សត្វឆ្កែត្រូវបានគេចាត់ទុកថាជាមិត្តដ៏ល្អបំផុតរបស់មនុស្ស។ ហើយប្រសិនបើអ្នកចង់ឱ្យមិត្តរបស់អ្នកក្លាយជាពូជឆ្កែដែលស្រស់ស្អាត ស្តាប់បង្គាប់ និងឆ្លាតវៃនោះ អ្នកត្រូវតែចំណាយប្រាក់យ៉ាងច្រើនដើម្បីទទួលបានមិត្តដ៏សែនយកចិត្តទុកដាក់ចំពោះអ្នក។ ដូច្នេះហើយខាងក្រោមនេះគឺជាប្រភេទពូជឆ្កែទាំង១០ ដែលមានតម្លៃថ្លៃបំផុតលើពិភពលោក មានដូចជា៖

១. សាម៉ូយ(Samoyed)៖ Samoyed គឺជាពូជឆ្កែមួយប្រភេទដែលឈ្មោះរបស់វាចេញពីប្រជាជន Samoyedic នៃតំបន់ស៊ីប៊ី ប្រទេសរុស្សី, សម្រាប់តម្លៃគឺ ១៤,០០០ ដុល្លារ។

២.ឡ៉យជេន (Löwchens)៖ Löwchens ត្រូវបានគេស្គាល់ផងដែរថាជា “តោតូច” គឺជាសត្វឆ្កែដែលមានរោមវែង, ដែលត្រូវបានគេទទួលស្គាល់ថាជា ពូជមួយចាប់តាំងពីសម័យ Renaissance , សម្រាប់តម្លៃគឺ ១២,០០០ ដុល្លារ ។

៣.ចូវចូវ (Chow Chow)៖ Chow Chow គឺជាពូជឆ្កែដែលមានដើមកំណើតនៅប្រទេសចិន, និងមានរាងតូចគួរឱ្យស្រឡាញ់, ហើយសម្រាប់តម្លៃគឺ ១១,០០០ ដុល្លារ ។

៤. ទីបេម៉ាសធីស (Tibetan Mastiff)៖ គឺជាប្រភេទឆ្កែដែលមានដើមកំណើតនៅប្រទេសទីបេ, សម្រាប់តម្លៃគឺ ១០,០០០ ដុល្លារ ។

៥.អាហ៊្សាវ៉ាក (Azawakh)៖ គឺជាពូជឆ្កែអាហ្វ្រិកមួយប្រភេទក្នុងចំនោមពូជអាហ្វ្រិកផ្សេងៗទៀត ដែលអាចរកទិញបាននៅក្នុងប្រទេសកាណាដា និងសហរដ្ឋអាមេរិក, តម្លៃគឺ ៩,៥០០ ដុល្លារ។

៦.រ៉ូធ្វ័យលេ (Rottweiler)៖ ឥឡូវនេះ Rottweilers ត្រូវបានគេប្រើជាសត្វឆ្កែស្វែងរក, ជួយសង្គ្រោះ, ជាអ្នកនាំផ្លូវសម្រាប់ជនពិការភ្នែក និងជាឆ្កែសម្រាប់ប៉ូលីសផងដែរ។ តម្លៃអាចរហូតដល់ ៩,០០០ ដុល្លារ។

៧.អេស្គីម៉ូកាណាដា(Canadian Eskimo Dog)៖ គឺជាប្រភេទឆ្កែដែលមានដើមកំណើតនៅប្រទេសកាណាដា, ដែលពូជឆ្កែនេះមានតាំងពីឆ្នាំ១៩៦០មកម្លេះ, សម្រាប់តម្លៃគឺ ៨,៧៥០ ដុល្លារ ។

៨.ដូហ្គូអាហ្សង់ទីន(Dogo Argentino)៖ គឺជាពូជឆ្កែដែលមានដើមកំណើតនៅប្រទេសអាហ្សង់ទីន, ដែលពូជឆ្កែនេះមានតាំងពីឆ្នាំ១៩២៨មកម្លេះ, សម្រាប់តម្លៃគឺ ៨,០០០ ដុល្លារ ។

៩.ផារ៉ោនហេន (Pharaoh Hound)៖ ឈ្មោះកំណើតរបស់វាគឺ Kelb tal-Fenek នៅក្នុង Maltese ដែលមានន័យថា “ឆ្កែទន្សាយ”, តម្លៃអាចឡើងដល់ ៧,៥០០ ដុល្លារ។

