ប្រទេសចិន ៖ ចិននឹងបើកប្រទេសទទួលភ្ញៀវទេសចរអន្តរជាតិឡើងវិញជាលើកដំបូងក្នុងរយៈពេល៣ឆ្នាំ ចាប់តាំងពីជំងឺកូវីដ-១៩ បានឆ្លងរាតត្បាតក្នុងប្រទេសនេះ និងចាប់ផ្តើមផ្តល់ទិដ្ឋាការគ្រប់ប្រភេទដល់ជនបរទេស គិតចាប់ពីថ្ងៃ១៥ ខែមីនា ឆ្នាំ២០២៣ តទៅ ។

ក្រសួងការបរទេសចិនបានប្រកាសកាលពីថ្ងៃទី១៤ ខែមីនាថា តំបន់ជាច្រើននៅប្រទេសចិនដែលមិនចាំបាច់ប្រើប្រាស់ទិដ្ឋាការមុនជំងឺកូវីដរាតត្បាតនោះ នឹងត្រឡប់មកអនុវត្តដូចដើមវិញ គឺភ្ញៀវទេសចរអន្តរជាតិអាចធ្វើដំណើរមកកាន់ចិនដោយមិនបាច់ប្រើទិដ្ឋាការ រួមទាំងកោះទេសចរណ៍ស្ថិតនៅភាគខាងត្បូង ក៏ដូចជាភ្ញៀវទេសចរតាមកប៉ាល់ឆ្លងកាត់កំពង់ផែក្រុងសៀងហៃ ភ្ញៀវទេសចរមកពីតំបន់គ្រប់គ្រងពិសេសហុងកុង និងម៉ាកាវ ព្រមទាំងភ្ញៀវទេសចរពីក្រុមប្រទេសអាស៊ានផងដែរ ។

ក្រៅពីនេះ ចិននឹងអនុញ្ញាតឱ្យជនបរទេសមកពីតំបន់គ្រប់គ្រងពិសេសហុងកុង និងម៉ាកាវ អាចធ្វើដំណើរមកកាន់ខេត្តក្វាងទុង ដោយមិនប្រើប្រាស់ទិដ្ឋាការ ចំណែកអ្នកកាន់ទិដ្ឋាការដែលចិនបានផ្តល់ឱ្យនៅមុនថ្ងៃទី២៨ ខែមីនា ឆ្នាំ២០២០ កន្លងមក ហើយមិនទាន់ផុតសុពលភាព ពួកគេអាចប្រើប្រាស់ទិដ្ឋាការនេះធ្វើដំណើរមកចិនបានដូចគ្នា ។

តាមព័ត៌មានពីអង្គការទេសចរណ៍ពិភពលោករបស់អង្គការសហប្រជាជាតិបញ្ជាក់ថា នៅឆ្នាំ២០១៩ មុនពេលមានជំងឺកូវីដរាតត្បាត មានភ្ញៀវទេសចរបរទេសធ្វើដំណើរមកប្រទេសចិនចំនួន៦៥,៧លាននាក់ ។

ការផ្លាស់ប្តូរគោលនយោបាយទិដ្ឋាការនេះកើតឡើងក្រោយពីចិនបានបន្ធូរបន្ថយវិធានការរឹតបន្តឹងជំងឺកូវីដតាំងពីដើមខែធ្នូ ឆ្នាំ២០២២ ដោយលុបចោលវិធានការកូវីដស្មើសូន្យ លុបចោលការឃុំខ្លួនអ្នកដំណើរបរទេស បើកព្រំដែនជាមួយហុងកុង និងម៉ាកាវ ហើយអនុញ្ញាតឱ្យមានដំណើរកម្សាន្តក្នុងប្រទេស និងក្រៅប្រទេស ។

គួរបញ្ជាក់ថា កាលពីដើមខែធ្នូ ឆ្នាំ២០២២ កន្លងមក រដ្ឋាភិបាលចិនបានលុបចោលគោលនយោបាយរឹតបន្តឹងជំងឺកូវីដភ្លាមៗ ក្រោយពីពលរដ្ឋចិននៅតាមទីក្រុងជាច្រើនបាននាំគ្នាធ្វើបាតុកម្មដើម្បីឱ្យចិនបើកប្រទេសឡើងវិញ ៕ ប្រភព ៖ TNN World

