មិនមែនឱ្យតែសុបិនឃើញពស់សុទ្ធតែមានអ្នកតាមស្រឡាញ់ ឬល្អទាំងអស់នោះទេ។ ការយល់សប្តិឃើញពស់ក៏មានអត្តន័យមិនល្អជាច្រើនដែរ ។ ដូច្នេះហើយខាងក្រោមនេះគឺជាអត្តន័យនៃការសុបិនឃើញពស់ ដែលមានដូចជា៖

១.សុបិនឃើញពស់ធំ៖ បុគ្គលណាដែលសុបិនឃើញពស់ធំ អាចប្រឈមមុខនឹងមនុស្សមានអំណាច មានសម្ពាធខ្លាំង ប៉ុន្តែវាមិនធ្ងន់ធ្ងរទេ ។

២.សុបិនឃើញមានពស់ច្រើន៖ ការសុបិនឃើញពស់ជាច្រើនអាចមានន័យថា ឧបសគ្គ សត្រូវ ហ៊ុព័ទ្ធដោយមនុស្សអវិជ្ជមាន មនុស្សពុល ឬស្ថានភាពដែលរំខានដល់ជីវិតរបស់អ្នក។

៣. សុបិនឃើញពស់ថ្លាន់៖ ការសុបិនឃើញពស់ថ្លាន់បានន័យថា មានមនុស្សម្នាក់ដែលមានឥទ្ធិពលអំណាចខ្លាំងក្លាចង់មកគ្រប់គ្រងត្រួតត្រាលើជីវិតរបស់អ្នក ដែលធ្វើឱ្យអ្នកពិបាកណាស់ក្នុងការផ្លាស់ទីតាមចិត្តប្រាថ្នា។

៤.សុបិនឃើញមានពស់ចឹក៖ អ្នកដែលសុបិនឃើញពស់ចឹក អាចនឹងត្រូវការថ្នាំព្យាបាលផ្លូវកាយ ឬផ្លូវចិត្ត។ ដោយសារតែពស់មិនត្រឹមតែជានិមិត្តរូបនៃសារធាតុពុលដ៏គ្រោះថ្នាក់ប៉ុណ្ណោះទេ ប៉ុន្តែវាក៏មានឥទ្ធិពលក្នុងការព្យាបាទជំងឺផងដែរ។

៥.សុបិនឃើញមានពស់កំពុងដេញ៖ សុបិន្តអាក្រក់ដូចជាសុបិនដែលពស់ដេញ គាត់បានរអិល និងស្រែករហូតសន្លប់បាត់ស្មារតី នេះអាចមានន័យថាអ្នកកំពុងត្រូវការ ការលើកទឹកចិត្ត ហើយអ្នកអាចនឹងបាត់បង់ទំនុកចិត្ត ឬខ្លាចក្នុងការធ្វើអ្វីមួយជាដើម៕ ប្រភព៖kapook

ប្រទេសកម្ពុជា ៖ កាលពីថ្ងៃទី៩ ខែមេសា កន្លងមក អាជ្ញាកណ្តាលនៃការប្រកួតប្រដាល់មិត្តភាពអន្តរជាតិរវាងកម្ពុជា និងថៃ បានពិនិត្យឃើញវត្ថុរឹងក្នុងដៃកីឡាករថៃម្នាក់ ដែលគេចាត់ទុកថា ជាការបំពានច្បាប់របស់អាជ្ញាកណ្តាល ខណៈកីឡាករថៃរូបនេះបានប្រើល្បិចស្មោគគ្រោកពេលប្រកួត ។ គណៈកម្មការបានបញ្ចូលឈ្មោះកីឡាកររូបនេះទៅក្នុងបញ្ជីខ្មៅ (Black List) ដោយហាមចូលរួមប្រកួតក្នុងកម្មវិធីបន្តទៀត ។

ក្នុងការប្រកួតប្រដាល់មិត្តភាពអន្តរជាតិរវាងកម្ពុជា និងថៃ របស់ស្ថានីយទូរទស្សន៍ Town កាលពីម៉ោង១១ព្រឹក ថ្ងៃទី៩ ខែមេសា រវាងកីឡាករខ្មែរឈ្មោះ ខេម ចាន់ ប៉ះជាមួយកីឡាករថៃ ក្នុងនោះអាជ្ញាកណ្តាលបានពិនិត្យមើលកីឡាករទាំងពីរនាក់មុនពេលប្រកួតឃើញថា កីឡាករថៃបានរុំដៃរបស់ខ្លួនខុសប្រក្រតី និងលាក់វត្ថុរឹងនៅក្នុងដៃ ។ ហេតុនេះ គណៈកម្មការរៀបចំការប្រកួត និងអាជ្ញាកណ្តាលបានសម្រេចចិត្តស្រាយក្រណាត់រុំដៃរបស់កីឡាករថៃរូបនេះ ។ បន្ទាប់ពីស្រាយក្រណាត់រុំដៃចេញឃើញថា កីឡាករថៃបានយកវត្ថុរឹងលាក់ក្នុងដៃរបស់ខ្លួន ដើម្បីងាយស្រួលយកឈ្នះកីឡាករខ្មែរយើង ។