១០.អាហ្វហ្កានីស្ថាន(Afghan Hound)៖ ជាពូជឆ្កែដែលមានកវែង និងមានរោមវែង, សម្រាប់តម្លៃគឺ ៧,០០០ ដុល្លារ ។

ទណ្ឌិតចំនួន ៦៦៨នាក់ បានស្នើសុំបន្ធូរបន្ថយទោស និងលើកលែងទោស ក្នុងនោះ ទណ្ឌិតដែលបានស្នើសុំបន្ធូរបន្ថយទោស និងលើកលែងទោសក្នុងឱកាសពិធីបុណ្យចូលឆ្នាំថ្មីប្រពៃណីជាតិមានចំនួន ៣៤៥នាក់ និងទណ្ឌិតដែលបានស្នើសុំបន្ធូរបន្ថយទោស និងលើកលែងទោសក្នុងឱកាសពិធីបុណ្យវិសាខបូជាមានចំនួន ៣២៣នាក់។ នេះបើតាមការឱ្យដឹងពីក្រសួងយុត្តិធម៌ កាលពីថ្ងៃទី៤ ខែមេសា ឆ្នាំ២០២៣។

សូមបញ្ជាក់ថា ចំនួនទណ្ឌិត៦៦៨នាក់ បានស្នើសុំបន្ធូរបន្ថយទោស និងលើកលែងទោស ខាងលើនេះ ក្រោយពីមានកិច្ចប្រជុំដែលដឹកនាំដោយឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិ ពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស បានពិនិត្យ និងសម្រេចលើបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងពិធីបុណ្យវិសាខបូជា ឆ្នាំ២០២៣ ។

គួរបញ្ជាក់ផងដែរថា បើតាមព្រះរាជក្រឹត្យស្ដីពីការបន្ធូរបន្ថយទោសនិងលើកលែងទោសដល់ទណ្ឌិត ចុះថ្ងៃទី១២ ខែមករា ឆ្នាំ២០២១ ប្រទេសកម្ពុជា កំណត់មានការលើកលែង និងបន្ធូរបន្ថយទោស ដល់ទណ្ឌិតជាប់ពន្ធនាគារ ចំនួន៥ដងក្នុងមួយឆ្នាំ គឺ ទិវាជ័យជម្នះលើរបបប្រល័យពូជសាសន៍(៧មករា) ,ពិធីបុណ្យចូលឆ្នាំខ្មែរ ,បុណ្យវិសាខបូជា ,បុណ្យឯករាជ្យជាតិ និងព្រះរាជពិធីបុណ្យអុំទូក។ ក្នុងនោះព្រះរាជក្រឹត្យក៏បានបញ្ជាក់ថា ការបន្ធូរបន្ថយ និងការលើកលែងទោសនេះ គឺផ្ដល់ចំពោះទណ្ឌិតដែលមានវ័យចាស់ជរា ជាស្ត្រីមានផ្ទៃពោះ ឬមានជំងឺរ៉ាំរ៉ៃ ជនពិការភាព ដែលលិខិតបញ្ជាក់ពីគ្រូពេទ្យប៉ុណ្ណោះ។ ចំពោះការបន្ធូរបន្ថយទោសនេះ លុះត្រាតែទណ្ឌិតនោះ បានអនុវត្តទោស ១ភាគ៣ នៃទោសដាក់ពន្ធនាគារសរុប ដែលតុលាការបានកំណត់ ហើយសម្រាប់ទោសដាក់ពន្ធនាគារមួយជីវិត ទណ្ឌិតត្រូវទទួលរងទោស១០ឆ្នាំជាមុនសិន។ ការបន្ធូរបន្ថយទោស និងការលើកលែងទោស អាចអនុវត្តចំពោះទណ្ឌិតដែលបានបំពេញលក្ខខណ្ឌដូចខាងក្រោម៖
– ភ្ញាក់រលឹកខិតខំកែប្រែគំនិតមារយាទឱ្យក្លាយជាពលរដ្ឋសុចរិត ដើម្បីធ្វើសមាហរណកម្មចូល រួមរស់ក្នុងសង្គមវិញ
– គោរពប្រតិបត្តិបានយ៉ាងហ្មត់ចត់ និងត្រឹមត្រូវ តាមបទបញ្ជាផ្ទៃក្នុងរបស់ពន្ធនាគារ និងជាគំរូ ល្អដល់ទណ្ឌិត និងជនជាប់ឃុំដទៃទៀត
– ចូលរួមអនុវត្តយ៉ាងសកម្ម និងទៀងទាត់នូវកម្មវិធីអប់រំកែប្រែ កម្មវិធីបណ្តុះបណ្ដាលវិជ្ជាជីវៈ និងកម្មវិធីសមាហរណកម្ម
-គោរពប្រតិបត្តិបានយ៉ាងហ្មត់ចត់ និងត្រឹមត្រូវ តាមសេចក្តីណែនាំផ្សេងទៀតរបស់ពន្ធនាគារ៕

