជាអ្នកបើកបររថភ្លើងក្រោមដីនៅជប៉ុន បានដេកលង់លក់ដោយមិនបានគ្រប់គ្រងម៉ាស៊ីន អស់រយៈពេល៤០នាទី ។

បើយោងតាមការិយាល័យដឹកជញ្ជូនក្រុង ណាហ្គោយ៉ា (Nagoya) បានឱ្យដឹងថា បុរសអាយុ ៤៨ ឆ្នាំម្នាក់នេះជាអ្នកបើកបររថភ្លើងនៃរថភ្លើងក្រោមដី ណាហ្គោយ៉ា ដោយគាត់បានដេកលក់ ៤០នាទី ខណៈពេលកំពុងបើកបរ ដឹកអ្នកដំណើរជាច្រើននាក់។ អ្នកបើកបររូបនេះបានដេកលក់នៅក្នុងរថភ្លើងក្រោមដី Meijo Line  កាលពីវេលាម៉ោង ៩ និង ៤០ នាទីព្រឹក ថ្ងៃទី ៣០ ខែវិច្ឆិកា កន្លងទៅនេះ ខណៈមានអ្នកដំណើរនៅក្នុងនោះចំនួន២៧០នាក់។

ប្រភពដដែលបានបញ្ជាក់ថានៅពេលនោះ រថភ្លើងបានរត់ ហើយឈប់ដោយស្វ័យប្រវត្តិ ក្នុងនោះអ្នកដំណើរទាំងអស់មិនមានការរងរបួសនោះទេ។

យ៉ាងណាមិញអ្នកបើកបរបានពន្យល់ថា គាត់ “មិនអាចចាំថាមានអ្វីដែលបានកើតឡើង ហើយក៏មិនដឹងថាគាត់ដេកលក់តាំងពីពេលណាដែរ?”

ទោះជាយ៉ាងណាការិយាល័យដឹកជញ្ជូនក្នុងទីក្រុងណាហ្គោយ៉ា បានពិនិត្យមើលវិធានការផ្សេងៗ ដើម្បីកុំឱ្យករណីនេះកើតឡើងម្តងទៀត និងញ្ជាឱ្យពិនិត្យមើលវិធានការដើម្បីចៀសវាងការកើតរឿងបែប​នេះម្ដងទៀត៕ ប្រភព៖ Dailynews

បរទេស៖ ក្រុមប្រឹក្សាត្រួតពិនិត្យទីក្រុងសាន់ហ្វ្រាន់ស៊ីស្កូ នៃសហរដ្ឋអាមេរិក ​បានធ្វើការឯកភាពអនុញ្ញាតឱ្យប៉ូលីសប្រើវាធានការ ក្នុងការប្រើប្រាស់ មនុស្សយន្តធ្វើការជំនួនប៉ូលីសក្នុងស្ថានភាពធ្ងន់ធ្ងរ ដែលពិបាកគ្រប់គ្រោង ដូចជាការបំពាក់គ្រឿងផ្ទុះជាដើម ប៉ុន្តែការអនុញ្ញាតនេះគឺធ្វើឡើងចំពោះករណីក្នុងស្ថានភាពធ្ងន់ធ្ងរប៉ុណ្ណោះ។

ទីភ្នាក់ងារសារព័ត៌មានបរទេសបានរាយការណ៍ពីទីក្រុងសាន់ហ្វ្រាន់ស៊ីស្កូ រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃទី១ ខែធ្នូ ឆ្នាំ២០២២ថា នាយកដ្ឋានប៉ូលីសសាន់ហ្វ្រាន់ស៊ីស្កូ (SFPD) បាននិយាយថាការប្រើប្រាស់ មនុស្សយន្តជំនួសប៉ុលិសគឺជារឿងដ៏សំខាន់ សម្រាប់ដោះស្រាយជាមួយនឹងស្ថានភាពធ្ងន់ធ្ងរ ដែលពិបាកគ្រប់គ្រោង ដូចជាការបំពាក់គ្រឿងផ្ទុះ ដើម្បីបំផ្លាញអគាររឹង ជាមួយនឹងគោលដៅប្រដាប់អាវុធដោយហិង្សា ឬគោលដៅគ្រោះថ្នាក់នៅខាងក្នុង។