ការបង្កប់វត្ថុរឹងនេះបានធ្វើឱ្យអ្នកស្នេហាវិស័យកីឡាខ្មែរយើង ក៏ដូចជាអាជ្ញាកណ្តាលហួសចិត្តជាខ្លាំង ។ កាលពីពេលកន្លងមក ប្រទេសថៃក៏ធ្លាប់ត្រួតពិនិត្យមើលលើខ្លួនកីឡាករខ្មែរយើងដែរ ពេលទៅប្រកួតនៅប្រទេសថៃ ។ ជាក់ស្តែង ស្ថានីយទូរទស្សន៍ខ្មែរប៉ុស្តិ៍បាយន្ត ក៏ត្រូវបានភាគីថៃសុំត្រួតពិនិត្យលើខ្លួនកីឡាករខ្មែរ ។ ការសុំត្រួតលើកីឡាករខ្មែរយើង ប្រទេសថៃធ្វើមកលើកម្ពុជាយើងរាងជ្រុល ធ្វើដូចខ្មែរយើងហ្នឹងខូច ធ្វើដូចយើងមានទម្លាប់មិនល្អពីមុនអីចឹង ប៉ុន្តែប្រទេសថៃទៅវិញទេ ដែលបានប្រព្រឹត្តទង្វើមិនគប្បី ដូចយើងបានឃើញកីឡាករថៃរូបនេះបង្កប់វត្ថុធាតុរឹងក្នុងដៃ និងស្រោបក្រណាត់ពីលើ ។

អ្នកលេងបណ្តាញសង្គមខ្មែរនិយាយថា បើអាជ្ញាកណ្តាលមិនបានត្រួតពិនិត្យជាមុនទេ តើការប្រកួតនេះនឹងក្លាយជាយ៉ាងណា ហើយវានឹងបង្កគ្រោះថ្នាក់ដល់កីឡាករខ្មែរយើងដែរឬទេ ។ ការប្រដាល់នីមួយៗត្រូវធ្វើឡើងដោយយុត្តិធម៌ គ្មានការយកប្រៀបលើគ្នាគ្រប់ចំណុចទាំងអស់ ទាំងគីឡូ និងការរៀបចំខ្លួន ។ អ្នកលេងបណ្តាញសង្គមខ្មែរយើងនិយាយថា តើគួរចាត់វិធានការចំពោះកីឡាករថៃរូបនេះបែបណាឱ្យសមរម្យ និងឱ្យប្រទេសថៃទទួលខុសត្រូវនូវទង្វើរបស់កីឡាករខ្លួនបែបណា ។

ចំណែកអ្នកលេងបណ្តាញសង្គមថៃវិញនាំគ្នាកាន់ជើងកីឡាករថៃរូបនេះ ហើយនិយាយថា ហេតុអ្វីបានជាកីឡាករថៃចង់ទៅប្រកួតនៅខ្មែរម៉្លេះ ទាំងដឹងហើយថា ខ្មែរលេងខូច ហើយហេតុអ្វីបានជាចង់ទិញសិទ្ធិផ្សាយបន្តផ្ទាល់ការប្រកួតកីឡាស៊ីហ្គេមនៅកម្ពុជា ខណៈជនជាតិថៃមិនចង់ទស្សនាទេ ។ រីឯអ្នកលេងបណ្តាញសង្គមថៃម្នាក់ទៀតសួរថា តើកីឡាករនេះពិតជាជនជាតិថៃមែនឬអត់ ឈ្មោះអ្វី និងមកពីណា ។ ដូចគ្នានេះ ម្នាក់ទៀតថា ប្រទេសថៃត្រូវចាត់ការជាមួយពួកខ្មែរឱ្យខ្លាំងៗ និងបញ្ឈប់រាល់ការជួយទាំងអស់ ។ រីឯជនជាតិថៃម្នាក់ទៀតថា ពួកវារករឿងថៃមិនអស់មិនហើយ ហើយព័ត៌មាននេះមិនពិតទេ ព្រោះធ្វើឱ្យប្រទេសថៃខូចកេរ្តិ៍ឈ្មោះ ។

