ប្រទេសថៃ ៖ តាមការចុះផ្សាយរបស់សារព័ត៌មាន Matichon Online នៅថ្ងៃទី១៨ ខែធ្នូ ឆ្នាំ២០២៥ ទឹកជំនន់ចាប់ផ្តើមវាយប្រ.ហារស្រុកហាតយៃ ខេត្តសុងក្លា ប្រទេសថៃ ម្តងទៀតហើយ ដែលធ្វើឱ្យពលរដ្ឋបារម្ភយ៉ាងខ្លាំងនាំគ្នាបង្ហោះរូបភាពទឹកលិចពេញបណ្តាញសង្គម ពីព្រោះពួកគេទើបតែរួចផុតពីគ្រោះថ្នា.ក់ដែលបង្កឡើងដោយទឹកជំនន់យ៉ាងធ្ងន់ធ្ងរកាលពីពេលថ្មីៗនេះ ។ អាជ្ញាធរស្រុកហាតយៃបានប្រជុំបន្ទាន់ និងដាក់ទង់ជាតិពណ៌លឿងប្រកាសអាសន្នឱ្យពលរដ្ឋឱ្យប្រុងប្រយ័ត្ន បន្ទាប់ពីទឹកជំនន់លើកមុនបានឆក់យកជីវិតពលរដ្ឋរហូតដល់ជាង១,០០០នាក់ ។

នៅថ្ងៃទី១៨ ខែធ្នូ ពលរដ្ឋស្រុកហាតយៃ និងស្រុកផ្សេងទៀតដែលនៅជាប់គ្នាក្នុងខេត្តសុងក្លា បារម្ភខ្លាំងដោយសារភ្លៀងធ្លាក់មិនឈប់ឈរតាំងពីយប់ថ្ងៃទី១៧ ខែធ្នូ រហូតដល់ថ្ងៃត្រង់ថ្ងៃទី១៨ ខែធ្នូន នៅមិនទាន់រាំង ដែលធ្វើឱ្យពលរដ្ឋ និងអាជ្ញាធរតាមដានស្ថានការណ៍យ៉ាងដិតដល់ ។ អ្នកលេងបណ្តាញសង្គមបានបង្ហោះរូបភាពទឹកជំនន់ជាថ្មីនៅស្រុកហាតយៃ និងស្រុកផ្សេងៗយ៉ាងច្រើន ហើយមនុស្សភាគច្រើនបារម្ភខ្លាចមានទឹកជំនន់ធ្ងន់ធ្ងរកើតឡើងជាថ្មី ខណៈខ្លះទៀតថា ខ្លួនទើបតែលាងសម្អាតផ្ទះសម្បែងរួចរាល់ និងមិនទាន់ទទួលបានប្រាក់សំណងចំនួន៩,០០០បាត (ឬជាង២០០ដុល្លារ) ពីរដ្ឋាភិបាលនៅឡើយទេ ។

តាមការប្រកាសរបស់ឧតុនិយមភាគខាងត្បូង នៅថ្ងៃទី១៨ ខែធ្នូ គឺស្រុកមួយចំនួនរបស់ខេត្តសុងក្លា មានភ្លៀងធ្លាក់ រួមទាំងខេត្តប៉ាត់តានី យ៉ាឡា និងណារ៉ាធិវ៉ាត ព្រមទាំងមានខ្យល់មូសុងគ្របដណ្តប់លើឈូងសមុទ្រថៃភាគខាងត្បូង និងសមុទ្រអាន់តាម៉ាន់ ។ ហេតុនេះ ឧតុនិយមសំណូមពរឱ្យពលរដ្ឋប្រុងប្រយ័ត្នគ្រោះថ្នាក់ដោយសារភ្លៀងធ្លាក់ ខ្យល់ព្យុះ ផ្គររន្ទះ រីឯពលរដ្ឋប្រកបរបរនេសាទ គួរតែនេសាទដោយការប្រយ័ត្ន និងចៀសវាងនេសាទពេលមេឃកំពុងភ្លៀង ខ្យល់កន្ត្រាក់ ឬផ្គររន្ទះ ។

ចំណែកហ្វេសប៊ុករបស់ស្ថានីយវិទ្យុស្រុកហាតយៃ PSU Broadcast បានរាយការណ៍ពីស្ថានការណ៍ទឹកជំនន់ស្រុកហាតយៃ នាថ្ងៃទី១៨ ខែធ្នូ ថា ផ្លូវធ្វើដំណើរមួយចំនួន និងតំបន់ទំនាប ត្រូវបើកបររថយន្តដោយការប្រុងប្រយ័ត្ន ដោយសារប្រឡាយបង្ហូរទឹក ទី៦ មានទឹកហូរខ្លាំង ។

