កីឡាការិនី​ជូជឺតស៊ូ ​ខាន់ ចេសា ធ្វើបានយ៉ាងល្អនៅថ្ងៃប្រកួតបើកឆាករបស់ខ្លួន ដោយបានផ្តួលកីឡាករិនីសិង្ហបុរី វៀតណាម និងថៃ នៅក្នុងប្រភេទកីឡា​ជូជឺតស៊ូ លើវិញ្ញាសា Ne-Waza ទម្ងន់ ៥២គីឡូក្រាម។

មហាជន បញ្ចេញការស្ញប់ស្ញែងដល់កីឡាការិនីរូបនេះ ជាខ្លាំង ថ្វីបើមានមាឌរៀងតូចក៏ប៉ុន្តែកម្លាំងនិងបច្ចេកទេសរបស់នាង បានគួរផ្សំគ្នាយកឈ្នះគូប្រកួតបានយ៉ាងងាយ។

តែយ៉ាងណាមិញ នេះជាថ្ងៃដំបូងនៃការប្រកួតរបស់នាងតែប៉ុណ្ណោះ យើងមានតែសង្ឃឹម និងរងចាំមើលតទៅទៀត ហើយរំពឹងថានាងនឹងធ្វើបានកាន់តែល្អទៀត។

សូមបញ្ជាក់ផងដែរថា ​ខាន់ ចេសាគឺជាម្ចាស់​មេដាយ​មាស​ កីឡាអាស៊ី ឆ្នាំ២០១៨ និងសុីហ្គេមឆ្នាំ២០១៩ ហើយនៅក្នុងឆ្នាំនេះ កីឡាការិនី​ជូជឺតស៊ូរូបនេះ នឹងប្រកួត​លើ​វិញ្ញាសា ២​គឺ Gi​ ទម្ងន់ ៥២គីឡូក្រាម ​និង​ No-Gi​ ទម្ងន់​ ៥២គីឡូក្រាមដូចគ្នា៕

បរទេស៖ ប្រាក់ចំណេញជាមធ្យមរបស់ក្រុមហ៊ុនអឺរ៉ុបគឺខ្ពស់បំផុតដោយរថយន្ត Ferrari ស្ថិតនៅកំពូលជាមួយនឹង ២៤% ។
ការស្ទង់មតិនាពេលថ្មីៗនេះដោយក្រុមហ៊ុនស្រាវជ្រាវទីផ្សាររថយន្ត JATO Dynamics បានបង្ហាញថា ប្រាក់ចំណេញរបស់ក្រុមហ៊ុនផលិតរថយន្តនៅអ៊ឺរ៉ុបគឺនៅកម្រិតខ្ពស់ ដែលខ្ពស់ជាងក្រុមហ៊ុននៅក្នុងទីផ្សារផ្សេងទៀតដូចជាសហរដ្ឋអាមេរិក កូរ៉េខាងត្បូង ជប៉ុន និងប្រទេសចិន។

ការស្ទង់មតិខាងលើត្រូវបានធ្វើឡើងជាមួយក្រុមហ៊ុនរថយន្តល្បីៗចំនួន ២៥ នៅទូទាំងពិភពលោក ដែលក្នុងនោះមានរថយន្ត ៨ មកពីប្រទេសជប៉ុនដូចជា៖ ( Isuzu , Subaru , Honda , Toyota , Mitsubishi , Mazda , Nissan និង Suzuki ), ៧ មកពីអឺរ៉ុប (Ferrari, Mercedes , BMW, Stellantis, Volkswagen , Renault និង Aston Martin ), ៥ មកពីប្រទេសចិន (BYD, Great Wall, Geely, Xpeng និង NIO), ៣ មកពីសហរដ្ឋអាមេរិក (Tesla, General Motors, Ford ), រថយន្ត Hyundai របស់កូរ៉េខាងត្បូង និង Tata នៃប្រទេសឥណ្ឌា។

