កាន់តែកៀកមែនទែនហើយក្នុងវគ្គផ្តាច់ព្រ័ត្រនៃកម្មវិធី “សមាជិក ប.ស.ស. ឆ្នើម ឆ្នាំ២០២៣” ដែលមានបេក្ខភាព៤២រូប ត្រូវប្រកួតប្រជែងគ្នាដោយក្នុងនោះមានបេក្ខជនចំនួន ២១រូប និងបេក្ខនារីចំនួន ២១រូប ខណៈមហាជនកំពុងចោលក្រសែភ្នែកទន្ទឹងរង់ចាំមើលអ្នកណាជាម្ចាស់ជ័យលាភីក្នុងកម្មវិធីនេះ។

កម្មវិធី “សមាជិក ប.ស.ស. ឆ្នើម ឆ្នាំ២០២៣” ត្រូវបានបង្កើតឡើងដោយផ្តល់ឱកាសឱ្យ
កម្មករ កម្មការិនី កំពុងធ្វើការងារយ៉ាងតិច៣ខែ ក្នុងវិស័យកាត់ដេរសម្លៀកបំពាក់ មានរូបសម្បត្តិសមរម្យ មានភាពវៃឆ្លាត មានភាពរួសរាយរាក់ទាក់ ទំនាក់ទំនងល្អ និងមាន ប្រជាប្រិយភាព ទាំងអ្នកមានគ្រួសារនិងនៅលីវអាចចូលរួមប្រកួត ដោយបេក្ខជនត្រូវ មានអាយុចាប់ពី១៨ដល់៣៥ឆ្នាំកម្ពស់ចាប់ពី ១.៧០ម សម្រាប់បេក្ខនារី មានអាយុចាប់ពី១៨ដល់៣០ឆ្នាំមានកម្ពស់ចាប់១.៦០ម ។

“សមាជិក ប.ស.ស. ឆ្នើម ឆ្នាំ២០២៣” រៀបចំឡើងក្រោមគំនិតផ្តួចផ្តើមរបស់ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ និងមានការសហការពីសមាគមរោងចក្រកាត់ដេរនៅកម្ពុជា (TAFTAC), សហភាពសហព័ន្ធយុវជនកម្ពុជា (ស.ស.យ.ក), និងអគ្គនាយកដ្ឋានវិទ្យុ និងទូរទស្សន៍បាយ័ន សំដៅលើកតម្លៃកម្មករ-កម្មការិនី និងបង្កើតនូវឱកាសបញ្ចេញសមត្ថភាពរបស់បងប្អូនកម្មករ-កម្មការិនី ដែលកំពុងបម្រើការងារក្នុងឧស្សាហកម្មផ្នែកវាយនភណ្ឌកាត់ដេរ នៅកម្ពុជា ក្នុងឱកាសអបអរសាទរខួបអនុស្សាវរីយ៍លើកទី១៣៧ ទិវាពលកម្មអន្តរជាតិ។

គួរបញ្ជាក់ថា បេក្ខភាព «សមាជិក ប.ស.ស. ឆ្នើម ឆ្នាំ២០២៣» មានការជ្រើសរើសចេញពីបេក្ខភាពរាប់រយនាក់ និងចុងក្រោយជ្រើសរើសយកតែ ៤២រូបប៉ុណ្ណោះ គឺបេក្ខជនចំនួន ២១រូប និងបេក្ខនារីចំនួន ២១រូប ដើម្បីយកទៅប្រកួតប្រជែងផ្ដាច់ព្រ័ត្រនៅរាជធានីភ្នំពេញ នាថ្ងៃទី១ ខែឧសភា ឆ្នាំ២០២៣ ខាងមុខនេះវេលាម៉ោង ៣រសៀល នៅបេឡាជាតិសន្តិសុខសង្គមស្នាក់ការកណ្ដាល ដែលមានទីតាំងនៅភូមិបន្លាស្អិត សង្កាត់ឈ្មួញ ខណ្ឌសែនសុខ។
បន្ថែមពីលើនេះ មុនពេលកម្មវិធីឈានដល់ថ្ងៃផ្តាច់ព័្រត្របេក្ខភាពទទួលបានដំណើរកម្សាន្តទៅកាន់ទីតាំងសំខាន់ៗចំនួន ៣ ក្នុងរាជធានីភ្នំពេញ ដែលរួមមាន ព្រះបរមរាជវាំង សារមន្ទីរជាតិ និងវិមានឈ្នះ ឈ្នះ ដើម្បីទទួលបានចំណេះដឹងថ្មីៗមុនការប្រកួតឈុតធំ៕

