បរទេស៖ នៅថ្ងៃទី២៩ ខែមីនា ខ្សែប្រយុទ្ធ Neymar បានបាត់បង់ប្រាក់ជាងមួយលានដុល្លារក្នុងរយៈពេលជាងមួយម៉ោង ខណៈលោកកំពុងលេងបៀតាមអ៊ីនធឺណិត។ អ្នកគាំទ្រប្រហែល ៣០,០០០ នាក់បានមើល ប៉ុស្តិ៍ Twitch របស់លោក Neymar នៅពេលដែលខ្សែប្រយុទ្ធ PSG លេងបៀតាមអ៊ីនធឺណិត បន្ទាប់ពីបាត់បង់ប្រាក់ប្រហែល ១.១ លានដុល្លារក្នុងរយៈពេលជាងមួយម៉ោងលោក Neymar បានសម្តែងការសោកស្តាយ និងធ្វើពុតជាយំនៅលើបទភ្លេងរបស់ Titanic ។ មួយវិនាទីក្រោយមក តារាឆ្នើមប្រេស៊ីលរូបនេះបានញញឹមម្ដងទៀតដើម្បីឆ្លើយតបជាមួយអ្នកគាំទ្រ។
លោកNeymar ជាប់ចំណាត់ថ្នាក់លេខ ២ ក្នុងតារាងកីឡាករបាល់ទាត់ដែលមានប្រាក់ខែខ្ពស់បំផុតនៅ Ligue ១ ដែលតាមពីក្រោយមិត្តរួមក្រុម Kylian Mbappe ។

យោងតាម RMC Sport បាននិយាយថា លោកNeymar ចូលចិត្តលេងបៀរគាត់តែងតែទៅលេងនៅកាស៊ីណូ ដើម្បីចូលរួមក្នុងកម្មវិធី European Poker Tour ដែលជាកន្លែងដែលគូប្រជែងបញ្ចេញមតិថាគាត់មានលក្ខណៈសម្បត្តិគ្រប់គ្រាន់ជាអ្នកលេងល្បែងបៀរអាជីព។

លោក Neymar ធ្លាប់ត្រូវបានគេរិះគន់ពេលទៅប្រកួតបៀរ តែមួយថ្ងៃបន្ទាប់ពី PSG ត្រូវ Bayern ទម្លាក់ចោលក្នុងជុំទី ៨ នៃ Champions League។ គ្រូបង្វឹករបស់លោកNeymar គឺលោក Christophe Galtier បានការពារកីឡាករប្រេស៊ីលដោយនិយាយថា Neymar មានសិទ្ធិលេងបៀនៅថ្ងៃសម្រាកផ្ទាល់ខ្លួនរបស់គាត់។ គួរបញ្ជាក់ផងដែលកាលពីថ្ងៃទី ៦ ខែមីនា ម្ចាស់ក្លឹបបាល់ទាត់ Parc des Princes បានប្រកាសថាលោក Neymar មានបញ្ហាជាច្រើននៅកជើងស្តាំរបស់គាត់ ហើយត្រូវបានបង្ខំឱ្យធ្វើការវះកាត់ដើម្បី “ជៀសវាងហានិភ័យនៃការកើតឡើងវិញធ្ងន់ធ្ងរ” ។ ដូច្នេះហើយខ្សែប្រយុទ្ធវ័យ៣០ឆ្នាំរូបនេះ មិនអាចលេងបាល់បានទេនៅរយះពេលនេះ។ ប្រភព៖vnexpress

