នៅល្ងាចថ្ងៃទី២៣ ខែមេសា ឆ្នាំ២០២៣ មានភ្លៀងធ្លាក់លាយឡំខ្យល់កន្រ្តាក់ និងមានរន្ទះបានបណ្ដាលឱ្យបាត់បង់ជីវិតមនុស្សចំនួន ០១នាក់ និងប៉ះពាល់ផ្ទះប្រជាពលរដ្ឋចំនួន ១៩ខ្នង ស្ថិតនៅសង្កាត់កូនក្រៀល សង្កាត់សំរោង និងសង្កាត់បុស្បូវ ក្រុងសំរោងខេត្តឧត្តរមានជ័យ។ នេះបើតាមការបង្ហោះរបស់ក្រសួងធនធានទឹកនិងឧតុនិយម ថ្ងៃទី២៤ ខែមេសា។

កាលពីម្សិលមិញនេះ មិនត្រឹមតែខេត្តឧត្តរមានជ័យ ដែលមានភ្លៀងធ្លាក់ ខណៈនៅខេត្ត ឧត្តរមានជ័យ ,ប៉ៃលិន ក៏មានភ្លៀងធ្លាក់ផងដែរ ខណៈផ្ទះពលរដ្ឋ១៧ខ្នងនៅស្រុកសំឡូត ខេត្តបាត់ដំបង ក៏រងការខូចខាតដោយសារភ្លៀងលាយឡំខ្យល់កន្ត្រាក់ផងដែរ។

គួរបញ្ជាក់ផងដែរថា ដ្បិតនៅខេត្តមួយចំនួនមានភ្លៀងធ្លាក់ក្តី តែនៅរាជធានីភ្នំពេញវិញ មានអាកាសធាតុក្តៅខ្លាំងរហូតដល់៣៩អង្សា ខណៈនៅប្រទេសជិតខាងកម្ពុជារងរលកកម្តៅជិត៦០អង្សា៕

តាមទស្សនៈហុងស៊ុយ ផ្ទះដែលមានលក្ខណៈបែបនេះ រាសីឡើងខ្ពស់ត្រដែត នឹងនាំលាភសំណាងដល់ម្ចាស់ផ្ទះនិងគ្រួសារ ។ ដែលសញ្ញាទាំង៣ នោះមានដូចជា៖

១.សត្វស្លាបហោះចូលក្នុងផ្ទះ៖ សត្វស្លាបដូចជា ឃ្មុំ, ចាប, មេអំបៅ, ជីងចក់…ជាដើម។ បើសិនឃើញសត្វទាំងនោះនូវក្នុងផ្ទះមានន័យថាគ្រួសារជិតទទួលបានដំណឹងល្អ សំណាងល្អ មានអាយុយឺនយូរ សុខភាពរឹងមាំ និងទទួលបានសេចក្តីចម្រើនរុងរឿងជានិច្ច។

២.សត្វធ្វើសំបុក៖ មិនថាសត្វចាប ឬពីពាងនោះទេបើសិនវាធ្វើសំបុកនៅក្នុងផ្ទះយើងមានន័យថា ជានិមិត្តសញ្ញានៃសំណាងនិងភាពរុងរឿង។ វាអាចជាឱកាសក្នុងការឈានទៅមុខក្នុងការងារ ការជួញដូរដែលមានតម្លៃថ្លៃ និងមានទ្រព្យសម្បត្តិច្រើន។

