វាជាចំណេះដឹងដែលមនុស្សទូទៅបានជ្រាបច្បាស់ ប៉ុន្តែមានមនុស្សតិចណាស់ដែលអាចអនុវត្តតាមបានសម្រាប់ពេលវេលាមើលទូរស័ព្ទដៃក្នុង១ថ្ងៃៗ ។ អង្គការសុខភាពពិភពលោក (WHO) ណែនាំថា មនុស្សពេញវ័យគួរសម្លឹងមើលទូរស័ព្ទដៃមិនលើស២ម៉ោងក្នុង១ថ្ងៃ ។ បើមើលទូរស័ព្ទដៃរយៈពេលយូរជាងនេះ នឹងធ្វើឱ្យប៉ះពាល់ដល់សុខភាពដូចជា ឈឺភ្នែក ភ្នែកស្ងួត ឈឺក ឈឺខ្នង ឈឺក្បាល សម្រាកមិនលក់ មានជំងឺធ្លាក់ទឹកចិត្ត និងបារម្ភ ។

ក្រៅពីនេះ អង្គការសុខភាពពិភពលោក បានណែនាំថា កុមារអាយុក្រោម៥ឆ្នាំ គួរតែចៀសវាងការមើលទូរស័ព្ទដៃ ខណៈកុមារអាយុចាប់ពី៦ឆ្នាំ ដល់១៧ឆ្នាំ គួរមើលទូរស័ព្ទដៃមិនលើសពី១ម៉ោងក្នុង១ថ្ងៃ ។ ចំណែកមនុស្សពេញវ័យមានអាយុចាប់ពី១៨ឆ្នាំ ដល់២៤ឆ្នាំ គួរមើលទូរស័ព្ទដៃមិនលើស២ម៉ោងក្នុង១ថ្ងៃ ។

*វិធីកាត់បន្ថយពេលវេលាមើលទូរស័ព្ទដៃ រួមមាន ៖
-កំណត់ម៉ោងរំលឹកខ្លួនឯងរៀងរាល់២០នាទីម្តងដើម្បីសម្រាកភ្នែក បន្ទាប់មក ចូរសម្លឹងទៅកាន់កន្លែងឆ្ងាយៗប្រមាណ២០វិនាទី
-ជ្រើសរើសខ្លឹមសារអត្ថបទមានគុណភាព និងគួរឱ្យចាប់អារម្មណ៍ក្នុងទូរស័ព្ទ
-បែងចែកពេលវេលាធ្វើសកម្មភាពផ្សេងៗ ដូចជា អានសៀវភៅ ហាត់ប្រាណ ព្រមទាំងចំណាយពេលវេលាជាមួយគ្រួសារ និងមិត្តភក្តិ ។

*ការសម្លឹងមើលទូរស័ព្ទរយៈពេលយូរបណ្តាលឱ្យមានផលប៉ះពាល់ដូចជា ៖
-មានអាការៈក្រហាយភ្នែក ស្ងួតភ្នែក និងហូរទឹកភ្នែក
-ឈឺត្របកភ្នែក និងឈឺក្បាល
-ភ្នែកមើលអ្វីមិនច្បាស់ ឬឆាប់ខូចភ្នែក
-អាចកើតជំងឺដក់ទឹកក្នុងភ្នែក
-អាចបំផ្លាញសរសៃភ្នែក រហូតមើលអ្វីមិនច្បាស់
-អាចពិការភ្នែក (ប៉ុន្តែវាមិនមែនជាមហារីកភ្នែកទេ)

ប្រសិនបើសង្កេតឃើញថា យើងសម្លឹងមើលទូរស័ព្ទដៃច្រើនពេក គួរតែផ្លាស់ប្តូរទម្លាប់ប្រចាំថ្ងៃបន្តិចម្តងៗ ទើបយើងកាន់តែងាយស្រួលសម្របខ្លួន ។ កែវភ្នែករបស់យើងមានតែ១គូប៉ុណ្ណោះ ចូរកុំប្រើវាខ្លាំងពេក រហូតភ្លេចផ្តល់ភាពសំខាន់ចំពោះវា ។ បើកែវភ្នែកមានបញ្ហា យើងនឹងសោកស្តាយថា ហេតុអ្វីយើងធ្វើបែបនេះ ហើយនៅពេលនោះ វានឹងហួសពេល ៕ ប្រភព ៖ sanook

