កាលពីពេលថ្មីៗនេះ ប្រធានាធិបតីរុស្សី លោកពូទីន ចោទប្រកាន់ជប៉ុនថា បានបោះបង់ចោលនយោបាយសន្តិភាពជាច្រើនទស្សវត្ស ដោយត្រឡប់ប្រកាន់យករបបយោធានិយមឡើងវិញ ខណៈការអះអាងនេះធ្វើឡើងជាការឆ្លើយតបទៅនឹងផែនការការពារជាតិថ្មីរបស់ជប៉ុន ដែលមានតម្លៃ ៣២០ពាន់លានដុល្លារ ដែលប្រកាសដោយនាយករដ្ឋមន្ត្រីជប៉ុន លោក  គីស៊ីដា។

ផែនការរបស់នាយករដ្ឋមន្រ្តីជប៉ុនបច្ចុប្បន្ននេះ នឹងបង្កើនការចំណាយលើវិស័យការពារជាតិទ្វេដង ដល់ទៅប្រហែល ២ភាគរយនៃផលិតផលក្នុងស្រុកសរុបក្នុងរយៈពេល៥ឆ្នាំ ដែលធ្វើឱ្យជប៉ុនក្លាយជាប្រទេសចំណាយខាងយោធាធំជាងគេទី៣ របស់ពិភពលោក បន្ទាប់ពីសហរដ្ឋអាមេរិក និងចិន ។

ស្របពេលជាមួយគ្នានោះដែរ ក្រសួងការបរទេសរុស្ស៊ីបានបញ្ជាក់នៅក្នុងសេចក្តីថ្លែងការណ៍មួយថា វាអាចត្រូវបានគេមើលឃើញយ៉ាងច្បាស់ថា ជប៉ុនបានដើរលើផ្លូវនៃការពង្រឹងអំណាចយោធារបស់ខ្លួន ដែលមិនធ្លាប់មានពីមុនមក ដោយផែនការខាងលើនេះ នឹងធ្វើឲ្យជប៉ុនទទួលបានសមត្ថភាពធ្វើការវាយប្រហារទៀតផង៕

ប្រភព៖ ARAB News

ខណៈ​ប្រទេស​ជា​ច្រើន​នៅ​ក្នុងតំបន់អាស៊ាន ​​តែងតែ​ប្រារព្ធ​បុណ្យ​ណូអែលជារៀងរាល់ឆ្នាំនោះ នៅក្នុងនោះក៏មានប្រទេសប្រុយណេមួយដែរ ដែលហាមមិនឱ្យប្រារព្ធពិធីបុណ្យណូអែលនេះ។

ប្រហែល ២ភាគ៣ នៃចំនួនប្រជាជនប្រ៊ុយណេ គឺជាអ្នកកាន់សាសនាឥស្លាម ហើយមានតែ ១០ភាគរយប៉ុណ្ណោះដែលជាអ្នកកាន់សាសនាគ្រឹស្ត។  ប្រទេស​អ្នកមាននៅក្នុងតំបន់អាស៊ីអាគ្នេយ៍​មួយ​នេះ​​ បាន​ហាម​មិន​ឱ្យ​មាន​ការ​ប្រារព្ធ​បុណ្យ​ណូអែល​ជា​សាធារណៈ​ចាប់តាំងពីឆ្នាំ ២០១៥មកម្ល៉េះ។ 

ក៏ប៉ុន្តែសម្រាប់គ្រិស្តបរិស័ទដែលរស់នៅក្នុងប្រទេសប្រ៊ុយណេ ក៏នៅតែអាចទៅព្រះវិហារ ឬប្រារព្ធពិធីជាមួយមិត្តភក្តិ និងក្រុមគ្រួសារនៅតាមផ្ទះបានដដែល។

