ចំជាធ្វើគុណបានទោ.សមែន! ខណៈកម្លាំងសមត្ថកិច្ចកម្ពុជាខិតខំអស់ពីកម្លាំងកាយចិត្តដើម្បីបង្រ្កាបបណ្ដាញឆបោ.កតាមអនឡាញ និងចាប់បានជនបរទេសដែលពាក់ព័ន្ធរាប់ពាន់នាក់បូករួមទាំងជនជាតិថៃចំនួន ៦៣៥នាក់ សារព័ត៌មានថៃបែរជាចុះផ្សាយទាំងបំពានការពិតថា «សកម្មភាពនេះគឺជាការចាប់បង្ខាំងពលរដ្ឋថៃ» ទៅវិញ។ មិនតែប៉ុណ្ណោះនៅពេលកម្ពុជាព្យាយាមសម្របសម្រួលដំណើរការបញ្ជូនពួកគេត្រឡប់ទៅវិញបានដោយសុវត្ថិភាពអស់ បែរជាមានពាក្យរិះគ.ន់ថាកម្ពុជាធ្វើយឺតយ៉ាវឲ្យពួកគេរង់ចាំយ៉ាងយូរ និងថែមរអ៊ូរឿងគ្មានរថយន្តក្រុងដឹកពលរដ្ឋគេទៅព្រំដែនទៀតផង។
យោងតាមរបាយការណ៍ដែលបានចុះផ្សាយកាលពីរសៀលថ្ងៃព្រហស្បត្តិ៍ ទី៣០ ខែមេសា ម្សិលមិញបានឲ្យដឹងថា អាជ្ញាធរកម្ពុជាបានឃា.ត់ខ្លួនជនជាតិថៃចំនួន ៦៣៥នាក់ ដែលសង្ស័យថាជាប់ពាក់ព័ន្ធនឹងប្រតិបត្តិការខុសច្បាប់តាមអ៊ីនធឺណិត និងឧក្រិដ្ឋកម្មឆ្លងដែន បន្ទាប់ពីការបង្ក្រាបដ៏ធំមួយនៅក្នុងទីក្រុងព្រំដែនប៉ោយប៉ែត ខេត្តបន្ទាយមានជ័យ។
ភ្លាមៗក្រោយទទួលបានដំណឹងពីការឃា.ត់ខ្លួនបាននេះ អាជ្ញាធរថៃបាន បានបើកច្រកព្រំដែនបានឃ្លងលឹក ខេត្តស្រះកែវ ដែលបានបិទដោយឯកតោភាគីឡើងវិញ និងបានអង្វរឲ្យកម្ពុជាមេត្តាបើកច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ វិញដែរ ដើម្បីឱ្យពលរដ្ឋថៃទាំងនោះអាចត្រឡប់ចូលប្រទេសវិញ ។
ក្នុងនាមជារដ្ឋដែលមានគុណធម៌និងមនុស្សធម៌ កម្ពុជាក៏បានសម្របសម្រួលនិងបណ្ដេញជនជាតិថៃទាំង ៦៣៥នាក់នោះប្រគល់ឲ្យអាជ្ញាធរថៃវិញ តែដោយហេតុថាសារព័ត៌មានថៃមួយចំនួនមានទម្លាប់មាត់មិនសូវល្អ ពួកគេមិនត្រឹមតែអរគុណកម្ពុជានោះទេ តែថែមមួលបង្កាច់អាជ្ញាធរកម្ពុជាថាចង់បង្ខាំងពលរដ្ឋគេទុកទៅទៀត។ 
ឆ្លើយតបនឹងការចោ.ទប្រកាន់ទាំងគ្មានមូលដ្ឋាននេះ អគ្គស្នងការដ្ឋាននគរបាលជាតិកម្ពុជា បានច្រានចោលទាំងស្រុង និងបញ្ជាក់ច្បាស់ៗថា សមត្ថកិច្ចកម្ពុជាមិនមានចេតនា ឬទង្វើណាមួយក្នុងការបង្ខាំង ឬរំលោភបំពានលើជនជាតិថៃទាំងនោះឡើយ។ ជាមួយគ្នានេះ អគ្គស្នងការដ្ឋាននគរបាលជាតិ ក៏បានថ្កោលទោសចំពោះការផ្សាយព័ត៌មានបំភ្លើសពីការពិត ក្នុងបំណងមួលបង្កាច់ និងទំលាក់កំហុសមកលើកិច្ចប្រតិបត្តិការបង្ក្រាបបទល្មើសរបស់អាជ្ញាធរកម្ពុជា ដោយសង្កត់ធ្ងន់ថាទង្វើនេះ មិនត្រឹមតែធ្វើឱ្យប៉ះពាល់ដល់កិត្តិយសរបស់កងកម្លាំងនគរបាលជាតិកម្ពុជាប៉ុណ្ណោះទេ ប៉ុន្តែថែមទាំងអាចបង្កជាការយល់ច្រឡំដល់សាធារណជន និងប៉ះពាល់ដល់កិច្ចសហប្រតិបត្តិការទ្វេភាគីក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែនផងដែរ។.jpg)
តាមការគូសបញ្ជាក់របស់អគ្គស្នងការដ្ឋាននគរបាលជាតិ កម្ពុជានៅតែប្តេជ្ញាចិត្តយ៉ាងមុតមាំក្នុងការសហការជាមួយគ្រប់ភាគីពាក់ព័ន្ធ ដើម្បីលុបបំបាត់រាល់សកម្មភាពបទល្មើសបច្ចេកវិទ្យា និងការពារផលប្រយោជន៍ របស់ពលរដ្ឋក្នុងតំបន់។ ទន្ទឹមនឹងនេះ អគ្គស្នងការដ្ឋាននគរបាលជាតិ សូមអំពាវនាវដល់បណ្តាញសារព័ត៌មានទាំងអស់ ឱ្យអនុវត្តវិជ្ជាជីវៈសារព័ត៌មានដោយភាពស្មោះត្រង់ ផ្អែកលើការពិត និងធ្វើការផ្ទៀងផ្ទាត់ប្រភពព័ត៌មាន ឱ្យបានច្បាស់លាស់ មុននឹងធ្វើការផ្សព្វផ្សាយជាសាធារណៈ៕
