មហាជនពិតជាមានការភ្ញាក់ផ្អើលយ៉ាងខ្លាំងអំពីការបែកធ្លាយប្រទេសថៃធ្លាប់ចា.ប់ខ្លួនលោក ចេន ហ្ស៊ី ស្ថាបនិកក្រុមហ៊ុន ព្រីនស៍ គ្រុប (Prince Group) កាលពី១១ឆ្នាំមុន ហើយដោះលែងវិញដោយគ្មានមូលហេតុ ។ ការបែកធ្លាយព័ត៌មាននេះ បន្ទាប់ពីទូរទស្សន៍ប៉ុស្តិ៍លេខ៣ថៃបានផ្សព្វផ្សាយកាលពីពេលថ្មីៗនេះពីការចា.ប់ខ្លួនលោក ចេន ហ្ស៊ី នៅប្រទេសថៃ រួចហើយបញ្ជូនមកកម្ពុជា ដែលជាល្បិ.ចរបស់ថៃបញ្ជូនមេឆបោ.កអនឡាញមកកម្ពុជាដើម្បីបំផ្លា.ញកេរ្តិ៍ឈ្មោះ ។

តាមការចុះផ្សាយរបស់ទូរទស្សន៍ប៉ុស្តិ៍លេខ៣ថៃ មុននឹងមកប្រទេសកម្ពុជា លោក ចេន ហ្ស៊ី (Chen Zhi) ត្រូវបានគេចា.ប់ជំរិតទារប្រាក់នៅប្រទេសថៃកាលពីឆ្នាំ២០១៤ ចំនួន១០០លានបាត (ឬជាង៣លានដុល្លារ) ដែលក្រោយមករកឃើញថា ជនល្មើ.សម្នាក់ដែលផ្សំគំនិតជំរិតទារប្រាក់ គឺជាសមត្ថកិច្ចថៃ ។ ពេលនោះ អាជ្ញាធរចិនក៏តាមចា.ប់ខ្លួនលោកនៅថៃផងដែរ ដោយសារពាក់ព័ន្ធនឹងបទល្មើសឆបោ.កប្រាក់ចំនួន២០០លានបាត (ឬជាង៦លានដុល្លារ) ជាមួយជ.នជាតិចិនមួយក្រុមនៅប្រទេសចិន ។

ទូរទស្សន៍ប៉ុស្តិ៍លេខ៣ថៃរាយការណ៍លម្អិតថា កាលពីថ្ងៃទី១១ ខែវិច្ឆិកា ឆ្នាំ២០១៤ លោក ចេន ហ្ស៊ី ត្រូវបានគេចាប់ខ្លួននៅមុខអគារបៃយុក ប្រទេសថៃ ក្នុងអំឡុងពេលលោកដើរចេញពីសណ្ឋាគារមួយកន្លែងទៅកាន់អគារបៃយុក ជាន់ទី២ ស្រាប់តែមានរថយន្តពណ៌ខ្មៅ១គ្រឿង និងម៉ូតូ១គ្រឿងទៀតបើកដេញតាម ។ ក្រោយមក ក៏មានហេតុការណ៍មួយទៀតកើតឡើង គឺលោកត្រូវបានមនុស្ស១ក្រុមផ្សេងទៀតចាប់បញ្ចូលក្នុងរថយន្ត ដោយពួកគេអះអាងថា មានដីកាចាប់ខ្លួនពីប្រទេសចិន ។

សមត្ថកិច្ចថៃអះអាងពេលនោះថា លោក ចេន ហ្ស៊ី ត្រូវបានគេចាប់ជំរិតទារប្រាក់ចំនួន១០០លានបាត (ឬជាង៣លានដុល្លារ) សមត្ថកិច្ចថៃបានតាមស្វែងរកលោកគ្រប់ទីកន្លែង ប៉ុន្តែរកមិនឃើញ ចុងក្រោយ លោកជូនដំណឹងទៅក្រុមគ្រួសារថា ត្រូវបានដោះលែងនៅកម្ពុជា ។ សមត្ថកិច្ចថៃមួយចំនួនពាក់ព័ន្ធនឹងការជំរិតទារប្រាក់ពីលោក ចេន ហ្ស៊ី នាពេលនោះ ហើយសមត្ថកិច្ចថៃម្នាក់ត្រូវបានចាប់ខ្លួននាពេលបន្ទាប់ពាក់ព័ន្ធនឹងការជំរិតប្រាក់ ។

