ការបំផ្លិតបំផ្លាញប្រាង្គប្រាសាទមរតដូនតាខ្មែរពីសំណាក់យោធាថៃបានធ្វើឱ្យប្រជាជនទូទាំងនគរសោកស្តាយឈឺអួលណែនយ៉ាងខ្លាំងនិងទទូចឱ្យ UNESCO ចាត់វិធានការជាបន្ទាន់ចំពោះទង្វើភាគីថៃ។ រូបភាពរបស់លោករៀនថតពីប្រៀបធៀបប្រាសាទតាក្របីមុននិងក្រោយការបំផ្លាញរបស់ថៃបានធ្វើឱ្យ ល្អហួស ឈឺចាប់យ៉ាងខ្លាំងនិងបានដាក់បណ្ដាសាឱ្យប្រទេសថៃជួបនឹងហេតុការណ៍បែកបាក់ខ្ទេចខ្ទី។

នៅរសៀលថ្ងៃទី១១ ខែធ្នូ ល្អហួស Miss Teen Cambodia 2025 បានបង្ហោះរូបមួយសន្លឹកអមដោយខ្លឹមសារថា «ដណ្តើមមិនបាន មកបំផ្លាញ សៀ..ម ចិត្តខ្មៅឫស្យា ខ្ញុំសូមដាក់បណ្តាសាឱ្យរាល់ការបែកបាក់ ខ្ទេចខ្ទីរបស់ប្រាសាទខ្មែរ សូមឱ្យវិលត្រឡប់តបស្នងទៅប្រទេសរបស់អ្នកឯងវិញ ១ គុណនឹង១០០០០លានដងក្នុងការបែកបាក់ ខ្ទេចខ្ទី ប្រទេស សៀម ក្លាយជាវាលហោស្ថានដែលគ្មានមនុស្សនៅសូម្បីតែ១នាក់ ប្រទេសពោរពេញទៅដោយ ភ្លើង ផ្សែង ផ្ទៃទឹក ព្យុះភ្លៀងរន្ទះ ឆាប់ៗនេះផងចុះ»។

គួរឱ្យដឹងថា ស្របពេលប្រទេសជាតិកំពុងជួបសឹកសង្គ្រាម ល្អហួស ក៏បានប្រកាសមូលនិធិដើម្បីជួយដល់ជនភៀសសឹកនិងកងទ័ពជួរមុខ។ យុវតីរូបនេះក៏បានប្រើប្រាស់សំឡេងរបស់ខ្លួនបញ្ជាក់ទៅកាន់បណ្តាប្រទេសដទៃទៀតពីការឈ្លានពានរបស់ថៃ។ កន្លងមក ល្អហួស បានធ្វើឱ្យប្រព័ន្ធផ្សព្វផ្សាយអន្តរជាតិផ្ទុះការចាប់អារម្មណ៍យ៉ាងខ្លាំងបន្ទាប់ពីប្រើប្រាស់វេទិកាប្រកួត Miss Teen Cambodia និយាយពីការឈ្លានពានរបស់ថៃមកលើទឹកដីកម្ពុជានិងទទូចឱ្យដោះលែងកងទ័ពទាំង១៨នាក់ដែលថៃចាប់យកទៅដោយខុសច្បាប់។ មិនត្រឹមតែធ្វើឱ្យប្រទេសថៃក្តៅក្រហាយប៉ុណ្ណោះទេ ល្អហួស បានបញ្ជាក់ថានាងនឹងប្រើប្រាស់សំឡេងរបស់ខ្លួនថែមទៀតនៅពេលតំណាងប្រទេសប្រកួតនៅលើឆាកអន្តរជាតិ។

កាលពីមុន ល្អហួស ធ្លាប់បាននិយាយថា «សូមឱ្យទឹកភ្នែកប្រជាជនកម្ពុជាក្លាយជាទឹកភ្លៀង លិចលង់ប្រទេសសៀមឱ្យវិនាសអន្តរាយ» ក្រោយមកគាប់ជួនប្រទេសថៃប្រឈមនឹងគ្រោះទឹកជំនន់យ៉ាងខ្លាំងក្លាពុំធ្លាប់មានពីមុនមក៕