ប្រទេសស្វីស៖ ការរារាំងរុស្សីពីការចូលរួមក្នុងកីឡាជាក្រុម រួមទាំងបាល់ទាត់ និងបាល់ទះ គឺជាជម្រើសមួយដែលត្រូវបានពិភាក្សាដោយកីឡាអូឡាំពិកពិភពលោក IOC ក្នុងអំឡុងពេលកិច្ចប្រជុំថ្ងៃទី ២៨-៣០ ខែមីនា នៅទីក្រុង Lausane ប្រទេសស្វីស។
IOC ក៏កំពុងពិចារណាលើការហាមឃាត់អត្តពលិករុស្ស៊ីដែល “ប្រព្រឹត្តឧក្រិដ្ឋកម្មសង្គ្រាម” ក៏ដូចជាអ្នកដែលគាំទ្រយ៉ាងសកម្មជម្លោះក្នុងប្រទេសអ៊ុយក្រែន និងមានទំនាក់ទំនងនឹងយោធា។ ទាក់ទងនឹងសំលៀកបំពាក់ចាប់ពីឆ្នាំ ២០២៣ IOC បានចាប់ផ្តើមរឹតបន្តឹងបទប្បញ្ញត្តិសម្រាប់អត្តពលិករុស្ស៊ី។ បម្រាមនេះរួមមានផ្លាកសញ្ញារុស្ស៊ីលើសម្លៀកបំពាក់ ទង់ជាតិរុស្ស៊ី និងភ្លេងជាតិ។ ការហាមប្រាមកីឡាជាក្រុមអាចជាការប៉ះទង្គិចដល់កីឡារុស្ស៊ី ក្នុងនាមជាអព្យាក្រឹត ដែលក្រុមបាល់ទះនារីរុស្ស៊ីបានឈ្នះមេដាយប្រាក់មួយនៅក្នុងព្រឹត្តិការណ៍កីឡាអូឡាំពិកឆ្នាំ ២០២១។

ស្ថាប័នកីឡាភាគច្រើននៅតែដាក់បម្រាមរយៈពេលមួយឆ្នាំលើប្រទេសរុស្ស៊ី និងបេឡារុស្ស ដោយសារតែសង្គ្រាមនៅអ៊ុយក្រែន។ ការហាមឃាត់នេះត្រូវបានណែនាំដោយ IOC សម្រាប់សុវត្ថិភាពរបស់អត្តពលិក។
គួរបញ្ជាក់ផងដែលថា កីឡាអូឡាំពិកឆ្នាំ ២០២៤ នឹងប្រព្រឹត្តទៅនៅទីក្រុងប៉ារីស ប្រទេសបារាំង ចាប់ពីថ្ងៃទី ២៦ ខែកក្កដា ដល់ថ្ងៃទី ១១ ខែសីហា ឆ្នាំ ២០២៤។ ការប្រកួតនេះរួមមាន៣២៩ព្រឹត្តិការណ៍ក្នុង៣២ប្រភេទកីឡា៕ ប្រភព៖vnexpress

សហរដ្ឋអាមេរិក ៖ ភ្នាក់ងារគ្រប់គ្រងអាជីវកម្មហិរញ្ញវត្ថុនៅទីក្រុងឡុងដ៍ ប្រទេសអង់គ្លេស បានផ្សព្វផ្សាយអំពីលទ្ធផលការស្ទង់មតិចុងក្រោយបង្អស់បង្ហាញថា ទីក្រុងឡុងដ៍បានបាត់បង់តំណែងជាជើងឯកមជ្ឈមណ្ឌលហិរញ្ញវត្ថុតែមួយនៅលើពិភពលោក ខណៈក្រុងញូវយ៉ករបស់សហរដ្ឋអាមេរិកបានទទួលចំណាត់ថ្នាក់ទី១ ដោយសារមានការចុះឈ្មោះក្រុមហ៊ុនក្នុងទីក្រុងនេះកាន់តែច្រើន ។

ទីក្រុងឡុងដ៍មានសមត្ថភាពក្នុងការប្រកួតប្រជែង និងក្លាយជាមជ្ឈមណ្ឌលហិរញ្ញវត្ថុលេខ១ នៅលើពិភពលោក គឺទទួលបាន៦០ពិន្ទុ ដែលខ្ពស់ជាងឆ្នាំ២០២២ ចំនួន១ពិន្ទុ ។ ចំណែកក្រុងញូវយ៉កទទួលបានពិន្ទុចំនួន៦០ នៅឆ្នាំ២០២៣ គឺស្មើគ្នាជាមួយទីក្រុងឡុងដ៍ដែរ ។

ចំណែកចំណាត់ថ្នាក់ទី២ ឆ្នាំ២០២៣នេះ គឺបានទៅប្រទេសសិង្ហបុរី ដែលទទួលបាន៥១ពិន្ទុ បន្ទាប់មក ទីក្រុង Frankfurt ប្រទេសអាល្លឺម៉ង់, ទីក្រុងប៉ារីស ប្រទេសបារាំង និងទីក្រុងតូក្យូ ប្រទេសជប៉ុន តាមលំដាប់លំដោយ ។