កាលពីឆ្នាំ២០១៤ លោក ចេន ហ្ស៊ី ក៏ប្រឈមនឹងការដាក់ទោសពីអាជ្ញាធរចិនផងដែរ និងហាមធ្វើដំណើរចូលប្រទេសចិន ដោយសារពាក់ព័ន្ធនឹងបទល្មើសឆបោកប្រាក់ចំនួន២០០លានបាត (ឬជាង៦លានដុល្លារ) ជាមួយជនជាតិចិនមួយក្រុមនៅប្រទេសចិន ។ រហូតមកដល់ឆ្នាំ២០២៦ មានរយៈពេល១១ឆ្នាំហើយ ដែលលោកបាត់ខ្លួនពីប្រទេសថៃ និងមិនគួរឱ្យជឿថា លោកក្លាយជាមហាសេដ្ឋីនៅកម្ពុជា ។

គួរបញ្ជាក់ថា លោក ចេន ហ្ស៊ី អាយុ៣៩ឆ្នាំ ស្ថាបនិកក្រុមហ៊ុន ព្រីនស៍ គ្រុប (Prince Group) ត្រូវបានអាមេរិក និងអង់គ្លេស រឹបអូសទ្រព្យសម្បត្តិ និងចោទប្រកាន់ជាមេខ្លោងដ៏ធំក្នុងបទល្មើសចាប់បង្ខំមនុស្សឲ្យធ្វើការនៅក្នុងបណ្តាញឧក្រិដ្ឋកម្មឆបោកអនឡាញនៅកម្ពុជា បន្ទាប់ពីតុលាការអាមេរិកចោទប្រកាន់ពីបទឃុបឃិតបោកប្រាស់ជាប្រព័ន្ធ និងលាងលុយកខ្វក់ ។ លោក ចេន ហ្ស៊ី និងបក្ខពួកចំនួន២នាក់ទៀត ត្រូវបានរាជរដ្ឋាភិបាលកម្ពុជាចាប់ខ្លួនបញ្ជូនទៅប្រទេសចិនវិញកាលពីថ្ងៃទី៦ មករា ឆ្នាំ២០២៦ តាមសំណើរបស់អាជ្ញាធរចិន ។

ក្រសួងមហាផ្ទៃកម្ពុជាបានចេញសេចក្ដីប្រកាសព័ត៌មានកាលពីថ្ងៃទី៧ ខែមករា ថា លោក ចេន ហ្ស៊ី ស្ថាបនិកក្រុមហ៊ុន ព្រីនស៍ គ្រុប (Prince Group) រួមទាំងបក្ខពួក ២នាក់ទៀត ឈ្មោះ ស៊ូ ជី លាង (Xu Ji Liang) និងឈ្មោះ សៅ ជី ហួយ (Shao Ji Hui) ត្រូវបានចាប់ខ្លួនកាលពីថ្ងៃទី៦ ខែមករា បញ្ជូនទៅប្រទេសចិន ។

ការចាប់ខ្លួននេះធ្វើឡើងក្នុងក្របខ័ណ្ឌនៃកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន និងផ្អែកតាមសំណើរបស់អាជ្ញាធរមានសមត្ថកិច្ចរបស់ប្រទេសចិន និងបន្ទាប់ពីបានបើកការស្រាវជ្រាវអស់ជាច្រើនខែពាក់ព័ន្ធនឹងឧក្រិដ្ឋកម្មឆ្លងដែន ។ លោក ចេន ហ្ស៊ី ត្រូវបានព្រះមហាក្សត្រកម្ពុជាចេញព្រះរាជក្រឹត្យដកសញ្ជាតិខ្មែរ ដោយផ្អែកតាមច្បាប់សញ្ជាតិកម្ពុជា កាលពីខែធ្នូ ឆ្នាំ២០២៥ ។

លោក ចេន ហ្ស៊ី មានដើមកំណើតជាជនជាតិចិន ដែលគេស្គាល់ជាម្ចាស់សម្ព័ន្ធក្រុមហ៊ុន ព្រីនស៍ គ្រុប បានរកស៊ីផ្នែកអចលនទ្រព្យ ផ្សារទំនើប ធនាគារ និងវិស័យជាច្រើននៅកម្ពុជា តាំងពីឆ្នាំ២០១៥ ។ តុលាការឧក្រិដ្ឋកម្មចិនស៊ើបអង្កេតលោកពាក់ព័ន្ធនឹងឧក្រិដ្ឋកម្មអនឡាញ និងការលាងលុយកខ្វក់ ៕