ដេត ស្រីនាឌ Miss Charm Cambodia 2025 បានប្រើប្រាស់សំឡេងរបស់ខ្លួនបញ្ជាក់ទៅកាន់មិត្តអន្តរជាតិមិនមែនជាបវរកញ្ញាប៉ុន្តែគឺជាប្រជាជនមួយរូបដោយបញ្ជាក់ថាថៃបានឈ្លានពានកម្ពុជាធ្វើឱ្យកុមារ ពលរដ្ឋជាច្រើនរងគ្រោះ។ ស្រីនាឌ កំពុងស្ថិតនៅប្រទេសវៀតណាមចូលរួមប្រកួតកម្មវិធីសម្រស់ដែលតំណាងឱ្យកម្ពុជា។

នាពេលនេះ ដេត ស្រីនាឌ លែងខ្វល់អ្នកណាមើលមកយ៉ាងមិចឬអាចនឹងត្រូវបានគណៈកម្មការដកពិន្ទុ បានចេញវីដេអូពីប្រទេសវៀតណាមដើម្បីបញ្ជាក់ពីស្ថានភាពបច្ចុប្បន្នរបស់ប្រទេសកម្ពុជាដែលកំពុងជួបសង្គ្រាមក្រោមការឈ្លានពានរបស់ថៃទៅកាន់មិត្តអន្តរជាតិ។ ការប្រើប្រាស់សំឡេងនេះ ស្រីនាឌ ថានាងមិនបាននិយាយក្នុងនាមជាបវរកញ្ញានោះទេប៉ុន្តែនាងនិយាយក្នុងនាមជាប្រជាជនមួយរូប។ Miss Charm Cambodia 2025 បានបញ្ជាក់ទៀតថាដ្បិតតែពេលនេះនាងកំពុងប្រកួតនៅលើឆាកអន្តរជាតិពិតមែនប៉ុន្តែមិនអាចឈរឱបដៃមើលស្ថានភាពកើតឡើងមកលើទឹកដីកំណើតនាងឡើយ។

វីដេអូជាង១នាទី ឆ្លៀតថតកំឡុងពេលប្រកួត ដេត ស្រីនាឌ បានរៀបរាប់ពីភាគីថៃវាយប្រហារមកលើកម្ពុជាតាំងពីថ្ងៃទី៧ ធ្នូ ដែលបណ្តាលឱ្យសិស្សានុសិស្សរងភាពភ័យខ្លាចរត់រកទីសុវត្ថិភាព ផ្ទះប្រជាពលរដ្ឋរងការខូចខាត មនុស្សចាស់រត់ភៀសសឹក មនុស្សមួយចំនួនបាត់បង់អាយុជីវិត ។ ស្រីនាឌ ក៏បានបញ្ជាក់ពីទង្វើអត្មានិយមរបស់ថៃបំផ្លាញប្រាសាទខ្មែរតាក្របី ព្រះវិហារ ដែលជាសម្បត្តិបេតិកភណ្ឌពិភពលោក ទាត់ចោលកិច្ចព្រមព្រៀងដែលធ្វើឡើងនៅប្រទេសម៉ាឡេស៊ី ដែលមានប្រធានាធិបតីអាម៉េរិក ដូណាល់ត្រាំ និងនាយករដ្ឋមន្រ្តីម៉ាឡេស៊ីធ្វើសាក្សី។

Miss Charm Cambodia 2025 ថានាងពិតជាមិនយល់ទាល់តែសោះហេតុអ្វីបានជាប្រទេសថៃចង់ធ្វើសង្គ្រាម។ មុននឹងបញ្ចប់វីដេអូ ដេត ស្រីនាឌ បានបន់ស្រន់ឱ្យកងទ័ព ប្រជាជនកម្ពុជាសុវត្ថិភាព ហើយតស៊ូរឹងមាំទាំងអស់គ្នាក្នុងដំណាក់កាលនេះដោយប្រកាន់គោលជំហរថាកម្ពុជាត្រូវការសន្តិភាព។