បន្ថែមពីនោះប៉ូលីសក៏អាចប្រើមនុស្សយន្តដើម្បីដោះស្រាយផ្នែកភេរវកម្មដែលសង្ស័យថាជាជនបង្ក ហិង្សាប្រដាប់អាវុធ ឬ អាចគ្រោះថ្នាក់ដល់សាធារណៈជន ដែលមានហានិភ័យនៃការបាត់បង់ជីវិតជាដើម។

ពិតណាស់ចលនានេះគឺជាគន្លិះដែលអាចឱ្យម៉ូលិសចាកឆ្ងាយពីការប្រើប្រាស់កម្លាំង និង ផលវិបាក គ្រោះថ្នាក់ នៃការប្រើប្រាស់កម្លាំងកាន់តែច្រើន លើសពីនេះទៅទៀតវិធានការខាងលើគឺជាវិធានការ ដែលត្រូវបានអាជ្ញាធរប្រើប្រាស់ដើម្បីពង្រឹងកម្លាំងសមត្ថកិច្ចបន្ថែមទៀត ក៏អាចនឹងធ្វើឱ្យងាយស្រួលជាង និងសម្រេចបាននូវភាពជោគជ័យមួយកម្រិត នៃកិច្ចការសំខាន់ៗ។

តែទោះជាយ៉ាងណាអ្នកគាំទ្របាននិយាយយ៉ាងដូច្នេះថា វិធានការខាងលើត្រូវបានអនុញ្ញាតឱ្យប្រើប្រាស់តែក្នុងស្ថានភាពធ្ងន់ធ្ងរប៉ុណ្ណោះ ដោយមន្រ្តីប៉ូលីសអាចប្រើមនុស្សយន្តដ៏សាហាវបាន “លុះត្រាតែក្រោមស្ថានភាពតឹងតែងបំផុត ទើបអាចអនុញ្ញាតឱ្យប្រើមនុស្សយន្តជំនួសប៉ូលិស៕ ប្រភព៖ Dailynews

អត្ថបទដោយ៖ ​យិត ម៉ានិល

ប្រទេសជប៉ុន៖ ក្រុមអ្នកស្រាវជ្រាវមកពីវិទ្យាស្ថានជប៉ុនមួយបានប្រកាសពីភាពជោគជ័យរបស់ខ្លួនក្នុងការបង្កើតក្រាហ្វិកកុំព្យូទ័រ ដែលបានបង្ហាញរូបរាង តាមរយៈ 3D របស់ស្ត្រីសម័យបុរាណដែលផ្អែកលើ DNA ពីគ្រោងឆ្អឹងអាយុ ១៦០០ ឆ្នាំ។

កាលពីពេលថ្មីៗកន្លងទៅនេះ ក្រុមអ្នកស្រាវជ្រាវវិទ្យាសាស្ត្រមកពីវិទ្យាស្ថានស្រាវជ្រាវចំនួនប្រាំពីររូប និងគណៈកម្មការអប់រំទីក្រុង Yonezawa នៃប្រទេសជប៉ុន បានរួមគ្នាផ្សព្វផ្សាយរូបភាព និងវីដេអូឃ្លីប ដែលបង្ហាញពីការបង្កើតរូបភាពរបស់ស្ត្រីម្នាក់បុរាណម្នាក់ ដែលត្រូវបានដាក់ឈ្មោះថា “Himiko of Okitama” ។

