ក្រុមអ្នកគ្រប់គ្រងបច្ចេកវិទ្យាសិប្បនិម្មិត (AI) និងក្រុមអ្នកជំនាញ ក៏ដូចជាក្រុមអ្នកសិក្សាស្រាវជ្រាវបានដាស់តឿនថា AI អាចធ្វើឱ្យមនុស្សផុតពូជពីផែនដីនេះ ដោយសារការអភិវឌ្ឍបច្ចេកវិទ្យានេះកាន់តែខ្លាំង កាន់តែធ្វើឱ្យមនុស្សជួបហានិភ័យ ។ អ្នកជំនាញបានអំពាវនាវឱ្យផ្តល់ភាពសំខាន់ចំពោះការអភិវឌ្ឍបច្ចេកវិទ្យា AI ក្នុងលំដាប់ពិភពលោក ដូចគ្នានឹងគ្រោះថ្នាក់ដោយសារជំងឺរាតត្បាត និងសង្គ្រាមនុយក្លេអ៊ែរដែរ ។

មជ្ឈមណ្ឌលសុវត្ថិភាព AI (Centre for AI Safety – CAIS) ជាមជ្ឈមណ្ឌលមិនស្វែងរកប្រាក់ចំណេញបានផ្សព្វផ្សាយលិខិតមួយច្បាប់ ដែលមានមនុស្សជាង៣៥០នាក់ចុះហត្ថលេខា ក្នុងនោះមានលោក Sam Altman ជា CEO របស់ OpenAI ដែលបានអភិវឌ្ឍន៍កម្មវិធី ChatGPT ព្រមទាំង CEO របស់ Microsoft និង Google ព្រមទាំងអ្នកស្រាវជ្រាវមកពីស្ថាប័នជាច្រើនទៀតនៅសហរដ្ឋអាមេរិក និងចិន ។

ខ្លឹមសារក្នុងលិខិតនេះបញ្ជាក់ថា ការកាត់បន្ថយហានិភ័យរឿងមនុស្សនឹងផុតពូជដោយសារបច្ចេកវិទ្យា AI គួរតែចាត់ទុកជាប្រធានបទសំខាន់មួយនៅលើពិភពលោក ដូចគ្នានឹងគ្រោះថ្នាក់ផ្សេងៗក្នុងសង្គមផងដែរ ដូចជា ជំងឺរាតត្បាត និងសង្គ្រាមនុយក្លេអ៊ែរ ។

កាលពីខែមេសា ឆ្នាំ២០២៣ កន្លងមក លោក Elon Musk និងអ្នកជំនាញផ្នែក AI ជាច្រើននាក់ទៀត ក៏បានដាស់តឿនពីហានិភ័យនេះថា បច្ចេកវិទ្យា AI នឹងបង្កគ្រោះថ្នាក់ចំពោះសង្គម ។ ការអភិវឌ្ឍបច្ចេកវិទ្យា AI ក្នុងរយៈពេលប៉ុន្មានឆ្នាំចុងក្រោយនេះ បានធ្វើឱ្យគេអាចបង្កើតឧបករណ៍ថ្មីៗសម្រាប់ប្រើប្រាស់ដូចជា ការធ្វើរោគវិនិច្ឆ័យវេជ្ជសាស្ត្រ និងការសរសេរអត្ថបទផ្នែកច្បាប់ជាដើម ។ ជាមួយគ្នានេះ គេបារម្ភថា បច្ចេកវិទ្យានេះអាចនឹងរំលោភលើភាពឯកជន, ជំរុញការផ្សព្វផ្សាយព័ត៌មានក្លែងក្លាយ ហើយ AI អាចគិតខ្លួនឯង ហើយធ្វើខ្លួនឯង ។

កាលពីខែមីនា ឆ្នាំ២០២៣ វិទ្យាស្ថានជីវិតសម្រាប់ថ្ងៃអនាគត (Future of Life Institute) ដែលជាវិទ្យាស្ថានមិនស្វែងរកប្រាក់ចំណេញបានចេញលិខិតមួយច្បាប់អំពាវនាវឱ្យបញ្ឈប់ការស្រាវជ្រាវ AI ជាបន្ទាន់ ដោយសារតែបារម្ភពីសុវត្ថិភាពរបស់មនុស្ស ៕ ប្រភព ៖ TNN World