ថ្មីៗនេះមានការលើកឡើងនិងបង្ហាញក្តីសោកស្តាយដែលភាពយន្តឯកសារ «ទេពហត្ថា» ពុំសូវទទួលបានការគាំទ្រច្រើនពីសំណាក់មហាជន។ ដោយសារមើលឃើញពីសកម្មភាពពុំសូវមានអ្នកជួយគាំទ្រ តារាចម្រៀង ជី ដេវីត និងសិល្បករច្រើនរូបទៀតបានចូលរួមបំផុសគំនិតឱ្យមហាជនចូលរួមគាំទ្រស្នាដៃភាពយន្តខ្មែរមួយនេះដែលមិនគួរមើលរំលង។

«ទេពហត្ថា» (The Perfect Motion) គឺជាភាពយន្តបង្ហាញពីប្រវត្តិ និងការចងចាំពីរបាំក្បាច់បុរាណខ្មែរ ឬរបាំព្រះរាជទ្រព្យ ដែលដឹកនាំដោយលោក ហ្សាវីយ៉េ ដឺ ឡូហ្សាន( Xavier de Lauzanne)។ ភាពយន្តនេះ ផ្ដោត លើសាច់រឿងសំខាន់ចំនួន ២ ជាការបង្កើតក្បាច់របាំ «នាងវឌ្ឍនាទេវី» ដោយព្រះរៀមនរោត្ដម បុប្ផាទេវី ជាស្នាព្រះហស្ដចុងក្រោយរបស់ទ្រង់ និងប្រវត្ដិរបាំព្រះរាជទ្រព្យតាំងពីឆ្នាំ ១៩០៦។ ភាពយន្តនេះទៀតសោតបានឧទ្ទិសចំពោះសម្តេចព្រះរាជបុត្រី ព្រះរៀម នរោត្តម បុប្ផាទេវី ដែលទ្រង់បានចូលរួម លើកស្ទួយរបាំព្រះរាជទ្រព្យខ្មែរឱ្យល្បីរន្ទឺចូលបញ្ជីបេតិកភណ្ឌវប្បធម៌អរូបីនៃមនុស្សជាតិកាលពីថ្ងៃទី០៧ ខែវិច្ឆិកា ឆ្នាំ២០០៣ ផងដែរ។

ដ្បិតថារឿងនេះឆ្លុះបញ្ចាំងពីប្រវត្តិនៃរបាំព្រះរាជទ្រព្យក្តី ប៉ុន្តែចាប់តាំងពីរឿងនេះបានចាក់បញ្ចាំងតាមរោងកុនកាលពីថ្ងៃទី១ ខែមេសា មកពុំសូវមានអ្នកទៅចូលរួមគាំទ្រឡើយ ដោយអ្នកលេងបណ្តាញសង្គមខ្លះបានបង្ហោះនាពេលកន្លងមកថា មួយ Hall កៅអីទំនេរសឹងទេអស់ទៅហើយ ឯណាទៅអ្នកស្រលាញ់វប្បធម៌ខ្មែរ មានតែអ្នកស្រែកគាំទ្រនៅលើបណ្តាញសង្គម តែដល់ពេលជាក់ស្តែងមានភាពយន្តឯកសារលើកស្ទួយពីវប្បធម៌ខ្មែរ មិនមានអ្នកចូលរួមគាំទ្រច្រើននោះទេ។