ទោះយ៉ាងណា ទីក្រុងឡុងដ៍នៅតែបង្កើនភាពរឹងមាំរបស់ខ្លួនក្នុងឋានៈជាមជ្ឈមណ្ឌលហិរញ្ញវត្ថុធំបំផុតក្នុងពិភពលោកជាយូរមកហើយ ដូចជា ផ្នែកមូលបត្របំណុលអន្តរជាតិ, ការធានារ៉ាប់រងឥណទានពាណិជ្ជកម្ម, ការជួញដូររូបិយប័ណ្ណអន្តរជាតិ និងជាមជ្ឈមណ្ឌលគ្រប់គ្រងទ្រព្យសកម្មដ៏ធំលំដាប់ទី២ ផងដែរ ៕ ប្រភព ៖ ????ono News

ប្រទេសកូរ៉េខាងជើង ៖ ក្រសួងបង្រួបបង្រួមជាតិកូរ៉េខាងត្បូងបានផ្សព្វផ្សាយរបាយការណ៍មួយមាន៤៥០ទំព័រ ដោយបានដកស្រង់ពាក្យសម្តីរបស់ពលរដ្ឋកូរ៉េខាងជើងចំនួន៥០០នាក់ ដែលពួកគេបានលួចឆ្លងដែនទៅកូរ៉េខាងត្បូង ។ របាយការណ៍នេះបានបញ្ជាក់ពីចំណុចលម្អិតនៃការរំលោភសិទ្ធិមនុស្សរបស់រដ្ឋាភិបាលផងដែរ ដែលបានកើតឡើងជាច្រើនករណីក្នុងទីប្រជុំជន កន្លែងឃុំខ្លួន និងកន្លែងផ្សេងទៀត ។ លើសពីនេះ ក៏មានការប្រហារជីវិតនៅតាមទីសាធារណៈ ការធ្វើទារុណកម្ម និងការចាប់ខ្លួនពលរដ្ឋតាមអំពើចិត្ត ។

ខ្លឹមសាររបាយការណ៍បញ្ជាក់ថា សិទ្ធិសេរីភាពរបស់ពលរដ្ឋកូរ៉េខាងជើងទទួលរងការគំរាមកំហែងយ៉ាងខ្លាំង ហើយមានការប្រហារជីវិតកើតឡើងមិនឈប់ឈរសម្រាប់ការប្រព្រឹត្តទង្វើណាមិនគប្បី ដូចជា ការប្រើប្រាស់ថ្នាំញៀន ការផ្សព្វផ្សាយវីដេអូរបស់កូរ៉េខាងត្បូង សកម្មភាពសាសនា និងអបិយជំនឿផ្សេងៗ ដែលជាអំពើខុសច្បាប់របស់កូរ៉េខាងជើង ។ របាយការណ៍បញ្ជាក់ទៀតថា ការស្លាប់ និងការធ្វើទារុណកម្មបានកើតឡើងជាប្រចាំនៅកន្លែងឃុំឃាំង ហើយពលរដ្ឋមួយចំនួនត្រូវបានគេប្រហារជីវិត ក្រោយពីព្យាយាមលួចឆ្លងដែនទៅកូរ៉េខាងត្បូង ។

ទោះយ៉ាងណា កូរ៉េខាងជើងបានបដិសេធមិនស្តាប់មតិរិះគន់ពាក់ព័ន្ធនឹងលក្ខខណ្ឌសិទ្ធិមនុស្សទេ ដោយកូរ៉េខាងជើងលើកឡើងថា ជាផ្នែកមួយនៃផែនការផ្តួលរំលំមេដឹកនាំកូរ៉េខាងជើង ។

ចំណែកប្រធានាធិបតីកូរ៉េខាងត្បូង លោក Yun Suk Yeol ថ្លែងថា គួរតែផ្សព្វផ្សាយខ្លឹមសារក្នុងរបាយការណ៍នេះទៅពិភពលោកឱ្យបានដឹងពីការរំលោភសិទ្ធិមនុស្សយ៉ាងអាក្រក់នៅកូរ៉េខាងជើង ហើយកូរ៉េខាងជើងមិនសាកសមទទួលបានជំនួយសេដ្ឋកិច្ចទេ សូម្បីតែបន្តិច ។