ហេតុផលមួយដើម្បីពន្យល់ពីស្ថានភាពអាជីវកម្មជាវិជ្ជមានរបស់ក្រុមហ៊ុនផលិតរថយន្ត Ferrari នៅអឺរ៉ុបគឺថាពួកគេដឹងពីរបៀបចាប់យកពេលបច្ចុប្បន្ន ដោយបង្វែរបញ្ហានៃខ្សែសង្វាក់ផ្គត់ផ្គង់រថយន្តទៅជាឱកាសអាជីវកម្ម។ ក្នុងរយៈពេលប៉ុន្មានឆ្នាំចុងក្រោយនេះ ការប្រែប្រួលសេដ្ឋកិច្ច និងការរាតត្បាតបានធ្វើឱ្យខ្សែសង្វាក់ផ្គត់ផ្គង់នៃឧស្សាហកម្មរថយន្តជាប់គាំង ហើយចំនួនរថយន្តដែលបានលក់បានថយចុះ។ ទោះជាយ៉ាងណាក៏ដោយ នេះក៏ជាឱកាសមួយសម្រាប់ក្រុមហ៊ុនផលិតរថយន្ត Ferrari ក្នុងការកាត់បន្ថយចំនួនទំនិញ បង្កើនប្រសិទ្ធភាពខ្សែសង្វាក់ផលិតកម្ម និងរួមបញ្ចូលឧបករណ៍ប្រើប្រាស់បន្ថែមទៀតលើយានយន្ត ដែលអាចបង្កើនប្រាក់ចំណេញ។

បច្ចុប្បន្ន Ferrari នៅតែជាក្រុមហ៊ុនរថយន្តឈានមុខគេក្នុងលក្ខខណ្ឌនៃប្រាក់ចំណេញ។ ទោះបីជាវាបានថយចុះ ១% បើប្រៀបធៀបទៅនឹងឆ្នាំ ២០២១ ក៏ដោយ ក៏ប្រាក់ចំណេញរបស់ Ferrari នៅតែខ្ពស់រហូតដល់ ២៤% ដែលច្រើនជាង ៣ ដងនៃមធ្យមភាគឧស្សាហកម្ម ៧.៦% ។ នៅឆ្នាំ ២០២២ ក្រុមហ៊ុន Ferrari បានចែកចាយរថយន្តចំនួន ១៣,២២១ គ្រឿងនៅទូទាំងពិភពលោក ដោយនាំមកនូវប្រាក់ចំណូលចំនួន $៥.៦ ពាន់លានដុល្លារ និងប្រាក់ចំណេញចំនួន $១.៣៥ ពាន់លានដុល្លារ៕ ប្រភព៖vnexpress

ប្រទេសចិន៖ នៅពេលដែលអត្រាអ្នកអត់ការងារធ្វើរបស់យុវជនចិនកើនឡើងយ៉ាងខ្លាំង រដ្ឋាភិបាលខេត្តក្វាងទុងបានចេញនូវដំណោះស្រាយដ៏ចម្រូងចម្រាសមួយ ដោយបញ្ជូនអ្នកអត់ការងារធ្វើចំនួន ៣០០,០០០ នាក់ត្រឡប់ទៅស្រុកកំណើតរបស់ពួកគេវិញក្នុងរយៈពេលពីរឬបីឆ្នាំដើម្បីស្វែងរកការងារធ្វើ។
នៅខែធ្នូ ឆ្នាំ ២០២២ ប្រធានាធិបតីចិន លោក Xi Jinping បានជំរុញយុវជនក្នុងទីក្រុងឱ្យស្វែងរកការងារធ្វើនៅតំបន់ដាច់ស្រយាល ដើម្បី “ធ្វើឱ្យសេដ្ឋកិច្ចជនបទមានភាពរស់រវើកឡើងវិញ”។