គួរបញ្ជាក់ថា ការប្រកួតផ្តាច់ព្រ័ត្រ Miss Charm 2025 នឹងប្រព្រឹត្តទៅនៅថ្ងៃទី១២ ខែធ្នូនេះ។ ការប្រកួតនេះ ដេត ស្រីនាឌ ទទួលបាននូវការចាប់អារម្មណ៍គួរឱ្យកត់សម្គាល់ពីសាធារណជននិងអ្នកគាំទ្របរទេស ខណៈអ្នកគាំទ្រក្នុងស្រុករំពឹងថានាងនឹងបើកទ្វារកម្ពុជាចូល TOP នៅក្នុងការប្រកួតនេះ៕

មិនមាត់ៗប៉ុន្តែពេលនេះតារាម៉ូដែល មាលា បានពន្លះផាំងៗទៅកាន់ភាគីថៃគ្មានលុយជួយពលរដ្ឋខ្លួនពីគ្រោះទឹកជំនន់ ខ្វះលុយសម្រាប់ធ្វើស៊ីហ្គេមតែបែរជាមានលុយដោយបញ្ជូនយន្តហោះចម្បាំងមកកាន់ប្រទេសផ្សេង។ មាលា ថាថៃគួរយកចិត្តទុកដាក់ជួយពលរដ្ឋខ្លួនឯងជាងធ្វើបាបអ្នកដទៃ។

ទស្សនិកជនមួយចំនួនជ្រាបមកហើយថា ប្រទេសថៃធ្លាប់បានប្រកាសថាការរៀបចំព្រឹត្តិការណ៍ស៊ីហ្គេមខ្វះថវិការហូតដល់១៤លានដុល្លារឯណោះសម្រាប់ការរៀបចំ។ ការប្រកាសនេះបានក្លាយជាការពិតខណៈពេលព្រឹត្តិការណ៍ស៊ីហ្គេមបានមកដល់ប្រទេសថៃក្នុងនាមធ្វើជាម្ចាស់ផ្ទះមិនបានបំពេញតួនាទីឱ្យបានល្អនោះទេមានការខ្វះខាតជាច្រើនសូម្បីតែអត្តពលិកមួយចំនួនក៏ចេញមកត្អូញត្អែរ។ លើសពីនេះយើងអាចឃើញយ៉ាងច្បាស់នៅពេលថៃបើកព្រឹត្តិការណ៍ស៊ីហ្គេមលើកទី៣៣ រងភាពអាម៉ាស់យ៉ាងចាស់ដៃក្រោយរៀបចំយ៉ាងខ្ជីខ្ជាទោះបីមានបទពិសោធរៀបចំជាច្រើនដងក្នុងនាមជាម្ចាស់ផ្ទះហើយក្តី។

ងាកមកការគ្រប់គ្រងទឹកជំនន់នៅភាគខាងត្បូងប្រទេសថៃវិញ អានុទីន គ្មានសមត្ថភាពគ្រប់គ្រង ជួយសង្គ្រោះប្រជាជនខ្លួនឱ្យបានទាន់ពេលវេលាធ្វើឱ្យបាត់បង់អាយុជីវិតរាប់រយនាក់រហូតមានការទម្លាយថាបិទបាំងតួលេខពីអ្នកស្លាប់ថែមទៀត។ កម្សោយ អសមត្ថភាព មិនមានថវិកាជួយប្រជាជនខ្លួនឯង រៀបចំព្រឹត្តិការណ៍កីឡាអាស៊ីអាគ្នេយ៍បែរជាមកធ្វើបាបប្រទេសដទៃនេះបានជំរុញឱ្យ មាលា ដាក់ចុកៗទៅកាន់ភាគីថៃ។