សាលាស្រុកហាតយៃបានរៀបចំកិច្ចប្រជុំបន្ទាន់ជាមួយមន្ត្រីពាក់ព័ន្ធដើម្បីត្រៀមចាត់វិធានការការពារគ្រោះថ្នាក់ដោយសារទឹកជំនន់ និងបង្កើនការជីកយកភក់ចេញពីប្រឡាយនានាកុំឱ្យរាំងស្ទះដល់ការបង្ហូរទឹក ព្រមទាំងប្រមែប្រមូលសំរាមដែលជាមូលហេតុស្ទះលូ ។ អាជ្ញាធរសំណូមពរឱ្យពលរដ្ឋត្រៀមខ្លួនឱ្យបានគ្រប់ជ្រុងជ្រោយ និងតាមដានព័ត៌មានពីសាលាស្រុកហាតយៃយ៉ាងដិតដល់ផងដែរ ។

គួរបញ្ជាក់ថា កាលពីទឹកជំនន់វាយប្រហារស្រុកហាតយៃកន្លងមក ពលរដ្ឋថៃបានបន្ទោសមេដឹកនាំរបស់ខ្លួន លោក Anutin Charnvirakul ដែលអសមត្ថភាពក្នុងការជួយជម្លៀសពលរដ្ឋចេញពីតំបន់គ្រោះថ្នាក់ ការជួយសង្គ្រោះយឺតយ៉ាវគ្រប់បែបយ៉ាវ មិនថាការចែកស្បៀងអាហារ ថ្នាំពេទ្យ និងបណ្តោយឱ្យពលរដ្ឋស្លាប់ដោយសារទឹកជំនន់រហូតដល់ជាង១,០០០នាក់ ថែមទាំងលាក់បាំងព័ត៌មាន ។ រហូតមកដល់ពេលនេះ ពលរដ្ឋរងគ្រោះដោយសារទឹកជំនន់នៅស្រុកហាតយៃ ពុំទាន់ទទួលបានប្រាក់សំណងចំនួន៩,០០០បាតពីរដ្ឋាភិបាលនៅឡើយទេ ៕

ប្រទេសថៃ ៖ រហូតមកដល់ថ្ងៃទី១៨ ខែធ្នូ ឆ្នាំ២០២៥ កងទ័ពឈ្លានពា.នថៃមិនព្រមបញ្ឈប់ការវាយប្រ.ហារមកក្នុងដែនអធិបតេយ្យរបស់កម្ពុជាទេ ដោយនៅតែប្រើប្រាស់សព្វាវុ.ធធុនធ្ងន់គ្រប់ប្រភេទ និងពង្រីកទីតាំងទម្លាក់គ្រាប់បែ.កដោយយន្តហោះចម្បាំង F-16 ដើម្បីបំផ្លិចបំផ្លា.ញហេដ្ឋារចនាសម្ព័ន្ធកម្ពុជា ប្រាសាទបុរាណជាសម្បត្តិបេតិកភណ្ឌពិភពលោក វត្តអារ៉ាម និងផ្ទះសម្បែងពលរដ្ឋ ។ ទោះជាម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិន ជួយសម្របសម្រួលឱ្យថៃបញ្ឈប់សង្គ្រា.មយ៉ាងកំរាលនេះ ប៉ុន្តែត្រូវបានមេដឹកនាំថៃទាត់ចោលគ្រប់ការសម្របសម្រួល ខណៈរដ្ឋមន្ត្រីក្រសួងការពារជាតិថៃថា កងទ័ពវាយប្រ.ហារបន្តទៀត រហូតមើលឃើញថា កម្ពុជាលែងបង្កគ្រោះថ្នា.ក់ ប៉ុន្តែមិនដល់រាជធានីភ្នំពេញទេ ។

ពេលផ្តល់សម្ភាសន៍ជាមួយសារព័ត៌មាននៅថ្ងៃទី១៨ ខែធ្នូ រដ្ឋមន្ត្រីក្រសួងការពារជាតិថៃ លោក Natthaphon Narkphanit និយាយថា កងទ័ពនឹងមិនបញ្ឈប់ការវាយប្រហារ គឺបន្តវាយប្រហាររហូតដល់មើលឃើញថា កម្ពុជាលែងបង្កគ្រោះថ្នាក់ ឬបញ្ឈប់រាល់អរិភាព ប៉ុន្តែការវាយប្រហារនេះមិនដល់រាជធានីភ្នំពេញទេ ។ នៅភូមិសាស្ត្រកងទ័ពភូមិភាគទី១ ខេត្តស្រះកែវ កងទ័ពថៃចាញ់ប្រៀបកងទ័ពកម្ពុជា ហេតុនេះ ត្រូវតែបង្កើនសព្វាវុធបន្ថែម ដូចជា ៖ រថក្រោះ ហើយលោកបានជជែកជាមួយមេបញ្ជាការកងទ័ពភូមិភាគទី១ បើវាយកាន់កាប់គោលដៅណាមួយបាន គឺត្រូវបា.ញ់ភាគីម្ខាងទៀតមិនឈប់ឈរ ។

