ប្រិយមិត្តតាមដានវិស័យសិល្បៈខ្មែរជ្រាបមកហើយថាដំណឹងដែលតារាចម្រៀង ពេជ្រ សោភា បានផ្តាច់ពាក្យជាមួយតារាសម្តែង ឆឹម សក្កដា ធ្វើឱ្យមហាជនចាប់អារម្មណ៍យ៉ាងខ្លាំងតែរឿងនេះបានធ្វើឱ្យអ្នកមួយចំនួនវាយបកទៅនាងវិញដោយសារតែខាងប្រុសចេញមកបង្ហោះវីដេអូដែលអាចបញ្ជាក់ថាទំនាក់ទំនងអ្នកទាំងពីរមិនទាន់បញ្ចប់នោះទេគ្រាន់តែចង់ទាញចំណាប់អារម្មណ៍ប៉ុណ្ណោះ។ យ៉ាងណាមិញ តារាចម្រៀងរូបនេះក៏បានបញ្ចេញសំណេរថ្មីមួយទៀតនៅលើបណ្តាញសង្គមបង្ហាញដោយក្តីអន់ចិត្តព្រោះមានអ្នកថាឱ្យនាងជោរ។

ជិតមួយឆ្នាំហើយដែលតារាចម្រៀង ពេជ្រ សោភា បានភ្ជាប់ពាក្យជាមួយលោក ឆឹម សក្កដា ហើយពិធីមង្គលជ័យពួកគេអ្នកគាំទ្រពុំទាន់ដឹងច្បាស់នៅឡើយទេ ខណៈគេសង្កេតឃើញថាអ្នកទាំងពីរសុទ្ធតែរវល់ការងារសិល្បៈរៀងៗខ្លួន។ ជាក់ស្តែង ក្នុងឱកាសខួបកំណើតអ្នកនាង ពេជ្រ សោភា ក្នុងគម្រប់៤០ឆ្នាំ គេពុំឃើញលោក ឆឹម សក្កដា មានវត្តមានក្នុងពិធីជប់លៀងនោះទេ ផ្ទុយមកវិញឃើញវត្តមានរបស់លោក ឆន សុវណ្ណារាជ ប្រារព្ធខួបកំណើតយ៉ាងរីករាយជាមួយគ្នា។

ការពុំមានពេលវេលាច្រើនឱ្យគ្នាទៅវិញទៅមក ព្រមទាំងមានជំងឺជាប់ខ្លួនជាប្រចាំចូលមន្ទីរពេទ្យញឹកញាប់តារាចម្រៀងនិងជាគ្រូបង្វឹក ពេជ្រ សោភា បានបង្ហោះសារដោយក្តីក្រៀមក្រំជាញយដងនៅលើបណ្តាញសង្គមដោយក្តីនឿយណាយពីជំងឺពេកនាងបានបង្ហោះពាក្យយ៉ាងភ្ញាក់ផ្អើលថា បើបាត់នាងចេញពិភពលោកនេះមានអ្នកនឹកនាងទេទៀតផង។
ការបង្ហាញអារម្មណ៍សោកសៅ បង្ហាញរូបភាពគ្មានចិញ្ចៀនភ្ជាប់ពាក្យ ហើយលោក ឆឹម សក្កដា បង្ហាញពីវីដេអូរីករាយផ្តិតមេដៃដោយនិយាយថាជាការចុះអេតាស៊ីវិលនោះក៏មានមតិមួយចំនួនរិះគន់ចំពោះសកម្មភាពតារាចម្រៀង ពេជ្រ សោភា វិញថាចូលចិត្តទាញចំណាប់អារម្មណ៍មហាជន និងហ្វេនៗខ្លះទៀតបង្ហាញនូវអារម្មណ៍រំភើបព្រោះអ្នកទាំងពីរមិនបែកបាក់គ្នានោះទេ។

យ៉ាងណាមិញ នៅយប់ថ្ងៃទី២៦ ខែកក្កដា ពេជ្រ សោភា ក៏បានបង្ហាញអារម្មណ៍អន់ចិត្តព្រោះមានអ្នកថាឱ្យនាងជាមនុស្សជោរ។ ម្ចាស់បទ«នារីល្ងីល្ងើស្មោះស្នេហ៍» បានសរសេរថា «អ្នកចម្រៀងគាត់ជាមនុស្សដែរតើ គាត់ចេះឈឺ ចេះយំ ចេះមានរឿងក្នុងចិត្ត ចង់និយាយរឿងក្នុងចិត្ត តែបែរជាថាជោរ មិនដឹងផុសធ្វើអី ទុកក្នុងចិត្តម្នាក់ឯងទៅបានហើយ មនុស្សណាមិនមែនថ្ម»។ ពេជ្រ សោភា បន្ថែមថា «ទ្រាំរហូតដួលទើបហៅថាទ្រាំមែនទេ?ញញឹមរហូតចូលពេទ្យទើបគេហៅថាពិបាកចិត្តមែនទេ?»។