គេសម្លឹងឃើញថា រដ្ឋាភិបាលក្រុងព្យុងយ៉ាងបានបរាជ័យក្នុងការធ្វើឱ្យជីវិតពលរដ្ឋល្អប្រសើរឡើង ព្រោះរវល់តែបង្កើនឃ្លាំងអាវុធនុយក្លេអ៊ែរ និងមីស៊ីល ។ ប្រទេសកូរ៉េខាងត្បូងបានធ្វើរបាយការណ៍រៀបរាប់ពីអំពើអាក្រក់របស់កូរ៉េខាងជើង ដោយសារនៅក្រោមច្បាប់របស់ក្រសួងបង្រួបបង្រួមជាតិកូរ៉េខាងត្បូង គឺតម្រូវឱ្យវាយតម្លៃពីស្ថានភាពសិទ្ធិមនុស្សនៅកូរ៉េខាងជើងជារៀងរាល់ឆ្នាំ ។

កន្លងមក មានពលរដ្ឋកូរ៉េខាងជើងប្រមាណ៣៤.០០០នាក់បានលួចឆ្លងដែនមកតាំងទីលំនៅនៅកូរ៉េខាងត្បូង ប៉ុន្តែការរឹតបន្តឹងនៅបរិវេណជាយដែនធ្វើឱ្យចំនួនអ្នកលួចឆ្លងដែនធ្លាក់ចុះយ៉ាងខ្លាំង គឺស្មើត្រឹមតែ៦៣នាក់ប៉ុណ្ណោះនៅឆ្នាំ២០២១ ក្រោយពីទីក្រុងនានាបានបិទដើម្បីទប់ស្កាត់ការឆ្លងរាតត្បាតនៃជំងឺកូវីដ ហើយនៅឆ្នាំ២០២២ មានអ្នកលួចឆ្លងដែនចំនួន៦៧នាក់ ៕ ប្រភព ៖ the standard

មិនថាសម័យការណាទេមនុស្សស្រីតែងតែជាជនរងគ្រោះនៃការរំលោភបំពានផ្លូវភេទរហូតមកដល់ពេលបច្ចុប្បន្ន។ តាមប្រភពពត៌មាន Wonderslist បានរកឃើញថាមានប្រទេសចំនួន១០ដែលស្រ្តីត្រូវបានគេរំលោភបំពានផ្លូវភេទច្រើនជាងគេ ដែលក្នុងនោះមានដូចជា៖

១.អាហ្រិ្វកខាងត្បូង(South Africa)៖ ប្រទេសអាហ្រ្វិកខាងត្បូងគឺជាប្រទេសដែលមានការរំលោភបំពានផ្លូវភេទច្រើនជាងគេនៅលើលោក តាមការសិក្សាស្រាវជ្រាវ៤០%នៃស្រ្តីត្រូវបានគេចាប់រំលោភផ្លូវភេទ និង៤%នៃបុរសត្រូវបានគេបង្ខំឱ្យរួមភេទជាមួយភេទដូចគ្នា ហើយ៤១%ទៀតគឺជាកុមារ។

២.ស៊ុយអែត(Sweden)៖ ប្រទេសស៊ុយអែតជាប់ឈ្មោះជាប្រទេសដែលគ្រោះថ្នាក់បំផុតសម្រាប់ស្ត្រី ក្នុងការរំលោភបំពានផ្លូវភេទ យោងតាមទិន្នន័យSwedish National Council for Crime Prevention បានឱ្យដឹងថាមានមនុស្សចំនួន៦,៦២០នាក់ត្រូវបានគេចាប់រំលោភ ដែលការរំលោភនេះមានតាំងពីឆ្នាំ១៩៧៥មកម្លេះ។

៣.អាមេរិក(USA)៖ តាមរបាយការណ៍ According to George Mason University បានឱ្យដឹងថាមនុស្សចំនួន២៩៣,០០០នាក់ត្រូវបានគេរំលោភបំពាន១ដងក្នុង១ជីវិត ហើយការចាប់រំលោភនោះគឺចាប់ពីអាយុ១២ឆ្នាំឡើងទៅ។

