ប្រជានជនតំបន់អឺរ៉ុប និងអាមេរិក ជឿជាក់ថា សាន់តាក្លូស ឬតាណូអែល នាពេលបច្ចុប្បន្ននេះ ស្លៀកឈុតពណ៌ក្រហម ក៏ព្រោះតែមានជាប់ពាក់ព័ន្ធ ទៅនឹងកូកា-កូឡា។
ដោយការដំបូងឡើង តាណូអែល ត្រូវបានគេឃើញប្រទះពាក់ឈុតពណ៌បៃតង ក៏ប៉ុន្តែនៅឆ្នាំ ១៩៣១ តាណូអែល បែរជាពាក់ឈុតពណ៌ក្រហមទៅវិញ នៅក្នុងការផ្សព្វផ្សាយពាណិជ្ជកម្មមួយរបស់ក្រុមហ៊ុនកូកា កូឡា។ គ្រានោះ ការផ្សាយពាណិជ្ជកម្មនោះ បានដើរតួនាទីយ៉ាងសំខាន់ ដោយបានជួយពង្រីកមុខមាត់របស់កូកាឱ្យមានកេរ្តិ៍ឈ្មោះជាខ្លាំង”។
ទាក់ទងនឹងរឿងនេះ ក្រុមហ៊ុន កូកា កូឡា ធ្លាប់បានចេញមុខបកស្រាយថារួចម្តងហើយ ដោយលើកឡើងថា “វាមិនអាចទៅរួចនោះទេ ដែលក្រុមហ៊ុនយើងជាអ្នកផ្លាស់ប្តរពណ៌ឈុតតាណូអែលនោះ។ តាណូអែលមានវត្តមានមុនក្រុមហ៊ុនយើងទៅទៀត ដោយគ្រានោះនៅតាមដងវិថី មនុស្សម្នាសុទ្ធតែឃើញ តាណូអែលពាក់ឈុតពណ៌ក្រហមរួចទៅហើយ”។
គួរបញ្ជាក់ផងដែរថា សាន់តាក្លូស ឬតាណូអែល គឺជាតួអង្គរឿងព្រេងនិទានអាមេរិក និងអឺរ៉ុប ដែលជាអ្នកយកអំណោយឱ្យកុមារ នៅថ្ងៃបុណ្យណូលអែល។ ជាទូទៅបុណ្យនេះប្រព្រឹត្តិទៅនៅថ្ងៃទី២៥ ខែធ្នូ៕
ប្រភព៖ Coca Cola