តួសម្តែងក្នុងបទ «សង្ក្រាន្តស្គាល់ស្នេហ៍» បានបង្ហោះសំណេរជាភាសាអង់គ្លេសដែលមានអត្ថន័យថា «ប្រទេសថៃនិយាយថា ពួកគេគ្មានលុយជួយពលរដ្ឋខ្លួនឯង គ្មានលុយសម្រាប់ជនរងគ្រោះដោយសារទឹកជំនន់ និងគ្មានលុយសម្រាប់ស៊ីហ្គេម។ប៉ុន្តែម៉េចក៏មានលុយសម្រាប់បញ្ជូនយន្តហោះទៅប្រទេសផ្សេង?ប្រទេសថៃគួរតែយកចិត្តទុកដាក់ចំពោះពលរដ្ឋខ្លួនឯងជាជាងធ្វើបាបអ្នកដទៃ»។

ពាក្យសម្តីស្រាលៗតែមុតស្រួចរបស់ មាលា បានធ្វើឱ្យសាធារណជនមានការចាប់អារម្មណ៍យ៉ាងច្រើនពីព្រោះនេះគឺជាការពិតជាក់ស្តែងរបស់ប្រទេសថៃដែលល្មោភសង្គ្រាម មិនខំរៀបចំព្រឹត្តិការណ៍ស៊ីហ្គេមឱ្យបានល្អ ជួយប្រជាជនពីគ្រោះទឹកជំនន់ប៉ុន្តែគិតតែឈ្លានពានមកលើកម្ពុជាទៅវិញ៕

ខឹងចិត្តខ្លាំងដែលឃើញមានការឈ្លានពានមកលើទឹកដីខ្មែរ ងិន ម៉ារ៉ាឌី លែងសម្តីទន់ភ្លន់តទៀតបួងសួងឱ្យចោរទាំងនោះវិនាសទ្វារនរកកំពុងតែចាំស្រូបយក ហើយអ្នកដែលនៅប្រើផលិតផលសៀ.មក៏ ងិន ម៉ារ៉ាឌី មិនទុកមុខដែរ។

នៅព្រឹកថ្ងៃទី១១ ខែធ្នូ នេះភាគីថៃនៅតែបន្តឈ្លានពានទឹកដីកម្ពុជាដោយប្រើប្រាស់អាវុធធុនធ្ងន់ ទាត់ចោលកិច្ចព្រមព្រៀងសន្តិភាពដែលមានប្រធានាធិបតីអាម៉េរិកជាសាក្សី។ ថៃបានប្រើប្រាស់សព្វាវុធធុនធ្ងន់គ្រប់ប្រភេទ ដាក់ពង្រាយទាហានដ៏ច្រើនលើសលុប បំផ្លាញប្រាសាទខ្មែរដែលជាសម្បត្តិបេតិកភណ្ឌពិភពលោក បើកការបាញ់ប្រហារ ដោយមិនរើសគោលដៅបាញ់ចូលទីប្រជុំជនភូមិដ្ឋានរបស់ប្រជាពលរដ្ឋស៊ីវិលរស់នៅ។

ទង្វើឈ្លានពានរបស់ភាគីថៃ ធ្វើឱ្យ ងិន ម៉ារ៉ាឌី ដែលជាបវរកញ្ញាចក្រវាលកម្ពុជាឆ្នាំ២០២១ អត់ទ្រាំពុំបានបួងសួងឱ្យចោរឈ្លានពានទឹកដីខ្មែរវិនាស។ ងិន ម៉ារ៉ាឌី បានបង្ហោះនៅលើបណ្តាញសង្គមនាយប់ថ្ងៃទី១០ ថា «សូមបួងសួងឱ្យអាចោរឈ្លានពានទឹកដីប្រទេសខ្មែរ អោយវិនាស ទ្វារនរកបើកចាំហើយ ស្រូបពួកហែងយកទាំងអស់ ហើយជាមួយពួកដែលនៅប្រើផលិតផលអាសៀមដូចគ្នា ត្រៀមខ្លួនស្រូបទៅជួបគ្នាពួកឯងនៅឋាន នរក១៨ជាន់ទៅ ។ ហើយសូមទសបារមីថែទឹកដីកម្ពុជា តាមថែរក្សាវីរកងទ័ពនៅសមរភូមិមុខឱ្យជួបតែសុខសុវត្ថិភាព ឈ្នះអស់មារសត្រូវដែលឈ្លានពាន»។