កាលពីម្សិលមិញ គេហទំព័រផ្លូវការរបស់សហព័ន្ធបាល់ទាត់កម្ពុជា បានបង្ហោះរូបភាពមួយចំនួន ទាក់ទងនឹងការហ្វឹកហាត់របស់ក្រុមបាល់ទាត់នារីកម្ពុជា ដែលក្នុងនោះគេសង្កេតឃើញថាមានកីឡាការរីនីដល់ទៅ៣នាក់ដែលទំនងជាកូនកាត់បរទេស។

ម្នាក់នៅក្នុងចំណោម៣រូបនោះ មានឈ្មោះថា ឈីវ សេឡេណា ដែលត្រូវបានគេមើលឃើញថាជាកីឡាររីនីដែលមានកាយសម្បទាល្អដាច់គេ នៅក្នុងក្រុមជម្រើសជាតិកម្ពុជា។

ឈីវ សេលីណា (Selena Chhiv) គឺជាកូនកាត់ខ្មែរ-កាណាដា ដែលមាន​ឪពុក និង​ម្ដាយ​ជា​ជនជាតិខ្មែរ បាន​ផ្លាស់​ទៅ​រស់នៅ​ប្រទេស​កាណាដា ក្នុងអំឡុង​សម័យ​សង្គ្រាម ហើយ​នាង​បានកើត​នៅ​ទីក្រុង Montreal ប្រទេស​កាណាដា នា​ឆ្នាំ​ ២០០២​។

កីឡាការិនី​វ័យ ២១ ​ឆ្នាំ​ មាន​កម្ពស់ ១.៦៣ ​ម៉ែត្រ ជំនាញ​ជើង​ស្ដាំ ហើយ​អាច​លេង​បាន​ក្នុងតួនាទី​ជា​ខ្សែការពារ ខ្សែបម្រើ ឬ​ខ្សែបម្រើ​ស្លាប​។

មុននឹងត្រូវបានកោះហៅមកចូលក្រុមជម្រើសជាតិ កីឡាការិនីរូបនេះធ្លាប់បានបង្ហើបថា៖”​ខ្ញុំ​នឹងធ្វើ​អ្វី​គ្រប់យ៉ាង ដើម្បី​ត្រៀមខ្លួន​ចូលរួម​ជាមួយ​ក្រុម​នារី​កម្ពុជា ទាំង​ផ្លូវកាយ និង​ផ្លូវចិត្ត ព្រោះ​ខ្ញុំ​ហ្វឹកហាត់​ស្ទើរ​រាល់ថ្ងៃ ខ្ញុំ​ត្រៀមខ្លួន​គ្រប់ពេល​។ នៅ​រដូវក្តៅ​ខ្ញុំ​ហ្វឹកហាត់​ប្រហែល ៦ ថ្ងៃ​ក្នុង​មួយ​សប្តាហ៍ ប៉ុន្តែ​ក្នុង​រដូវរងា ដោយសារ​ត្រជាក់ និង​មាន​ធ្លាក់​ព្រិល ខ្ញុំ​ហ្វឹកហាត់​តិចជាង​បន្តិច ខ្ញុំ​តែងតែ​ព្យាយាម​ហ្វឹកហាត់​សង​វិញ”៕