៣.ដើមឈើដុះពន្លក និងបង្កើតផល៖ លក្ខខណ្ឌនៃរុក្ខជាតិនៅក្នុងផ្ទះគឺជារង្វាស់នៃភាពរឹងមាំនៃគ្រួសារនីមួយៗ។ រុក្ខជាតិក្រៀមស្វិតត្រូវបានចាត់ទុកថាជាប្រផ្នូលនៃសំណាងអាក្រក់។ ទន្ទឹមនឹងនេះ រុក្ខជាតិក្នុងផ្ទះតែងតែមានពណ៌ខៀវស្រស់បំព្រង រីកដុះដាល ចេញផ្លែផ្កា បង្ហាញថាផ្ទះមានខ្យល់អាកាសល្អ។ ផ្ទះដែលមានដើមឈើបៃតង និងខ្យល់អាកាសក៏បង្កើតតុល្យភាពដែលជួយឱ្យម្ចាស់មានសុខភាពបរិបូរណ៍ និងសំណាងល្អ ។
ជាមួយនឹងរុក្ខជាតិក្នុងផ្ទះ ម្ចាស់ផ្ទះគួរតែជ្រើសរើសរុក្ខជាតិដែលមានទឹកដមនិងមានស្លឹកមូល តំណាងឱ្យលុយ ទ្រព្យសម្បត្តិ និងសំណាង៕ ប្រភព៖phuntoday.com

នៅពេលអាកាសធាតុឡើងកំដៅខ្លាំងនារដូវវស្សានេះ ក្រសួងសុខាភិបាល ក៏បានចេញសេចក្ដីប្រកាសព័ត៌មាន ដើម្បីឱ្យពលរដ្ឋប្រុងប្រយ័ត្ន។ ភ្ជាប់ជាមួយនឹងព័ត៌មានជាសកលស្ដីពីផលប៉ះពាល់បណ្ដាលមកពីការកើនឡើងកំដៅ ក្រសួងសុខាភិបាលបានផ្ដល់វិធីសាស្រ្តសាមញ្ញចំនួន១៥ចំណុចជូនពលរដ្ឋ ដើម្បីបញ្ចៀសផលវិបាកទាំងឡាយលើសុខភាព ដូចខាងក្រោម៖

១.ត្រូវរក្សាជាតិទឹករាង្គកាយឱ្យបានគ្រប់គ្រាន់ ដោយពិសារទឹកសុទ្ធ ទឹកស្អាតល្អ ឬទឹកដាំពុះតែទុកឱ្យត្រជាក់ (ចៀសវាងប្រើទឹកក្ដៅ) ឬទឹកច្រោះល្អ ឱ្យបានច្រើន និងញឹកញាប់ លើសពី២លីត្រក្នុងមួយថ្ងៃ បើទោះជាមិនមានអារម្មណ៍ស្រេកទឹកក៏ដោយ។ ចៀសវាងការរាគរូស និងជំងឺផ្សេងៗ ដោយរក្សាអនាម័យខ្លួនប្រាណ និងអនាម័យចំណីអាហារ។

២. ចៀសវាងការពិសារភេសជ្ជៈដែលបណ្ដាលឱ្យជាតិទឹកនៅក្នុងរាងកាយថយចុះ មានដូចជា៖ ពិសារគ្រឿងស្រវឹង ឬជាតិអាល់កុល កាហ្វេ តែ ភេសជ្ជៈដែលមានជាតិកាហ្វេអ៊ីន និងមានជាតិស្ករ។

៣. សូមកុំពិសារប្រៃ និងផ្អែម ដោយកាត់បន្ថយការទទួលទានជាតិអំបិល និងជាតិស្ករច្រើន។ ពិសារផ្លែឈើដែលសម្បូរ ជាតិសរសៃ និងជាតិទឹក ព្រមទាំងផ្លែឈើធម្មជាតិ។ ចៀសវាងអាហារដែលមានជាតិប្រូតេអ៊ីន ជាតិប្រៃ ជាតិស្ករ និង ជាតិខ្លាញ់ខ្ពស់។

៤. ស្លៀកសម្លៀកបំពាក់ជួយការពារកំដៅ និងការពារការរលាកស្បែកដោយពន្លឺព្រះអាទិត្យ ដូចជាស្លៀកសម្លៀកបំពាក់ រលុង ស្រាល មានពណ៌ស្រាល អាចប្រើឡេលាបស្បែកការពារកំដៅថ្ងៃជាជំនួយ និងពាក់មួកដែលមានគែមធំទូលាយ ឬប្រើឆ័ត្រ ធ្វើជារបាំងការពារកម្ដៅថ្ងៃ ហើយឱស្សាហ៍ផ្លាស់ប្ដូរសម្លៀកបំពាក់ ប្រសិនបើវាសើមខ្លាំង។