បរទេស៖ រូងភ្នំ Bellozanne ដែលបានសាងសង់ឡើងពីគ្រែថ្មក្រានីតនៅពាក់កណ្តាលទសវត្សរ៍ ឆ្នាំ១៩៩០ នៅលើកោះ Jersey គឺជារូងភ្នំដែលផ្ទុកទឹកជន់លិចអំឡុងពេលមានព្យុះ និងព្យុះកំបុតត្បូង ដោយការពារមិនឱ្យសារធាតុកខ្វក់ចូលទៅក្នុងមហាសមុទ្រធំៗបានឡើយ។យោងតាមវេបសាយ៍ Yahoo កាលពីថ្ងៃទី៣០ ខែឧសភា បានឱ្យដឹងថា រូងភ្នំតូចទីពីរនឹងត្រូវសាងសង់នៅចុងឆ្នាំ ២០២៣ នេះ ដោយរដ្ឋាភិបាលក្នុងតំបន់ក៏កំពុងពិចារណាបន្ថែមធុងស្តុកទឹកភ្លៀងមួយចំនួនផងដែរ។

លោក Duncan Berry អ្នកគ្រប់គ្រងកាកសំណល់រាវនៅក្នុងរដ្ឋាភិបាលនៃកោះ Jersey បាននិយាយថា “ប្រសិនបើមានភ្លៀងធ្លាក់ខ្លាំងរូងភ្នំ Bellozanne មិនអាចរក្សាទឹកស្អុយបានច្រើននោះទេ។ បច្ចុប្បន្ន រូងភ្នំនេះអាចផ្ទុកទឹកស្អាតបានរហូតទៅដល់ ២៥,០០០ ម៉ែត្រគូប និងរក្សាទុកលំហូរ ក៏ដូចជាបញ្ជូនទឹកស្ទុកទាំងនោះចូលទៅក្នុងប្រព័ន្ធលូវិញនៅពេលដែលព្យុះកំណាចទាំងនោះ ត្រឡប់មកជាធម្មតា។

រូងភ្នំ Bellozanne ត្រូវបានសម្អាតជារៀងរាល់ឆ្នាំ ដោយមានក្រុមមនុស្ស ៨ នាក់ពាក់ឧបករណ៍ការពារពេញលេញ ចំណាយពេលប្រហែល ៣ សប្តាហ៍ដើម្បីសម្អាតលើផ្ទៃ។ ដោយមានជំនួយពីស្នប់ស្វ័យប្រវត្តិ ដីល្បាប់ត្រូវបានប្រមូល និងដឹកជញ្ជូនទៅកាន់ទីក្រុង La Collette ដើម្បីដុត។ ដំណើរការនេះតែងបង្ហាញឱ្យឃើញនូវវត្ថុជាច្រើនដែលលាក់នៅក្រោមទឹកនឹងពោរពេញទៅដោយភក់ ចាប់ពីកញ្ចប់អាហារផ្លាស្ទិច រហូតដល់កន្សែងសើម។

ការសាងសង់រូងភ្នំ Bellozanne ក្នុងឆ្នាំ១៩៩០ ត្រូវបានចំណាយប្រាក់ ២៧,៧លានដុល្លារ។ កាលពីខែមករា អាជ្ញាធរបានកត់សម្គាល់ថា ល្អាងនេះបានជួយកាត់បន្ថយផលប៉ះពាល់នៃទឹកជំនន់លើកោះក្នុងពេលមានភ្លៀងធ្លាក់ខ្លាំង។ ដែលថ្មីៗនេះរូងភ្នំទី២ នឹងត្រូវចំណាយប្រាក់ចំនួន ១០៣ លានដុល្លារ ក្នុងការសាងសង់នៃគម្រោងទាំងមូល នឹងអាចផ្ទុកទឹកសំណល់បាន ៨,០០០ ម៉ែត្រគូប បន្ទាប់ពីការពន្យារពេលអស់ជាច្រើនឆ្នាំ៕ ប្រភព៖vnexpress

ជប៉ុន៖ យោងតាមប្រភពព័ត៌មាន New Atlas កាលពីថ្ងៃទី៣០ ខែឧសភា បានឱ្យដឹងថា ក្រុមហ៊ុនជប៉ុន PowerX កំពុងអភិវឌ្ឍ “រោងចក្រថាមពលចល័ត Battery Tanker X” ក្នុងទម្រង់ជាកប៉ាល់ថ្មប្រវែង ១៤០ ម៉ែត្រ ដែលដឹកជញ្ជូនថាមពលកកើតឡើងវិញ ២៤១ MWh ក្នុងរយៈចម្ងាយខ្លីនៅសមុទ្រ ។