អ្នកចម្រៀង Cover ដ៏ស្រស់សោភា ចិន្តា វីតា ត្រូវអ្នកលេងបណ្តាញសង្គមរិះគន់ចាស់ដៃមិនសំចៃមាត់ ក្រោយពីយកបទចម្រៀងដ៏ល្បី «កំលោះស្រុកខ្មែរ» របស់ វណ្ណដា និង វណ្ណថាន ទៅ Cover មានចំណងជើងថា «ក្រមុំស្រុកស្រែ» ដោយពួកគេបានរិះគន់នាងថា «សំឡេងផ្តាច់ព្រលឹង »។

ចិន្តា វីតា មានឈ្មោះពិតថា លឿង ចិន្តា គឺជាអ្នកចម្រៀង Cover ល្បីមួយរូបនៅលើបណ្តាញសង្គម ដោយរូបនាងបានយកបទចម្រៀងល្បីៗទៅច្រៀងឡើងវិញ។ មែនទែនទៅ សាវតារ របស់អ្នកចម្រៀងរូបនេះធ្លាប់ឆ្លងកាត់ការប្រកួតប្រជែងជាច្រើនដង តាំងពីអាយុ៧ឆ្នាំ ដោយសារតែសេចក្តីស្រលាញ់ខាងវិស័យសិល្បៈ។ ចិន្តា វីតា គឺជាអតីតបេក្ខជន The Voice Cambodia រដូវកាលទី១ ក្នុងឆ្នាំ២០១៤ ជាកូនក្រុមរបស់ Cash ឱក សុគន្ធកញ្ញា ដោយក្នុងវគ្គ Blind auditions នាងទទួលបានរហូតដល់ ៤ កៅអី។ មិនត្រឹមតែប៉ុណ្ណោះ វីតា ក៏ធ្លាប់ប្រកួតប្រជែងក្នុងកម្មវិធី «សំនៀងឯក» របស់ស្ថានីយ៍ទូរទស្សន៍បាយ័ន ផងដែរ។

យ៉ាងណាមិញ ថ្មីៗនេះអ្នកចម្រៀងរូបនេះ បានយកបទចម្រៀងដ៏ល្បីរបស់តារាចម្រៀងវណ្ណដា និង វណ្ណថាន មានចំណងជើងថា «កំលោះស្រុកខ្មែរ» ទៅ Cover មានចំណងជើងថា «ក្រមុំស្រុកស្រែ» ដែលបានចេញនៅលើឆាណែលយូធូប «Bong Plerng Media» កាលពីថ្ងៃទី២៤ ខែមេសា ហើយត្រូវអ្នកលេងបណ្តាញសង្គម Tik Tok យកទៅចែកចាយ ព្រមទាំងទទួលបានការរិះគន់នាងយ៉ាងខ្លាំង។

អ្នកលេងបណ្តាញសង្គមបានខំមិនរិះគន់ ចិន្តា វីតា ថា «សំឡេង យកព្រលឹង , ដាក់ក្នុងរឿង នាងណាត ត្រូវគ្នា , បំពេកូន, ចប់បាត់ហើយចែអើយ ,ឈប់ទៅចែ ,ឈប់ទៅបង មកទាំងទឹកទាំងកាកម៉ងបង ,យំអត់ចេញទេ ,គាំងអ្នក Mixmaster ចប់បាត់ »។ អ្នកខ្លះទៀតបានខំមិនថា «សំឡេងគាត់ពីរោះដូចអត់ពីរោះ បាកនិយាយណាស់ ស្ដាប់ហើយឡើងព្រឺ សំឡេងផ្ដាច់សង្ខា, អត់ពីរោះពិត អត់ស៊ីគ្នាសោះ, សម្លេងសមតែច្រៀងភ្លេងការ»៕

@ahheng051

#ប្រភពពីyoutube #BongPlerngMedia(ORIGINAL BY #Vanthan x VannDa) បទ៖ #ក្រមុំស្រុកស្រែ [COVER]

