នៅក្នុងប្រទេសកម្ពុជាយើង មានខេត្តជាប់សមុទ្រចំនួន៤ ដែលរួមមានខេត្តកែប ខេត្តកំពត ខេត្តព្រះសីហនុ និងខេត្តកោះកុង។

នៅក្នុងនោះ ខេត្តទាំង៤នេះ មានឆ្នេរសមុទ្រលាតសន្ធឹងរហូតដល់៤៤០ គីឡូម៉ែត្រ ហើយក្នុងនោះខេត្តកោះកុងគឺជាខេត្តដែលមានឆ្នេរសមុទ្រវែងជាងគេនៅកម្ពុជា ពោលមានប្រវែង២១៥ គីឡូម៉ែត្រ ស្មើនឹងជាង ៥០% នៃឆ្នេរសមុទ្រ របស់ប្រទេសកម្ពុជាទាំងមូល។ក្រៅពីមានឆ្នេរសមុទ្រដ៏ស្រស់ស្អាតវែងជាងគេហើយនោះ ខេត្តនេះ ក៏មានកោះធំជាងគេនៅកម្ពុជាផងដែរ គឺកោះកុងក្រៅ ដែលមានទំហំសរុប ១០៣ គីឡូម៉ែត្រការ៉េ មានទទឹង៧ គីឡូម៉ែត្រ បណ្តាយប្រហែល២២ គីឡូម៉ែត្រ ហើយក៏ជាកោះខ្ពស់ជាងគេ ក្នុងតំបន់ឈូងសមុទ្រថៃផងដែរ គឺមានកម្ពស់រហូតដល់ ៤១៨ ម៉ែត្រពីនីវូទឹកឯណោះ។
មួយរយៈចុងក្រោយនេះ ឆ្នេរសមុទ្រខេត្តកោះកុង បានក្លាយជាគោលដៅទេសចរណ៍មួយដ៏សំខាន់ និងជាតំបន់មានសក្តានុពលមួយ ជួយពន្លឿនសេដ្ឋកិច្ចខេត្ដ និងទាក់ទាញភ្ញៀវទេសចរណ៍មិនចេះដាច់។

សូមបញ្ជាក់ផងដែរថា ខេត្តកោះកុង គឺជាខេត្តមួយស្ថិតនៅភាគនិរតីនៃប្រទេសកម្ពុជា ដែលមានព្រំប្រទល់ ខាងជើងជាប់នឹងខេត្តពោធិ៍សាត់ ខាងកើតជាប់នឹងខេត្តកំពង់ស្ពឺ កំពត និង ព្រះសីហនុ ខាងត្បូងនិងខាងលិចជាប់នឹងឈូងសមុទ្រថៃ និងមួយផែ្នកនៃចង្វាតត្រាច(ខេត្តត្រាច)ប្រទេសថៃ៕

ប្រទេសថៃ ៖ សារព័ត៌មានថៃបានធ្វើការជជែកជាមួយមគ្គុទ្ទេសក៍ទេសចរណ៍ខ្មែរនៅប្រាសាទអង្គរវត្ត អង្គរធំ ប្រទេសកម្ពុជា ពាក់ព័ន្ធនឹងរឿងរូបសំណាកខ្មៅ «គ្រូកាយកែវ» ដែលពលរដ្ឋថៃអះអាងថា គ្រូកាយកែវ គឺជាព្រះ ឬជាគ្រូវេទមន្ត ឬជាព្រះគ្រូរបស់ព្រះបាទជ័យវរ្ម័នទី៧ អតីតព្រះមហាក្សត្រកម្ពុជា ។ ប៉ុន្តែមគ្គុទ្ទេសក៍ទេសចរណ៍ខ្មែរបញ្ជាក់ថា គ្មានគ្រូកាយកែវនៅក្នុងប្រវត្តិសាស្ត្រកម្ពុជាទេ ។

លោក អូផាត បានធ្វើមគ្គុទ្ទេសក៍ទេសចរណ៍នៅប្រាសាទអង្គរវត្តអស់រយៈជាង២០ឆ្នាំ លើកឡើងថា លោកមិនធ្លាប់បានឮឈ្មោះគ្រូកាយកែវទេ ហើយរូបសំណាកដែលកូនសិស្សគ្រូកាយកែវ យកទៅអះអាងថា ជាគ្រូកាយកែវនោះ ការពិត គឺជារូបចម្លាក់តាឥសីអង្គុយនៅប្រាសាទអង្គរវត្ត ហើយមិនមែនជាគ្រូកាយកែវទេ ។ អ្វីដែលបង្ហាញឡើងមកស្រដៀងនឹងស្លាបនេះ ការពិត វាមិនមែនជាស្លាបបក្សីទេ តែជាក្រណាត់បង់ក ។ រឿងរ៉ាវជាច្រើនដែលគេឃើញនៅលើជញ្ជាំងប្រាសាទអង្គរវត្ត អង្គរធំ គឺពាក់ព័ន្ធនឹងសាសនាហិណ្ឌូ ហើយរូបភាពទាំងនេះមិនមែនជាចម្លាក់ក្នុងសម័យព្រះបាទជ័យវរ្ម័នទី៧ ទេ តែមានតាំងពីសម័យព្រះបាទជ័យវរ្ម័នទី២ មកម៉្លេះ ។