ការបង្ហាញនូវរូបភាពដ៏រស់រវើកនេះ ត្រូវបានគេប្រើប្រាស់បច្ចេកវិទ្យាក្លែងធ្វើក្រាហ្វិកកុំព្យូទ័រ 3D និងបច្ចេកវិទ្យាបង្កើត DNA  ដើម្បីស្វែងយល់ពីរូបរាងរបស់ម្ចាស់គ្រោងឆ្អឹងដែលគេរំពឹងថាជាស្ត្រីដែលបានកើតក្នុងត្រកូលអភិជនប្រហែល ១,៦០០ ឆ្នាំមុន នឹងត្រូវបានគេជីកកកាយរកឃើញក្នុងឆ្នាំ១៩៨២ នៅក្នុងទីបញ្ចុះសព Totsukayama ដែលជាផ្នូរមួយក្នុងចំណោមផ្នូរប្រហែល ២០០ នៅជើងភ្នំ Totsuyama  ក្នុងស្រុក Asakawa ទីក្រុង Yonezawa។

ក្រៅពីគ្រោងឆ្អឹងក្នុងមឈូសរបស់ ហ៊ី មីកូ ក៏ត្រូវបានគេរកឃើញបានកប់ជាមួយនឹងសិតសក់វែង និងកាំបិតតូចមួយផងដែរ។

ជាមួយគ្នានោះ រូបភាពដែលបានបង្ហាញចេញមក គឺសុទ្ធតែផ្អែកលើពីរូបរាងដែលនៅសេសសល់នៃគ្រោងឆ្អឹងរបស់ ហ៊ី មី កូ  និងផ្អែកលើព័ត៌មានដែលទទួលបានពីការវិភាគ DNA លើគោលការណ៍កោសល្យវិច្ច័យនៃការបង្កើតឡើងវិញនូវផ្ទៃមុខ និងរូបរាង។

ដោយគេបានកំណត់ពីលក្ខណៈ ត្របកភ្នែកខាងលើ ច្រមុះរាងសំប៉ែតបន្តិច សក់ខ្មៅត្រង់  ស្បែកពណ៌សណ្ដែកបាយ។

យ៉ាងណាមិញយោងតាមការសិក្សារបស់អ្នកស្រាវជ្រាវបានតំណត់បន្ថែមថា ហ៊ី មី កូ  ត្រូវបានគេប៉ាន់ស្មានថាមានកម្ពស់ចន្លោះពី ១៤៣ សង់ទីម៉ែត្រ ទៅ ១៤៥ សង់ទីម៉ែត្រ ហើយត្រូវបានគេសន្មត់ថាបានស្លាប់នៅពេលដែលនាងមានអាយុប្រហែល ៤០ ឆ្នាំ នៅសម័យ Yayoi ដើម គ.ស ឆ្នាំ១,៤០០៕ ប្រភព៖ Dailynew

អត្ថបទដោយ៖ យិត ម៉ានិល

រដ្ឋធានីមូស្គូ៖ សង្គ្រាមលុកលុយទៅលើប្រទេសអ៊ុយក្រែន ក្រោមបញ្ជារបស់ប្រធានាធិបតី លោក វ៉្លាឌីមៀ ពូទីន (Vladimir Putin) អស់រយៈពេលជាង២៨០ថ្ងៃកន្លងមកនេះ បានធ្វើឲ្យរុស្ស៊ី បាត់បង់ទាហានរាប់ម៉ឺននាក់ ហើយឥឡូវនេះ រដ្ឋាភិបាលក្រុងមូស្គូ បានចេញបម្រាម ហាមឃាត់ដល់ការជជែកពិភាក្សា ជាសាធារណៈ ជុំវិញសកម្មភាពយោធា។

សារព័ត៌មាន The Moscow Times បានចេញផ្សាយ កាលពីព្រឹក ថ្ងៃសុក្រ ទី២ ខែធ្នូ ថា អាជ្ញាធររុស្ស៊ី បានហាមឃាត់ដល់ការជជែកពិភាក្សា ជាសាធារណៈ លើប្រធានបទនានា ពាក់ព័ន្ធនឹងកងទ័ព មានជាអាទិ៍ ដូចជា យុទ្ធសាស្រ្ដយោធា សីលធម៌របស់កងទ័ព និង ការចល័តទាហាន…ជាដើម។ ដោយឡែក ក្រុមសកម្មជន បានចាត់ទុកសកម្មភាពបែបនេះ នឹងរារាំងដល់សាធារណជនយ៉ាងមានប្រសិទ្ធភាព អំពីការសិក្សា លើព័ត៌មានសំខាន់ៗ ជុំវិញបញ្ហាកងទ័ព។