ប្រទេសអង់គ្លេស ៖ តាំងពីដើមឆ្នាំ២០២៦ រដ្ឋាភិបាលអង់គ្លេសបានហាមឃាត់ការផ្សាយពាណិជ្ជកម្មអាហារកែច្នៃតាមទូរទស្សន៍មុនម៉ោង៩យប់ ដែលនេះជាវិធានការទប់ស្កាត់កុ.មារ និងយុវជនអង់គ្លេសមិនឱ្យមើលឃើញការផ្សាយពាណិជ្ជកម្មអាហារកែច្នៃ និងភេសជ្ជៈផ្អែមមិនល្អសម្រាប់សុខភាព ។ ក្រៅពីនេះ រដ្ឋាភិបាលអង់គ្លេសក៏បានហាមឃាត់ការផ្សាយពាណិជ្ជកម្មអាហារកែច្នៃតាមប្រព័ន្ធអនឡាញផ្សេងៗផងដែរ ប៉ុន្តែមិនរាប់បញ្ចូលការផ្សាយតាមវិទ្យុ និងការផ្សាយអាហារណាដែលមានតែសំឡេង គ្មានរូបភាព ។

ទិន្នន័យស្រាវជ្រាវរបស់សេវាសុខភាពជាតិអង់គ្លេស (NHS) បង្ហាញថា កុមារតូចៗនៅអង់គ្លេសម្នាក់ក្នុងចំណោម១០នាក់ កំពុងប្រឈមនឹងជំងឺធាត់ ហើយកុមារម្នាក់ក្នុងចំណោម៥នាក់ មានបញ្ហាពុកធ្មេញមុនអាយុ៥ឆ្នាំ ។ លើសពីនេះ ការផ្សាយពាណិជ្ជកម្មអាហារកែច្នៃដែលមិនល្អសម្រាប់សុខភាពកុមារ គឺជះឥទ្ធិពលដល់ទម្លាប់ការបរិភោគអាហាររបស់កុមារ ថែមទាំងធ្វើឱ្យពួកគេប្រឈមនឹងការឡើងទម្ងន់ ឬជំងឺធាត់នាថ្ងៃអនាគត ។

តាមការស្រាវជ្រាវរបស់មជ្ឈមណ្ឌលស្រាវជ្រាវជំងឺមហារីកអង់គ្លេស គឺកុមារ និងយុវជនអង់គ្លេសបានមើលឃើញការផ្សាយពាណិជ្ជកម្មអាហារកែច្នៃមិនល្អសម្រាប់សុខភាពក្នុងអ៊ីនធើរណេតជាញឹកញាប់ ជាពិសេស Influencer តែងតែផ្សាយពីអាហារកែច្នៃជាច្រើន ដែលកាន់តែធ្វើឱ្យកុមារចង់បរិភោគខ្លាំង ។ កុមារ និងយុវជន ស្មើ៣៩% ប្រាប់ថា ពួកគេចាប់អារម្មណ៍នឹងការផ្សាយអាហារកែច្នៃ ដោយចុច Like, Comment និង Share ដែលធ្វើឱ្យចំនួនតាមដានការផ្សាយអាហារកែច្នៃតាមរយៈ Influencer គឺច្រើនជាងប្រព័ន្ធផ្សព្វផ្សាយផ្សេងៗ ។

អាហារកែច្នៃដែលរដ្ឋាភិបាលអង់គ្លេសហាមឃាត់ការផ្សាយពាណិជ្ជកម្មតាមទូរទស្សន៍មុនម៉ោង៩យប់ រួមមាន ៖ ប័រហ្គ័ ភីសា នំកញ្ចប់ផ្អែម នំប៉័ងផ្អែម និងសានវិច ។ រដ្ឋមន្ត្រីក្រសួងសុខាភិបាលអង់គ្លេស អ្នកស្រី Ashley Dalton ថា ៖ «បម្រាមផ្សាយពាណិជ្ជកម្មអាហារកែច្នៃតាមទូរទស្សន៍មុនម៉ោង៩យប់ និងការហាមឃាត់ការផ្សាយពាណិជ្ជកម្មអាហារកែច្នៃតាមប្រព័ន្ធអនឡាញ នឹងជួយកាត់បន្ថយការបរិភោគអាហារកែច្នៃច្រើនប៉ះពាល់សុខភាព» ។

