ចំណាត់ការការព្រមានរបស់ក្រសួងវប្បធម៌និងវិចិត្រសិល្បៈបានចេញរួមមកហើយថាសកម្មភាពថតវីដេអូបង្កប់រូបភាពមិនសមរម្យបំផ្លាញប្រពៃណីទំនៀបទម្លាប់ខ្មែរ តម្លៃស្រ្តី និងកុមារ និងប្រឈមតាមផ្លូវច្បាប់។ តែក្រុមសម្តែងមួយនេះផ្គើននឹងការប្រកាសរបស់ក្រសួងខ្លាំងណាស់ហ៊ានថតរឿងខ្លីតួសម្តែងលេងខ្លួនស៊ិចស៊ីមិនសមភ្នែកទាល់តែសោះដូចទៅនឹងរឿងក្តៅសាច់ទៅហើយ ព្រមទាំងមិនកោតខ្លាចការប្រកាសក្តែងៗរបស់ក្រសួងឡើយ។

នាពេលបច្ចុប្បន្ននៅលើបណ្តាញសង្គមគេសង្កេតឃើញថា ក្រុមផលិតវីដេអូមួយចំនួននៅបន្តសម្តែងរឿងអប់រំបង្កប់រូបភាពមិនសមរម្យបាត់បង់សេចក្តីថ្លៃថ្នូរ ត្រូវក្រសួងហៅទៅព្រមាន និងរងការរិះគន់ពីមហាជនក្តីនៅតែមានអស់ពីមួយក្រុមចូលមួយក្រុមមិនចេះអស់។ ជាក់ស្តែង នៅលើផេកមួយឈ្មោះថា «Kdey Gaming» បានផលិតវីដេអូរឿងខ្លី មួយមានចំណងជើងថា «មិត្តឬស្សា» តែតួអង្គសម្តែងស្រីបានស្លៀកពាក់មិនសមទំនងបញ្ចេញភាពស៊ិចស៊ីមិនសមភ្នែកទាល់តែសោះយកមកសម្តែងទៅវិញ។ ទង្វើនេះប្រៀបដូចជាបំផ្លាញសេចក្តីថ្លៃថ្នូររបស់នារីខ្មែរ បាត់បង់តម្លៃស្រ្តីដែលមហាជនមិនអាចទទួលយកបាននោះទេ។

អ្នកលេងបណ្តាញសង្គមជាច្រើនបានបញ្ចេញមតិប្រតិកម្មចំពោះវីដេអូនោះដោយបានលើកឡើងថាតួអង្គមិនមែនមកសម្តែងរឿងទេតែមកបញ្ចេញដើមទ្រូងកណ្តាលវាលដាក់នៅលើប្រព័ន្ធផ្សព្វផ្សាយ។ អ្នកខ្លះបានលើកឡើងថា ការសម្តែងរបស់ក្រុមនេះដូចរឿងក្តៅសាច់ មិនមែនរឿងអប់រំអីនោះទេ ដើម្បីលុយអ្វីក៏ហ៊ានធ្វើទោះបីលះបង់កត្តិយសក៏ដោយ និងអ្នកខ្លះស្នើឱ្យក្រសួងមានចំណាត់ការទៅលើក្រុមផលិតនេះផងកុំឱ្យមកបំពុលសង្គមពេក។