រាជធានីឡុងដ៍៖ ក្រោយពេលរដ្ឋាភិបាលក្រុងឡុងដ៍ បានចូលរួម នៅក្នុងកិច្ចព្រមព្រៀងកតិកាសញ្ញាសន្ដិសុខត្រីភាគី ជាមួយសហរដ្ឋអាមេរិក និង អូស្ដ្រាលី ដែលគេស្គាល់ថា AUKUS សម្រាប់ធានាដល់សេរីភាព និង លំហ នៅក្នុងតំបន់ឥណ្ឌូ-ប៉ាស៊ីហ្វិករួចមក ចក្រភពអង់គ្លេស បានបង្កើននូវការចំណាយបន្ថែមទៀត លើសន្ដិសុខ កាន់តែច្រើនឡើង ដោយសារតែប្រទេសមហាអំណាចមួយនេះ បានដាក់ចេញនូវគោលនយោបាយការបរទេស ប្រឆាំងនឹងការគំរាមកំហែងណាមួយ លេចចេញពីចិន និង រុស្ស៊ី។

សារព័ត៌មាន News 24 បានចេញផ្សាយ កាលពីព្រឹក ថ្ងៃពុធ ទី១៥ ខែមីនា ឆ្នាំ២០២៣ ថា ចក្រភពអង់គ្លេស កាលពីថ្ងៃចន្ទ ដើមសប្ដាហ៍នេះ បានរៀបរាប់លម្អិត អំពីផែនការ ជំរុញលើការចំណាយបន្ថែម លើវិស័យការពារជាតិ និង សន្តិសុខ ដើម្បីប្រឈមមុខនឹងបញ្ហាគំរាមកំហែង បង្កឡើង ដោយប្រទេសចិន ខណៈក្រុងឡុងដ៍ កំពុងតែប្រឆាំងនឹងក្រុងមូស្គូ ហើយចាត់ទុករុស្ស៊ី ជាការគំរាមកំហែងភ្លាមៗ ដល់តំបន់អឺរ៉ុបទាំងមូល។ ទន្ទឹមគ្នានេះដែរ រដ្ឋាភិបាលក្រុងឡុងដ៍ ក៏បានធ្វើបច្ចុប្បន្នភាពលើគោលនយោបាយការបរទេស និង ការពារជាតិ ជាយុទ្ធសាស្ត្ររបស់ខ្លួនផងដែរ។

បើតាមរបាយការណ៍របស់រដ្ឋាភិបាលចក្រភពអង់គ្លស បានឲ្យដឹង ថា«ការគំរាមកំហែង បង្កឡើងដោយរុស្ស៊ី សម្រាប់សន្តិសុខនៅតំបន់អឺរ៉ុប ជាអាទិភាពបន្ទាន់បំផុត និង ជាអាទិភាពរយៈពេលខ្លី ទៅមធ្យម។ បើទោះជាយ៉ាងណាក៏ដោយ របាយការណ៍របស់ចក្រភពអង់គ្លេស ដែលមានកម្រាស់៦៣ទំព័រនោះ ត្រូវបានចងក្រង អស់រយៈពេលជាច្រើនខែមកហើយ និង មានការចូលរួមពាក់ព័ន្ធ មកពីស្ថាប័នជំនាញរបស់រដ្ឋាភិបាលផ្សេងៗ ក៏បានកំណត់ ថា ចិន ជាបញ្ហាប្រឈមមុខជាប្រព័ន្ធ ជាមួយនឹងផលប៉ះពាល់ ស្ទើរតែគ្រប់វិស័យ សម្រាប់គោលនយោបាយរបស់រដ្ឋាភិបាល»។