សកម្មភាពពុំសូវមានអ្នកចូលរួមគាំទ្រភាពយន្តឯកសារ «ទេពហត្ថា» កំពូលតារាចម្រៀង ជី ដេវីត បានចូលរួមបំផុសគំនិតឱ្យមហាជនចូលរួមគាំទ្រស្នាដៃនេះឱ្យបានច្រើន។ តារាចម្រៀងរូបនេះបានចែករំលែកកាលពីយប់ថ្ងៃទី៥ ខែមេសា ដោយភ្ជាប់ជាមួយចំណងជើងថា «ភាពយន្តបែបឯកសារដែលបងប្អូនខ្មែរមិនគួររំលង , តោះកុំភ្លេចទៅចូលរួមគាំទ្រទាំងអស់គ្នា» ។

មិនត្រឹមតែតារាចម្រៀង ជី ដេវីតប៉ុណ្ណោះទេ ដែលចូលរួមបំផុតគំនិតឱ្យមហាជនជួយគាំទ្រភាពយន្តឯកសារខាងលើនេះ ក្នុងនោះក៏មានស្ថាបនិក រៀនថត , តារាសម្តែង រចនា រ៉ាវ៉ាឌី បានលេងហ្គេមចែកសំបុត្រកុនដោយឥតគិតថ្លៃ , តារាសម្តែង នី មុន្នីនាថ , លោកស្រី ប៊ុន ចាន់និមល និងអ្នកនិពន្ធ សយ ស៊ីណា ជាដើម។ ក្នុងនោះក៏មានការលើកឡើងដែរថា ភាពយន្ត «ទេពហត្ថា» មិនមែនជាប្រភេទរឿងដែលយើងដាក់ពិន្ទុថាល្អមើលឬមិនល្អនោះទេ តែវាជារឿងប្រវត្តិសាស្រ្តនៃអត្តសញ្ញាណជាតិ អត្តសញ្ញាណវប្បធម៌ ដែលយើងគួរមើល គួរស្រាវជ្រាវដើម្បីឱ្យកាន់តែច្បាស់ថា យើងមានឫសគល់ព្រលឹងវប្បធម៌ខ្លាំងក្លាប៉ុណ្ណា និងជារឿងដែលបង្ហាញយ៉ាងច្បាស់នូវឃ្លាថា «វប្បធម៌រលត់ជាតិរលាយ វប្បធម៌ពណ្ណរាយ ជាតិថ្កើងថ្កាន»៕

ការឈឺធ្មេញគឺជារោគសញ្ញាមួយក្នុងចំណោមរោគសញ្ញាទូទៅបំផុតដែលអាចកើតមាននៅគ្រប់វ័យ។ យោងតាមស្ថិតិចុងក្រោយបង្អស់ នៅលើពិភពលោកមានមនុស្ស ៣ ពាន់លាននាក់ ដែលមានបញ្ហាមាត់ធ្មេញ ហើយចំនួននេះនៅតែកើនឡើងជារៀងរាល់ឆ្នាំ ដែលការឈឺធ្មេញនេះគឺជារោគសញ្ញាធម្មតាបំផុត។ ដូច្នេះហើយក្នុងករណីអ្នកឈឺធ្មេញ ប៉ុន្តែមិនមានពេលទៅជួបពេទ្យធ្មេញ អ្នកអាចអនុវត្តវិធីងាយៗចំនួន ៦ នេះដើម្បីបំបាត់ការឈឺធ្មេញនៅផ្ទះបាន។

១.ប្រើខ្ទឹមបារាំង៖ យោងតាមអ្នកជំនាញបាននិយាយថា ជាមួយនឹងលក្ខណៈសម្បត្តិប្រឆាំងនឹងបាក់តេរី និងប្រឆាំងនឹងការរលាក ខ្ទឹមបារាំងនឹងជួយបានច្រើនក្នុងការសម្លាប់មេរោគនៅខាងក្នុងមាត់ ការពារការរីករាលដាល និងការពារការពុកធ្មេញយ៉ាងមានប្រសិទ្ធភាព។ ដើម្បីធ្វើបែបនេះ ដំបូងត្រូវយកខ្ទឹមបារាំងមួយចំណិតធំ ហើយទំពារវាលើកន្លែងដែលរលាករហូតដល់បាត់ធុំក្លិនខ្ទឹមបារាំង។ បន្ទាប់មកអ្នកទំពារចំណិតខ្ទឹមបារាំងបន្ថែមទៀតរហូតដល់អ្នកមិនសូវមានអារម្មណ៍ឈឺចាប់ រួចឈប់។