បរទេស៖ រថយន្ត SUV កូនកាត់ Century Plug-in Hybrid តំណាងឱ្យរថយន្តប្រណិតជំនាន់ក្រោយរបស់ Toyota ដែលបំពេញតម្រូវការអតិថិជនដ៏សំបូរបែប។ រថយន្ត SUV ស៊េរីថ្មីនេះ ភ្ជាប់មកជាមួយនូវប្រព័ន្ធ Plug-in Hybrid powertrain ដែលផ្នែកខាងក្នុងមានអារម្មណ៍ដូចជារថយន្ត Rolls-Royce។

យោងតាមក្រុមហ៊ុន Toyota បាននិយាយថា Century SUV នីមួយៗសុទ្ធតែត្រូវបានផលិតឡើងតាមតម្រូវការរបស់អតិថិជន។ លើសពីនេះ ក្រុមហ៊ុនក៏មានការផ្លាស់ប្តូរដើម្បីចាប់ផ្តើមកំណែ GRMN ដែលមានប្រសិទ្ធភាពខ្ពស់ និងកំណែដែលអាចបំប្លែងបាន ដើម្បីបង្វែរខ្សែរថយន្ត Century ។

Toyota Century ២០២៤ SUV មានប្រវែង ៥,២០៥ មីលីម៉ែត្រ (២០៤.៩ អ៊ីង) ទទឹង ១,៩៩០ មីលីម៉ែត្រ (៧៨.៣ អ៊ីង) និងកម្ពស់ ១,៨០៥ ម. ម្យ៉ាងវិញទៀត មូលដ្ឋានកង់ទំហំ ២,៩៥០ mm (១១៦.១ អ៊ីង) គឺស្ទើរតែដូចគ្នាទៅនឹង Toyota Grand Highlander និង Lexus TX ដែលទាំងពីរនេះផ្អែកលើស្ថាបត្យកម្ម TNGA-K ដូចគ្នា។ គួរកត់សម្គាល់ថាជំនួសឱ្យការប្រើប្រាស់ម៉ាស៊ីន ៥.០ លីត្រ V៨ សាំង hybrid ដូចនៅលើរថយន្ត SUV នេះ គឺជាម៉ូដែល Plug-in Hybrid ។ កម្លាំងម៉ាស៊ីនរួមមានម៉ាស៊ីនសាំង V៦ ចំណុះ ៣.៥ លីត្រ ផលិតកម្លាំង ២៥៨ សេះ/៣៣៥ Nm ជាមួយនឹងម៉ូទ័រអេឡិចត្រិចពីរដែលផលិតបាន ១៨០ សេះ/២៧០ Nm និង ១០៧ សេះ/១៦៩ Nm រៀងគ្នា។

ចំណុចពិសេសរបស់រថយន្ត Century SUV គឺជួយឱ្យអ្នកប្រើប្រាស់ទទួលបាននូវបទពិសោធន៍នៃការបើកបរដ៏ស្ងប់ស្ងាត់។ ម៉ូដែលនេះក៏មានរបៀបបង្កើនផាសុខភាពកៅអីខាងក្រោយ (Rear Comfort) ដើម្បីជួយទ្រទ្រង់ការគ្រប់គ្រងហ្វ្រាំង និងកាត់បន្ថយរំញ័រ។ នៅខាងក្នុងបន្ទប់ Toyota Century SUV មានរចនាសម្ព័ន្ធកៅអីបួន ជាមួយនឹងកៅអីខាងក្រោយដែលគ្របដោយស្បែកដាច់ដោយឡែក ដែលអាចដាក់បានទាំងស្រុងទៅក្នុងគ្រែរាបស្មើសម្រាប់អ្នកដំណើរ “ផ្អៀងខ្នង”។ ជាពិសេសកៅអីទាំងអស់នៅក្នុងរថយន្តមានមុខងារកំដៅ និងខ្យល់ចេញចូល។ ប្រព័ន្ធសំឡេងត្រូវបានក្រុមហ៊ុនបញ្ជាក់ថាត្រូវតាមស្តង់ដារគុណភាពខ្ពស់ព្រោះវាត្រូវបានផលិតដោយម្ចាស់ឧបករណ៍តន្ត្រី។

