រូបគំនូរម៉ូណាលីសា (Mona Lisa) គឺជារតនសម្បត្តិដ៏មានតម្លៃមួយក្នុងសម័យរ៉ឺណេស្សង់ (Renaissance) ហើយទោះកន្លងទៅអស់រយៈពេលជាង ៥០០ ឆ្នាំទៅហើយក្ដី ក៏រូបគំនូរដ៏ល្អវិចិត្រនេះនៅតែទទួលបានភាពល្បីល្បាញយ៉ាងខ្លាំងនាពេលបច្ចុប្បន្ន។

វិចិត្រករដែលមានសមត្ថភាពអាចគូរគំនូរម៉ូណាលីហ្សាដ៏ល្អប្រណីតនេះ គឺមានឈ្មោះថា លេអូណាដូ ដាវិនស៉ី (Leonardo Da Vinci)។

លោកបានចាប់ផ្ដើមការងារគូរគំនូរម៉ាណាលីសាខាងលើនោះ នៅអំឡុងគ្រិស្ដសករាជ ១៥០៣ រហូតដល់គ្រិស្ដសករាជ ១៥០៧ ទើបលោកបញ្ចប់ការគូរគំនូរនេះ។

អ្វីដែលធ្វើឱ្យរូបនេះមានភាពល្បីល្បាញខ្លាំងនោះ ក៏ព្រោះថា រូបគំនូរនោះវាស្រដៀងទៅនោះមនុស្សពិតខ្លាំង  ហើយថែមទាំងមានបង្កប់នូវអាថ៌កំបាំងជាច្រើនដែលមកទល់នឹងពេលនេះមិនទាន់មាននរណាអាចបកស្រាយបាននៅឡើយនោះទេ។

ជាក់ស្តែងដូចជានឹងក្នុងកែវភ្នែករូបគំនូរនេះមានមានលេខនឹងអក្សរជាច្រើន ដែលអ្នកស្រាវជ្រាវជនជាតិអ៊ីតាលីម្នាក់ បានសនិ្នដ្ឋានថា “ភ្នែកស្តាំរបស់ម៉ូណាលីសាមានអក្សរ LV ដែលទំនងជាអក្សរដំបូងរបស់លីអូណាដូដាវីនស៊ី”។ “រីឯភ្នែកខាងឆ្វេងក៏មានអក្សរដែរប៉ុន្តែគេមិនដឹងថាវាជា CE ឬ B. នៅក្នុងដំបូលភ្នែកមានអក្សរ លេខ ៧២ ឬអិលនិងលេខ ២”។

សូមជម្រាបផងដែរ បច្ចុប្បន្នរូបគំនូរ Mona​ Lisa មានតម្លៃដល់ទៅក្បែរ១ពាន់លានដុល្លារ ឯណោះ​ ដែលរូបនេះកំពុងត្រូវបានរក្សាទុកនៅសារមន្ទីជាតិរបស់ប្រទេសបារាំង៕

សហរដ្ឋអាមេរិក ៖ កាលពីពេលថ្មីៗនេះ អភិបាលរដ្ឋម៉ុនតាណា (Montana) លោក Greg Gianfort បានចុះហត្ថលេខាលើច្បាប់ហាមឃាត់ការប្រើប្រាស់កម្មវិធី TikTok នៅក្នុងរដ្ឋនេះ និងចាប់ផ្តើមអនុវត្តចាប់ពីថ្ងៃទី១ ខែមករា ឆ្នាំ២០២៤ តទៅ ។ ការហាមឃាត់នេះ បានធ្វើឱ្យរដ្ឋម៉ុនតាណាក្លាយជារដ្ឋដំបូងគេនៅអាមេរិក ដែលហាមឃាត់ការប្រើប្រាស់ TikTok ។ កន្លងមក រដ្ឋាភិបាលកណ្តាល និងបណ្តារដ្ឋនានានៅអាមេរិក ក៏ធ្លាប់បានប្រកាសហាមដោនឡូតកម្មវិធី TikTok នៅក្នុងឧបករណ៍ប្រើប្រាស់របស់ភ្នាក់ងាររដ្ឋាភិបាលផងដែរ ។