បន្ទាប់ពីលើកឡើងបែបនេះហើយ ហ្វេនៗរបស់តារាចម្រៀងរូបនេះបានចូលទៅខំមិនលើកទឹកចិត្តនាងយ៉ាងច្រើននិងកុំឱ្យខ្វល់ពីពាក្យសម្តីរបស់អ្នកដទៃផងដែរ៕

គ្រោះថ្នាក់ចរាចរណ៍មួយបានកើតឡើងហើយបានដោះស្លាកលេខ កម្ពុជា BOK.KALO ចោលមិនជាប់រថយន្តនៅទីតាំងកើតហេតុបានក្លាយជាប្រធានបទថ្មីជជែកវែកញែកលើបណ្តាញសង្គមថែមទាំងតម្រង់មុខព្រួញថាជាឡានរបស់តារាចម្រៀង វណ្ណដា ។ យ៉ាងណាមិញប្រធានបទក្តៅគគុកនេះហ្វេន វណ្ណដា បានបញ្ចេញវីដេអូក្រៅឆាកមួយនៅពេលបើកឡានគឺមានតួជំនួស វណ្ណដា មិនបើកឡានដោយផ្ទាល់ទេថែមទាំងបញ្ជាក់ថាតារាចម្រៀងរូបនេះមិនចេះបើកឡានឡើយ។

នៅយប់ថ្ងៃទី២៦ ខែកក្កដា គ្រោះថ្នាក់ចរាចរណ៍ខូចខាតរថយន្តដោយមិនមានមនុស្សរងរបួសបានក្លាយជាប្រធានបទកាន់តែក្តៅនៅថ្ងៃទី២៧ ខែកក្កដា ដោយសារភាគីម្ខាងបានដោះស្លាកលេខចោល តែនៅជាប់ក្រដាសឆៀក កម្ពុជា BOK.KALO ហើយត្រូវបានគេប៉ាន់ស្មានថាជារថយន្តរបស់តារាចម្រៀង វណ្ណដា។ ខណៈរឿងនេះក៏មានមតិជជែកវែកញែកយ៉ាងច្រើនព្រោះជាឡានរបស់តារាចម្រៀងល្បីឈ្មោះបើទោះបីជាតារាចម្រៀងរូបនេះនៅឬមិននៅក្នុងរថយន្តក៏ដោយ។

យ៉ាងណាមិញ បន្ទាប់ពីរឿងខាងលើសាយភាយពេញបណ្តាញប្រព័ន្ធផ្សព្វផ្សាយពេកហ្វេនរបស់ វណ្ណដា បានបញ្ចេញវីដេអូសកម្មភាពក្រៅឆាកមួយពេលមានឈុតឆាក វណ្ណដា ត្រូវបើកឡាន តារាចម្រៀងរូបនេះមិនបានបើកដោយផ្ទាល់នោះទេគឺមានតួជំនួស។ បន្ថែមពីលើនេះហ្វេនរបស់ វណ្ណដា ក៏បានបញ្ជាក់ថា វណ្ណដា មិនចេះបើកឡាននោះទេ ហើយហ្វេនខ្លះទៀតក៏បានលើកឡើងដែរថា ធ្វើជាហ្វេនរបស់ វណ្ណដា យូរហើយប៉ុន្តែគេពុំដែលឃើញ វណ្ណដា បើកឡានដោយផ្ទាល់ម្តងណាទេ៕

@mannvannda19000

និយាយរួម ទោះថតឬមិនថត ការពិតគឺVannda មិនដែលបើកឡានខ្លួនឯងទេ You Understand?#VANNDA #bokkilo #vannda_វណ្ណដា #barameyofficial #vannda19000