ជាមួយនឹងការបួសសួងឱ្យសត្រូវខ្មាំងវិនាស កងទ័ពខ្មែរជួបតែសុខនៅព្រឹកថ្ងៃទី១១ ធ្នូ ងិន ម៉ារ៉ាឌី បានអំពាវនាវឱ្យអាជីវករលក់ដូរកុំឡើងថ្លៃ។

អតីតអ្នកតំណាងកម្ពុជាឈរនៅលើឆាកអន្តរជាតិរូបនេះបានលើកឡើងថា «ឃើញបងប្អូនមួយចំនួនផុសថាពេលនេះ ពងទាឡើងថ្លៃ អំបុកឡើងថ្លៃ ហើយសាច់ផាត់ក៏ឡើងថ្លៃទៀត បើជាការពិតមែន ខ្ញុំសុំចិត្តចុះបងប្អូន មិចបានជាមកឡើងក្នុងគ្រាអាសន្នពេលនេះទៅវិញ? លក់តម្លៃធម្មតាទូទៅដូចរាល់ដងទៅបងប្អូន មិនខ្វះពេលឡើងធ្វើអ្នកមានទេ កុំឆក់ឱកាសពេលប្រទេសកំពុងមានអាសន្នអី ជួយគ្នាទៅវិញទៅមកផង»៕

បន្ទាប់ពីលាក់បាំងរឿងមួយចំនួនដែលជាដំបៅនៅក្នុងចិត្តទទួលរងនូវការបាក់ទឹកចិត្តតែម្នាក់ឯងពេលនេះ ប៉ីប៉ី ឌី បានសម្រេចចិត្តលាតត្រដាងការពិតមួយចំនួនបន្ទាប់ពីមានការចោទប្រកាន់ជាច្រើនមកកាន់ខ្លួន។

នៅយប់ថ្ងៃទី១០ ខែធ្នូ ប៉ីប៉ី ឌី បានរៀបរាប់ថាចំពោះការរៃអង្គាសមុនមិននឹកស្មានថាលោកបានរួចចំណែកជួយជាតិដោយគ្រាន់តែប្រើសំឡេងមនសិការរបស់ខ្លួនមានការចូលរួមយ៉ាងច្រើនលើសលប់។ រាល់ការចំណាយលោកធ្លាប់បានបង្ហាញពីរបាយការណ៍លើកការទិញសម្ភារៈ ស្បៀង ទិញដី ធ្វើផ្ទះ និងជូនថវិការគ្រួសារសពលើកលែងតែថវិការជូនកងទ័ព និងអ្នករបួសតាមមន្ទីរពេទ្យដែលគេមិនឱ្យបញ្ចេញតួលេខ និងបន្ទាយទាហានដែលមិនអាចផុសពីទីតាំង និងរូបភាព ខណៈដែលថវិកាចុងក្រោយជួយធ្វើ លេណដ្ឋាន ដែលជាការសម្ងាត់មិនអាចបញ្ចេញបាន ដោយខាងថ្នាក់លើប្រាប់ខ្លួនឱ្យស្ងប់ស្ងាត់កុំតបចំពោះការរិះគន់ ការសង្ស័យតែលោកពិតជាពិបាកទទួលយកណាស់។