ជាការឆ្លើយតប TikTok បានចេញសេចក្តីថ្លែងការណ៍មួយបញ្ជាក់ថា ខ្លួនបានដាក់ពាក្យប្តឹងរដ្ឋម៉ុនតាណានៅសហរដ្ឋអាមេរិក ដើម្បីឱ្យរដ្ឋនេះលុបចោលច្បាប់ហាមឃាត់ការប្រើប្រាស់ TikTok ដោយបញ្ជាក់ថា ការហាមឃាត់នេះ គឺជាការរំលោភលើសិទ្ធិជាមូលដ្ឋាននៃរដ្ឋធម្មនុញ្ញ និងជាការបិទសេរីភាពក្នុងការបញ្ចេញមតិផងដែរ ។ ដូច្នេះ ការប្តឹងលើកនេះ គឺជាការការពារអាជីវកម្មរបស់ក្រុមហ៊ុន និងការពារសិទ្ធិរបស់អ្នកប្រើប្រាស់កម្មវិធី TikTok នៅរដ្ឋម៉ុនតាណា ។

គួរបញ្ជាក់ថា រដ្ឋម៉ុនតាណាបានចេញច្បាប់ហាមប្រើប្រាស់កម្មវិធីនេះ ដោយសារបារម្ភថា ទិន្នន័យរបស់អ្នកប្រើប្រាស់ទាំងអស់នឹងធ្លាក់ទៅក្នុងដៃរបស់រដ្ឋាភិបាលចិន ខណៈក្រុមហ៊ុនធំរបស់ TikTok មានស្នាក់ធំនៅប្រទេសចិន ហើយវាអាចគំរាមកំហែងដល់សន្តិសុខអាមេរិកផងដែរ ។ ទោះយ៉ាងណា TikTok បានចេញមកបដិសេធការចោទប្រកាន់ទាំងអស់ ព្រមទាំងបញ្ជាក់ថា ទិន្នន័យរបស់អ្នកប្រើប្រាស់ទាំងអស់មានសុវត្ថិភាព ហើយរដ្ឋាភិបាលចិនគ្មានផ្លូវអាចយកទិន្នន័យរបស់អ្នកប្រើប្រាស់បានទេ ។

បច្ចុប្បន្ន មានពលរដ្ឋអាមេរិកប្រើប្រាស់កម្មវិធី TikTok ជាង១៥០លាននាក់ ហើយចំនួនអ្នកប្រើប្រាស់កម្មវិធីនេះបានកើនឡើងជាបន្តបន្ទាប់ ខណៈ TikTok គឺជាកម្មវិធីមួយទទួលបានការពេញនិយមយ៉ាងខ្លាំងក្នុងក្រុមមនុស្សអាយុ២០ឆ្នាំ ៕ ប្រភព ៖ Mono News

ឧកញ៉ា ខេមរៈ សិរីមន្ត បាត់ Follower លើផេក 100K ត្រឹមមួយពព្រិចភ្នែកគ្រាន់តែបង្ហើបថាលោកនឹងនិយាយពីបុរីអ្នកឧកញ៉ាឡេង ណាវ៉ាត្រា នាវេលាម៉ោង៧យប់នេះដោយធ្វើការLive លើហ្វេកប៊ុក។ មិនត្រឹមតែបាត់ Follower លើផេកប៉ុណ្ណោះទេអ្នកគាំទ្ររបស់តារាចម្រៀងរូបនេះសម្តែងក្តីខកចិត្តដូចគ្នា និងស្នើកុំឱ្យ ឧកញ៉ា ខេមរៈ សិរីមន្ត ឡាយលើបណ្តាញសង្គមអីព្រោះមិនចង់មិនចង់ឱ្យលោកមានវិវាទជាមួយអ្នកគាំទ្រដោយសាររឿងនេះទេគួររក្សាភាពស្ងៀមស្ងាត់វិញល្អជាង។

អ្នកលេងបណ្តាញសង្គមជ្រាបមកហើយថា នាពេលថ្មីៗនេះតារាចម្រៀង ខាន់ ជេមស៍ បានបង្ហោះវីដេអូហ៊ានយកកិត្តិយសធានាភាពស្អាតស្អំរបស់អ្នកឧកញ៉ា ឡេង ណាវ៉ាត្រា
មិនមានការបោកប្រាស់អតិថិជនលើសំណង់ផ្ទះឡើយ ខណៈការចេញវីដេអូនេះអ្នកលេងបណ្តាញសង្គមសម្តែងការមិនពេញចិត្តនិងខកចិត្តមិនតិចនោះទេចំពោះតារាចម្រៀងរូបនេះ។