យោងតាមប្រភពសារព័ត៌មាន CNN បានឱ្យដឹងថា អត្រាគ្មានការងារធ្វើសម្រាប់យុវជនអាយុពី ១៦-២៤ ឆ្នាំនៅក្នុងទីក្រុងរបស់ប្រទេសចិនគឺ ១៩.៦% ស្មើនឹង ១១ លាននាក់ដែលមិនមានការងារធ្វើនៅក្នុងទីក្រុង ដែលនេះគឺជាកម្រិតខ្ពស់បំផុតទីពីរក្នុងប្រវត្តិសាស្ត្រ ។ យុវជនចិនកំពុងមានការខកចិត្តនៅពេលឱកាសការងារនៅឆ្ងាយពីការរំពឹងទុកដោយសារតែការធ្លាក់ចុះសេដ្ឋកិច្ច។ ដោយមានការខកចិត្តចំពោះភាពមិនច្បាស់លាស់ និងកង្វះការចល័តសង្គម យុវជនចិនទាំងអស់កាន់តែបាត់បង់ក្តីសង្ឃឹមដែលថាសញ្ញាបត្រមហាវិទ្យាល័យនឹងផ្តល់ឱកាសដូចកាលពីអតីតកាល។

ប្រឈមមុខនឹងទីផ្សារការងារដ៏ក្រៀមក្រំ យុវជនជនជាតិចិនមួយចំនួនបានជ្រើសរើសបើកតូបនៅផ្សាររាត្រី ដើម្បីរកចំណូល ទោះជាយ៉ាងណាក៏ដោយ មនុស្សជាច្រើនផ្សេងទៀតនៅតែពឹងផ្អែកលើគ្រួសាររបស់ពួកគេ។ យោងតាមសាស្ត្រាចារ្យ Hans Hendrischke មកពីសាកលវិទ្យាល័យស៊ីដនី បាននិយាយថា លោកមិនអាចមានដំណោះស្រាយរយៈពេលខ្លីចំពោះភាពអត់ការងារធ្វើរបស់យុវជនចិននាពេលបច្ចុប្បន្ននោះទេ។ លោកក៏បានបន្ថែមទៀតថា ប្រព័ន្ធអប់រំចិននៅតែធ្ងន់លើចំណេះដឹងមូលដ្ឋាន ខណៈនិន្នាការក្នុងប្រទេសផ្សេងគឺការបណ្ដុះបណ្ដាលជំនាញ។ នេះជាអ្វីដែលវិស័យអប់រំចិនត្រូវតែការលើកកម្ពស់ នឹងត្រូវការពេលវេលាក្នុងការផ្លាស់ប្តូរបន្ថែមទៀត៕ ប្រភព៖vnexpress

សត្វដែលបានសម្លាប់ជីវិតមនុស្សច្រើនបំផុតលើពិភពលោកមិនមែនជាសត្វមានខ្លួនធំឬ មានចង្កូមមុតទេ ប៉ុន្តែ បែរជាសត្វមូសដែលមានខ្លួនតូចៗ។ មូសបានសម្លាប់ជីវិតមនុស្សនៅទូទាំងពិភពលោក ប្រមាណ ៥ សែន នាក់ដល់១លាននាក់ក្នុង១ឆ្នាំ ។

តាមទិន្នន័យរបស់មជ្ឈមណ្ឌលគ្រប់គ្រងនិងការពារជំងឺប្រចាំអាមេរិកបង្ហាញថាសត្វមានគ្រោះថ្នាក់បំផុតនៅលើពិភពលោកគឺមូសហើយបើតាមស្ថិតិ បង្ហាញថាមូសជាសត្វឆក់យកជីវិតមនុស្សពី៥០ម៉ឺនាក់រហូត ដល់ ១០០ ម៉ឺន នាក់ក្នុង១ឆ្នាំ ។

មូលហេតុចម្បងដែលធ្វើឱ្យវាមានគ្រោះថ្នាក់បំផុត ដោយសារវាជាភ្នាក់ងារចម្លង ជំងឺម៉ាឡារៀ។ មន្ត្រីមកពី ស្ថាប័ន Cary Institute of Ecosystem Studies រដ្ឋញូវយ៉កនិយាយថាជំងឺម៉ាឡារៀបានសម្លាប់ជីវិត មនុស្ស ជាបន្តបន្ទាប់អស់រយៈពេលយូរមកហើយ ។