រដ្ឋាភិបាលអង់គ្លេសជឿជាក់ការហាមផ្សាយអាហារកែច្នៃនេះនឹងជួយការពារកុមារប្រមាណ ២ម៉ឺននាក់ កុំឱ្យកើតជំងឺធាត់ ហើយក្រុមហ៊ុននានាអាចផ្សាយអាហារជំនួយសុខភាពជំនួសវិញ ។ រដ្ឋាភិបាលអង់គ្លេសសង្ឃឹមថា ក្រុមហ៊ុននានានឹងងាកមកចាប់អារម្មណ៍អាហារល្អសម្រាប់សុខភាពច្រើនជាងមុន ដើម្បីកាត់បន្ថយផលប៉ះពាល់សុខភាពពលរដ្ឋ ។

ទោះជាការហាមឃាត់ទើបតែអនុវត្តនាដើមឆ្នាំ២០២៦ ប៉ុន្តែក្រុមហ៊ុនផ្សាយអាហារកែច្នៃអង់គ្លេសបានស្ម័គ្រចិត្តអនុវត្តតាំងពីខែតុលា ឆ្នាំ២០២៥ មកម៉្លេះ ដោយងាកមកផ្សាយតាមទូរទស្សន៍ពីអាហារមានខ្លាញ់តិច ស្ករតិច និងមិនសូវប្រៃ ដើម្បីកុំឱ្យប៉ះពាល់សុខភាពកុមារ និងយុវជន ខណៈការផ្សាយនំផ្អែមត្រូវបានជំនួសដោយអាហារបន្លែ និងផ្លែឈើ ។ ចាប់ពីឆ្នាំ២០២១ ដល់ឆ្នាំ២០២៤ រដ្ឋាភិបាលអង់គ្លេសធ្លាប់បានហាមឃាត់ការផ្សាយពាណិជ្ជកម្មតាមផ្ទាំងប៉ាណូពីអាហារកែច្នៃប៉ះពាល់សុខភាពនៅក្បែរសាលារៀន ឬមណ្ឌលសុខភាព ៕

អ៊ីស្តង់ប៊ុល៖ មេដឹកនាំកូរ៉េខាងជើង លោកគីម ជុងអ៊ុន បានសន្យាថាគាំទ្រ «ដោយគ្មានលក្ខខណ្ឌ» ចំពោះគោលនយោបាយរបស់ប្រធានាធិបតីរុស្ស៊ី លោក វ្ល៉ាឌីមៀរ ពូទីន នេះបើយោងតាមការចុះផ្សាយរបស់ប្រព័ន្ធផ្សព្វផ្សាយរដ្ឋរបស់ទីក្រុងព្យុងយ៉ាងនៅពីថ្ងៃសុក្រ ទី៩ មករា។

តាមរយៈសេចក្ដីរាយការណ៍ខាងលើ លោកគីម ជុងអ៊ុន បានប្រាប់លោកពូទីននៅក្នុងលិខិតមួយថា «ខ្ញុំនឹងគោរព និងគាំទ្រដោយគ្មានលក្ខខណ្ឌចំពោះគោលនយោបាយ និងការសម្រេចចិត្តទាំងអស់របស់អ្នក ហើយខ្ញុំមានឆន្ទៈនៅជាមួយអ្នកជានិច្ច ដើម្បីជាប្រយោជន៍ដល់អ្នក និងប្រទេសរុស្ស៊ីរបស់អ្នក។ ជម្រើសនេះនឹងស្ថិតស្ថេរ និងអចិន្ត្រៃយ៍»។

នៅក្នុងលិខិតនោះ លោកគីម បានបន្តទៀតថា «ខ្ញុំទទួលបានអារម្មណ៍ម្តងទៀតនូវទំនាក់ទំនងមិត្តភាពពិតប្រាកដរវាងយើង និងការប្រើប្រាស់ឱកាសនេះ ខ្ញុំចង់សង្កត់ធ្ងន់ថា ខ្ញុំចាត់ទុកទំនាក់ទំនងមិត្តភាពជាមួយអ្នកថាជាទំនាក់ទំនងដ៏មានតម្លៃ និងជាមោទនភាពបំផុត» នេះបើតាមអ្វីដែលមេដឹកនាំកូរ៉េខាងជើងបានសរសេរដោយផ្ទាល់។