យ៉ាងណាមិញនៅល្ងាចថ្ងៃទី២៣ ខែឧសភា ឆ្នាំ២០២៣ តារាចម្រៀង ខេមរៈ សិរីមន្ត ដែលមានងារជាឧកញ៉ាបានបង្ហើបប្រាប់ថាលោកនឹងធ្វើការឡាយនិយាយពីបុរីរបស់ថៅកែផលិតកម្មរបស់លោក។ «ថ្ងៃស្អែកម៉ោង៧ល្ងាចខ្ញុំនឹងធ្វើការឡាយនិយាយអំពីបុរីអ្នកឧកញ៉ាឡេង ណាវ៉ាត្រា នឹងរឿងផ្សេងៗដែលបានកើតឡើងកន្លងមក» នេះជាការលើកឡើងរបស់ឧកញ៉ា ខេមរៈ សិរីមន្ត។

មិនត្រឹមតែប៉ុណ្ណោះនៅព្រឹកថ្ងៃទី២៤ ខែឧសភា នេះតារាចម្រៀងរូបនេះក៏រម្លឹកទៀតថាលោកនឹងធ្វើការឡាយតាមពេលវេលាដែលបានកំណត់ ដោយបានសរសេរថា «សូមចាំស្តាប់ទាំងអស់គ្នាជាពិសេសអតិថិជនផ្ទាល់ ល្ងាចនេះម៉ោង៧ជួបគ្នាតាមឡាយផ្ទាល់ណាបងប្អូន»។

គ្រាន់តែបង្ហើបថានិងធ្វើការឡាយនិយាយពីបុរីអ្នកឧកញ៉ាឡេង ណាវ៉ាត្រា ពីល្ងាចដល់ព្រឹកផេកផ្លូវការរបស់ឧកញ៉ា ខេមរៈ សិរីមន្ត បាត់ Follower លើផេក 100K ត្រឹមមួយពព្រិចភ្នែកពោលគឺពី2.5M មកនៅសល់2.4M Follower។ មិនត្រឹមតែបាត់ Follower ប៉ុណ្ណោះទេអ្នកលេងបណ្តាញសង្គមដែលសុទ្ធសឹងជាអ្នកគាំទ្រលោកសម្តែងនូវការខកចិត្តដូចគ្នា និងស្នើកុំឱ្យ ឧកញ៉ា ខេមរៈ សិរីមន្ត ឡាយអីព្រោះមិនចង់មិនចង់ឱ្យមានវិវាទជាមួយអ្នកគាំទ្រដោយសាររឿងនេះទេគួររក្សាភាពស្ងៀមស្ងាត់វិញល្អជាង៕

ប្រទេសវៀតណាម ៖ គេសង្កេតឃើញថា ដូងខ្ចី និងដូងចាស់ និងផលិតផលដូងកញ្ចប់វៀតណាមកំពុងទទួលបានការពេញនិយមនៅទីផ្សារអាស៊ី និងអឺរ៉ុប ។ អតិថិជនភាគច្រើនលើកឡើងថា សាច់ដូងវៀតណាមមានរសជាតិផ្អែម ខ្លាញ់ ហើយមានរសជាតិប្រៃបន្តិច រីឯសាច់ដូងវិញ ផ្អែមទន់ ឆ្ងាញ់ និងត្រូវមាត់អតិថិជន ។

ប្រទេសវៀតណាមមានផ្ទៃដីដាំដុះផ្លែដូងប្រមាណ១៨ម៉ឺន៨ពាន់ហិកតា និងផ្តល់ទិន្នផលសរុបប្រមាណ១,៩លានតោនក្នុង១ឆ្នាំ ។ ហេតុនេះ ការប្រើប្រាស់ប្រយោជន៍ពីដូងខ្ចី និងដូងចាស់បានជួយឱ្យឧស្សាហកម្មដូងនៅប្រទេសវៀតណាមស្ថិតក្នុងលំដាប់ទី៤ នៅក្នុងទីផ្សារដូងលើពិភពលោក ។