៤.អង់គ្លេសនិងវេលស៍(England and Wales)៖ យោងតាមរបាយការណ៍Rape statistics United Kingdom បានឱ្យដឹងថាមានមនុស្សចំនួន៨៥,០០០នាក់ត្រូវបានគេរំលោភបំពាន ក្នុងនោះ៧៣,០០០នាក់ជាស្ត្រី ហើយ១២,០០០នាក់ជាបុរស។ នៅប្រទេសនេះមានករណីចាប់រំលោភ២៣០ដង ក្នុង១ថ្ងៃ។

៥.ឥណ្ឌា(India)៖ តាមប្រភព National Crime Record Bureau (NCRB) បានរាយការណ៍ថាមានស្ត្រីចំនួន៣៣,៧០៧នាក់ត្រូវបានគេរំលោភបំពាន ហើយស្រ្តី២៤,៩២៣ ត្រូវបានរាយការណ៍ទៅកាន់ប៉ូលីស អ្វីដែលគួរឱ្យខ្លាចនោះគឺរាល់២០នាទី១ដង ស្រ្តីនៅឥណ្ឌាម្នាក់ត្រូវបានគេចាប់រំលោភ។

៦.នូវែលសេឡង់(New Zealand)៖ យោងតាមរបាយការណ៍យុត្តិធម៌របស់ប្រទេសនូវែលសេឡង់ គេបានរកឃើញថារៀងរាល់២ម៉ោងម្តង ស្រ្តីម្នាក់បានទទួលរងក្នុងការរំលោភបំពានផ្លូវភេទ។ ក្នុងប្រមាណឆ្នាំថ្មីៗនេះអត្រានៃការរំលោភបំពានផ្លូវភេទរបស់ស្រ្តីនូវែលសេឡង់ បានកើនឡើង១៥%ជារៀងរាល់ឆ្នាំ។៧.កាណាដា(Canada)៖ តាមរបាយការណ៍របស់ប្រទេសកាណាដាបានរាយការណ៍ថាមានស្រ្តីចំនួន៤៦០,០០នាក់ត្រូវបានរងគ្រោះក្នុងការរំលោភបំពានផ្លូវភេទ ហើយនៅក្នុងនោះ៨០%គឺជាសមាជិកគ្រួសារនិងមិត្តភក្កិ និងមានស្រ្តីចំនួន៦%តែប៉ុណ្តោះដែលបានរាយការណ៍ទៅកាន់ប៉ូលីស។

៨.អូស្ត្រាលី(Australia)៖ នៅក្នុងឆ្នាំ២០២២ស្រ្តីចំនួន៥១,២០០នាក់ ដែលនៅក្នុងនោះស្រ្តីអាយុ១៨ឆ្នាំឡើង ត្រូវបានគេរកឃើញថាស្រ្តីទាំងនោះបានរងគ្រោះក្នុងការរំលោភបំពានផ្លូវភេទ ហើយមានតែស្រ្តី៣០%តែប៉ុណ្តោះដែលបានរាយការណ៍ទៅកាន់ប៉ូលីស។

៩.ហ្ស៊ីមបាវេ(Zimbabwe)៖ យោងតាមរបាយការណ៍ Zimbabwe National Statistics បានឱ្យដឹងថាមានស្រ្តីចំនួន១៦នាក់ត្រូវបានគេរំលោភបំពានផ្លូវភេទជាងរៀងរាល់ខែ។ នៅឆ្នាំ២០២២ ស្រ្តីចំនួន១៥២៤នាក់រងគ្រោះក្នុងការរំលោភបំពានផ្លូវភេទ ក្នុងចំណោមនោះ៧៨០នាក់ត្រូវបានគេចាប់រំលោភពីចន្លោះអាយុ១១-១៦ឆ្នាំ ហើយស្ត្រីនៅទីនោះបានរាយការណ៍ទៅប៉ូលីសតិចបំផុត។

១០.ដាណឺម៉ាកនិងហ្វាំងឡង់(Denmark and Finland)៖ តាមការស្រាវជ្រាវរបស់អង្គការ European Union Agency for Fundamental Rights បានរកឃើញថាស្រ្តី៤៧%ត្រូវបានគេរំលោភបំពានផ្លូវភេទ។ នៅក្នុងចំណោមស្រ្តីនៅFinland ត្រូវបានគេចាប់រំលោភតាំងពីអាយុក្រោម១៥ឆ្នាំមកម្លេះ មានតែស្រ្តី១៣%តែប៉ុណ្តោះដែលបានរាយការណ៍ទៅកាន់ប៉ូលីស។