♬ សំឡេងដើម – Ah heng – Ah heng

កាលពីថ្ងៃទី២៥ ខែមេសា ឆ្នាំ​២០២៣ គំរូផែនទី​នៃគម្រោង​ផ្លូវល្បឿនលឿន​ភ្នំពេញ-សៀមរាប ត្រូវបានបង្ហាញ​ចេញ​ក្នុងកិច្ចប្រជុំ​ស្តីពីការ​ចូលរួម​ផ្តល់ព័ត៌មាន​បច្ចេកទេស​លើគម្រោង​សិក្សា​ផ្លូវល្បឿនលឿន​នេះ។

គម្រោង​ផ្លូវល្បឿនលឿនទី៣នេះ នឹង​ចាប់ផ្តើម​ចេញពីរាជធានីភ្នំពេញ ឆ្លងកាត់​ខេត្តកណ្តាល កំពង់ចាម កំពង់ធំ និងសៀមរាប។ នេះបើយោងតាម​លិខិត​ជូនដំណឹង​របស់​ក្រសួងសាធារណការ និង​ដឹកជញ្ជូន ផ្ញើទៅកាន់​អភិបាល​រាជធានី-ខេត្ត​ទាំង៥ កាលពីពេលថ្មីៗនេះ។

ក្រសួង​បាន​ស្នើឱ្យ​អភិបាលរាជធានី-ខេត្ត​ទាំង៥ ​ជួយអន្តរាគមន៍ សម្របសម្រួល​ដល់អង្គភាពពាក់ព័ន្ធ និងអាជ្ញាធរ​មូលដ្ឋាន​ក្នុងដែន​សមត្ថកិច្ច ដើម្បី​ចូលរួម​សហការ​ជាមួយ​ក្រុមហ៊ុន​សាជីវកម្មស្ពាន និង​ថ្នល់​ចិន ក្នុងការសិក្សា​លើគម្រោងផ្លូវល្បឿនលឿននេះ ឱ្យ​បានរលូន។

សូមជម្រាបផងដែរថា នៅថ្ងៃទី៧ ខែមិថុនា ឆ្នាំ​២០២៣ខាងមុខនេះ កម្ពុជា​នឹង​បើកការដ្ឋាន​សាងសង់​ផ្លូវល្បឿនលឿនទី២ ភ្នំពេញ-បាវិត ក្រោមអធិបតីភាព​សម្តេចតេជោ ហ៊ុន សែន៕

នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានបញ្ជាឲ្យកម្លាំងអាវុធហត្ថ បើកប្រតិបត្តិការបង្ក្រាបបទល្មើសព្រៃឈើ ហើយបើវាបាញ់ត បាញ់វាកម្ទេចចោលតែម្តងទៅ។ អីក៏សម្បើមម្ល៉េះ។

តាមរយៈសារសំឡេងនៃបទបញ្ជា នៅថ្ងៃទី២៦ ខែមេសា ឆ្នាំ២០២៣ នាយឧត្តមសេនីយ៍ សៅ សុខា បានបញ្ជាក់ថា “ខ្ញុំបញ្ជាឱ្យរៀបកម្លាំង ១៥០នាក់ បំពាក់កាំភ្លើងគ្រប់ដៃ មធ្យោបាយរបស់យើង បើចាំបាច់ប្រើរថពាសដែកក៏បានដែរ ទៅកន្ទ្រប់ពួកអស់ហ្នឹងឱ្យអស់មើ មានប៉ុន្មាននាក់ពួកអាបំផ្លាញព្រៃឈើហ្នឹង។ វ៉ៃខ្នោះ ចងហ្អែងមើរ៍។ មានប៉ុន្មាននាក់ (បានជាបំផ្លាញព្រៃឈើ) មិនចេះឈប់សោះអញ្ចឹង។ ឱ្យនរណាសិក្សាផ្លូវឲ្យច្បាស់។ វ៉ៃខ្នោះទាំងអស់ នរណាខ្លះចេញមុខមកការពារបទល្មើសហ្នឹង ហើយហៅមន្ត្រីរដ្ឋបាលព្រៃឈើទៅ ចាប់ហើយ ហៅសួរនាំនរណាខុសនរណាត្រូវ។ ឥឡូវ បើស្រុក និងខេត្តមិនធ្វើទេ យើងធ្វើ។ បើមានកាំភ្លើងតដៃទេ មិនបាច់និយាយច្រើនទេ បាញ់យកតែម្តងទៅ។ យក PKM ទៅបំពាក់តែម្តងទៅ ១០ដើម។ បើវាបាញ់ត បាញ់វាកម្ទេចចោលតែម្តងទៅ។ អីក៏សម្បើមម្ល៉េះ មិនស្តាប់នាយករដ្ឋមន្ត្រីទេហ្អី”៕