គួរបញ្ជាក់ថា ទំនាក់ទំនងរបស់កូរ៉េខាងជើងជាមួយរុស្ស៊ីកាន់តែមានភាពស្អិតរមួតជាមួយគ្នានៅក្នុងរយៈពេលប៉ុន្មានឆ្នាំថ្មីៗនេះ ជាពិសេសចាប់តាំងពីពេលដែលទីក្រុងព្យុងយ៉ាងបានដាក់ពង្រាយកងទ័ពរបស់ខ្លួន នៅក្នុងសង្គ្រាមរវាងរុស្ស៊ី-អ៊ុយក្រែន។

កាលពីខែសីហា កូរ៉េខាងជើងបានបញ្ជូនវិស្វករយោធាប្រហែល 1,000 នាក់ទៅកាន់ទីក្រុង Kursk ភាគខាងលិចនៃប្រទេសរុស្ស៊ី ដើម្បីជួយកងកម្លាំងរុស្ស៊ីក្នុងការសម្អាតមីនដែលគេដាក់ក្នុងអំឡុងពេលប្រយុទ្ធជាមួយកងទ័ពអ៊ុយក្រែន។

យោងតាមទីភ្នាក់ងារចារកម្មកូរ៉េខាងត្បូង ការដាក់ពង្រាយនេះបានកើតឡើងបន្ទាប់ពីការបញ្ជូនកងទ័ពប្រយុទ្ធប្រមាណ 15,000 នាក់ដើម្បីគាំទ្រដល់កិច្ចខិតខំប្រឹងប្រែងសង្គ្រាមរបស់រុស្ស៊ី ដែលមានរបាយការណ៍មួយចំនួនបានអះអាងថា ទីក្រុងព្យុងយ៉ាងបានបាត់បង់កងទ័ពចំនួន 2,000 នាក់នៅក្នុងសង្គ្រាមនោះ។ មិនតែប៉ុណ្ណោះកាលពីឆ្នាំ២០២៤ កូរ៉េខាងជើង និងរុស្ស៊ីបានចុះហត្ថលេខាលើភាពជាដៃគូយុទ្ធសាស្ត្រដ៏ទូលំទូលាយ ដោយសន្យាគាំទ្រយោធាទៅវិញទៅមក ប្រសិនបើប្រទេសណាមួយត្រូវបានវាយប្រហារដោយភាគីទីបី៕

របាយការណ៍ស៊ើបអង្កេតរបស់ព្រះរាជអាជ្ញានៅសហរដ្ឋអាមេរិកបានបង្ហាញថា លោក ចេនហ្ស៊ី ស្ថាបនិក ព្រីនស៍ គ្រុប អាចរកចំណូលបានជាង ៣០លានដុល្លារ ឬលើសនេះនៅក្នុងមួយថ្ងៃតាមរយៈអាជីវកម្មខុសច្បាប់ដែលមាននៅក្នុងដៃ។ នេះបើតាមការចុះផ្សាយរបស់គេហទំព័រ Fox Business ។

ក្រោយត្រូវបានចាប់ខ្លួននិងបញ្ជូនត្រឡប់ទៅប្រទេសចិន ការស៊ើបអង្កេតទាក់ទងនឹងក្រុមហ៊ុន ព្រីនស៍គ្រុប ត្រូវបានគេលាតត្រដាងថា ទទួលបានចំណូលយ៉ាងច្រើនសន្ធឹកសន្ធាប់ក្នុងពេលដ៏ខ្លី។ តាមការបញ្ជាក់ ប្រាក់ចំណូលរបស់ក្រុមហ៊ុននេះ អាចឈានដល់ខ្ទង់ ៣០លានដុល្លារនៅក្នុងមួយថ្ងៃ ដែលបានមកពីការចូលរួមក្នុងប្រតិបត្តិការលាងលុយកខ្វក់ ការបោ.កប្រាស់តាមប្រព័ន្ធបច្ចេកវិទ្យា និងការក្លែងបន្លំផ្សេងៗ។

អ្នកជំនាញខាងឧក្រិដ្ឋកម្មឆ្លងដែនបានហៅលោក ចេនហ្ស៊ី ថាជាប្រតិបត្តិករបោកប្រាស់តាមអ៊ីនធឺណិតដ៏ធំបំផុតម្នាក់ និងមានរបាយការណ៍មួយចំនួនបានលើកឡើងថា ក្រុមហ៊ុន ព្រីនស៍គ្រុប របស់គាត់ ក៏មានជាប់ពាក់ព័ន្ធនឹងបទល្មើសក្លែងបន្លំតាមប្រព័ន្ធអិនធើណេតដ៏ធំសម្បើម និងបានទាក់ទាញជនរងគ្រោះមកពីតាមបណ្ដារប្រទេសជាច្រើន។