អ្នកលេងបណ្តាញសង្គមថៃម្នាក់ទៀតនិយាយថា កីឡាករថៃត្រូវឈប់ទៅប្រកួតនៅកម្ពុជា បើស្រឡាញ់ Muay Thai ។ ចំណែកជនជាតិថៃម្នាក់ទៀតថា ការប្រឌិតរឿងឡើងមក គឺជាជំនាញរបស់ខ្មែរ ។ ដូចគ្នានេះ ជនជាតិថៃម្នាក់ទៀតថា ខ្មែរគួរតែបង្ហាញអត្តសញ្ញាណប័ណ្ណរបស់កីឡាករថៃរូបនេះ បើនិយាយថាជាជនជាតិថៃ ហើយបើមើលមុខមាត់ គឺមិនមែនជាជនជាតិថៃទេ ៕ WorldForumTh

ប្រទេសអេត្យូពី ៖ អេត្យូពី គឺជាប្រទេសមួយស្ថិតនៅតំបន់អាហ្វ្រិកខាងកើតបានប្រឈមនឹងគ្រោះរាំងស្ងួតធ្ងន់ធ្ងរ ខណៈគ្មានភ្លៀងធ្លាក់អស់រយៈពេល៣ឆ្នាំជាប់ៗគ្នា ហើយបានធ្វើឱ្យសត្វចិញ្ចឹមងាប់អស់ជាច្រើនក្បាលជាបន្តបន្ទាប់ ។ មន្ត្រីរដ្ឋាភិបាលក្នុងតំបន់បារម្ភថា នៅថ្ងៃខាងមុខឆាប់ៗនេះ នឹងមានអ្នកស្លាប់ដោយសារគ្រោះរាំងស្ងួតធ្ងន់ធ្ងរ ។

គ្រោះរាំងស្ងួតឈានដល់វិបត្តិធ្ងន់ធ្ងរនេះ ដោយសារប្រទេសអេត្យូពីគ្មានភ្លៀងធ្លាក់អស់រយៈពេល៣ឆ្នាំហើយ ដែលបណ្តាលឱ្យសត្វជាច្រើនក្បាលក្នុងភូមិ Kurakalicha ស្ថិតនៅភាគខាងត្បូងប្រទេសងាប់ជាបន្តបន្ទាប់ ។ ក្រៅពីនេះ គេបារម្ភថា ពលរដ្ឋនឹងត្រូវស្លាប់ដូចគ្នាដែរ បើមានគ្រោះរាំងស្ងួតកាន់តែធ្ងន់ធ្ងរបែបនេះបន្តទៀត ។ ជាក់ស្តែង បច្ចុប្បន្ន មានពលរដ្ឋជាង១០០នាក់បានរស់នៅក្រោមភាពអត់ឃ្លានយ៉ាងខ្លាំង ក្នុងនោះមានកុមារ មនុស្សចាស់ និងស្ត្រីមានផ្ទៃពោះ ។

តំបន់ភាគខាងត្បូងរបស់ប្រទេសនេះ មានអាកាសធាតុស្រដៀងគ្នានឹងប្រទេសជិតខាងរបស់ខ្លួនដែរ គឺប្រទេសសូម៉ាលី និងកេនយ៉ា ខណៈប្រទេសទាំងពីរនេះ ក៏កំពុងប្រឈមនឹងគ្រោះរាំងស្ងួតខ្លាំងក្លាបំផុតក្នុងរយៈពេលជាច្រើនទសវត្សរ៍ ។ ក្នុងរយៈពេល៥ឆ្នាំកន្លងមក ប្រទេសសូម៉ាលី និងកេនយ៉ា គ្មានភ្លៀងធ្លាក់ទេ ហើយគេគិតថា នឹងគ្មានភ្លៀងបែបនេះបន្តទៀត ។

កាលពីខែមីនាកន្លងមក បណ្តាអ្នកវិភាគនិយាយថា ប្រទេសសូម៉ាលីជួបគ្រោះរាំងស្ងួតធ្ងន់ធ្ងរបំផុត និងមានពលរដ្ឋចំនួន៤៣.០០០នាក់បានស្លាប់ដោយសារគ្រោះរាំងស្ងួតកាលពីឆ្នាំ២០២២ ។ រីឯមន្ត្រីផ្នែកជំនួយមនុស្សធម៌និយាយថា រយៈពេលមិនយូរទេ នឹងមានមនុស្សស្លាប់ដោយសារគ្រោះរាំងស្ងួតដ៏ខ្លាំងក្លានេះ ។