៥. ចៀសវាងការស្លៀកពាក់ឱ្យទារក ឬកុមារតូចៗ នូវសម្លៀកបំពាក់ក្រាស់ៗពេក ឬរុំពួកគេក្នុងភួយធ្វើឱ្យមានកំដៅឡើងបន្ថែម។

៦. ចៀសវាងនៅក្រោមពន្លឺថ្ងៃដោយផ្ទាល់យូរពេក (ត្រូវស្វែងរកម្លប់ជ្រូក ឬប្រើរបាំងការពារកំដៅព្រះអាទិត្យ) និងកាត់ បន្ថយការឱ្យពន្លឺព្រះអាទិត្យចូលក្នុងផ្ទះច្រើនពេក និងយូរពេក ដើម្បីកាត់បន្ថយកំដៅចូលក្នុងផ្ទះ។

៧. ប្រើកន្សែងសើមជូតមុខរបស់អ្នក ឬដាក់វានៅជុំវិញករបស់អ្នក ប្រសិនបើមានអារម្មណ៍ថា ក្ដៅខ្លាំងពេក។

៨. ងូតទឹកត្រជាក់ ឬទឹកធម្មតាឱ្យបានញឹកញាប់ ប៉ុន្តែត្រូវជៀសវាងការធ្វើឱ្យមានការផ្លាស់ប្តូរសីតុណ្ហភាពខ្លាំង គឺចៀស វាងការងូតទឹកត្រជាក់ភ្លាមៗ បន្ទាប់ពីត្រលប់មកពីសីតុណ្ហភាពក្ដៅ ដែលអាចបណ្ដាលឱ្យមានការថយចុះកំដៅហួស និងអាចមានគ្រោះថ្នាក់ ជាពិសេសចំពោះមនុស្សវ័យចាស់ ឬកុមារ។

៩. ប្រសិនបើអ្នកទៅខាងក្រៅផ្ទះ ត្រូវរៀបចំកាលវិភាគសកម្មភាពខាងក្រៅផ្ទះសម្រាប់ព្រឹកព្រលឹមបើអាចធ្វើបាន ឬពេលល្ងាចនៅពេលដែលសីតុណ្ហភាពក្ដៅមានការថយចុះមកត្រជាក់ ចៀសវាងសកម្មភាពពេលថ្ងៃត្រង់ ឬនៅពេលព្រះអាទិត្យក្តៅបំផុត។ ហាត់បន្សំខ្លួនជាបណ្តើរៗ សម្រាប់លក្ខខណ្ឌអាកាសធាតុក្ដៅ។

១០. ដឹងពីដែនកំណត់ និងសមត្ថភាពផ្ទាល់ខ្លួនរបស់លោកអ្នក ក្នុងការធ្វើការដោយសុវត្ថិភាពនៅក្នុងកំដៅដែលអាច ទ្រាំទ្របាន ធ្វើការសន្សឹមៗ កុំប្រញាប់ប្រញាល់ ដែលមានការចំណាយកម្លាំងច្រើនដោយគំហុកភ្លាមៗហើយក្ដៅខ្លាំង។

១១. ចំណាយពេលសម្រាក និងជ្រកនៅកន្លែងដែលមានម្លប់ កន្លែងដែលត្រជាក់ ឬម៉ាស៊ីនត្រជាក់ ឬស្នាក់នៅក្នុងផ្ទះ ឬ ទីតាំងដែលត្រជាក់ តាមដែលអាចធ្វើទៅបាន លុះត្រាតែអ្នកប្រាកដថា រាង្គកាយរបស់លោកអ្នក មានភាពធន់ខ្ពស់អាច ទប់ទល់ចំពោះកំដៅក្នុងកម្រិតណាមួយ។

១២. កុំពឹងផ្អែកតែលើកង្ហារជាឧបករណ៍ធ្វើឱ្យត្រជាក់ជាចម្បងរបស់លោកអ្នក អំឡុងពេលមានកំដៅខ្លាំង មធ្យោបាយផ្សេងៗ ដើម្បីបន្ថយកំដៅ។