ចំណុចសំខាន់ គឺព្រះបាទជ័យវរ្ម័នទី៧ មានគ្រូតែ២រូបប៉ុណ្ណោះ គឺស្រីមាំងខាឡា រុតទេវៈ និងស្រីសាយៈ យ៉កទិទេវៈ ហើយតាំងពីសម័យបុរាណរហូតដល់បច្ចុប្បន្ន គ្មានពលរដ្ឋខ្មែរណាម្នាក់ស្គាល់គ្រូកាយកែវ ទេ ។ ប៉ុន្តែនៅពេលប្រទេសថៃល្បីល្បាញគ្រូកាយកែវ ហើយពលរដ្ឋថៃជាច្រើននាក់នាំគ្នាគោរពនោះ ខាងប្រទេសកម្ពុជាមិនពេញចិត្ត ដោយសារប្រទេសថៃយករឿងអសុរកាយទៅពាក់ព័ន្ធនឹងព្រះបាទជ័យវរ្ម័នទី៧ ដែលជាអតីតព្រះមហាក្សត្រកម្ពុជា ។

លោក អូផាត មគ្គុទ្ទេសក៍ទេសចរណ៍នៅប្រាសាទអង្គរវត្ត លើកឡើងថា ៖ «ពលរដ្ឋខ្មែរប្រាប់ថា ពួកគេមិនស្គាល់គ្រូកាយកែវទេ ហើយបើវាជាប្រវត្តិសាស្ត្ររបស់កម្ពុជាមែននោះ ដូច្នេះ ពលរដ្ឋខ្មែរត្រូវតែស្គាល់គ្រូកាយកែវ និងគោរពថ្វាយបង្គំ ។ ម្យ៉ាងទៀត ថៃលើកឡើងថា គ្រូរបស់ព្រះមហាក្សត្រ គឺជាទេវតាពាក់កណ្តាល និងអសុរកាយពាក់កណ្តាល គឺវាមិនល្អទេសម្រាប់កម្ពុជា» ។

ចំណែកលោក កាំងវ៉ុន ខាត់ឈីម៉ា ជាសាស្ត្រាចារ្យផ្នែកបុរាណវិទ្យា និងបានបង្រៀនភាសា និងវប្បធម៌ខ្មែរអស់ជាងរយៈពេល២០ឆ្នាំ ប្រាប់ថា លោកមិនធ្លាប់បានឮឈ្មោះគ្រូកាយកែវទេ និងគ្មានរឿងរ៉ាវគ្រូកាយកែវនៅក្នុងតម្រាពាក់ព័ន្ធនឹងវប្បធម៌ និងប្រវត្តិសាស្ត្រកម្ពុជាទេ ។ ចំណែករឿងតំណាលតៗគ្នារបស់ពលរដ្ឋ ក៏គ្មានដែរ ហើយរូបចម្លាក់នៅលើជញ្ជាំងប្រាសាទដែលគេឃើញនេះ គឺបង្រៀនពីការគ្រប់គ្រង និងគាតាព្រះវេទ ។

លោកគិតថា គ្រូកាយកែវ គ្មានពិតប្រាកដទេ ហើយរូបចម្លាក់នៅលើប្រាសាទអង្គរវត្ត អង្គរធំ និងតាមជញ្ជាំងប្រាសាទនានា ក៏មិនមែនជាគ្រូកាយកែវដែរ ប៉ុន្តែជារូបឥសី ហើយមិនដឹងថា ហេតុអ្វីបានជាគេអះអាង និងសាងសង់រូបសំណាក់គ្រូកាយកែវ ។ ហេតុនេះ គ្រូកាយកែវ គឺជាការប្រឌិតរឿងរ៉ាវឱ្យភ្ជាប់គ្នានឹងប្រវត្តិសាស្ត្រកម្ពុជា ដើម្បីឱ្យគេកាន់តែមានជំនឿ ។ វាមិនមែនជារឿងថ្មីទេ ព្រោះវាធ្លាប់ល្បីល្បាញបែបនេះម្តងហើយនៅប្រទេសថៃ ហើយក៏ស្ងាត់ទៅវិញ ប៉ុន្តែពេលនេះ ស្រាប់តែមានការព្យាយាមបង្កើតរឿងរ៉ាវគ្រូកាយកែវឡើងមក ៕

