បច្ចេកវិទ្យា AI ពិតជាមិនធម្មតានោះទេ ដោយមនុស្សអាចប្រើបច្ចេកវិទ្យានេះធ្វើរឿងជាច្រើនដូចជាយកសំឡេងតារាខ្មែរទៅច្រៀងបទបរទេសជាដើម។ អ្វីកាន់តែចាប់អារម្មណ៍ថ្មីៗនេះនៅលើបណ្តាញសង្គមទិកតុកមានគណនីមួយបង្ហោះវីដេអូតារាចម្រៀង២រូបដែលមានរឿងអាស្រូវជាមួយគ្នាគឺ វណ្ណដា និង ជី ដេវីត ដោយបានប្រើបច្ចេកវិទ្យានេះឱ្យពួកគេច្រៀងបទគ្នាទៅវិញទៅមក។

កន្លងមកនេះនៅក្នុងវិស័យសិល្បៈឃើញថាតារាចម្រៀង ជី ដេវីត និង វណ្ណដាសម្បូររឿងអាស្រូវជាមួយគ្នាណាស់មិនត្រឹមតែអាយដលមើលមុខគ្នាមិនចំនោះទេ តែងាកទៅកាន់ហ្វេនៗទាំងសងខាងវិញកាន់តែមិនធម្មតាតែងតែមានជម្លោះពាក្យសម្តីនៅលើបណ្តាញសង្គមមិនដាច់អស់ពីមួយរឿងចូលមួយរឿងបណ្តក់គ្នាដូចខ្យង។ រឿងនេះក៏មានអ្នកមួយចំនួនលើកឡើងដែរថា អាយដលមិនប៉ុន្មានទេ ណាស់តែហ្វេនមួយចំនួនចូលចិត្តដុតកំហឹងឱ្យគ្នាទៅវិញទៅមក ហើយបើនៅតែបន្តសកម្មភាពឱ្យគ្នាផ្លែផ្កាបែបនេះពិតណាស់មានរឿងមិនចេះចប់នោះទេ។

ដ្បិតតែហ្វេនៗមួយចំនួនសង្កៀតធ្មេញដាក់គ្នាក្តីប៉ុន្តែហ្វេនមួយចំនួនក៏បង្ហាញអារម្មណ៍រួបរួមសាមគ្គីឱ្យអាយដលដូចគ្នា។ តួយ៉ាងនាពេលថ្មីៗនេះគណនីទិកតុកមួយឈ្មោះថា «FanVanda» បានប្រើបច្ចេកវិទ្យា AI ឱ្យ ជី ដេវីត និង វណ្ណដា ច្រៀងបទឱ្យគ្នាទៅវិញទៅមកដោយសំឡេង វណ្ណដា បានច្រៀងបទ «ញីកែងជើង» របស់ ជី ដេវីត និងឱ្យ ជី ដេវីត ច្រៀងបទ «កំលោះស្រុកខ្មែរ» ត្រង់កន្លែង វណ្ណដា ច្រៀង។

ការប្រើបច្ចេកវិទ្យានេះបានធ្វើឱ្យហ្វេនៗខ្លះផ្ទុះសំណើចមិនតិចនោះទេហើយពួកគេបានបញ្ចេញមតិផ្សេងៗគ្នាផងដែរ៕

@pichmony217

Replying to @THORN នេះដូចប៉ុន្មាន%ដែលបង❤️????អូន#ksk #vanda #baromey #fanvanda #therealvannda

♬ original sound – Fanvanda – Pī Ch

@pichmony217

Replying to @Pøv តោះៗមកស្ដាប់បងវិតរ៉េបបទ#កំម្លោះស្រុកខ្មែរ ម្ដង????#ksk #fanvanda