១៣. កំណត់ការប្រើប្រាស់ចង្ក្រាន និងឡ- វានឹងធ្វើឱ្យអ្នក និងផ្ទះរបស់អ្នកកាន់តែក្តៅ។

១៤. សមាជិកគ្រួសារ ត្រូវឧស្សាហ៍តាមដាន និងត្រួតពិនិត្យមើលឱ្យបានញឹកញាប់ លើអ្នកងាយរងគ្រោះដោយសារ អាកាសធាតុក្តៅ រួមមាន មនុស្សវ័យចាស់អាយុចាប់ពី ៦៥ឆ្នាំ អ្នកកំពុងមានជំងឺ កុមារអាយុតិចជាង ៥ឆ្នាំ អ្នកមានជំងឺ រ៉ាំរ៉ៃ និងអ្នកមានជំងឺផ្លូវចិត្ត ពីព្រោះពួកគេអាចត្រូវការជំនួយយ៉ាងតិចណាស់ ២ដងក្នុងមួយថ្ងៃក្នុងអំឡុងពេលអាកាស ធាតុក្តៅ សូមកុំទុកពួកគាត់ចោលដោយមិនបានអើតមើលពួកគាត់។

១៥. ប្រសិនបើមានរោគសញ្ញាដូចជា៖ វិលមុខ ចង្អោរ ឬក្អួត ឈឺក្បាល រមូលសាច់ដុំ (រមូលពីរជាសញ្ញាដំបូងនៃ ផលប៉ះពាល់នៃកំដៅ ត្រូវផ្លាស់ទីទៅកាន់កន្លែងត្រជាក់ ត្រូវសម្រាកពី ២-៥នាទី ហើយពិសារទឹកត្រជាក់យឺតៗ កុំបន្ត សកម្មភាពពីព្រោះអាចមានហានិភ័យខ្ពស់។ ចៀសវាងដាច់ខាតនូវការចោមរោមជុំជិតអ្នកដែលមានបញ្ហាសុខភាព។ ត្រូវស្វែងរកការព្យាបាលភ្លាមៗ ប្រសិនបើអ្នកមិនមានអារម្មណ៍ធូរស្រាល៕

ឆ្នេរចាំយាមជាឆ្នេរដែលមានខ្សាច់ស ទេសភាពស្រស់បំព្រង ខ្យល់អាកាសបរិសុទ្ធ ស្ថិតនៅចំពីក្រោយ សណ្ឋាគារកោះកុងរីសត លាតសន្ធឹងពីព្រំដែនប្រទេសថៃ ទៅដល់ឆ្នេរប៉ាក់ខ្លង និងមាន​ចម្ងាយ​ជាង ១០ គីឡូម៉ែត ពី​ទី​ក្រុងខេមរភូមិន្ទ នៅជាប់​នឹង​ព្រំដែន​ថៃ។ ឆ្នេរនេះត្រូវបាន​ធ្វើ​ការអភិវឌ្ឍ​ន៍​តាំងពី​ឆ្នាំ​ ១៩៩៧មកម្ល៉េះ។

ចាំយាមជារមណីយដ្ឋានឆ្នេរខ្សាច់ធម្មជាតិ ត្រូវបានកែច្នៃឱ្យកាន់តែល្អប្រសើរ នៅជាប់ព្រំដែនកម្ពុជា-ថៃ កំពុងតែទទួលបានការពេញនិយមពីសំណាក់ភ្ញៀវជាតិ និង អន្តរជាតិ ដែលបានទៅដល់តំបន់មាត់សមុទ្រមួយនេះ។

ក្រោយពីមានភាពល្បីរន្ទឺ ឆ្នេរមួយនេះបានទទួលការអភិវឌ្ឍ​ន៍​ជាខ្លាំង ទាំងផ្លូវថ្នល់ និង ឧទ្យានានា បានធ្វើអោយសម្រស់ឆ្នេរ​ខ្សាច់​ចាំ​យាមបានកែប្រែមុខមាត់ថ្មីស្រឡាង និងក្លាយជាតំបន់ទេសចរណ៍មួយដ៏មានសក្តានុពលនៃខេត្តកោះកុង៕