តាមសេចក្តីថ្លែងការណ៍របស់អាជ្ញាធរថា ធនធានធម្មជាតិដែលមានស្រាប់ គឺមិនគ្រប់គ្រាន់ដើម្បីឱ្យប្រទេសអេត្យូពីទទួលបានជំនួយផ្នែកមនុស្សធម៌ឡើយ ។ ចំណែកទិន្នន័យរបស់អង្គការសហប្រជាជាតិថា មានពលរដ្ឋប្រមាណ១២លាននាក់បានរស់នៅក្នុងសភាពអត់ឃ្លាន ខណៈតំបន់ជាច្រើនជួបគ្រោះរាំងស្ងួត ៕ ប្រភព ៖ Tnn earth

ប្រទេសហ្វីលីពីន ៖ សារព័ត៌មានស៊ីនហួរបានរាយការណ៍ថា ស្ថានទូតចិនប្រចាំទីក្រុងម៉ានីល ប្រទេសហ្វីលីពីនបង្ហាញថា ហ្វីលីពីនបាននាំចេញទុរេនលើកដំបូងទៅកាន់ប្រទេសចិន ក្រោយពីប្រទេសទាំងពីរនេះបានចុះហត្ថលេខាលើកិច្ចព្រមព្រៀងនាំចេញទុរេនកាលពី៣ខែមុន ដែលត្រូវបានគេដាក់ឈ្មោះថា «ទុរេនជាស្តេចផ្លែឈើ» ។

ការិយាល័យទំនាក់ទំនងរបស់ប្រធានាធិបតីហ្វីលីពីនបញ្ជាក់ថា ផ្លែទុរេនស្រស់នាំចេញទៅកាន់ប្រទេសចិនលើកដំបូងនេះ គឺយកមកពីក្រុមកសិករដាំដុះ និងអ្នកកែច្នៃក្នុងតំបន់ Davao ស្ថិតនៅភាគខាងត្បូងប្រទេសហ្វីលីពីន និងបានឆ្លងកាត់វិធានការដ៏តឹងរ៉ឹងសម្រាប់ការនាំទៅចេញទៅកាន់ទីផ្សារចិន ។ លើសពីនេះ ប្រទេសហ្វីលីពីនមានគម្រោងនាំចេញទុរេនស្រស់ទៅកាន់ចិនបន្ថែមទៀតតាមរយៈផ្លូវអាកាស និងផ្លូវទឹក ។

ឯកអគ្គរដ្ឋទូតចិនប្រចាំប្រទេសហ្វីលីពីន លោក Huang Xilian បានថ្លែងតាមបណ្តាញសង្គមថា ការនាំចេញទុរេនលើកនេះ អាចធ្វើឱ្យក្តីសុបិនរបស់កសិករហ្វីលីពីនក្លាយជាការពិត ហើយការលក់ដូរទុរេនអាចផ្តល់ផលប្រយោជន៍ដល់ពលរដ្ឋប្រទេសទាំងពីរផងដែរ ។

កាលពីខែមករា ឆ្នាំ២០២៣ កន្លងមក ប្រទេសចិន និងហ្វីលីពីនបានចុះកិច្ចព្រមព្រៀងជាមួយគ្នាលើការនាំចេញទុរេនស្រស់ ។ កិច្ចព្រមព្រៀងនេះបានធ្វើឱ្យហ្វីលីពីនអាចនាំចេញទុរេនរបស់ខ្លួនទៅកាន់ទីផ្សារយ៉ាងធំទូលាយរបស់ចិន ខណៈហ្វីលីពីនបានដាំដុះទុរេននៅលើផ្ទៃដីជាច្រើនហិកតា បើធៀបនឹងប្រទេសក្នុងតំបន់អាស៊ីអាគ្នេយ៍ ។

រដ្ឋាភិបាលហ្វីលីពីនបានប្តេជ្ញាចិត្តអនុវត្តនូវគម្រោងធានាគុណភាពទិន្នផលផ្លែឈើ ដើម្បីឱ្យការនាំចេញទុរេនទៅកាន់ទីផ្សារក្រៅប្រទេសមានគុណភាពខ្ពស់ ។ កិច្ចព្រមព្រៀងនាំចេញទុរេននឹងផ្តល់ប្រាក់ចំណូលរាប់លានដុល្លារអាមេរិកដល់ឧស្សាហកម្មទុរេនក្នុងប្រទេសហ្វីលីពីន ៕ ប្រភព ៖ TNN World