ភ្នំពេញ៖ យោងតាមប្រភពព័ត៌មានផេក Amazing Cambodia បានបង្ហោះសារនៅមុននេះបន្តិចបានឱ្យដឹង «សាស្រ្តាចារ្យ នូ សណ្ដាប់ ឯកទេសល្ខោននិយាយ ជាតួម្ដាយក្នុងភាពយន្ត រឿង “ទឹកចិត្តម្តាយ” ដ៏ល្បីល្បាញទូទាំងប្រទេស (ថតកាលពីឆ្នាំ ២០០៣) បានទទួលមរណភាពហើយកាលពីវេលាម៉ោង១១ព្រឹក ថ្ងៃសុក្រ ១កើត ខែបុស្សឆ្នាំ ខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៣ ខែធ្នូ ឆ្នាំ២០២២ នេះ។
សូមវិញ្ញាណក្ខ័ន្ធអ្នកគ្រូទៅកាន់សុគតិភព និងសូមចូលរួមរំលែកទុក្ខដ៏ ក្រៀមក្រំ មួយនេះចំពោះគ្រួសារសពពីចម្ងាយ»។
គួរបញ្ជាក់ថាតារាសម្តែងជើងចាស់ នូ សណ្តាប់ ធ្លាប់បានចូលរួមសម្តែងរឿង ជាច្រើនហើយក្រៅពីនេះលោកស្រីក៏ជាសាស្រ្តាចារ្យឯកទេសល្ខោននិយាយដ៏មានសមត្ថភាពម្នាក់។ ការបាត់បង់លោកស្រីគឺជាការបាត់បង់ធនធានសិល្បៈ មួយ ដ៏សំខាន់។
រឿងដែលលេចធ្លោខ្លាំងបំផុតគឺលោកស្រីសម្តែងជាតួម្តាយនៅក្នុង រឿង «ទឹកចិត្តគ្រូបង្រៀន»។ការបាត់បង់តារាសម្តែងជើងចាស់រូបនេះក៏ទទួល បាន ការចូលរួមសោកស្តាយនឹងរំលែកទុក្ខពីសំណាក់មហាជន ក៏ដូចជាអ្នក សិល្បៈជាច្រើន៕