♬ original sound – ⭐????????Mann Vannda????????⭐ – Mann Vannda

អ្នកលេងបណ្តាញសង្គមក្រៅពីអ្នកគាំទ្ររបស់ខ្លួន ជី ដេវីត ត្រូវរងនៅមតិរិះគន់ថាលោកចូលចិត្តទាញខ្លួនឯងចូលគ្រប់រឿងក្រោយពីបង្ហោះរូបមួយសន្លឹកយន្តហោះមានស្លាកលេខឬអត់ ស្របពេលផ្ទុះហេតុការណ៍គ្រោះថ្នាក់ចរាចរណ៍មួយមានស្លាកលេខកម្ពុជា BOK.KALO ហើយបានដោះស្លាកលេខចោលនៅកន្លែងកើតហេតុ។

វេលាម៉ោង១១ ជាងយប់ថ្ងៃទី២៦ ខែកក្កដា ឆ្នាំ២០២៣ តារាចម្រៀង ជី ដេវីត បានបង្ហោះរូបមួយសន្លឹកនៅលើហ្វេកប៊ុកផ្ទាល់ខ្លួនដែលមានគណនី Ngoun Chan Davith ដោយអត្ថន័យក្នុងរូបនោះសរសេរថា « I’m about to sleep យន្តហោះមានស្លាកលេខអត់» ភ្ជាប់ជាមួយចំណងជើងថា «គិតមិច?»។ ការបង្ហោះរូបភាពនេះ ជី ដេវីត ក៏ត្រូវអ្នកលេងបណ្តាញសង្គមហ្វេកប៊ុក ក្រៅពីអ្នកគាំទ្ររបស់ខ្លួនរិះគន់ថាលោកចូលចិត្តទាញខ្លួនឯងចូលគ្រប់រឿង។

លោក ម៉ៃ សុគន្ធ បានសរសេរថា «ក្នុងខ្លួនចេះតែម៉េច ក្នុងនាមជារៀមច្បងគេនៅវិស័យសិល្បៈ Rap ហេតុអីចូលចិត្តផ្លុំភ្លើងឱ្យកាន់តែក្តៅចឹង ម៉េច អាងដើរតួកំសត់មែនខ្លួន»។ ក្រៅពីនោះអ្នកផ្សេងទៀតបានស៊ែរនិងបញ្ចេញមតិថា «ដល់ចឹងពេកអត់ដឹងត្រូវនិយាយម៉េច អត់អ្នកហៅទេ ចូលខ្លួនឯងហ្មង , និយាយត្រង់ពីមុនគ្រាន់អាណិតខ្លះ ឥលូវគេជេរសមហើយ, ប៉ាខ្ញុំដកដង្ហើមក៏ខុស តែ….អត់ឈប់ចូលចិត្តអូសប៉ាៗខ្ញុំចូលម៉េស ខ្ពើមណាស់និយាយមែន ចូលចិត្តដៀមដាមគេ តែអត់ទទួលចៃដន្យដល់ងាប់,មនុស្សចរិតពិនឌឺដងគេ ដល់តែគេរករឿងធ្វើ តួកំសត់»

ដំបៅមិនឈឺ យកឈើរុក ,កុំភ្លេចឆ្ងល់ម៉េចបានគេជេរពូឯង ផង ពូតារាល្បី ចរិតបានFan: Idol ដេកសុខៗក៏ខុស And idol:ដេកសុខៗៗ, I’m about to sleep : also me ឆ្ងល់មិចសុខៗ គេ ជេរអញ The សុខៗ ,គ្មានអាណាទំនេរទាញគាត់ចូលទេ មានតែគាត់ទេដើរចូលខ្លួនឯង តាំងគេបុក រួចធ្វើ បាក់ជើង»។

ការដែល ជី ដេវីត ត្រូវរងការរិះគន់គ្រាន់តែបង្ហោះរូបមួយសន្លឹកនេះព្រោះតែស៊ីនឹងស្ថានការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង ១០:១០នាទីយប់ថ្ងៃទី២៦ ខែកក្កដា ឆ្នាំ២០២៣ ស្ថិតនៅតាមបណ្តោយផ្លូវ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ ខណៈម្ចាស់រថយន្តបានដោះផ្លាកលេខកម្ពុជា-BOK.KALO ចេញនៅកន្លែងកើតហេតុ។ បើតាមប្រភពព័ត៌មានបានឱ្យដឹងទៀតថា គ្រោះថ្នាក់នេះមិនបង្កឱ្យមនុស្សរងរបួសទេប៉ុន្តែខូចខាតរថយន្តទាំងសងខាង ហើយភាគីទាំងពីរក៏បានសម្រួលគ្នារួចហើយដែរ៕