គួរបញ្ជាក់ថា កន្លងមកក្រសួងវប្បធម៌និងវិចិត្រសិល្បៈក៏បានចេញសេចក្តីណែនាំ និងព្រមានដល់ក្រុមផលិតមាតិកាកម្សាន្តទាំងឡាយដែលមានរូបភាព និងខ្លឹមសារប្រាសចាកក្រមសីលធម៌ បង្កឱ្យប៉ះពាល់យ៉ាងធ្ងន់ធ្ងរដល់វប្បធម៌ ទំនៀមទម្លាប់ ប្រពៃណីជាតិ ពិសេសតម្លៃស្ត្រី និងកុមារ ក្នុងចរិតលក្ខណៈអាសអាភាស ស្រើបស្រាល ឱ្យបញ្ឈប់ជាបន្ទាន់បើនៅបន្តប្រព្រឹត្តសកម្មភាពអវិជ្ជមានក្រសួងនឹងចាត់ការតាមផ្លូវច្បាប់។ យ៉ាងណាមិញការព្រមានរបស់ក្រសួងហាក់មិនបានធ្វើឱ្យក្រុមផលិតវីដេអូខាងលើនេះព្រឺឆ្អឹងខ្នងទាល់តែសោះមិនដឹងជាអាងអ្វីហ៊ានផ្គើននឹងក្រសួងបែបនេះ៕

សហគមន៍តំបន់ការពារធម្មជាតិ ពាមក្រសោប ស្ថិតក្នុងភូមិបាងកាយ៉ាក ឃុំពាមក្រសោប ស្រុកមណ្ឌល សីមា ខេត្តកោះកុង មានចម្ងាយប្រមាណ ៧គីឡូម៉ែត្រ ពីក្រុងខេមរភូមិន្ទ ភ្ញៀវទេសចរជាតិ អន្តរជាតិទាំងអស់ អាចធ្វើដំណើរទៅកាន់តំបន់នេះ ដោយចំណាយពេលត្រឹមតែ ២០ ទៅ ២៥ នាទីប៉ុណ្ណោះ។រមណីយដ្ឋានទេសចរណ៍ធម្មជាតិពាមក្រសោប ដែលអ្នកស្រុកនិយមហៅថា( បឹងកាយ៉ាក )ពិតជាបានបង្កប់ នូវទេសភាពធម្មជាតិដ៏សម្បូរបែប ដែលនៅពីក្រោមព្រៃកោងកាង គឺមានទឹកខៀវស្រងាត់ មានស្ពានបេតុង១ខ្សែប្រវែង ប្រមាណ៦០០ម៉ែត្រ ពិសេសអាចផ្តិតយកទិដ្ឋភាពព្រៃកោងកាងបានយ៉ាងស្រស់ស្អាតទៀតផង

ពាមក្រសោបផ្ដោតសំខាន់ទៅលើព្រៃកោងកាង ហើយនិងជិះទូកតាមដងព្រែកចេញទៅសមុទ្រក្រៅបាន ហើយបើសិនជាខែ១២ចន្លោះទៅខែ០១នោះ គឺអាចមានផ្សោតគឺភ្ញៀវទេសចរអាចជិះទូកមើលផ្សោតសមុទ្របាន។

បន្ថែមពីនេះទៅទៀត នៅទីនោះក៏មានកូនកោះតូចមួយផុសឡើងកណ្តាលសមុទ្រ ដែលភ្ញៀវទេសចរអាចជួលទូកអ្នកនេសាទ ហើយបន្តដំណើរតាមទូកប្រមាណ១០នាទីទៀត នឹងទៅដល់កោះដែលមានឆ្នេរខ្សាច់និងព្រៃលិចទឹកនោះ។ ពេលទៅដល់លើកូនកោះនោះ ប្រជាសហគមន៍មានរៀបចំជាតូបតូចៗ សម្រាប់ស្វាគមន៍ភ្ញៀវទេសចរឱ្យសម្រាកលម្ហែកាយស្រូបយកខ្យល់អាកាសធម្មជាតិ និងមានបម្រើសេវាកម្មម្ហូបអាហារ ហើយចំណុចដ៏ពិសេសមួយទៀតនៅលើដែនកោះដ៏តូចនេះ គឺអាចគយគន់ថ្ងៃរៀបលិចបានថែមទៀត។