រដ្ឋាភិបាលថៃ និងក្រសួងការពារជាតិគាំទ្រ១០០% ក្នុងការឧបត្ថម្ភសម្ភារៈដល់កងទ័ពសម្រាប់បង្កើនប្រតិបត្តិការនៅព្រំដែនកម្ពុជា-ថៃ ។ កងទ័ពនឹងឈប់វាយប្រហារ លុះត្រាតែកម្ពុជាលែងបង្កគ្រោះថ្នាក់ ហើយកម្ពុជាត្រូវឈប់បាញ់ជាមុន មិនមែនប្រកាសឈប់ហើយ ស្រាប់តែបាញ់ឡើងវិញទេ ដោយលោក Natthaphon និយាយបំភ្លៃថា សង្គ្រាមលើកនេះ គឺកងទ័ពថៃគ្រាន់តែការពារខ្លួន មិនបានឈ្លានពាន ។

លោក Natthaphon បន្តថា បើកម្ពុជាចង់ឈប់បាញ់ ត្រូវដកថយកម្លាំងកងទ័ពចេញពីសមរភូមិ កងទ័ពថៃមិនវាយប្រហារដល់រាជធានីភ្នំពេញទេ ។ ហេតុនេះ កម្ពុជាត្រូវបង្ហាញឱ្យថៃឃើញជាមុនសិន ពីព្រោះថៃក៏ចង់ឈប់បាញ់ដែរ ដោយសារកងទ័ពស្លាប់ជាបន្តបន្ទាប់ ខណៈពលរដ្ឋពិបាកស្នាក់នៅក្នុងជំរំភៀសសឹក ។ ការបញ្ចប់អរិភាពរបស់កម្ពុជា គឺត្រូវមានការវាយតម្លៃស្ថានការណ៍ពីមេបញ្ជាការកងទ័ព, ស្តាប់យោបល់កងទ័ព, ពិនិត្យមើលឥរិយាបថកម្ពុជា ថាតើមានការបង្កើនកម្លាំងទ័ពដែរឬទេ ហើយកម្ពុជាត្រូវឈប់បាញ់ជារៀងរហូត ។

លោកទទួលស្គាល់ថា ថៃធ្លាប់ប្រកាសកន្លងមក បើធ្វើសង្គ្រាមម្តងទៀតនឹងវាយកម្ពុជាឱ្យខ្លាំងជាងមុន ប៉ុន្តែពេលនេះ សង្គ្រាមបានអូសបន្លាយយូរថ្ងៃ និងបាត់បង់ច្រើន ទើបយើងព្យាយាមចរចាបញ្ចប់សង្គ្រាម ប៉ុន្តែកម្ពុជាមិនឆ្លើយតប ថៃមានតែប្រយុទ្ធបន្តរហូតដល់កម្ពុជាលែងបង្កគ្រោះថ្នាក់ ឬបញ្ចប់អរិភាព ។ រីឯការធ្វើដំណើរទស្សនកិច្ចផ្លូវការមកកាន់ប្រទេសថៃរបស់បេសកជនពិសេសក្រសួងការបរទេសចិនទទួលបន្ទុកកិច្ចការអាស៊ី នៅថ្ងៃទី១៨ ខែធ្នូ រដ្ឋាភិបាលថៃបានត្រៀមរាយការណ៍ពីស្ថានការណ៍សង្គ្រាមរួចហើយ ។

គួរបញ្ជាក់ថា ការវាយប្រហារឈ្លានពានកម្ពុជាជាថ្មីនេះ កងទ័ពថៃបានប្រើប្រាស់សព្វាវុធធុនធ្ងន់គ្រប់ប្រភេទ ថែមប្រើប្រាស់យន្តហោះចម្បាំង F-16 ទម្លាក់គ្រាប់បែកចូលកាន់តែជ្រៅក្នុងដែនអធិបតេយ្យស្របច្បាប់របស់កម្ពុជា ។ បើអាស៊ាន អង្គការសហប្រជាជាតិ មហាអំណាចអាមេរិក និងមហាអំណាចចិន មិនប្រញាប់ជួយអន្តរាគមន៍ដាក់សម្ពាធថៃទេនោះ កម្ពុជានឹងរងការបំផ្លិចបំផ្លាញកាន់តែច្រើន ដោយសារថៃប្រើប្រាស់យន្តហោះ F-16 ទម្លាក់គ្រាប់បែកមិនរើសកន្លែង ៕