របាយការណ៍ដដែលនោះ បានបង្ហាញ អំពីតម្រូវការចាំបាច់ សម្រាប់ចក្រភពអង់គ្លេស នៅក្នុងការពង្រឹងសម្ពន្ធមិត្តរបស់ខ្លួន និង កសាងទំនាក់ទំនងឲ្យកាន់តែស៊ីជម្រៅ ជាមួយដៃគូ ដែលមានគំនិតដូចគ្នា នៅក្នុងតំបន់ឥណ្ឌូប៉ាស៊ីហ្វិក ដើម្បីទប់ទល់នឹងបញ្ហាប្រឈមមុខ បង្កឡើងដោយប្រទេសចិន។ របាយការណ៍របស់រដ្ឋាភិបាលក្រុងឡុដ៍ ក៏បានសង្កត់ធ្ងន់ផងដែរ អំពីសារៈសំខាន់ សម្រាប់ការលើកកម្ពស់សង្គមជាចំហ និង ធន់ ការប្រឆាំងនឹងការគំរាមកំហែង តាមបណ្ដាញអ៊ិនធើរណេត និង ការវិនិយោគលើបច្ចេកវិទ្យាទំនើប។

ដោយឡែក ការប្តេជ្ញាចិត្តរបស់ចក្រភពអង់គ្លេស ចំពោះអង្គការណាតូ (NATO) ក៏បានបញ្ជាក់ជាថ្មី នៅក្នុងរបាយការណ៍ដដែលនោះដែរ ដោយសង្កត់ធ្ងន់ លើតម្រូវការសម្រាប់សម្ពន្ធមិត្ត នៅក្នុងការសម្របខ្លួន ទៅនឹងការផ្លាស់ប្តូរទិដ្ឋភាពសន្តិសុខ ហើយធ្វើការរួមគ្នា ទប់ស្កាត់ និងការពារប្រឆាំងនឹងការគំរាមកំហែងនានា ដែលនឹងអាចកើតឡើង។

លោក ជេមស៍ ក្លេវ័រលី (James Cleverly) រដ្ឋមន្រ្ដី ក្រសួងការបរទេស ចក្រភពអង់គ្លេស បានបញ្ជាក់ នៅក្នុងធ្វើបច្ចុប្បន្នភាពត្រួតពិនិត្យ ថ្លែងទៅកាន់សភា ថា «យើងមិនអាចងងឹតងងុល លើឥរិយាបថយោធា និង សេដ្ឋកិច្ចកាន់តែគឃ្លើនរបស់បក្សកុម្មុយនិស្តចិន នោះឡើយ។ បច្ចុប្បន្ន ក្រុងប៉េកាំង កំពុងតែបង្កភាពតានតឹង ជាមួយតៃវ៉ាន់ ដែលជាកោះគ្រប់គ្រងដោយខ្លួនឯង។ ចិន តែងតែចាត់ទុកដែនកោះមួយនេះ ជាទឹកដីរបស់ខ្លួន ហើយព្យាយាមបង្កើនកម្លាំងសព្វាវុធ និង យោធា សម្រាប់គំរាមកំហែង ដល់ដែនកោះមួយនេះ»។

ចក្រភពអង់គ្លេស នឹងមានផែនការចំណាយបន្ថែម លើវិស័យការពារជាតិផ្សេងទៀត ចំនួន៥ពាន់លានផោន (លុយអង់គ្លេស) ឬ ប្រហែល៦ពាន់លានដុល្លារ នៅក្នុងរយៈពេល២ឆ្នាំខាងមុខនេះ។ ផែនការនេះ នឹងផ្ដោតទៅលើលើភាពធន់នឹងនុយក្លេអ៊ែ និង ការបំពេញបន្ថែមនូវគ្រាប់រំសេវ នៅក្នុងឃ្លាំង ដែលបាត់បង់។

បើតាមគេហទំព័រ Macrotrends (ម៉ាក្រូត្រែនដ៍) បានផ្សាយ ថា ចក្រភពអង់គ្លេស បានចំណាយលើវិស័យការពារជាតិ នៅក្នុងឆ្នាំ២០២១ មានទំហំទឹកប្រាក់ ៦៨,៣៧ពាន់លានដុល្លារ។ ចក្រភពអង់គ្លេស ក៏ជាមហាអំណាចយោធាលំដាប់លេខ៥ នៅលើពិភពលោក បន្ទាប់ពី សហរដ្ឋអាមេរិក រុស្ស៊ី ចិន និង ឥណ្ឌា៕