ជាមួយគ្នានេះ ប៉ីប៉ី ឌី បានទម្លាយអ្វីដែលខ្លួនជួបប្រទះកំឡុងពេលចុះជួយជនភៀសសឹកនៅតាមព្រំដែនដែលបានក្តៅគគុកកាលពីមុនដោយប្រថុយប្រថានយ៉ាងខ្លាំងពីព្រោះតែ សៀមបានកំពុងទម្លាក់គ្រាប់ មានការឱ្យលោកដូរឡានខ្លាចមានរណុកក្នុង សមាជិកខ្លួនតាមលោកទាំងអស់សម្រេចទៅមុនឬត្រឡប់មកភ្នំពេញវិញប៉ុន្តែលោកបានតាំងចិត្តមិនខ្លាចដើម្បីដឹកស្បៀង រហូតចូលទៅតំបន់ក្រហម ជិះតាមឡានដឹកស្បៀងទាហានចូលទៅខាងមុខ និងជូនថវិការដល់ដៃផ្ទាល់ ស្រាប់តែគេប្រកាសអាសន្ន ហើយពួកលោកត្រូវចេញមកវិញទាំងព្រលឹងចុងសក់។

ប៉ីប៉ី ឌី ថាពេលនោះមានទាំង drone ហោះស៊ើបការ ខ្លួនទៅឃើញកន្លែងសៀមទម្លាក់គ្រាប់F-16ដោយផ្ទាល់ភ្នែក ហើយក្នុងក្រុមមានតែលោកម្នាក់គត់ ដែលរួមដំណើរជាមួយនឹងលោក ទេព ប៉ុន ហើយមិនអាចទាក់ទងគ្នាបានព្រោះសូម្បីតែពន្លឺទូរស័ព្ទក៏ត្រូវបិទ។ ទោះបីជាពេលនោះភ័យយ៉ាងណាតែលោកនៅតែបន្តបេសសកម្មរហូតដល់ចប់។ ជាមួយគ្នានេះ ប៉ីប៉ី ឌី លាតត្រដាងទៀតថាពេលទិញស្បៀងមានអ្នកបោកលុយអង្ករ ក៏មិនហ៊ានផុស បានត្រឹមថតវីដេអូចចារដោយសម្រួលព្រោះខ្លាចគេថាប្រឌិតរឿង។ ប្រថុយគ្រោះថ្នាក់ច្រើនធ្វើដំណើរឆ្ងាយតែមកហត់នឹងពាក្យសម្តី ការគិត និងការសង្ស័យមួយចំនួនដែលមិនអាចបកស្រាយ ព្រោះជាការសម្ងាត់ ប៉ុន្តែអ្នកដែលដឹងរឿងមិនចេញមុខការពារលោកផង។

ជាមួយនឹងទម្លាយការចុះជួយរបស់ខ្លួនដែលប្រថុយប្រថាននឹងជីវិត ប៉ីប៉ី ឌី បានបញ្ជាក់រឿងដីនៅសៀមរាបដែលមានតម្លៃ២០ម៉ឺនដុល្លារលោកទិញតាំងពីខែ៣ហើយគម្រោងសាងសង់វីឡាជិត៣០ម៉ឺនដុល្លារតាំងពីខែ៥ចេញប្លង់រឹងថ្ងៃទី១១ ខែ៧ មុនសង្គ្រាមផ្ទុះឡើងទៀត មានអជ្ញារធរមន្ត្រីខាងសុរិយោដីដឹងឮតែចុងក្រោយគេថាជាលុយដែលបានមកពីការរ៉ៃអង្គាស ហើយមានរឿងខ្លះលោកពិតជាឆ្អែតដែរ។

ទោះជាយ៉ាងនេះក្តី ប៉ីប៉ី ឌី ថាសំឡេងរបស់ខ្លួននៅតែមានចាំបាច់ត្រូវតែប្រើបើទោះបីជារឿងខ្លះបាក់ទឹកចិត្តមែន បើនៅតែអាចជួយជាតិបានក្នុងពេលនេះលោកពេញចិត្តនឹងធ្វើបន្ត៕