សូមបញ្ជាក់ថា ខេត្តកោះកុងត្រូវបានគេទទួលស្គាល់ថាជាខេត្តនៃតំបន់មាត់សមុទ្រមួយនៃព្រះរាជាណាចក្រកម្ពុជា ដែលកំពុងក្លាយជាទីចាប់អារម្មណ៍យ៉ាងខ្លាំង ដោយសារសម្រស់ពីធម្មជាតិនៃរមណីយដ្ឋានជាច្រើន ដែលត្រូវបានគេ បែងចែកតំបន់ទេសចរណ៍ជា២ប្រភេទ គឺតំបន់ភ្នំនិងតំបន់ឆ្នេរ មានសរុបប្រមាណជាង២០កន្លែង

ប្រភព: មន្ទីទេសចរណ៍ខេត្តកោះកុង

ប្រទេសថៃ ៖ ភ្លៀងធ្លាក់ញឹកញាប់នៅស្រុកមឿង ខេត្តខនគែន ប្រទេសថៃ បានធ្វើឱ្យដំណាំម្រេះព្រៅដុះលូតលាស់ល្អជាងពេលធម្មតា ប៉ុន្តែតម្លៃរបស់វាបានធ្លាក់ចុះខ្លាំងនាពេលបច្ចុប្បន្ន ។ កាលពីមុន ម្រេះព្រៅមានតម្លៃ១០០បាតក្នុង១ថង់ ប៉ុន្តែវាបានធ្លាក់មកត្រឹមតែ៥០បាតប៉ុណ្ណោះក្នុង១ថង់ ។ ហេតុនេះ កសិករបានងាកមកដាំននោងវិញ ប៉ុន្តែពួកគេបារម្ភថា ខ្លាចមានគ្រោះទឹកជំនន់ដូចនៅឆ្នាំ២០២២ ។

ស្រុកមឿង គឺជាស្រុកដាំដុះបន្លែជាច្រើនប្រភេទនៅក្នុងខេត្តខនគែន ។ នៅដើមខែកក្កដា ឆ្នាំ២០២៣ ភ្លៀងបានធ្លាក់មកជាបន្តបន្ទាប់នៅខេត្តខនគែន ជាពិសេស នៅស្រុកមឿង ហើយបានធ្វើឱ្យដំណាំម្រេះព្រៅដុះលូតលាស់ល្អជាងពេលធម្មតា ប៉ុន្តែបែរជាតម្លៃធ្លាក់ចុះខ្លាំងទៅវិញ ។

អ៊ំស្រី រ៉ាក់បល ដេតផែង អាយុ៦៨ឆ្នាំ ជាកសិករដាំម្រេះព្រៅនៅស្រុកមឿង និយាយថា ការដាំដំណាំនេះមិនពិបាកទេ ហើយពេលភ្លៀងធ្លាក់កន្លងមក វាបានដុះលូតលាស់ល្អ ប៉ុន្តែធ្វើឱ្យតម្លៃធ្លាក់ចុះដល់ពាក់កណ្តាល ។ អ៊ំស្រីបន្តថា កាលពីមុន ម្រេះព្រៅមានតម្លៃ១០០បាតក្នុង១ថង់ ប៉ុន្តែវាបានធ្លាក់មកត្រឹមតែ៥០បាតប៉ុណ្ណោះក្នុង១ថង់ ។ ហេតុផលធ្វើឱ្យតម្លៃធ្លាក់ចុះនាពេលនេះ ដោយសារសម្បូរម្រេះព្រៅលក់នៅលើទីផ្សារ ។

អ៊ំស្រី រ៉ាក់បល ដេតផែង រៀបរាប់ថា ៖ «ម្រេះព្រៅមានតម្លៃខ្ពស់ចាប់ពីខែមីនា ដល់ខែឧសភា ព្រោះមានទិន្នផលផលិតតិច ប៉ុន្តែតម្រូវការស្មើដើម ។ ដូច្នេះ ធ្វើឱ្យតម្លៃម្រេះព្រៅពេលនោះលក់បានថ្លៃ ហើយដាំលក់មិនទាន់ ព្រោះវាជាបន្លែដែលហាងលក់ម្ហូបទាំងអស់ទិញយកទៅធ្វើម្ហូបជាចម្បង ។ កសិករមើលឃើញថា ម្រេះព្រៅជាដំណាំសេដ្ឋកិច្ចដ៏សំខាន់ក្នុងខេត្តភាគឦសានដែលមិនអាចខ្វះបាន» ។