បច្ចុប្បន្ន វៀតណាមបានប្រមូលដូងខ្ចីសម្រាប់បំពេញក្នុងឧស្សាហកម្មកែច្នៃ និងផលិតដាក់ប្រអប់ដូចជា ដូងស្ងួត ទឹកដូង និងខ្ទិះ ។ កាលពីពេលថ្មីៗនេះ ដូងស្ងួតវៀតណាមទទួលបានការចាប់អារម្មណ៍ពីអតិថិជន ដោយសារវាមានប្រយោជន៍ជាច្រើនដូចជា អាចគ្រប់គ្រងការរំលាយអាហារ, កាត់បន្ថយជាតិស្ករក្នុងឈាម និងកាត់បន្ថយការឈឺពោះផងដែរ ។ បើតាមការស្រាវជាវរបស់ Yanbandon នៅឆ្នាំ២០១៧ បង្ហាញថា សាច់ដូងចាស់ គឺជាប្រភពប្រូតេអ៊ីន អាហារសរសៃ និងកាបូអ៊ីដ្រាត ។

ដូងពូជ Ta គឺជាពូជមួយក្នុងចំណោមពូជដូងនៅប្រទេសវៀតណាម ដែលផ្តល់នូវទិន្នផលខ្ពស់ និងអាចផ្គត់ផ្គង់ក្នុងទីផ្សារវៀតណាមពេញមួយឆ្នាំ ហើយវាបានជួយរក្សាតម្លៃដូងកុំឱ្យប្រែប្រួលក្នុងទីផ្សារផងដែរ ។ ចំណែកទម្ងន់របស់វាជាមធ្យម គឺចាប់ពី៧០០ក្រាមឡើងទៅ ក្នុងនោះមានទឹកដូងពី២៥០-៣៥០មីល្លីលីត្រ និងមានសាច់ចំនួន៤០០ក្រាម ។ ដូច្នេះ គេអាចយកវាមកធ្វើម្ហូបអាហារ និងភេសជ្ជៈផ្សេងៗតាមតម្រូវការ ។ ក្រៅពីដូងខ្ចីមានប្រយោជន៍ច្រើនហើយ គេក៏បានយកដូងចាស់ទៅកែច្នៃធ្វើជាផលិតផលកញ្ចប់ទៀតផង ។

មន្ត្រីវៀតណាមលើកឡើងថា ដូងខ្ចី និងដូងចាស់កំពុងទទួលបានការពេញនិយមនៅអាស៊ី និងអឺរ៉ុប ទាំងផ្នែកគុណភាព និងការប្រើប្រាស់ ខណៈដូងវៀតណាមមានតម្លៃថោកធ្វើឱ្យប្រទេសវៀតណាមមានប្រៀបក្នុងការប្រកួតប្រជែងជាមួយដូងមកពីប្រទេសផ្សេងទៀត ៕ ប្រភព ៖ sakda.sinives

វៀតណាម៖ ប្រាក់បៀវត្សរ៍សម្រាប់វិស្វកម្មអាកាសចរណ៍ត្រូវបានគេចាត់ទុកថាខ្ពស់ ប៉ុន្តែការចុះឈ្មោះ និងការចូលរៀនមានកំណត់ ដំណើរការបណ្តុះបណ្តាលមានរយៈពេលវែង ហើយសម្ពាធការងារធ្វើឱ្យយុវជនមិនសូវជ្រើសរើស នាំឱ្យខ្វះខាតធនធានមនុស្សយ៉ាងខ្លាំង។ វិស្វកម្មអាកាសចរណ៍គឺជាឧស្សាហកម្មដែលផ្តល់នូវធនធានមនុស្សបច្ចេកទេសដែលមានគុណភាពខ្ពស់ក្នុងវិស័យថែទាំ និងជួសជុលយន្តហោះ។

លោក Ta Minh Trong ប្រធាននាយកដ្ឋានស្តង់ដារសុវត្ថិភាពហោះហើរ រដ្ឋបាលអាកាសចរណ៍ស៊ីវិលវៀតណាម បាននិយាយថា បុគ្គលិកក្នុងឧស្សាហកម្មនេះអាចទទួលបានប្រាក់បៀវត្សរ៍ពី ១៥-២០ លានដុងក្នុងមួយខែ (ជាង ៦០០-៨០០ ដុល្លារ) ជាមួយនឹងគុណវុឌ្ឍិបឋមដោយធ្វើការងារសាមញ្ញៗដូចជាការផ្លាស់ប្តូរប្រេង និងសំបកកង់យន្តហោះជាដើម។ សម្រាប់អ្នកដែលមានវិញ្ញាបនបត្រ B១, B២ (វិញ្ញាបនបត្របច្ចេកទេសថែទាំយន្តហោះ) ហើយអាចចុះហត្ថលេខាលើវិញ្ញាបនបត្របន្ទាប់ពីបញ្ចប់ការងារថែទាំនោះ ប្រាក់ខែឡើងដល់ ៥០ លានដុង (ជាង ២ ពាន់ដុល្លារ)។