ថៃទំនងជានឹងត្រូវអស់លក្ខឆាប់ៗហើយ! ដោយនៅថ្ងៃទី១៨ ខែធ្នូ ឆ្នាំ២០២៥នេះ លោក Casey Barnett ប្រធានសភាពាណិជ្ជកម្មអាមេរិកប្រចាំកម្ពុជា បានបង្ហោះសារបកអាក្រា.តខ្ទេចខ្ទី នូវលេសចោទប្រកាន់របស់ថៃ និងប្រវត្តិសាស្រ្តនៅតំបន់ឥណ្ឌូចិន ដោយបានលើកឡើងចំៗថា នៅឆ្នាំ២០២៥នេះ ប្រទេសថៃ បានប្រើលេសឈ្លានពានកម្ពុជាម្តងទៀត ដែលស្រដៀងការឈ្លានពានកម្ពុជាកាលពីជាង ៨០ឆ្នាំមុន។

តាមរយៈការបង្ហោះសំណេរនៅលើទំព័រហ្វេសប៊ុក លោក Casey Barnett បានរៀបរាប់យ៉ាងដូច្នេះថា នៅឆ្នាំ ១៩៤១ ប្រទេសថៃបានឈ្លានពានប្រទេសកម្ពុជា ហើយបន្ទាប់មកបានប្រកាសសង្គ្រាមលើសហរដ្ឋអាមេរិក និងចក្រភពអង់គ្លេស។
នៅឆ្នាំ ២០២៥ ការចោទប្រកាន់របស់ថៃថាទាហានកម្ពុជាបាញ់ឆ្លងព្រំដែន គេកំពុងប្រើម្ដងទៀតជាលេសឈ្លានពានប្រទេសកម្ពុជា។ ការអះអាងស្រដៀងគ្នានេះ ក៏ធ្លាប់ជាមូលដ្ឋាននៃការឈ្លានពានកម្ពុជារបស់ថៃនៅឆ្នាំ ១៩៤១ ដែរ។ នៅពេលនោះដូចជាឥឡូវនេះ សកម្មភាពយោធារបស់ថៃមានគោលបំណងបញ្ចូលទឹកដីកម្ពុជាឲ្យទៅជាផ្នែកមួយរបស់ខ្លួន។

ទោះបីជាថៃដឹងច្បាស់អំពីអំពើប្រល័យពូជសាសន៍របស់ជប៉ុននៅប្រទេសចិន រួមទាំងសម្លាប់រង្គាលនៅណានជីងឆ្នាំ ១៩៣៧ ដែលបានសម្លាប់ប្រហែល ២០០,០០០ នាក់ (ពលរដ្ឋស៊ីវិល និងអ្នកទោសសង្គ្រាម) ក៏ដោយ ក៏ថៃនៅតែចូលរួមចុះហត្ថលេខាលើសន្ធិសញ្ញាជាមួយជប៉ុននៅថ្ងៃទី ១២ ខែមិថុនា ឆ្នាំ ១៩៤០។

កិច្ចព្រមព្រៀងនេះបានបង្កើតមូលដ្ឋានឲ្យជប៉ុនបន្តកាន់កាប់ឥណ្ឌូចិនបារាំង និងម៉ាឡាយ៉ាអង់គ្លេស។ បន្ទាប់ពីអនុម័តសន្ធិសញ្ញានេះ ថៃបានឈ្លានពានកម្ពុជា និងឡាវនៅខែមករា ឆ្នាំ ១៩៤១ ដោយអះអាងថា កងកម្លាំងអាណានិគមបារាំងនៅកម្ពុជា បានបាញ់ឆ្លងព្រំដែនចូលក្រុងអារ៉ាញប្រទេស (Aranyaprathet) នៃប្រទេសថៃ។ តាមពិតទៅ ថៃបានត្រៀមរៀបចំសម្រាប់ការឈ្លានពានមកហើយអស់រយៈពេលជាច្រើនខែ។ ក្នុងរយៈពេលតែប៉ុន្មានសប្ដាហ៍ ថៃបានបង្ខំយក (បញ្ចូល) ខេត្តភាគជើងនៃកម្ពុជា និងទឹកដីភាគលិចរបស់ឡាវ។

នៅខែធ្នូ ឆ្នាំ ១៩៤១ ថៃ និងជប៉ុនបានចុះកិច្ចព្រមព្រៀងបន្ថែមមួយទៀត សម្រាប់ការគាំទ្រយោធារួមគ្នា ដោយជប៉ុនបានគាំទ្រយ៉ាងច្បាស់លាស់ ចំពោះការអះអាងទឹកដីរបស់ថៃ—រួមទាំងតំបន់ដែលបានបញ្ចូលពីកម្ពុជា ឡាវ ម៉ាឡាយ៉ា និងភូមា (Burma)។ កិច្ចព្រមព្រៀងនេះបានធានាតួនាទីរបស់ថៃ ជាមជ្ឈមណ្ឌលផ្គត់ផ្គង់ និងជាទីតាំងសម្រាប់ការរៀបចំកម្លាំង (staging ground) សម្រាប់ការឈ្នះគ្រប់គ្រងរបស់ជប៉ុនលើម៉ាឡាយ៉ាអង់គ្លេស និងភូមា ក្នុងឆ្នាំ ១៩៤១ ដល់ ១៩៤២។