មានស្រុកកំណើតនៅភូមិកែវក្រសាំង សង្កាត់កែប ក្រុងកែប ខេត្តកែប អ្នកនាង វួចហ៊ីវ បច្ចុប្បន្នមានវ័យ២៦ឆ្នាំ ទទួលបានការអប់រំត្រឹមថ្នាក់ទី១២។ បន្ទាប់ពីបញ្ឃប់ការសិក្សារូបនាងបានបំរើការងារនៅអាហារដ្ឋានមួយកន្លែង ហើយមកទល់ពេលនេះស្រ្តីវ័យក្មេងរូបនេះបានកសាងជីវិតគ្រួសារនិងទទួលបានកូនម្នាក់អាយុ២ខួបជាចំណងដៃ។ ដើម្បីតួនាទីជាម្តាយមើលថែទាំកូន អ្នកនាង វួចហ៊ីវ សម្រេចចិត្តឈប់បំរើការងារមកបំពេញតួនាទីជាស្រ្តីមេផ្ទះម្តង។

ដោយសារតែចង់បង្កើនប្រាក់ចំណូលផ្គត់ផ្គង់គ្រួសារតែគិតថាខ្លួនឯងមានរូបឆោមមិន ស្រស់ផូរផង់ដូចអ្នកដទៃ មានតែសំឡេងដែលមានភាពខុសប្លែកពីអ្នកដទៃទៀត និងចង់ឱ្យគេស្គាល់ខ្លះនៅលើបណ្តាញសង្គមដើម្បីរកស៊ីទៅថ្ងៃក្រោយទើបអ្នកនាង វួចហ៊ីវ ចាប់ផ្តើមបញ្ចូលសំឡេងសម្រាយរឿង។ ការចាប់ផ្តើមដំបូងជាអ្នកសម្រាយរឿងអ្នកខេត្តកែបរូបនេះមិនទទួលបានភាពជោគជ័យនោះទេដោយអ្នកនាង វួចហ៊ីវ គិតថាសំឡេងរបស់ខ្លួនមិនស៊ីនៅការសម្រាយរឿងទើបចាប់ផ្តើមបញ្ចូលសំឡេងតុក្កតាបែបកំប្លែងៗវិញម្តង ដែលសកម្មភាពបង្វែរមាតិកានេះចាប់ផ្តើមមានអ្នកទស្សនាជាបន្តបន្ទាប់ ជាពិសេសវីដេអូតុក្កតាកំប្លែងនិយាយពី«ឡានក្នុងក្តីស្រមៃ» និង «TVក្នុងក្តីស្រមៃ»។

មុនដំបូងគ្រាន់តែចង់ឱ្យមានអ្នកស្គាល់ច្រើនដើម្បីអាចប្រកបរបរបន្ថែមពីស្រ្តីមេផ្ទះមិននឹកស្មានថាមានសន្ទុះផ្ទុះខ្លាំងលើសពីការរំពឹងទុកប្រហែលអាចជាចាប់ជាអាជីពនេះជាបន្តទៀត។ នេះជាការលើកឡើងរបស់អ្នកបញ្ចូលសំឡេងរូបនេះ។ អ្នកនាង ព្រំ វួចហ៊ីវ បានប្រាប់ KBN News ថា ការបញ្ចូលសំឡេងនេះគឺខ្លួនធ្វើតាមបែបធម្មជាតិ នឹកឃើញអ្វីនិយាយហ្នឹងដូច្នេះមិនសូវមានសំពាធក្នុងការធ្វើទេហើយសប្បាយចិត្តក្នុងការងារនេះ។

អ្នកបញ្ចូលសំឡេងតុក្កតាឡានក្នុងក្តីស្រមៃនេះបន្តទៀតថា កម្លាំងចិត្តដ៏ធំបំផុតដែលជំរុញឱ្យខ្លួនបង្ហាញមុខជាអ្នកបញ្ចូលសំឡេងនៅលើបណ្តាញសង្គមនេះគឺបានមកពីក្រុមគ្រួសារផ្ទាល់ដែលបានលើកទឹកចិត្តនិងថាឱ្យធ្វើអ្វីដែលខ្លួនស្រលាញ់ទោះបីបានចំណូលឬមិនបានចំណូលក៏ដោយយ៉ាងហោចណាស់បានបទពិសោធន៍ ទើបខ្លួនហ៊ានដាក់ចិត្តដាក់កាយធ្វើដល់សព្វថ្ងៃ ហើយការធ្វើនេះអាចឱ្យស្វែងរកអ្វីដែលថ្មីៗសម្រាប់ខ្លួនឯង បង្ហាញភាពជាខ្លួនឯង៕