តារាសម្តែង ស៊ីន យូប៊ីន បានប្រឈមមុខនឹងការរិះគន់សាជាថ្មីពីសហគមន៍អនឡាញបន្ទាប់ពីតារាស្រីរូបនេះបង្ហោះឡើងវិញពីវីដេអូរបស់តារាចម្រៀង Lisa ចូលរួមព្រឹត្តិការណ៍ LV កាលពីថ្ងៃទី៣ ធ្នូ ។ មិនត្រឹមតែ យូប៊ីន ប៉ុណ្ណោះដែលរងការរិះគន់សំណេរចាស់របស់ រ៉េត សារីតា ត្រូវបានជីកកាយឡើងវិញបន្ទាប់ពីថៃបើកការឈ្លានពានមកកាន់កម្ពុជាម្តងទៀត។

នៅថ្ងៃទី១០ ខែធ្នូ នេះអ្នកលេងបណ្តាញសង្គមមួយចំនួនបានសម្តែងការខកចិត្តនិងមានមតិខ្លះទៀតរិះគន់ចំពោះតារាសម្តែង ស៊ីន យូប៊ីន បន្ទាប់ពីឃើញគណនីទិកតុករបស់នាង Repost វីដេអូរបស់ Lisa សមាជិក BLACKPINK ។ បន្ទាប់ពីរងប្រតិកម្មពីសាធារណជនគណនីទិកតុករបស់ យូប៊ីន ក៏បានលុបការ Repost ផងដែរ។

គួរឱ្យដឹងថាផេករបស់តារាសម្តែងជួរមុខរូបនេះពុំមានសកម្មភាពជាយូរមកហើយដោយសារតែមានបញ្ហាប៉ុន្តែគណនីទិកតុកនិង IG របស់ យូប៊ីន នៅដំណើរការខណៈការបង្ហោះរបស់នាងផ្តោតទៅលើបណ្តាញសង្គមពីរនេះវិញ។ ជាមួយនឹងការខកចិត្តអ្នកលេងបណ្តាញសង្គមខ្លះបានចង្អុលបង្ហាញថាតារាសម្តែង ស៊ីន យូប៊ីន គឺចូលរួមបង្ហោះតិចតួចក្នុងពេលថៃឈ្លានពានកម្ពុជាសាជាថ្មីបំពានបទឈប់បាញ់ទាត់ចោលកិច្ចព្រមព្រៀងសន្តិភាព។

មិនត្រឹមតែតារាសម្តែង ស៊ីន យូប៊ីន ប្រឈមមុខនឹងមតិសាធារណៈប៉ុណ្ណោះទេងាកមកកាន់កញ្ញា រ៉េត សារីតា ដែលជាបវរកញ្ញាចក្រវាលកម្ពុជាឆ្នាំ២០២០ក៏រងនូវមតិរិះគន់ជាថ្មីទៅលើសំណេរចាស់របស់នាង។ កាលពីមុន រ៉េត សារីតា បានបង្ហោះសំណេរក្នុងន័យវិជ្ជមានកុំឱ្យយកទុក្ខសោកអ្នកដទៃមកលេងសើចឱ្យរក្សាភាពថ្លៃថ្នូរជាកូនខ្មែរក្នុងពេលព្រះមហាក្សត្រីថៃ Sirikit សោយទិវង្គត។ ក្រោយមកនៅព្រឹកថ្ងៃទី១៣ ខែវិច្ឆិកា ឆ្នាំ២០២៥ កញ្ញា រ៉េត សារីតា បានបង្ហោះសំណេរវែងមួយឆ្លើយតបទៅកាន់អ្នកមួយចំនួនយកលេសស្នេហាជាតិមកជាន់ពន្លិចខ្មែរគ្នាឯង។ បវរកញ្ញារូបនេះថាអ្នកដែលប្រមាថមកលើនាង នាងមិនខឹងនោះទេប៉ុន្តែអាណិតវិញហើយបើមានខ្លួនស្រូបយកឱ្យអស់ចុះយុគ៩នេះ។