នៅខែកក្កដា ឆ្នាំ ១៩៤៣ ជប៉ុនបានផ្តល់រង្វាន់ដល់ថៃសម្រាប់ការសហការដោយផ្ទេរខេត្តចំនួនប្រាំមួយពីម៉ាឡាយ៉ាអង់គ្លេស និងភូមា ឲ្យទៅថៃ។ ក្នុងអំឡុងពេលនេះ ថៃបានសម្របសម្រួល និងទទួលផលប្រយោជន៍យ៉ាងច្បាស់ពីការប្រើប្រាស់ពលកម្មបង្ខំរបស់ជប៉ុន ដើម្បីសាងសង់ផ្លូវដែកភូមា (Burma Railway) ដែលភ្ជាប់ពីបាងកកទៅយ៉ាងហ្គូន (Yangon)។

ក្នុងចំណោមពលកម្មដែលត្រូវបានបង្ខំមានអ្នកទោសសង្គ្រាមអង់គ្លេស ៣០,១៣១ នាក់ និងអាមេរិក ៦៨៦ នាក់។ ក្នុងចំណោមពួកគេ អង់គ្លេស ៦,៩០៤ នាក់ និងអាមេរិក ១៣១ នាក់ បានស្លាប់ដោយសារលក្ខខណ្ឌការងារដ៏សាហាវឃោរឃៅ។

បន្ទាប់ពីជ័យជម្នះរបស់សម្ព័ន្ធមិត្តក្នុងសង្គ្រាមលោកលើកទី២ ថៃត្រូវបានបង្ខំឲ្យលះបង់ទឹកដីទាំងអស់ដែលខ្លួនបានបញ្ចូលនៅកម្ពុជា ឡាវ ម៉ាឡាយ៉ា និងភូមា។ ចក្រភពអង់គ្លេសដំបូងបានស្វែងរកវិធានការផ្តន្ទាទោស រួមទាំងការកាន់កាប់ថៃយូរអង្វែង។

ទោះយ៉ាងណា សហរដ្ឋអាមេរិកបានប្រឆាំងនឹងការដាក់ទណ្ឌកម្មក្រោយសង្គ្រាមយ៉ាងតឹងរ៉ឹង ដោយអះអាងថាការទាមទារដ៏ខ្លាំងក្លានឹងធ្វើឲ្យថៃ និងតំបន់មិនស្ថិរភាព។ ដោយហេតុនេះ ថៃបានប្រឈមនឹងការទទួលខុសត្រូវតិចតួចប៉ុណ្ណោះចំពោះអំពើឈ្លានពានទឹកដីក្នុងសម័យសង្គ្រាម។ ឥឡូវនេះ នៅឆ្នាំ ២០២៥ ថៃកំពុងឈ្លានពានប្រទេសកម្ពុជាម្ដងទៀត៕

ចាប់តាំងពីមុនពិធីបើក រហូតដល់ការចូលជាផ្លូវការអស់រយៈពេល៩ថ្ងៃមកនេះ ព្រឹត្តិការណ៍ស៊ីហ្គេមលើកទី៣៣ ដែលរៀបចំដោយប្រទេសថៃនៅឆ្នាំ២០២៥នេះ នៅតែជាគោលដៅរិះគ.ន់សម្រាប់មហាជនទាំងក្នុងនិងក្រៅប្រទេស ជាពិសេសពាក់ព័ន្ធជាមួយនឹងកំហុសបច្ចេកទេស ការលេងបន្លំខ្សែលើ និងថែមទាំងមានការសង្ស័យថាមានការស៊ីសំណូកនៅក្រោយឆាកទៀតផង។

យោងតាមព័ត៌មានដែលចេញផ្សាយនៅពេលប៉ុន្មានថ្ងៃចុងក្រោយនេះ គេសង្កេតឃើញមានការចែករំលែកជាបន្តបន្ទាប់អំពីហេតុការណ៍ចម្រូងចម្រាស់អំឡុងពេលប្រកួតនៅក្នុងវិញ្ញាសារកីឡាមួយចំនួន។ ជាក់ស្ដែង នៅក្នុងវិញ្ញាសាបញ្ចសីលា រវាងក្រុមអត្តពលិកម៉ាឡេស៊ីនិងជម្រើសជាតិថៃ ដែលពិន្ទុលើអេក្រុងបង្ហាញថាទទួលបានចំនួន ១៦ ស្មើគ្នា ប៉ុន្តែពេលប្រកាសលទ្ធផលបែរជាក្រុមជម្រើសជាតិថៃជាអ្នកឈ្នះទៅវិញ។ ហេតុការណ៍នេះ បានធ្វើឱ្យគ្រូបង្វឹកខាងម៉ាឡេស៊ីខឹងសម្បាយ៉ាងខ្លាំង រហូតចង្អុលមុខអាជ្ញាកណ្ដាលចំៗ និង មានឈានដល់ការប្រើប្រាស់ហិង្សាដាក់គ្នាថែមទៀត។