បច្ចុប្បន្ននេះ Toyota Century ២០២៤ SUV បានដាក់ឱ្យកុម្ម៉ង់នៅក្នុងប្រទេសជប៉ុនហើយ។ ក្រុមហ៊ុន Toyota បាននិយាយថា យានជំនិះនឹងត្រូវបានលក់តាមរយៈ Century Meisters ដែលជាផ្នែកលក់ និងវិស្វករដែលមានចំណេះដឹងទូលំទូលាយអំពីម៉ាក Century ។ រថយន្តនេះត្រូវបានកំណត់ត្រឹមតែ ៣០ គ្រឿងប៉ុណ្ណោះក្នុងមួយខែ រីឯតម្លៃវិញគឺចាប់ពី ២៥ លានយ៉េនឡើងទៅ (ស្មើនឹង ១៦៩,៥៨០ ដុល្លារ)៕

បឹងដ៏ចម្លែកមួយលើលោក LAKE HILLIER ដែលមានទឹកពណ៌ផ្កាឈូកស្ថិតនៅប្រទេសអូស្ត្រាលី បានក្លាយជាកន្លែងទាក់ទាញអ្នកទេសចរទៅកម្សាន្តច្រើនឆ្នាំមកហើយ។ ក្រៅពីជាកន្លែងដ៏ទាក់ទាញហើយនោះ ទីនេះក៏ត្រូវបានអ្នកវិទ្យាសាស្ត្រធ្វើការស្រាវជ្រាវស្វែងរកមូលហេតុដែលបណ្តាលឱ្យបឹងនេះមានព៌ណផ្កាឈូកដូច្នេះ។
បន្ទាប់ពីសិក្សាស្រាវជ្រាវជាច្រើនឆ្នាំ បានកំណត់សម្គាល់ឃើញថាបឹងនេះ មានពណ៌ផ្កាឈូកកក៏ដោយសារតែសារវត្តមានសារាយជាច្រើនប្រភេទ ដែលភាគច្រើនពួកវាលោតលាស់នៅក្នុងទឹកដែលមានជាតិប្រៃខ្ពស់។នៅក្នុងចំណោមសារាយទាំងនោះ មានសារាយម៉្យាង ឈ្មោះថា Dunaliella salina ជាអ្នកផលិតជាតិពណ៌ដ៏ច្រើនឈ្មោះ Carotenoids ដែលធ្វើឱ្យបឹងឡើងពណ៌ផ្កាឈូកបែបនេះ។

សូមបញ្ជាក់ផងដែរថា បឹងនេះអាចឱ្យមនុស្សហែលបាន ក៏ប៉ុន្តែពួកគេត្រូវត្រៀមខ្លួនទុក្ខជាមុន ព្រោះថាបឹងនេះមានកម្រិតជាតិប្រៃវាខ្ពស់ ដែលអាចប៉ះពាល់ដល់សុខភាពស្បែកយ៉ាងលឿន៕

រដ្ឋធានីហ្សាការតា៖ ការសម្រេចរបស់ក្រុងតូក្យូ បញ្ចេញទឹក ចេញពីរោងចក្រថាមពលនុយក្លេអ៊ែរ ដែលបានបន្សាបធាតុវិទ្យុសកម្ម ធ្វើឲ្យរដ្ឋាភិបាលក្រុងប៉េកាំង ប្រតិកម្មយ៉ាងខ្លាំង និង សងសឹកតបតវិញ ដោយការហាមឃាត់ដល់ការនាំចូលម្ហូបអាហារសមុទ្រ មកពីប្រទេសជប៉ុន ប៉ុន្ដែសកម្មភាពបែបនេះ បាននាំឲ្យមានការតវ៉ា ទៅកាន់អង្គការពាណិជ្ជកម្មពិភពលោក (WTO) ហើយឥឡូវមេដឹកនាំប្រទេសអាស៊ីបូព៌ាមួយនេះ ក៏បានប្រាប់ទៅដល់មហាយក្សចិន ដោយផ្ទាល់។

សារព័ត៌មានរបស់សិង្ហបុរី Channel News Asia បានចេញផ្សាយ កាលពីរាត្រី ថ្ងៃពុធ ទី៦ ខែកញ្ញា ថា លោក ហ៊្វូមីអូ គីស៊ីដា (Fumio Kishida) នាយករដ្ឋមន្ត្រីជប៉ុន បានបញ្ជាក់ កាលពីថ្ងៃពុធ (ទី៦ ខែកញ្ញា) ថា គាត់បានពន្យល់ អំពីគោលជំហររបស់ជប៉ុន នៅក្នុងការបញ្ចេញទឹកមានធាតុវិទ្យុសកម្ម ដែលបានបន្សាបរួច ចេញពីរោងចក្រថាមពលនុយក្លេអ៊ែរហ៊្វូគូស៊ីម៉ា ដល់នាយករដ្ឋមន្ត្រីចិន លោក លី ឈាង (Li Qiang) នៅក្រៅកិច្ចប្រជុំកំពូលអាស៊ាន នៅក្នុងប្រទេសឥណ្ឌូនេស៊ី។