២.ប្រើកន្សែងត្រជាក់៖ ក្នុងករណីដែលអ្នកឈឺធ្មេញដោយសារការរលាកអញ្ចាញធ្មេញ អ្នកអាចប្រើវិធីបង្ហាប់ត្រជាក់ ដើម្បីបំបាត់ការឈឺធ្មេញ វិធីសាស្រ្តនេះមានប្រសិទ្ធភាពក្នុងករណីមានការរលាកស្រួចស្រាវ។ វិធីធ្វើគឺសាមញ្ញណាស់ ដំបូងដាក់ទឹកកកខ្លះក្នុងថង់ក្រណាត់ ឬកន្សែង បន្ទាប់មក អ្នកយកកន្សែងត្រជាក់នោះមកបិទថ្ពាល់ខាងក្រៅ ដើម្បីបង្រួមកន្លែងដែលរលាករយៈពេល ២០ នាទី កុំលាបត្រង់កន្លែងឈឺ ហើយធ្វើម្តងទៀតក្រោយ ៤-៦ ម៉ោង។

៣.ប្រើថង់តែជីអង្កាម៖ ជាមួយនឹងលក្ខណៈសម្បត្តិនៃការស្ពឹករបស់វា ជីអង្កាម អាចផ្តល់នូវការធូរស្រាលបណ្តោះអាសន្នពីការឈឺធ្មេញយ៉ាងមានប្រសិទ្ធភាព។ ដើម្បីអនុវត្តវិធីនេះ សូមដាក់ថង់តែដែលប្រើរួចក្នុងទូទឹកកករហូតដល់ត្រជាក់។ បន្ទាប់មក អ្នកយកថង់តែដាក់លើស្បែកដែលរលាកប្រហែលកន្លះម៉ោងដើម្បីបំបាត់ការឈឺចាប់ ។

៤.ប្រើទឹកអំបិល៖ អំបិលមានសារធាតុប្រឆាំងបាក់តេរីធម្មជាតិដែលជួយបន្ថយរោគសញ្ញាឈឺធ្មេញ និងសម្លាប់បាក់តេរីមួយចំនួនដែលបណ្តាលឱ្យរលាកយ៉ាងមានប្រសិទ្ធភាព។ វិធីធ្វើ យកអំបិល ១ស្លាបព្រាបាយ ដាក់ក្នុងទឹកក្ដៅឧណ្ហៗ ភ្លក់មើលថាមានក្លិនឈ្ងុយ មិនគួរប្រៃពេកទេ បន្ទាប់មកយកវាមកលាងមាត់ ធ្វើម្តងហើយ ម្តងទៀត រហូតដល់បាត់ការឈឺចាប់។

៥.ប្រើខ្ទឹមស៖ ខ្ទឹមសមានសមាសធាតុជាច្រើនដែលមានសមត្ថភាពការពារការរលាក និងលើកកម្ពស់ការវិវត្តនៃប្រព័ន្ធភាពស៊ាំ។ ដើម្បីធ្វើបែបនេះ ដំបូងត្រូវបកខ្ទឹមសមួយកំពឹសលាងសម្អាត រួចទំពារខ្ទឹមសមួយកំពឹសចូលត្រង់កន្លែងឈឺធ្មេញ។ ប្រសិនបើការឈឺចាប់នៅតែមិនបាត់ ចូរទំពារខ្ទឹមសទីពីរ។

៦.កម្ពស់ខ្នើយសមល្មម៖ ឈឺធ្មេញ ឬរលាកអញ្ចាញអាចបណ្តាលមកពីកំណកឈាមនៅក្បាល។ ដូច្នេះហើយ សម្រាប់មនុស្សមួយចំនួន ការគេងដោយខ្នើយមួយ ឬពីរអាចសម្រាលការឈឺចាប់បានគ្រប់គ្រាន់ដើម្បីងងុយគេង។ ការផ្លាស់ប្តូរកម្ពស់ខ្នើយពេលគេងគឺរក្សាទីតាំងគេងសមរម្យ ផាសុខភាព កម្ពស់ល្មមសម្រាប់សាច់ដុំឆ្អឹងខ្នង ក និងមុខដាក់ឱ្យស៊ីមេទ្រី ជៀសវាងការស្ពឹក ឬវិលមុខភ្លាមៗ។

ប្រភព៖ phuntoday.com