អ៊ំស្រីបន្តថា ៖ «ក្នុងចម្ការរបស់ខ្ញុំតែងមានអាជីវករបោះដុំបន្លែធំៗក្នុងខេត្តភាគឦសានមកទទួលទិញម្រេះព្រៅជាប្រចាំ និងមានការបញ្ជាទិញបន្លែតាមរដូវកាលផងដែរ ។ ដូច្នេះ គ្រួសារខ្ញុំបានត្រៀមផ្ទៃដីដាំដុះបន្លែតាមរដូវកាលពេញមួយឆ្នាំតែម្តង» ។

ចំណែកលោក ប៊ុនកែវ សួនជិក អាយុ៦២ឆ្នាំ ជាកសិកររស់នៅស្រុកមឿង រៀបរាប់ថា នៅឆ្នាំ២០២៣ ផ្លែម្ទេសលក់បានថ្លៃជាងឆ្នាំ២០២២ ហើយពេលនេះ លោកបានត្រៀមផ្ទៃដីដាំដុះននោង ប៉ុន្តែលោកបារម្ភថា ខ្លាចមានទឹកជំនន់ដូចឆ្នាំ២០២២ ។ ទោះយ៉ាងណា លោកមិនអាចធ្វើអ្វីបានទេ គឺអាស្រ័យលើទឹកភ្លៀង និងការបង្ហូរទឹកពីខេត្តជ័យភូមិ និងខេត្តណងបួឡាំភូ ។

លោកបន្តថា ភូមិរបស់យើងជាតំបន់ទទួលទឹក ហើយសព្វថ្ងៃនេះ អ្នកភូមិបានធ្វើស្រែចម្ការទាំងប្រថុយ ព្រោះពេលខ្លះ យើងដាំដំណាំរួច ស្រាប់តែមានទឹកជំនន់ភ្លាមៗ ។ ប៉ុន្តែការដាំបន្លែ គឺជាមុខរបរសម្រាប់ចិញ្ចឹមគ្រួសារ មិនថាទទួលបានផលល្អ ឬមិនល្អ មានទឹកលិច ឬគ្មានទឹកលិច ក៏ពួកយើងត្រូវតែប្រកបមុខរបរនេះដូចដើម ។ បើទោះជាមិនទទួលបានប្រាក់ចំណេញ ខណៈយើងបានចំណាយដើមទុនច្រើនក្តី ប៉ុន្តែវាប្រសើរជាងមិនទទួលបានអ្វីមកវិញ ។ ចំណែកការឧបត្ថម្ភប្រាក់ជំនួយផ្សេងៗអាស្រ័យលើរដ្ឋាភិបាល ៕ ប្រភព ៖ Thairath

កូនប្រុងច្បងរបស់អ្នកឧកញ្ញ៉ាគិត ម៉េង លោក គិត ស៊ូឡា ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្ដល់គោរមងារ ជា “ឧកញ៉ា” នៅថ្ងៃទី១០ ខែកក្កដា ឆ្នាំ២០២៣។

ទន្ទឹមគ្នានេះ លោកជំទាវឧកញ៉ា ម៉ៅ ចំណាន ដែលជាភរិយារបស់អ្នកឧកញ្ញ៉ាគិត ម៉េង ក៏ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារ ជា “អ្នកឧកញ៉ា” ផងដែរ ដោយការចេញព្រះរាជក្រឹត្យខាងលើនេះ គឺតាមសេចក្ដីក្រាបបង្គំទូលថ្វាយពីសំណាក់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