តែទោះជាយ៉ាងណាក៏ដោយ លោក ចេនហ្ស៊ី និងក្រុមហ៊ុន ព្រីនស៍គ្រុប បានបដិសេធចំពោះការចោ.ទប្រកាន់នេះ ដោយអះអាងថាអាជីវកម្មរបស់ខ្លួនមិនមានជាប់ពាក់ព័ន្ធនឹងបទល្មើសខុសច្បាប់ណាមួយឡើយ។

គួរជម្រាបថា គិតមកត្រឹមថ្ងៃសុក្រ ទី៩ ខែមករា ឆ្នាំ២០២៦នេះ លោកចេនហ្ស៊ី ត្រូវបានចាប់បញ្ជូនត្រឡប់ទៅដល់ប្រទេសចិនវិញហើយ បន្ទាប់ពីប្រតិបត្តិការតាមស្វែងរករបស់អាជ្ញាធរកម្ពុជានិងចិន។ ជំហានបន្ទាប់ ផ្នែកស៊ើបអង្កេតព្រហ្មទណ្ឌរបស់ក្រសួងសន្តិសុខសាធារណៈចិននឹងត្រូវបើកការស៊ើបង្កេតបន្ថែម។

រដ្ឋាភិបាលចិន បានចាត់ទុកការចាប់ខ្លួនលោក ចេន ហ្សី មេឧក្រិដ្ឋកម្ម Online Scam ពីប្រទេសកម្ពុជាបញ្ជូនទៅកាន់ប្រទេសចិនវិញនេះថា គឺជាសមិទ្ធផលដ៏ធំធេងនៃកិច្ចសហប្រតិបត្តិការអនុវត្តច្បាប់កម្ពុជា–ចិន៕

រុស្ស៊ីបានផ្ដល់ការព្រ.មានដ៏គួរឱ្យភ័យខ្លាចមួយពាក់ព័ន្ធសង្គ្រាមលោកលើកទី 3 បន្ទាប់ពីកងកម្លាំងអាមេរិកបានរឹបអូសនាវាដឹកប្រេង Marinera របស់ខ្លួនកាលពីម្សិលមិញ ដោយគំរា.មទៅកាន់ចក្រភពអង់គ្លេស និងសហរដ្ឋអាមេរិក កុំឲ្យចង់មកសាកជាមួយរុស្ស៊ី។

យោងតាមសារព័ត៌មាន Daily Express និង The Mirror នៅថ្ងៃទី8 ខែមករា ឆ្នាំ2026 បានឲ្យដឹងថា យន្តហោះស៊ើបការណ៍របស់កងកាំភ្លើងធំ និងនាវាផ្គត់ផ្គង់កងទ័ពជើងទឹករបស់ចក្រភពអង់គ្លេស បានជួយប្រតិបត្តិការដើម្បីរឹបអូសនាវា Marinera នៅអាត្លង់ទិកកាលពីថ្ងៃពុធ បន្ទាប់ពីមានការស្នើសុំពីសហរដ្ឋអាមេរិក។

ជុំវិញសកម្មភាពខាងលើនេះ សមាជិកសភារុស្ស៊ី លោក Alexei Zhuravlev បានប្រាប់ទៅកាន់លោក Vladimir Putin ឲ្យ “បំផ្លោងមីស៊ីលក្រោមទឹក torpedoes” ទៅវាយប្រហារនាវារបស់អង់គ្លេស និងពន្លិចនាវាឆ្មាំឆ្នេរសមុទ្រអាមេរិកមួយចំនួន ដោយបញ្ជាក់ទាំងខឹ.ងសម្បា.រថា សកម្មភាពរឹបអូសនាវារុស្ស៊ីដោយកងកម្លាំងប្រដាប់អាវុធនៃកងទ័ពជើងទឹកអាមេរិក មិនខុសអ្វីពីចោ.រសមុទ្រនោះទេ។