បទបញ្ជារបស់ទីភ្នាក់ងារសន្ដិសុខសហព័ន្ធន៍រុស្ស៊ី ហៅកាត់ FSB មានចំនួន៦០ចំណុច បានចូលជាធរមាន កាលពីថ្ងៃទី១ ខែធ្នូ ឆ្នាំ២០២២ ដោយរាយបញ្ជីព័ត៌មាន ដែលមិនបានកំណត់ព្រំដែន ដោយចាត់ទុកជាកិច្ចការសម្ងាត់របស់ជាតិ។ ប៉ុន្ដែបញ្ហានេះ អាចនឹងត្រូវប្រើប្រាស់ដោយរដ្ឋ អង្គការ និង ប្រជាជនបរទេស សម្រាប់ការប្រឆាំងនឹងសន្ដិសុខរបស់រុស្ស៊ី។

នៅក្នុងចំណោមប្រធានបទជាច្រើន ត្រូវហាមឃាត់ការពិភាក្សា គឺរចនាសម្ព័ន្ធ និង ចំនួនកម្លាំងទាហានរុស្ស៊ី។ រីឯប្រធានបទគ្មានដែនកំណត់ផ្សេងទៀត រួមមាន គ្រឿងសព្វាវុធ ការដាក់ពង្រាយកងទ័ព និង ការហ្វឹកហ្វឺន ក៏ដូចជា សីលធម៌របស់កងទ័ព និង ឧក្រិដ្ឋកម្ម ត្រូវប្រព្រឹត្តឡើង ដោយសមាជិក នៃកងកម្លាំងប្រដាប់អាវុធ។

ប្រធានបទជាច្រើនទៀត ពាក់ព័ន្ធនឹងការចល័តទ័ព និង ការការពារជនស៊ីវិល ក៏ត្រូវបានរារាំង អំពីការជជែកពិភាក្សា ដោយចំហផងដែរ ដូចជា ការវាយតម្លៃ និង ការព្យាករណ៍ អំពីស្ថានភាពយោធា និង យុទ្ធសាស្ត្ររបស់រុស្ស៊ី… ជាដើម។

ទីភ្នាក់ងារ FSB របស់រុស្ស៊ី កាលពីឆ្នាំមុន បានរាយបញ្ជីឆ្លុះបញ្ចាំង អំពីការហាមឃាត់ លើការចែករំលែកព័ត៌មាន គ្មានដែនកំណត់ នៅក្នុងឧស្សាហកម្មការពារជាតិ និង អវកាសរបស់រុស្ស៊ី។ ប៉ុន្ដែកាលពីខែមុននេះ ទីភ្នាក់ងារសន្ដិសុខសហព័ន្ធន៍ បានកែសម្រួល សម្រាប់ការរាប់បញ្ចូលព័ត៌មាន អំពីការដឹកជញ្ជូនបុគ្គលិកយោធា និង សំណង់យោធា ដែលកំពុងបន្តផងដែរ។

លោក ឡយ អូស្ទីន (Lloyd Austin) រដ្ឋមន្រ្ដីក្រសួងការពារជាតិសហរដ្ឋអាមេរិក កាលពីខែមុន បានអះអាង ថា ទាហានរុស្ស៊ី ប្រហែល១០ម៉ឺននាក់ បានបាត់បង់ជីវិត និង រងរបួស នៅក្នុងសង្គ្រាមអ៊ុយក្រែន។ ចំណែកកងទ័ពការពារទឹកដីរបស់ក្រុងកៀវ បានរងគ្រោះថ្នាក់ ប្រហាក់ប្រហែលគ្នានេះដែរ៕