កត្តាដែលជំរុញឱ្យប្រ៊ុយណេ ហាម​មិន​ឱ្យ​មាន​ការ​ប្រារព្ធ​បុណ្យ​ណូអែល​ជា​សាធារណៈ ក៏ព្រោះតែប្រទេសនេះកាន់សាសនាឥស្លាម ដូច្នេះព្រះរាជានៃប្រទេសប្រុយណេ  យល់ឃើញថា “ការប្រារព្ធបុណ្យសាសនារបស់លោកខាងលិច អាចនឹងផ្តល់ផលប៉ះពាល់ ឬជះឥទ្ធិពលទៅដល់សាសនាឥស្លាមនៅក្នុងប្រទសខ្លួន”។

គួបញ្ជាក់ផងដែរថា  ជន​ណា​ដែល​ហ៊ាន​ល្មើស​នឹង​បម្រាម​នេះ នឹង​ប្រឈមមុខ​ការ​ផាក​ពិន័យ ក៏​ដូចជា​ការ​ជាប់​ពន្ធនាគារ៕

ប្រភព: Public Holiday

បរទេស៖ រដ្ឋមន្ត្រីសុខាភិបាលម៉ាឡាវី លោក Kambize Chiponda បាននិយាយថា ចំនួនអ្នកស្លាប់ដោយសារការផ្ទុះឡើងនៃជំងឺអាសន្នរោគនៅក្នុងប្រទេសម៉ាឡាវីមានការកើនឡើងលើសពី ៤០០នាក់ ហើយបានជំរុញឱ្យប្រជាជននៅក្នុងតំបន់ដែលរងផលប៉ះពាល់ខ្លាំងបំផុតឱ្យចាត់វិធានការទទួលថ្នាំបង្ការជាបន្ទាន់។

កាលពិថ្ងៃទី ២៣ ​ខែធ្នូ ឆ្នាំ២០២២ មានសេចក្ដីរាយការណ៍ពីរ៉យទ័របានឱ្យដឹងថា ប្រទេសម៉ាឡាវី មានចំនួនករណី និងការស្លាប់ដោយសារតែជំងឺអាសន្នរោគសរុបបានកើនឡើងយ៉ាងខ្លាំងដល់ ១៣,៨៣៧ និងករណីស្លាប់ ៤១០ រៀងគ្នាចាប់តាំងពីករណីដំបូងត្រូវបានរាយការណ៍នៅក្នុងខែមីនា។

ជំងឺអាសន្នរោគដែលកំពុងឆ្លងរាលដាលនេះផងដែរ ត្រូវបានគេដឹងថាបានឆ្លងតាមរយៈទឹក និងអាហារដែលមានមេរោគ ហើយមន្ត្រីសុខាភិបាលប្រទេសម៉ាឡាវី កំពុងតែភ័យខ្លាចអំពីការផ្ទុះឡើងអាចកាន់តែអាក្រក់ទៅៗជាងនេះ ចាប់តាំងពីអ្នកជំងឺភាគច្រើនត្រូវបានកត់ត្រាទុក។

ទោះជាយ៉ាងណា អាជ្ញាធរក្នុងតំបន់បានអះអាងថាប្រជាជននៃ Mangochi  មជ្ឈមណ្ឌលទេសចរណ៍មាត់បឹងដ៏ធំបំផុតរបស់ប្រទេសម៉ាឡាវី និងទីក្រុង Blantyre ដែលជាតំបន់ពីរដែលរងគ្រោះខ្លាំងបំផុត បានទទួលការចាក់វ៉ាក់សាំងឱ្យបានឆាប់តាមដែលអាចធ្វើទៅបាន និងរក្សាអនាម័យយ៉ាងតឹងរ៉ឹងក្នុងពិធីបុណ្យផ្សេងៗ។