លោក Zhuravlev បានបន្តថា “តាមពិតទៅ វាដូចគ្នានឹងការឈ្លានពានលើទឹកដីរុស្ស៊ីដែរ ដោយសារនាវាដឹកប្រេងកំពុងធ្វើដំណើរក្រោមទង់ជាតិរបស់យើង។ គ្មានអ្វីត្រូវសង្ស័យទេ ដែលការឆ្លើយតបត្រូវតែរឹងមាំ និងរហ័ស ព្រោះគោលលទ្ធិយោធារបស់យើងក្នុងករណីបែបនេះ គឺស័ក្តិសមនឹងការប្រើប្រាស់អាវុធនុយក្លេអ៊ែរហើយ”។

មន្រ្តីការពារជាតិនៃសភារុស្ស៊ីរូបនេះបានបន្ថែមទៀតថា “ខ្ញុំគិតថា ភាពរីករាយបន្ទាប់ពីប្រតិបត្តិការពិសេសនៅវេណេស៊ុយអេឡា និងភាពអំនួតក្អេងក្អាងដែលសហរដ្ឋអាមេរិកកំពុងមាននៅពេលនេះ អាចនឹងត្រូវបានបញ្ចប់នាពេលបន្តិចទៀត ដោយការទះកំផ្លៀងពីសំណាក់រុស្ស៊ី”៕

ការចា.ប់ខ្លួនប្រធានាធិបតីវេណេស៊ុយអេឡា និងភរិយា មិនមែនជាគំរូសម្រាប់ឱ្យចិនអនុវត្តតាមទេ បញ្ហារវាងតៃវ៉ាន់ងចិន គឺស្រេចតែលើការសម្រេចចិត្តរបស់ប្រធានាធិបតីចិន លោក Xi Jinping ហើយវាខុសគ្នាស្រឡះពីបញ្ហារវាងអាមេរិកនិងវេណេស៊ុយអេឡា ។ អាមេរិកវាយប្រ.ហារវេណេស៊ុយអេឡា និងចា.ប់ខ្លួនលោកប្រធានាធិបតី Nicolas Maduro និងភរិយានាពេលថ្មីៗនេះ ដោយសារវេណេស៊ុយអេឡាគំរា.មកំហែងអាមេរិកដោយផ្ទាល់ រីឯតៃវ៉ាន់មិនបានគំរា.មកំហែងចិនទេ ។ នេះបើតាមការលើកឡើងរបស់ប្រធានាធិបតីអាមេរិកកាលពីថ្ងៃទី៨ ខែមករា ឆ្នាំ២០២៦ ។

លោកប្រធានាធិបតី Donald Trump បានផ្តល់សម្ភាសន៍ជាមួយសារព័ត៌មានអាមេរិក The New York Times កាលពីថ្ងៃទី៨ ខែមករា ថា រដ្ឋាភិបាលរបស់អតីតប្រធានាធិបតីវេណេស៊ុយអេឡា លោក Nicolas Maduro បានបណ្តោយឱ្យមានការនាំថ្នាំញៀនចូលទឹកដីអាមេរិក និងបណ្តោយឱ្យឧក្រិដ្ឋជនចេញពីពន្ធនាគារឆ្លងដែនទៅប្រទេសផ្សេងៗរួមទាំងអាមេរិក ដែលគំរាមកំហែងអាមេរិកយ៉ាងខ្លាំង ប៉ុន្តែតៃវ៉ាន់មិនបានធ្វើបែបនេះដាក់ចិន ។ ដូច្នេះ ការដែលលោកបញ្ជាឱ្យកងកម្លាំងពិសេសអាមេរិកចាប់ខ្លួនប្រធានាធិបតីវេណេស៊ុយអេឡា និងភរិយា បញ្ជូនមកអាមេរិកកាលពីថ្ងៃទី៣ ខែមករា មិនមែនជាគំរូសម្រាប់ឱ្យចិនធ្វើដាក់តៃវ៉ាន់ទេ ។

លោកប្រធានាធិបតី Trump ចាត់ទុកបញ្ហាតៃវ៉ាន់ស្រេចតែលើការសម្រេចចិត្តរបស់ប្រធានាធិបតីចិន លោក Xi ប៉ុន្តែលោកធ្លាប់ប្រាប់លោក Xi ថា អាមេរិកមិនចង់ឃើញចិនគំរាមកំហែងតៃវ៉ាន់ ។ លោកជឿថា លោក Xi នឹងមិនគំរាមកំហែង ឬបញ្ជាឱ្យកងទ័ពចិនវាយប្រហារតៃវ៉ាន់ទេ ក្នុងអាណត្តិលោកកាន់តំណែងជាប្រធានាធិបតីអាមេរិក ។