បើទោះជាជំងឺនេះពិបាកឆ្លងនៅសហរដ្ឋអាមេរិកខាងជើង និងអឺរ៉ុបក្តី ប៉ុន្តែគេ សង្កេតឃើញវាឆ្លងនៅតំបន់ អាហ្វ្រិកអាស៊ីខាងត្បូង និងអាមេរិកខាងត្បូង ។ តាមរបាយការណ៍របស់អង្គការសុខភាពពិភពលោក (WHO) ថាជំងឺនេះធ្វើឱ្យមនុស្សស្លាប់នៅទូទាំងពិភពលោកប្រមាណ ៦១៩.០០០ នាក់ នៅឆ្នាំ២០២១ ។

គេអាចព្យាបាលជំងឺម៉ាឡារៀឱ្យជាសះស្បើយបាន ប្រសិនបើទទួលបានការវិនិច្ឆ័យត្រឹមត្រូវឆាប់រហ័សនិងបានប្រើប្រាស់ថ្នាំ មានប្រសិទ្ធភាព ។ ប៉ុន្តែសម្រាប់អ្នកមានគ្រោះថ្នាក់ខ្លាំងដូចជាកុមារស្ត្រីមានផ្ទៃពោះជំងឺនេះ នឹងធ្វើទុក្ខធ្ងន់ធ្ងរ។ តាមទិន្នន័យរបស់អង្គការសុខភាពពិភពលោកថាប្រមាណ ៨០% នៃការស្លាប់បាត់បង់ជីវិតរបស់មនុស្សគឺដោយសារមេរោគម៉ាឡារៀទាំងអស់នៅតំបន់អាហ្វ្រិកក្នុងនោះមានកុមារអាយុក្រោម៥ឆ្នាំផងដែរ ។

មូលហេតុ ដែលធ្វើឱ្យមូសអាចសម្លាប់ជីវិតមនុស្ស អស់ជាច្រើន ព្រោះវាជាសត្វស៊ីឈាមជាអាហារ ។ ដូច្នេះ មាន ន័យថាពួកវាអាចចម្លងរោគពីឈាមរបស់មនុស្សម្នាក់ទៅមនុស្សម្នាក់ទៀតយ៉ាងងាយ ស្រួល ។ ពួកវាមានខ្លួនតូច និងមានស្លាបដែលផ្តល់ភាពងាយស្រួលក្នុងការចម្លងជំងឺនិងខាំមនុស្ស ។ ក្រៅពីនេះមនុស្សនិងមូសបានរស់នៅក្នុងទីកន្លែងជាមួយគ្នាផងដែរ។

អ្នកវិទ្យាសាស្ត្រនិយាយថាអាកាសធាតុក្តៅ និងបម្រែបម្រួលអាកាសធាតុបានធ្វើឱ្យមូសអាចរស់នៅបានយូរជាងមុន និងចម្លង ជំងឺយ៉ាងងាយ ស្រួលជាងមុនផងដែរ។ ទោះយ៉ាងណាមូសមិនមែនជាសត្វមានពិសកាច សាហាវ តែមួយនៅលើពិភពលោកទេគឺនៅ មានសត្វពស់ផងដែរ ដែលមានគ្រោះថ្នាក់ដូចគ្នា។ ពស់បានសម្លាប់ ជីវិត មនុស្ស ពី ៨១.០០០នាក់ រហូត ដល់ ១៣៨.០០០ នាក់ ជារៀងរាល់ឆ្នាំ ។

តាមទិន្នន័យរបស់អង្គការសុខភាពពិភពលោកថាពស់ជាសត្វមានគ្រោះថ្នាក់ខ្លាំងបំផុតដល់ជីវិត មនុស្ស និង ជំងឺឆ្កែឆ្កួតជាជំងឺឆ្លងដោយបានសម្លាប់ជីវិតមនុស្សប្រមាណ ៥៩.០០០ នាក់ជារៀលរាល់ ឆ្នាំ ៕

ប្រភព ៖ TNN Earth