♬ original sound – Fanvanda – Pī Ch

នៅក្នុងកម្មវិធីប្រគំតន្រ្តីមួយពិធីការិនី ប៉ែន ស្រីពេជ្រ បានទម្លាយថាតារាចម្រៀង សុគន្ធ និសា នឹងចេញទៅស្រុកក្រៅបន្ទាប់ពីបំពេញបេកសកម្មរួចនៅក្នុងកម្មវិធីប្រលងចម្រៀងកុមារ Cambodian Idol Idol Junior រដូវកាលទី២ និងឃ្លាការងារសិល្បៈនៅសល់មួយចំនួនទៀត។ ការបង្ហើបដំណឹងដែលអ្នកនាង សុគន្ធ និសា សម្រាកពីអាជីពសិល្បៈនេះក៏ធ្វើឱ្យអ្នកគាំទ្របង្ហាញការសោកស្តាយផងដែរ ខណៈអ្នកមួយចំនួនលើកឡើងថាតារាចម្រៀងរូបនេះទំនងត្រៀមខ្លួនពរពោះ។

គិតមកទល់ពេលនេះមានរយៈពេលជាង៥ឆ្នាំមកហើយដែលអ្នកនាង សុគន្ធ និសា សាងគ្រួសារជាមួយលោក ចៅ សម្បត្តិ ហៅ សាំបា អាណិកជនខ្មែរ-អាម៉េរិក ដែលជាអ្នកជំនួញមួយរូប។ ទោះបីជាកន្លងមកអ្នកទាំងពីរពុំសូវទៅណាមកណាជាមួយគ្នាញឹកញាប់ ឬបង្ហោះរូបផ្អែមល្ហែមជាមួយគ្នាច្រើនដូចគូស្នេហ៍ឯទៀតក្តីប៉ុន្តែចំណងស្នេហ៍ពួកគេនៅតែល្អដូចដើម។ ក្រោយពីរៀបអាពាហ៍ពិពាហ៍រួចកាលពីចុងឆ្នាំ២០១៧ មកទល់ពេលនេះអ្នកទាំងពីរពុំទាន់មានតំណក់ឈាមរួមគ្នានោះទេ ខណៈងាកទៅកាន់ការងារសិល្បៈរបស់ សុគន្ធ និសា ហាក់មានភាពមមាញឹកច្រើន។

ទោះបីជាយ៉ាងនេះក្តីកាលពីពេលថ្មីៗនេះនៅក្នុងវិធីប្រគំតន្រ្តីមួយ ពិធីការិនី ប៉ែន ស្រីពេជ្រ បានបង្ហើបប្រាប់ថា សុគន្ធ និសា នឹងឃ្លាតឆ្ងាយពីអាជីពសិល្បៈទៅក្រៅស្រុកបន្ទាប់ពីបញ្ចប់បេសកម្មជាគណៈកម្មការ Cambodian Idol Idol Junior រដូវកាលទី២ ហើយតារាចម្រៀងសំឡេងស្រទន់រូបនេះផ្ទាល់ក៏ទទួលស្គាល់ថាជាការពិតផងដែរ។ បើតាមការបង្ហើបដំណឹងនៅព្រឹកថ្ងៃទី៥ សីហា នេះ ប៉ែន ស្រីពេជ្រ ថា សុគន្ធ និសា មានដំណើរកម្សាន្តទៅប្រទេសក្រៅ ដោយវេលានៃការឈប់សម្រាករបស់តារាចម្រៀងរូបនេះមានរយៈពេលយូរឬឆាប់ប៉ុណ្ណានោះទេ។

ជាមួយការដកឃ្លានៃអាជីពសិល្បៈរបស់តារាចម្រៀងក្នុងទ្រនំហង្សមាសរូបនេះដែរ ក៏ត្រូវហ្វេនៗថា សុគន្ធ និសា អាចត្រៀមខ្លួនពរពោះកូនដំបូងជាមួយស្វាមីផងដែរព្រោះអ្នកទាំងពីររៀបការយូរឆ្នាំមកហើយពុំទាន់មាននៅឡើយទេ ខណៈមិត្តរួមអាជីពផ្សេងទៀតសុទ្ធតែមានកូនអស់ហើយ៕