ការលើកឡើងពីបញ្ហាតៃវ៉ាន់របស់ប្រធានាធិបតីអាមេរិក គឺបន្ទាប់ពីប្រទេសនានាមានចម្ងល់ថា បន្ទាប់ប្រធានាធិបតីអាមេរិកបញ្ជាឱ្យកងកម្លាំងពិសេសអាមេរិកចាប់ខ្លួនប្រធានាធិបតីវេណេស៊ុយអេឡា និងភរិយាបញ្ជូនទៅពន្ធនាគារនៅទីក្រុងញូវយ៉ក តើប្រធានាធិបតីចិននឹងបញ្ជាឱ្យកងទ័ពទៅវាយប្រហារតៃវ៉ាន់ដែរឬទេ ។

ចំណែករដ្ឋមន្ត្រីក្រសួងការពារជាតិតៃវ៉ាន់ លោក Hsu Szu-chien និយាយកាលពីថ្ងៃទី៥ ខែមករា ថា កងទ័ពតៃវ៉ាន់បានរៀបចំផែនការ និងហ្វឹកហាត់រួចស្រេចដើម្បីត្រៀមទប់ទល់ស្ថានការណ៍អាសន្ន ក៏ដូចជាការពារកោះតៃវ៉ាន់ បន្ទាប់ពីកងទ័ពចិនធ្វើសមយុទ្ធទ្រង់ទ្រាយធំរយៈពេល២ថ្ងៃឡោមព័ទ្ធកោះតៃវ៉ាន់ ។

កងទ័ពចិនធ្វើសមយុទ្ធដោយការបាញ់គ្រាប់ពិតជុំវិញកោះតៃវ៉ាន់ ក្រោយពីរដ្ឋាភិបាលអាមេរិកអនុម័តការលក់អាវុធថ្មីយ៉ាងច្រើនឱ្យតៃវ៉ាន់ ស្មើទឹកប្រាក់ប្រមាណ ១ម៉ឺន ១ពាន់លានដុល្លារ ។ រដ្ឋាភិបាលចិនបានថ្កោលទោសរដ្ឋាភិបាលអាមេរិកល្មើសអធិបតេយ្យចិនយ៉ាងខ្លាំង និងជាសញ្ញាគ្រោះថ្នាក់សម្រាប់ចិន ដែលអាមេរិកគាំទ្រការទាមទារឯករាជ្យរបស់តៃវ៉ាន់ ពីព្រោះចិនចាត់ទុកតៃវ៉ាន់ជាទឹកដីរបស់ខ្លួន ។

គួរបញ្ជាក់ថា អាមេរិកចាប់ខ្លួនប្រធានាធិបតីវេណេស៊ុយអេឡានិងភរិយា បានធ្វើឱ្យសហគមន៍អន្តរជាតិភ្ញាក់ផ្អើលយ៉ាងខ្លាំងពីការផ្លាស់ប្តូរសណ្តាប់ធ្នាប់ពិភពលោក និងជាប្រវត្តិសាស្ត្រដ៏សំខាន់ ។ ទន្ទឹមនឹងនេះ ក៏មានការបារម្ភផងដែរខ្លាចមេដឹកនាំចិនយកគំរូតាមអាមេរិក ហើយវាយប្រហារតៃវ៉ាន់ដោយការប្រើប្រាស់កម្លាំងទ័ព ពីព្រោះចិនទើបតែធ្វើសមយុទ្ធទ្រង់ទ្រាយធំឡោមព័ទ្ធតៃវ៉ាន់ ។

រុស្ស៊ី ចិន អ៊ីរ៉ង់ និងប្រទេសនៅអាមេរិកឡាទីន បានបង្ហាញក្តីបារម្ភ និងរិះគន់អាមេរិក ដែលអនុវត្តគោលនយោបាយវាយប្រហារវេណេស៊ុយអេឡា ថាអាមេរិកជ្រៀតជ្រែកកិច្ចការផ្ទៃក្នុងរបស់ប្រទេសមួយដែលមានអធិបតេយ្យ និងរំលោភច្បាប់អន្តរជាតិ ។ ប្រទេសទាំងនេះអំពាវនាវឱ្យរដ្ឋាភិបាលក្រុងវ៉ាស៊ីនតោនដោះស្រាយបញ្ហាតាមរយៈការទូត និងគោរពអធិបតេយ្យរបស់ប្រទេសទាំងអស់ ៕