ពីមួយឆ្នាំទៅមួយឆ្នាំ “ទិវាកុមារអន្តរជាតិ” ១មិថុនា បានទទួលការគាំទ្រយ៉ាងទូលំទូលាយពីបណ្តាប្រទេសជាច្រើននៅលើសាកលលោក ហើយសន្និសីទជាច្រើនទៀតត្រូវបានគេប្រារព្វឡើងដើម្បីឧទ្ទិសដល់ការយកចិត្តទុកដាក់ចំពោះកុមារ។
ចាប់តាំងពីឆ្នាំ១៩៥០មក ប្រទេសជាច្រើននៅលើសកលលោក រួមទាំងកម្ពុជាផងដែរនោះ បានប្រារព្ធទិវាកុមារអន្តរជាតិ ថ្ងៃទី១ មិថុនា។
ការប្រារព្ធទិវានេះឡើង គឺដើម្បីក្រើនរំលឹក និងបង្កើនការយកចិត្តទុកដាក់ចំពោះកុមារទាំងក្នុងជីវភាពរស់នៅ និងផ្នែកច្បាប់។
អ្វីដែលជំរុញឱ្យមានការបង្កើតទិវានេះ គឺថានៅថ្ងៃទី១០ មិថុនា ឆ្នាំ១៩៤២ ពួកណាស៊ីស បានធ្វើឧក្រិដ្ឋកម្មដ៏ព្រៃផ្សៃ ដែលបានសម្លាប់ប្រជាជនភូមិ លីឌីស៊ែ នៃសាធារណរដ្ឋឆែក ចំនួន១៩២នាក់ ដែលក្នុងនោះមានកុមារ១០៥នាក់ត្រូវយកទៅសម្លាប់។
ក្រោយមកនៅថ្ងៃទី១០ មិថុនា ឆ្នាំ ១៩៤៤ ពូកឧក្រិដ្ឋកម្មណាស៊ីសបានចាប់មនុស្ស១,១០០នាក់ ដែលក្នុងនោះមានកុមារតូចៗចំនួន២០០នាក់ ត្រូវចាក់សាំងដុតកម្ទេចទាំងរស់ នៅអូរ៉ាឌូប្រទេសបារាំង។
ឧក្រិដ្ឋកម្មដ៏ឃោរឃៅរបស់ពួកហ្វាណាស៊ីសអុីត្លែរចំពោះកុមារនៅក្នុងអំឡុងសង្គ្រាមលោកលើកទី២ បានធ្វើឱ្យមនុស្សជាតិ ថ្កោលទោស និងចងចាំជាប់ជានិច្ច។
ក្រោយសង្គ្រាមលោកលើកទី២បានបញ្ចប់ទៅ នៅឆ្នាំ១៩៤៥ សហព័ន្ធនារីប្រជាធិបតេយ្យ ពិភពលោក បានបើកសម័យប្រជុំនៅទីក្រុងមូស្គូ ហើយបានមូលមតិគ្នាសម្រេចយកថ្ងៃ ១មិថុនា ជារៀងរាល់ឆ្នាំប្រារព្វ “ទិវាកុមារអន្តរជាតិ”៕
ប្រភព៖ Wikipedia