ប្រទេសកូរ៉េខាងត្បូង ៖ អភិបាលក្រុងសេអ៊ូល លោក Oh Se-HunOh Se-Hun បានថ្លែងទៅកាន់សារព័ត៌មានរ៉យទ័រថា លោកគាំទ្រឱ្យប្រទេសកូរ៉េខាងត្បូងអភិវឌ្ឍន៍អាវុធនុយក្លេអ៊ែរដោយខ្លួនឯង ដើម្បីអាចទប់ទល់នឹងការគំរាមកំហែងពីប្រទេសកូរ៉េខាងជើង ។

ក្រៅពីនេះ លោក Oh Se-Hun បានបញ្ជាក់ថា គម្រោងអភិវឌ្ឍន៍អាវុធនុយក្លេអ៊ែររបស់កូរ៉េខាងត្បូង នឹងជាការផ្ញើសារទៅកាន់ប្រទេសផ្សេងៗដូចជា ចិន ឱ្យមើលឃើញពីភាពសំខាន់នៃការគ្រប់គ្រងអាវុធ ។ លោកថ្លែងថា ៖ «យើងបានដើរមកដល់ចំណុចដែលពិបាកក្នុងការបញ្ចុះបញ្ចូលមនុស្សពីហេតុផលនេះថា តើយើងគួរតែអភិវឌ្ឍន៍អាវុធនុយក្លេអ៊ែររបស់ខ្លួនឬអត់» ។

ការលើកឡើងរបស់លោក Oh Se-Hun នាពេលនេះ ធ្វើឱ្យមានការជជែកគ្នានៅក្នុងសង្គមកូរ៉េខាងត្បូងម្តងទៀតថា តើកូរ៉េខាងត្បូងគួរតែមានអាវុធនុយក្លេអ៊ែរផ្ទាល់ខ្លួនឬអត់ ខណៈកូរ៉េខាងជើងកំពុងតែអភិវឌ្ឍន៍សក្តានុពលរបស់ខ្លួនកាន់តែខ្លាំងក្លា ដើម្បីប្រើប្រាស់អាវុធនុយក្លេអ៊ែរវាយលុកមកលើកូរ៉េខាងត្បូង ។

តាមការស្ទង់មតិការយល់ឃើញពីពលរដ្ឋកូរ៉េខាងត្បូងកាលពីថ្ងៃទី១ ខែមីនា កន្លងមក បង្ហាញថា មានពលរដ្ឋជាង៧០% បានគាំទ្រឱ្យប្រទេសកូរ៉េខាងត្បូងអភិវឌ្ឍន៍អាវុធនុយក្លេអ៊ែរដោយខ្លួនឯង ខណៈ២៧% ទៀតមិនយល់ស្របនឹងគំនិតនេះទេ ។ ក្រៅពីនេះ មានពលរដ្ឋកូរ៉េខាងត្បូង៥៩% ជឿជាក់ថា បើមានការប្រយុទ្ធគ្នាកើតឡើងនៅតំបន់ឧបទ្វីបកូរ៉េមែននោះ គឺកូរ៉េខាងជើងនឹងប្រើប្រាស់អាវុធនុយក្លេអ៊ែរនៅក្នុងសមរភូមិជាមិនខាន ៕ ប្រភព ៖ TNN World

កូរ៉េខាងត្បូង៖ សិល្បករ-សិល្បការិនី ក្នុងវិស័យ K-POP ត្រូវបានគេមើលឃើញថា កាន់តែមានចំនួនអ្នកតាមដានច្រើនឡើងៗ នៅក្នុងបណ្តាញសង្គម Instagram ខណៈអ្នកគាំទ្រទូទាំងពិភពលោក និយមតាមដានតារាក្នុងដួងចិត្តរបស់ពួកគេ តាមរយៈបណ្តាញសង្គមមួយនេះ។ ដូច្នេះហើយតើតារាណាខ្លះដែលស្ថិតនៅក្នុងវិស័យដែលមានអ្នកតាមដានច្រើនជាងគេ? នេះជាការបង្ហាញជូននូវលទ្ធផលសរុបតារាដែលមានអ្នកតាមដានច្រើនជាងគេក្នុងឆ្នាំ២០២៣ ដែលមានដូចជា៖