ស្របតាមប្រសាសន៍សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាថ្ងៃទី២៥ ខែមេសា ឆ្នាំ២០២៣ និងដើម្បីចូលរួមអបអរ សាទរព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ក្នុងឱកាសដែលកម្ពុជាធ្វើជាម្ចាស់ផ្ទះ រដ្ឋបាលរាជធានីភ្នំពេញនឹងសហការជាមួយសហភាពសហព័ន្ធយុវជនកម្ពុជា (ស.ស.យ.ក) រៀបចំផ្សាយបន្តផ្ទាល់ការប្រកួតបាល់ទាត់របស់ក្រុមជម្រើសជាតិកម្ពុជាក្នុងព្រឹត្តិការណ៍ប្រកួត កីឡាអាស៊ីអាគ្នេយ៍លើកទី៣២ ចាប់ពីថ្ងៃទី២៩ ខែមេសា ដល់ថ្ងៃទី១៦ ខែឧសភា ឆ្នាំ ២០២៣ ចំនួន៧ទីតាំង។

ទីតាំងទាំង៧រួមមាន៖
១- សួនច្បារមុខវត្តបទុមវតី ស្ថិតនៅក្នុងសង្កាត់ចតុមុខ ខណ្ឌដូនពេញ
២- សួនច្បារមាត់ទន្លេទល់មុខភោជនីយដ្ឋានមេត្រូ ស្ថិតនៅក្នុងសង្កាត់ផ្សារកណ្តាលទី១ ខណ្ឌដូនពេញ
៣- ក្នុងបុរីប៉េងហួតបឹងស្នួរ ស្ថិតនៅក្នុងសង្កាត់និរោធ ខណ្ឌច្បារអំពៅ
៤- ស្ងួនច្បារមិត្តភាពក្បែរក្រសួងការពារជាតិ ស្ថិតនៅក្នុងសង្កាត់មិត្តភាព ខណ្ឌ៧មករា
៥- សួនច្បារទល់វិទ្យាស្ថានស្រាវជ្រាវ និងអភិវឌ្ឍន៍ព្រៃឈើ-សត្វព្រៃ ស្ថិតនៅក្នុងសង្កាត់ គោកឃ្លាង ខណ្ឌសែនសុខ
៦- សូនច្បារព្រះនាងប្រាជ្ញាបារមី ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ
៧-ទីលានប្រជាធិបតេយ្យ ក្បែរស្ពានអាកាសឫស្សីកែវ ស្ថិតនៅក្នុងសង្កាត់ឫស្សីកែវ ខណ្ឌឫស្សីកែវ។

សូមជម្រាបផងដែរថា ក្រុមជម្រើសជាតិកម្ពុជា U22 នឹងត្រៀមប្រកួតបើកឆាកប៉ះជាមួយក្រុមជម្រើសជាតិទីម័រខាងកើត នៅថ្ងៃទី២៩ ខែមេសា វេលាម៉ោង ៧:០០ នាទីយប់ នៅពហុកីឡដ្ឋានជាតិ ក្នុងព្រឹត្តិការណ៍កីឡាស៊ីហ្គេម វិញ្ញាសារបាល់ទាត់ផ្នែកបុរស ខណៈក្រុមជម្រើសជាតិឥណ្ឌូណេស៊ី ក៏នឹងត្រូវជួបជាមួយក្រុមជម្រើសជាតិហ្វីលីពីន វេលាម៉ោង ៤:០០នាទីរសៀល ពូល A វគ្គសន្សំពិន្ទុ៕