មានការភ្ញាក់ផ្អើលយ៉ាងខ្លាំងនៅលើបណ្តាញសង្គមក្រោយពីមានគណនីទិកតុកមួយឈ្មោះថា Jenny បង្ហោះថាតារាចម្រៀង លីម តិចម៉េង ធ្វើឱ្យឆ្អែតចិត្តដោយរូបគេនិងគ្នីគ្នាខំធ្វើនំគម្រប់ខួប១ឆ្នាំមុនថ្ងៃកំណត់នៃភាពជាម្ចាស់ពានទុកពញាក់អារម្មណ៍ដល់អាយដលបែរត្រូវអាយដលលួចទៅបាត់ស្ងាត់ៗដោយមិនប្រាប់មួយម៉ាត់។

គណនី Jenny បានសរសេរកាលពីថ្ងៃទី៤ ខែសីហា ភ្ជាប់ជាមួយអក្សរធំៗថា «អរគុណដែលធ្វើឱ្យខ្ញុំឆ្អែតក្នុងថ្ងៃនេះ» ជាមួយខ្លឹមសារចំណងជើងថា «នំមួយនេះធ្វើសម្រាប់ជូនគាត់នៅហង្សមាសតែបែរជាជួបរឿងដែលខ្ញុំនឹកស្មានមិនដល់ អរគុណពេលវេលាកន្លងមកចាប់ពីពេលនេះទៅគ្មានពាក្យថា អាយដលនិងហ្វេនទៀតទេ ស្តាយទឹកចិត្តនិងពេលវេលា»។

មិនត្រឹមតែខ្លឹមសារខាងលើនេះទេ នៅថ្ងៃទី៥ ខែសីហា នេះម្ចាស់គណនីខាងលើក៏បានចេញវីដេអូបញ្ជាក់ឱ្យកាន់តែច្បាស់ថា រឿងដើមហេតុដំបូងថានាងនិងបងប្អូន៥នាក់បានទៅមើលការប្រគំតន្រ្តីនៅហង្សមាសនៅអំឡុងពេលមានការLiveផ្ទាល់បន្ទាប់មកបានចុះមកក្រៅមុនដើម្បីត្រៀម Surprise នំដល់ តារាចម្រៀង លីម តិចម៉េង និង តារាចម្រៀង នាង ដាវីនគម្រប់ខួប១ឆ្នាំនៃការប្រលងនិងភាពជាម្ចាស់ពានរបស់ពួកគេ។ យ៉ាងណាពួកគេមិនបានជួប លីម តិចម៉េង នោះទេទោះបីជាខំចាំនៅខាងក្រោមក្តីដោយមិនដឹងថាចេញទៅតាមផ្លូវណាដោយបានជួបតែ នាង ដាវីន ប៉ុណ្ណោះ។

នារីរូបនេះបាននិយាយទៀតថាគួរណាស់តែ លីម តិចម៉េង ប្រាប់ពួកគាត់មួយម៉ាត់ថាឥឡូវនេះមិនអាចថតបានដូចមុន អត់បាននិយាយលេងដូចមុន នោះពួកគេនឹងស្តាប់បានហើយតែនេះស្ងាត់ឈឹងគ្មានឃើញស្រមោល។ ជាមួយគ្នានេះ ម្ចាស់ទីកតុកឈ្មោះ Jenny រូបនេះក៏បានបញ្ជាក់យ៉ាងច្បាស់ៗថាខ្លួនមិនបានចង់តោងអាយដលល្បី ឬចង់ទាក់ទាញចំណាប់អារម្មណ៍អង្គុយតែចាំបង្ហោះវីដេអូនោះទេ រូបនាងក៏មានការងារធ្វើដែរ តែគ្រប់យ៉ាងព្រោះតែការស្រលាញ់ប៉ុណ្ណោះ។

យ៉ាងណាមិញ ក្រោយពីមានការបង្ហោះពីអ្នកគាំទ្រកាត់ផ្តាច់ទំនាក់ទំនងជាមួយអាយដលនេះមានហ្វេនៗផ្សេងទៀតបានបញ្ចេញមតិជាច្រើនតាមការយល់ឃើញរបស់ពួកគេ ខណៈគិតត្រឹមម៉ោង៣រសៀលថ្ងៃទី៥ សីហា នេះគេពុំទាន់ឃើញការបញ្ជាក់ណាមួយរបស់តារាចម្រៀង លីម តិចម៉េង នោះទេ៕