១.LISA(BLACKPINK)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៩០លាននាក់។២.JENNIE(BLACKPINK)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៧០ លាននាក់។៣ .JISOO(BLACLPINK)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់៧០ លាននាក់។៤.ROSE(BLACKPINK)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៦០លាននាក់។៥.V(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៥០លាននាក់។៦.JIMIN(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៤០លាននាក់។៧.JHOP(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៤០លាននាក់។៨.JIN(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៤០ លាននាក់។៩.SUGA(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៤០ លាននាក់។១០.RM(BTS)៖ ជាតារាដែលមានអ្នកតាមដានច្រើនជាងគេបង្អស់លើInstagram រហូតទៅដល់ជាង៤០ លាននាក់៕

ប្រទេសវៀតណាម ៖ មន្ត្រីវៀតណាមបានថ្លែងថា ស្របពេលមានការប្រកួតប្រជែងផ្នែកសេដ្ឋកិច្ចនៅលើពិភពលោក ដែលប្រទេសនានាចាត់ទុកថា កម្លាំងពលកម្ម គឺជាឧបករណ៍សំខាន់បំផុតក្នុងការបង្កើនសមត្ថភាពប្រកួតប្រជែង ហើយវៀតណាមនឹងមានពលរដ្ឋចំនួន១០០លាននាក់នៅខាងមេសា ឆ្នាំ២០២៣ ចាត់ទុកថា ជាព្រឹត្តិការណ៍សំខាន់មួយគួរឱ្យចងចាំសម្រាប់ប្រទេសវៀតណាម ។

មន្ត្រីវៀតណាមបញ្ជាក់ថា ចំនួនពលរដ្ឋ១០០លាននាក់ រួមទាំងគោលនយោបាយលើកកម្ពស់ការវិនិយោគ ការអភិវឌ្ឍប្រទេសគួរឱ្យចាប់អារម្មណ៍ ស្ថានភាពនយោបាយមានស្ថេរភាព និងមានវប្បធម៌ពោរពេញទៅដោយអត្តសញ្ញាណជាតិ នឹងធ្វើឱ្យវៀតណាមក្លាយជាប្រទេសមួយគួរឱ្យចាប់អារម្មណ៍ក្នុងក្រសែភ្នែករបស់ប្រទេសនានា ។

យោងតាមទិន្នន័យរបស់ការិយាល័យស្ថិតិជាតិវៀតណាមបង្ហាញថា កាលពីថ្ងៃទី១ ខែមេសា ឆ្នាំ២០២២ កន្លងមក វៀតណាមមានពលរដ្ឋសរុបចំនួន៩៩,២លាននាក់ ហើយនៅខែមេសា ឆ្នាំ២០២៣ នេះ ចំនួនពលរដ្ឋវៀតណាមនឹងកើនឡើងដល់១០០លាននាក់ វានឹងធ្វើឱ្យវៀតណាមក្លាយជាប្រទេសមួយក្នុងចំណោម១៥ប្រទេសនៅលើពិភពលោក ដែលមានពលរដ្ឋលើសពី១០០លាននាក់ជាផ្លូវការ ។

លើសពីនេះ ដើម្បីអបអរសាទរព្រឹត្តិការណ៍ពិសេសនេះ នៅពាក់កណ្តាលខែមេសា ឆ្នាំ២០២៣ ការិយាល័យស្ថិតិជាតិរួមជាមួយក្រសួងសុខាភិបាល, ក្រសួងសន្តិសុខសាធារណៈ និងស្ថាប័នពាក់ព័ន្ធនានានឹងរៀបចំកម្មវិធីផ្សេងៗ រួមទាំងការស្វាគមន៍ទារកដែលកើតលេខរៀងទី១០០លាន ក៏ដូចជាមានការដង្ហែរក្បួននានាតាមដងផ្លូវផងដែរ ៕ ប្រភព ៖ mgronline