ក្រៅពីលទ្ធផលដែលមានការមិនពេញចិត្តពីសំណាក់ម៉ាឡេស៊ីដូចខាងលើនេះ នៅមានការប្រកួតនៅក្នុងវិញ្ញាសារកីឡាផ្សេងៗទៀតដែលជម្រើសជាតិថៃបានយកឈ្នះ ក៏ទទួលបានការតវ៉ាច្រើនផងដែរ ដោយសារមានការយល់ឃើញថាការដាក់ពិន្ទុរបស់គណកម្មការគ្មានតម្លាភាព និងលម្អៀងទៅខាងម្ចាស់ផ្ទះ ដោយសរុបមេដាយមាសរបស់ក្រុមថៃគិតត្រឹមថ្ងៃទី១៧ ធ្នូនេះ ទទួលបានរហូតដល់ទៅ ១៨៥ ឈរនៅលំដាប់ទី១លើគេបង្អស់ធៀបនឹងប្រទេសដទៃទៀត។

ដោយឡែកបើងាកមកមើលហេតុការណ៍ដែលកំពុងផ្ទុះការចាប់អារម្មណ៍ខ្លាំងនៅពេលនេះ គឺទាក់ទងនឹងការប្រកួតកីឡាអេឡិចត្រួនិច (E-Sport) រវាងក្រុមកីឡាការនីថៃនិងវៀតណាម ដោយគណកម្មាការបានរកឃើញកំហុសដ៏ធំមួយលើសមាជិកម្នាក់របស់ក្រុមម្ចាស់ផ្ទះថៃ បានប្រើប្រាស់កម្មវិធីជំនួយម្យ៉ាងលើទូរស័ព្ទដៃ ដែលអាចអនុញ្ញាតឲ្យមានអ្នកចូលលេងជំនួសបាន។ ក្រោយរកឃើញថាមានការលេងបន្លំខ្សែលើបែបនេះ សហព័ន្ធកីឡាអេឡិចត្រូនិចថៃក៏បានសម្រេចដកហូតសិទ្ធិប្រកួតរបស់កីឡាការនីរូបនោះ ហើយក្រោយមកក៏បានដកក្រុមរបស់នាងដែលមកពីក្លឹបតែមួយចេញពីការប្រកួតស៊ីហ្គេមតែម្ដង។ តែទោះជាយ៉ាងណា ថៃមិនអាចលុបលាងភាពអាម៉ាសដែលក្រុមជម្រើសជាតិរបស់ខ្លួនបានប្រើប្រាស់ល្បិចដើម្បីផ្ដួលវៀតណាមនេះបានឡើយ។

បន្ថែមលើហេតុការណ៍ដ៏ហួសចិត្តមួយនេះ ក៏មានការរប្រទូសរ៉ាយរវាងកីឡាបាល់ទះស្រ្តីថៃ និង វៀតណាមផងដែរ ដោយវៀតណាមចោ.ទថា គណកម្មការស៊ីហ្គេមថៃមានភាពលំអៀងទៅក្រុមថៃជាង។ ហើយក៏កើតមានការវាយតប់គ្នារវាងអ្នកគាំទ្រម៉ាឡេស៊ី និង ថៃ ការរិះគន់ទៅលើប្រព័ន្ធការពារសុវត្តិភាពអត្តពលិកដែលបង្កឱ្យអត្តពលលិកស្រីជនជាតិវៀតណាមម្នាក់របួសធ្ងន់ផ្នែកកកំឡុងការប្រកួតកីឡា «ប៉ិនចាក់ ស៊ីឡាត» តទល់នឹងឥណ្ឌូនេស៊ី។

កំហុសដ៏អាម៉ាសទាំងនេះ ត្រូវបានប្រព័ន្ធផ្សព្វផ្សាយនានាទាំងថៃខ្លួនឯង និងសារព័ត៌មានអន្តរជាតិធំៗជាច្រើន ចុះផ្សាយព្រោងព្រាត និងនាំឱ្យប្រទេសថៃជាម្ចាស់ផ្ទះបា.ក់មុខយ៉ាងខ្លាំងជាពិសេសក្នុងចំណោមប្រទេសជាច្រើននៅក្នុងតំបន់ ខណៈថៃធ្លាប់ធ្វើជាម្ចាស់ផ្ទះនៃព្រឹត្តិការនេះច្រើនដងមកហើយ ប៉ុន្តែពេលនេះបែរជាបង្ហាញពីការមិនយកចិត្តទុកដាក់ និង ភាពអនាធិបតេយ្យនៃការរៀបចំការប្រកួតបែបនេះទៅវិញ៕