ទោះបីជាត្រូវបានចាត់ទុកថាជាឧស្សាហកម្មដែលមានប្រាក់ឈ្នួលខ្ពស់ក៏ដោយ វិស្វកម្មអាកាសចរណ៍គឺខ្វះខាតធនធានមនុស្សខ្លាំងណាស់ ។ ទន្ទឹមនឹងនេះ ការបណ្តុះបណ្តាលនៅមានកម្រិត ដោយសារវាជាឧស្សាហកម្មជាក់លាក់ តម្លៃសិក្សាខ្ពស់ ពេលវេលាបណ្តុះបណ្តាលវែង។

លោក Trong បាននិយាយទៀតថា បច្ចុប្បន្នវៀតណាមកំពុង ត្រូវការបន្ថែមបុគ្គលិកបច្ចេកទេសប្រហែល ៦០,០០០ នាក់ ព្រោះចំនួនយន្តហោះនឹងកើនឡើងស្ទើរតែទ្វេដង។ ទោះជាយ៉ាងណាក៏ដោយ ឧស្សាហកម្មវិស្វកម្មអាកាសចរណ៍នៅតែពិបាកដោះស្រាយ ព្រោះការចុះឈ្មោះចូលរៀនរបស់យុវជនវៀតណាមមានចំនួនតិច ដោយសាកលវិទ្យាល័យនីមួយៗមាននិស្សិតចុះឈ្មោះត្រឹមតែ ៤០-៥០ នាក់ប៉ុណ្ណោះក្នុងមួយឆ្នាំ៕ ប្រភព៖ vnexpres

បរទេស៖ បទពិសោធន៍នៃការលោតឆ័ត្រយោងតាមពពកនឹងអាស្រ័យទៅលើប្រភេទពពក ឧបករណ៍ការពារ និងលក្ខខណ្ឌអាកាសធាតុ។ ប៉ុន្តែលទ្ធផលសរុបគឺថា អ្នកនឹងត្រូវត្រជាក់ ឬសើមពេញខ្លួន នៅពេលដែលអ្នកលោតឆ័ត្រយោងតាមពពក មិនថាពពកប្រភេទណានោះទេ។

ពពកបង្កើតនៅពេលដែលម៉ូលេគុលទឹកប្រមូលផ្តុំជុំវិញភាគល្អិតក្នុងខ្យល់ ហៅថា aerosols ដែលធម្មជាតិប៉ះពាល់ដល់ប្រភេទ និងទំហំនៃពពក។ ទោះជាយ៉ាងណាក៏ដោយ យោងតាមលោក Marilé Colón Robles អ្នកវិទ្យាសាស្ត្របរិយាកាសនៅមជ្ឈមណ្ឌលស្រាវជ្រាវ Langley របស់ NASA ក្នុងរដ្ឋ Virginia ដែលសិក្សាលើពពក បាននិយាយថា “មិនមែន aerosols ទាំងអស់ត្រូវបានបង្កើតឡើងស្មើគ្នានោះទេ” ។

ជាទូទៅ បើអ្នកចាប់ផ្តើមលោតពីលើមេឃដែលមានអាកាសធាតុល្អ នឹងមានកម្ពស់ ៤,០០០ ម៉ែត្រ នោះអ្នកនឹងជួបប្រទះពពកក្រាស់ៗ និងពពកបណ្តែតនៅខាងក្រោមរាបស្មើ។ ពពកទាំងពីរប្រភេទនេះត្រូវបានផ្សំឡើងជាចម្បងនៃម៉ូលេគុលទឹក។ ដូច្នេះហើយ បើអ្នកលោតឆ័ត្រយោងតាមពពក នោះអ្នកនឹងត្រូវត្រជាក់ ឬសើមពេញខ្លួន ជាដើម។ ផ្ទុយទៅវិញបើអ្នកលោតឆ័ត្រយោងក្នុងអាកាសធាតុអាក្រក់ ពាក់ព័ន្ធនឹងព្យុះផ្គររន្ទះ នោះអ្នកអាចនឹងមានគ្រោះថ្នាក់ ឬបាត់ជីវិត ក៏ថាបាន៕ ប្រភព៖vnexpress