យ៉ាងណាមិញស្ថានភាពបច្ចុប្បន្នបាននឹងកំពុងជំរុញឱ្យប្រធានាធិបតីម៉ាឡាវីលោក Lazarus Chaquera ស្នើសុំឱ្យក្រុមការងារប្រធានាធិបតីឆ្លើយតបទៅនឹងជំងឺរាតត្បាត និងជួយសម្រួលដល់ការរីករាលដាលនៃជំងឺអាសន្នរោគនេះ មិនតែប៉ុណ្ណោះវាត្រូវបានគេចាត់ទុកថាជាភាពអាសន្នសុខភាពសាធារណៈក្នុងប្រទេសនេះផងដែរ៕ ប្រភព៖ Dailynews

ប្រទេសចិន បានចាក់សង់ដីលើតំបន់ដែលមិនមានការកាន់កាប់ជាច្រើនកន្លែងក្នុងសមុទ្រចិនខាងត្បូង ដែលជាផ្នែកមួយ នៃកិច្ចខិតខំប្រឹងប្រែងដ៏យូរអង្វែងរបស់ទីក្រុងប៉េកាំង ដើម្បីពង្រឹងការទាមទារទឹកដីនៅតំបន់ជម្លោះ និងពង្រឹងវត្តមាន យោធារបស់ខ្លួនក្នុងតំបន់ដែលមានសារៈសំខាន់ចំពោះពាណិជ្ជកម្មពិភពលោក។

កន្លងមក​ចិនបានសង់ថ្មប៉ប្រះទឹក កោះ និងទីទួលចាក់ដី ផ្សេងៗទៀតដែលចិនគ្រប់គ្រង ក៏ដូចជាសាងសង់កំពង់ផែ ផ្លូវយន្តហោះ និងហេដ្ឋារចនាសម្ព័ន្ធ ផ្សេងៗជាដើម។  ហើយបច្ចុប្បន្ននេះ ចិនកំពុងតែទន្ទ្រាន ធ្វើ សកម្មភាពដូចគ្នានេះលើតំបន់ថ្មី ដែលគ្មានការកាន់កាប់។

ការបែកធ្លាយនេះសកម្មភាពទាំងនេះ ត្រូវបានជនអនាមិក ធ្វើការហេក(Hack) ចូលផ្កាយរណបមួយ ហើយបានបង្ហាញយ់ាងច្បាស់ អំពីសកម្មភាពរបស់យោធាចិនកំពុងបញ្ចូននាវា ផ្ទុកអេស្កាវ៉ាទ័រ ប្រពន្ធធារាសាស្ត្រ ដើម្បីធ្វើការសាងសង់ ហេដ្ឋារចនាសម្ព័ន្ធ នៅតាមថ្មថ្មប៉ប្រះទឹក។

គួររំឭកថា ចិនបានទាមទារកម្មសិទ្ធិលើផ្ទៃទឹកជាង ៨០ ភាគរយ នៃសមុទ្រចិនខាងត្បូង ដោយផ្អែកលើផែនទីឆ្នាំ ១៩៤៧ ហើយ ធ្លាប់និយាយផងដែរថា ខ្លួនមានសិទ្ធិអធិបតេយ្យភាពក្នុងការ សាងសង់អ្វីៗលើទឹកដីរបស់ខ្លួន។

ភាពតានតឹងរវាងចិន និងអ្នកទាមទារផ្សេងទៀតនៅក្នុង សមុទ្រ ចិនខាងត្បូងដូចជាហ្វីលីពីន តៃវ៉ាន់ ម៉ាឡេស៊ី ឥណ្ឌូនេស៊ី វៀតណាម និងប្រ៊ុយណេ បានកើនឡើងជាច្រើនឆ្នាំមកហើយ ដោយសារតែទីក្រុងប៉េកាំងបានវិនិយោគបន្ថែមលើនាវាកងទ័ពជើងទឹក និងឆ្មាំឆ្នេរសមុទ្រ ដើម្បីអនុវត្តការទាមទាររបស់ខ្លួន ដែលរងការរិះគន់ពីសហគមន៍អន្តរជាតិ ជាពិសេសសហរដ្ឋ អាមេរិក៕

ប្រភព៖ Japan Times