ប្រទេសថៃ ៖ មេដឹកនាំថៃចង់ឱ្យកម្ពុជាសុំចរចា និងប្រកាសឈប់បា.ញ់មុន ទាំងដែលកងទ័ពថៃបានបើកការវាយប្រ.ហារបង្កសង្ក្រា.មមុនមកលើកម្ពុជា ខណៈវីរកងទ័ពកម្ពុជាអត់ធ្មត់ខ្លាំងបំផុតរហូតដល់រយៈពេល២៤ម៉ោងក្រោយ ទើបវាយតបតវិញដើម្បីការពារបូរណភាពទឹកដី និងអាយុជីវិតពលរដ្ឋស្លូតត្រង់ ។ ហេតុអ្វីត្រូវស្នើសុំថៃចរចាមុន កម្ពុជាពុំបានបង្កសង្ក្រា.មទេ កម្ពុជាគោរពបទឈប់បា.ញ់ និងកិច្ចព្រមព្រៀងសន្តិភាពរហូតមក ខណៈថៃព្យាយាមបង្កជម្លោះ រករឿងចោទប្រកាន់ និងទម្លាក់កំហុសរឿងគ្រាប់មីនម្តងហើយម្តងទៀតដើម្បីយកលេសឈ្លានពា.នជាថ្មី ។

លោក Anutin Charnvirakul នាយករដ្ឋមន្ត្រីថៃចាំផ្ទះ ធ្លាប់តែប្រកាសដាច់ខាតថា គ្មានបទឈប់បា.ញ់ គ្មានកិច្ចព្រមព្រៀងសន្តិភាពទីក្រុងគូឡាឡាំពួរជាមួយកម្ពុជាទៀតទេ បន្ទាប់ពីបើកដៃឱ្យកងទ័ពវាយប្រ.ហារកម្ពុជាជាថ្មីយ៉ាងធ្ងន់ធ្ងរ ដោយប្រើប្រាស់សព្វាវុ.ធគ្រប់ប្រភេទ រួមទាំងយន្តហោះទម្លាក់គ្រាប់បែក F-16, Gripen ពេលនេះ លោក Anutin ហាក់បន្ទាន់ឥរិយាបថ បែរជាទាមទារឱ្យកម្ពុជាចូលតុចរចាគ្នាបញ្ចប់សង្គ្រា.ម ប៉ុន្តែថៃត្រូវតែគ្រប់គ្រងភ្នំ៣៥០ (ឬទួល៣៥០) នៅក្បែរប្រាសាទតាក្របី ជាមុនសិន ។ លើសពីនេះ ថែមទាំងកំណត់លក្ខខណ្ឌចំនួន៣ និងឱ្យកម្ពុជាប្រកាសឈប់បា.ញ់មុន ទាំងដែលការពិត ថៃបា.ញ់មុន ។

កាលពីថ្ងៃទី១៧ ខែធ្នូ ឆ្នាំ២០២៥ នៅទីស្នាក់ការគណបក្សភូមិចៃថៃ លោក Anutin បាននិយាយនៅចំពោះមុខសារព័ត៌មានថា កម្ពុជាគួរតែស្នើការចរចាជាមួយថៃនៅពេលនេះ ប៉ុន្តែថៃត្រូវតែគ្រប់គ្រងភ្នំ៣៥០ នៅក្បែរប្រាសាទតាក្របី ជាមុនសិន ។ លោកបន្តថា កន្លងមក រដ្ឋមន្ត្រីការពារជាតិ លោក Natthaphon Narkphanit បានបញ្ជាក់រួចហើយ គឺកងទ័ពថៃនឹងបន្តវាយប្រហារកម្ពុជាមួយរយៈទៀត ប៉ុន្តែមិនយូរទេ សង្គ្រាមនឹងបញ្ចប់ ។

កងទ័ពថៃបាននិងកំពុងសម្រុកវាយប្រហារកម្ពុជានៅតាមគោលដៅផ្សេងៗ ប៉ុន្តែលោក Anutin មិនអាចកំណត់ពេលវេលាបញ្ចប់សង្គ្រាមពេលណាច្បាស់លាស់ទេ គ្រាន់តែថា សង្គ្រាមនឹងបញ្ចប់ឆាប់ៗ ប៉ុន្តែថៃត្រូវតែទទួលបានផលប្រយោជន៍ច្រើនបំផុតពីសង្គ្រាមលើកនេះ ដូចជា ៖ គ្រប់គ្រងភ្នំ៣៥០ ស្ថិតនៅបរិវេណប្រាសាទតាក្របី ។ រីឯការវាយដណ្តើមយកតំបន់អានសេះ គឺលោកមិនអាចនិយាយលម្អិតបានទេ ទុកតួនាទីឱ្យកងទ័ពប្រកាសលម្អិត ពីព្រោះពាក់ព័ន្ធនឹងសុវត្ថិភាពកងទ័ព និងពលរដ្ឋ ។