ប្រទេសជប៉ុន បានបញ្ចេញទឹក ចេញពីរោងចក្រថាមពលនុក្លេអ៊ែរ ដែលបានខូច បញ្ចូលទៅក្នុងមហាសមុទ្រ កាលពីថ្ងៃទី២៤ ខែសីហា ឆ្នាំ២០២៣។ ការសម្រេចចិត្តរបស់រដ្ឋាភិបាលក្រុងតូក្យូ បាននាំឲ្យមានការរិះគន់យ៉ាងខ្លាំង មកពីប្រទេសចិន ហើយជាការសងសឹកតបតវិញនោះ រដ្ឋាភិបាលក្រុងប៉េកាំង បានដាក់បម្រាមលើការនាំចូលជលផលទាំងអស់ មកពីប្រទេសជប៉ុន។

គ្រោះរញ្ជួយដីដ៏ខ្លាំង និង មហារលកយក្សស៊ូណាមិ នៅក្នុងឆ្នាំ២០១១ បាននាំឱ្យកើតមានគ្រោះមហន្ដរាយ ដល់រោងចក្រថាមពលនុយក្លេអ៊ែរហ៊្វូគូស៊ីម៉ាដាយអ៊ីឈិ (Fukushima Daiichi) នៅក្នុងចំណោមគ្រោះមហន្តរាយនុយក្លេអ៊ែរដ៏អាក្រក់បំផុត នៅលើពិភពលោក ចាប់តាំងពីការកើតគ្រោះមហន្ដរាយ នៅឆ័រណូប៊ីល (Chernobyl) របស់អ៊ុយក្រែន នាសម័យសូវៀត កាលពី២៥ឆ្នាំមុន។

លោក ហ៊្វូមីអូ គីស៊ីដា នាយករដ្ឋមន្ត្រីជប៉ុន បានប្រាប់ដល់ក្រុមអ្នកកាសែត ថា គាត់បាននិយាយយ៉ាងខ្លី ជាមួយសមភាគីចិន លោក លី ឈាង នៅមុនកិច្ចប្រជុំកំពូលអាស៊ាន ដោយគាត់បានបញ្ជាក់ ថា « ខ្ញុំបានពន្យល់អំពីគោលជំហររបស់ប្រទេសជប៉ុន ជុំវិញបញ្ហាទឹក ដែលបានបន្សាបរួច ចេញពីរោងចក្រ ដល់លោកនាយករដ្ឋមន្ត្រី លី»។ បើទោះជាយ៉ាងណា លោកនាយករដ្ឋមន្រ្ដី បានបដិសេធនិយាយ អំពីរបៀប ដែលលោក លី ឈាង បានឆ្លើយតប។

ក្រសួងការបរទេសជប៉ុន បាននិយាយ ថា ការពិភាក្សា ជាមួយនាយករដ្ឋមន្រ្ដីចិន លោក លី ឈាង គឺជាលើកទីមួយ ខណៈមេដឹកនាំទាំងពីរ បានជួបគ្នា ដោយផ្ទាល់។ ជំនួបនេះវក៏ជាកិច្ចពិភាក្សាកម្រិតខ្ពស់លើកដំបូង រវាងប្រទេសទាំងពីរ ចាប់តាំងពីការបញ្ចេញទឹក ចេញពីរោងចក្រហ៊្វូគូស៊ីម៉ា។ ទឹកទាំងនោះ បានបន្សាបធាតុវិទ្យុសកម្ម ភាគច្រើន លើកលែងតែទ្រីទីយ៉ូម (Tritium) ដែលជារ៉ាឌីយ៉ូនូគ្លីដ (Radionuclide) ពិបាកបំបែក ចេញពីទឹក ហើយក៏បានទទួលស្គាល់ពីអន្តរជាតិ នៅមុនពេលបញ្ចេញទឹកទាំងនោះ បង្ហូរចូលទៅក្នុងមហាសមុទ្រ៕