ទោះបីជាកន្លងផុតទៅហើយក្តី ប៉ុន្តែប្រយោគរបស់ រ៉េត សារីតា បានធ្វើឱ្យសាធារណជនបញ្ចេញមតិរិះគន់ម្តងទៀតបន្ទាប់ពីសង្គ្រាមខ្មែរនិងថៃបានផ្ទុះឡើងវិញយ៉ាងក្តៅគគុកនាពេលនេះ៕

អតីតតារាចម្រៀង អែនជី ដែលបច្ចុប្បន្នជាម្ចាស់ប្រ៊េនមួយរូបបានសម្តែងការខឹងសម្បារយ៉ាងខ្លាំងបន្ទាប់ពីអ្នកលក់ដូរមួយចំនួនឆ្លៀតឱកាសឡើងថ្លៃគុណទ្វេដងក្នុងពេលប្រទេសជាតិកំពុងរងការឈ្លានពានពីថៃ។

កាលពីយប់ថ្ងៃទី១០ ខែធ្នូ អ្នកនាង អែនជី បានផ្ញើវីដេអូជូនដល់អ្នកលក់អំបុក លក់ ឆៃប៉ូវ មួយចំនួន កុំឆ្លៀតឱកាសលក់ឡើងថ្លៃ។ អតីតតារាចម្រៀងរូបនេះថានាងទិញឆៃប៉ូវ១០គីឡូ៨០០០០រៀលឡើងដល់១០គីឡូ២០០០០រៀលដោយមិនដឹងថាចិត្តសាងមកពីអ្វីនោះទេ។ អ្នកលក់អនឡាញរូបនេះបន្តទៀតថា អ្នកលក់មួយចំនួនហេតុអ្វីឡើងថ្លៃចាក់កសាហាវក្នុងកាលៈទេសៈនេះចង់ក្លាយជាអ្នកមានក្នុងពេលនេះឬ។ ចំណែកឯអ្នកលក់អំបុកមួយចំនួនវិញ អ្នកនាង អែនជី ថាកាលពីម្សិលមិញនាងទិញ១គីឡូតែជាង៤០០០រៀលប៉ុណ្ណោះប៉ុន្តែបានឡើងគុណទ្វេដងរហូតដល់១គីឡូ១២០០០រៀល។

អតីតតារាចម្រៀងក្នុងទ្រនំសាន់ដេរូបនេះ បានបញ្ជាក់ច្បាស់ៗថានាងមិនបានទិញយកមកលក់ទេ ប៉ុន្តែទិញមកដើម្បីរៀបចំជួយដល់ជនភៀសសឹករងការឈ្លានពានពីប្រទេសចោរសៀមហេតុអ្វីបានជាលក់សម្លាប់ខ្មែរគ្នាឯង។ ជាមួយនឹងការហួសចិត្តដែលខ្មែរមួយចំនួនធ្វើបាបខ្មែរគ្នាឯងបែបនេះ អែនជី បានបញ្ជាក់ថាបើនៅតែបន្តលក់ដូរបែបនេះនាងនឹងបង្ហោះអាខោនឈ្មោះលេខទីតាំងឱ្យខ្មាសគេតែម្តង។ ម្ចាស់ប្រ៊េនរូបនេះថាបើធ្វើដូចនេះមិនមែនជាជនជាតិខ្មែរទេប៉ុន្តែជាជនឆ្លៀតឱកាស។

គួរបញ្ជាក់ផងដែរថា បើតាមរដ្ឋមន្រ្តីក្រសួងព័ត៌មានសកម្មភាពឈ្លានពានប្រដាប់អាវុធរបស់យោធាថៃមកលើកម្ពុជាត្រឹមព្រឹកថ្ងៃទី១១ ធ្នូនេះ បង្កឱ្យជនស៊ីវិលស្លាប់ ១០ នាក់ក្នុងនោះមានទារកម្នាក់, របួស ៥០ នាក់ និងមានជនភៀសសឹកចំនួន ៥៥ ៧៤៣ គ្រួសារ ស្មើនឹង ១៩២ ១៧៣ នាក់៕