ស្ថានការណ៍ពេលនេះ លោក Anutin ចង់ឱ្យកម្ពុជាសុំចរចាជាមួយថៃដើម្បីបញ្ចប់សង្គ្រាម ហើយសង្គ្រាមអាចនឹងបញ្ចប់មុនដំណាច់ឆ្នាំ២០២៥ឬយ៉ាងណានោះ គឺស្ថិតនៅលើការសម្រេចចិត្តរបស់រដ្ឋមន្ត្រីក្រសួងការពារជាតិ លោក Natthaphon Narkphanit ។

ភ្នំ៣៥០ (ឬទួល៣៥០) ដែលវីរកងទ័ពកម្ពុជាកំពុងគ្រប់គ្រង គឺជាគោលដៅសំខាន់ដែលកងទ័ពថៃចង់បានខ្លាំងបំផុត ។ លោក Anutin បាននិយាយថា ចង់ឱ្យកម្ពុជាសុំចរចាបញ្ចប់ជម្លោះព្រំដែនជាមួយថៃ ប៉ុន្តែថៃត្រូវតែគ្រប់គ្រងភ្នំ៣៥០ បើលោក Anutin ចង់បានសន្តិភាពមែន ហេតុអ្វីទាមទារយកភ្នំ៣៥០? ចម្លើយ គឺដើម្បីយកប្រាសាទតាក្របីបាន ថៃចាំបាច់ត្រូវដណ្តើមកាន់កាប់ភ្នំ៣៥០ ជាមុន ដោយសារភ្នំនេះមានទីតាំងភូមិសាស្ត្រអំណោយផលអាចពិនិត្យមើលទីតាំងឈរជើងកងទ័ពកម្ពុជានៅទីទាបយ៉ាងច្បាស់ ទើបថៃព្យាយាមវាយសម្រុកខ្លាំងទាំងកាំភ្លើងធំ ទាំងយន្តហោះទម្លាក់គ្រាប់បែក F-16 នៅតំបន់នេះ ។

មេដឹកនាំថៃចង់ឱ្យកម្ពុជាសុំចរចាបញ្ចប់សង្គ្រាម បន្ទាប់ពីថ្មីៗនេះ មហាអំណាចចិនបានអំពាវនាវជាថ្មីឱ្យបញ្ចប់សង្គ្រាមរវាងកម្ពុជា-ថៃ ដោយភារកិច្ចបន្ទាន់បំផុត គឺបញ្ចប់ការបាញ់ប្រហារ និងការពារជនស៊ីវិល ។ ចិនសង្ឃឹមថា ភាគីទាំងពីរចាប់ផ្តើមសកម្មភាពដោយឈរលើផលប្រយោជន៍នៃការរក្សាសន្តិភាព ស្ថិរភាពតាមបណ្តោយព្រំដែន ការពារផលប្រយោជន៍របស់ប្រជាជនទាំងពីរ រក្សាភាពអត់ធ្មត់ឱ្យបានខ្ពស់បំផុត និងចាត់វិធានការទាំងអស់ដែលអំណោយផលដល់ការសម្រេចបាននូវបទឈប់បាញ់ សម្រេចឱ្យបាននូវស្ថានការណ៍បន្ធូរបន្ថយឱ្យបានឆាប់ ។ ចិនកំពុងខិតខំបន្តប្រឹងប្រែងដាស់តឿន និងជំរុញចរចាឱ្យមានការឈប់បាញ់ និងស្តារសន្តិភាពឡើងវិញរវាងកម្ពុជា-ថៃតាមរបៀបរបស់ខ្លួន ។

គួរបញ្ជាក់ថា ថៃបានទាមទារឱ្យកម្ពុជាយល់ព្រមតាមលក្ខខណ្ឌរបស់ខ្លួន ចំនួន៣ ទើបថៃបញ្ចប់សង្គ្រាមឈ្លានពាន រួមមាន ៖
១-កម្ពុជាត្រូវប្រកាសឈប់បា.ញ់ជាមុន
២-ការឈប់បាញ់ត្រូវតែកើតឡើងជាក់ស្តែង និងបន្តបន្ទាប់
៣-កម្ពុជាត្រូវផ្តល់កិច្ចសហការបោសសម្អាតមីនដោយភាពហ្មត់ចត់ និងស្មោះត្រង់ ៕