ក្រុមហ៊ុន PowerX បាននិយាយថា ប្រទេសជប៉ុនត្រូវបានហ៊ុព័ទ្ធទៅដោយសមុទ្រជ្រៅ ងាយនឹងកើតមានរញ្ជួយដី ដែលធ្វើឱ្យវាពិបាកក្នុងការប្រើប្រាស់ខ្សែបញ្ជូនថាមពល។ ដូច្នេះហើយ ដំណោះស្រាយដែលល្អបំផុតនោះគឺការដឹកជញ្ជូនអគ្គិសនីតាមកប៉ាល់ដែលអាចជួយជម្នះបញ្ហាជាច្រើនដូចជា ពេលវេលារងចាំយូរ នៅពេលដែលខ្សែកាបក្រោមសមុទ្រមានដំណើរការខុសប្រក្រតី និងត្រូវការជួសជុល តម្លៃនៃការតភ្ជាប់តង់ស្យុងខ្ពស់ និងស្ថានីយរងសម្ពាធធំជាដើម។

PowerX ក៏កំពុងអភិវឌ្ឍកំណែមួយទៀតដែលហៅថា Power Ark ដែលនឹងមានទំហំធំជាង Battery Tanker X។ Power Ark ត្រូវបានគេរំពឹងថានឹងមានបរិមាណលីចូមចំនួន ៨ ដង ដែលមានន័យថាវាអាចផ្ទុកថាមពលអគ្គីសនីបានដល់ទៅ ៧០,០០០ MWh ។

បច្ចុប្បន្ន PowerX កំពុងបង្កើតក្រុមហ៊ុនបុត្រសម្ព័ន្ធថ្មីមួយដែលមានឈ្មោះថា Ocean Power Grid ដើម្បីធ្វើពាណិជ្ជកម្មបច្ចេកវិទ្យាថ្មី ជាមួយនឹងការរចនាលម្អិតនៃគំរូដែលបានបញ្ចប់ ក្រុមហ៊ុនមានគោលបំណងបង្កើត Battery Tanker X នៅឆ្នាំ ២០២៥។ ការសាកល្បងថ្នាក់ជាតិ និងអន្តរជាតិត្រូវបានគេរំពឹងថានឹងចាប់ផ្តើមជាផ្លូវការនៅឆ្នាំ ២០២៦៕ ប្រភព៖vnexpress

ច្បាប់​គឺ​ជា​មធ្យោបាយ​តែ​មួយ​គត់​ដែល​ធ្វើ​ឱ្យ​ ដំណើរការអភិវឌ្ឍន៍សង្គមរីកចម្រើន និងឱ្យប្រជាជនប្រព្រឹត្តិតែអំពើល្អនៅក្នុងសង្គមជាតិ។

ច្បាប់អាចដាក់ទោសទៅលើជនជាប់ទោសមួយចំនួនដែលបានប្រព្រឹត្តិខុស​ ដូចជាប្លន់ វាយ ឬបង្ក្រគ្រោះថ្នាក់ទៅឱ្យនរណាម្នាក់ជាដើម។

តែចម្លែកអីតែក្នុងប្រទេសដែនកោះនេះ មានច្បាប់មួយដែលខុសពីគេ ដោយមនុស្សប្រុសនឹងជាប់ពន្ធនាគារបាន ប្រសិនបើហ៊ានភ្លេចថ្ងៃខួបកំណើតប្រពន្ធរបស់ខ្លួន។

ប្រទេសដែនកោះ Samoa ស្ថិតនៅក្នុងតំបន់ Polynesian នៃមហាសមុទ្រប៉ាស៊ីហ្វិក ជាប្រទេសតែមួយគត់ដែលប្តីហាមភ្លចថ្ងៃខួបកំណើតប្រពន្ធ។ នៅក្នុងប្រទេសនេះ ប្រសិនបើប្តីភ្លេចថ្ងៃកំណើតរបស់ប្រពន្ធដោយចៃដន្យ រួចហើយប្រពន្ធធ្វើការដាក់ពាក្យបណ្តឹងទៅប៉ូលិស នោះប្តីនឹងត្រូវជាប់ទោស។

តែយ៉ាងណាមិញ ប្រសិនបើប្តីភ្លេចជាលើកដំបូងមិនជាបញ្ហាអ្វីនោះទេ ដោយប៉ូលិសត្រឹមចេញសេចក្តីព្រមាន ឬក៏ឱ្យពួកគេធ្វើការសង្គមត្រឹមមួយសប្តាហ៍ ក៏ប៉ុន្តែបើមានលើកទី២ពួកគេនៅត្រូវដាក់ទោសជាដាច់ខាត ហើយនឹងត្រូវធ្វើទារុណកម្មថែមទៀតផងដែរ៕

ប្រភព៖ India Times