នៅក្នុងប្រទេសជាសមាជិកនៃអង្គការសហប្រជាជាតិចំនួន១៩៣ ក្នុងនោះមាន២៨ប្រទេស មិនធ្លាប់ទទួលស្គាល់អុីស្រាអែលជារដ្ឋឯករាជ្យនោះទេ។ក្នុងចំណោម២៨ប្រទេសនេះ មាន៣ប្រទេស នៅតំបន់អាស៊ានគឺ៖
• ឥណ្ឌូនេសុី
• ម៉ាឡេសុី
• ប្រុយណេ

ការដែលមិនទទួលស្គាល់ប្រទេសអុីស្រាអែលនេះ ក៏ព្រោះតែប្រទេសទាំងបីសុទ្ធសឹងតែគោរពប្រតិបត្តិសាសនាអុីស្លាម ដូចទៅនឹងប៉ាឡេស្ទីនដែរ ដែលជាហេតុឱ្យពួកគេតែងតែគាំទ្រពេញទំហឹងទៅលើប៉ាឡេស្ទីនក្នុងការធ្វើសង្គ្រាម ដើម្បីបានទឹកដីមកវិញ។

ពលរដ្ឋប៉ាឡេស្ទីន និងបណ្តាប្រទេសកាន់សាសនាអុីស្លាម សុទ្ធតែយល់ឃើញថាទឹកដីអុីស្រាអែល ជារបស់ប៉ាឡេស្ទីន គួរណាស់តែគោរពប្រតិបត្តិសាសនាអុីស្លាម ខណៈដែលពលរដ្ឋអុីស្រាអែល ជាគ្រីស្ទបរិស័ទ ពួកគេយល់ឃើញថា ព្រះយេស៊ូគ្រិស្ត បានចាប់កំណើតនៅលើទឹកដីខ្លួន៕

ជុំវិញរឿងតារាកំប្លែង នាយក្រឹម បានទាញចំណាប់អារម្មណ៍យ៉ាងច្រើនពីមហាជនជាពិសេសអ្នកស្រលាញ់ភេទដូចគ្នារហូតដល់មានការស្នើសុំកិច្ចអន្តរាគមន៍ពីប្រធានគណ:កម្មាធិការសិទ្ធិមនុស្សកម្ពុជា។ ចំណែកឯតារាពហុជំនាញអ្នកនាង ខាត់ សុឃីម វិញបានលើកម្រាមដៃ១០ស្នើសាធារណជនសុំការអធ្យាស្រ័យ ជួយបន្ថយកម្តៅបន្តិចទៅលើតារាកំប្លែង នាយក្រឹម។

នៅថ្ងៃទី៣១ ខែតុលា យោងតាមទំព័រហ្វេកប៊ុករបស់ឯកឧត្តម កែវ រ៉េមី ប្រធានគណ:កម្មាធិការសិទ្ធិមនុស្សកម្ពុជា បានបង្ហាញឱ្យដឹងថាក្រោយពីបានជួបជជែកគ្នាទាំងសងខាងរវាងលោកអ៊ូ ប៊ុណ្ណារ៉ាត់ ហៅនាយក្រឹម និងបេក្ខជន ណុប ដាណេ គណ:កម្មាធិការសិទ្ធិមនុស្សកម្ពុជាទទួលបាននូវលទ្ធផលជាវិជ្ជមានហើយខ្លឹមសារនឹងមានការផ្សព្វផ្សាយតាមរយ:វីដេអូខ្លី។ ឯកឧត្តម បានឱ្យដឹងទៀតថា ការចូលរួមរបស់ភាគីទាំងពីរបានចូលរួមដោះស្រាយដើម្បីសុខដុមក្នុងសង្គមជាតិ។

ទន្ទឹមនឹងមានការបង្ហាញពីផលវិជ្ជមាននៃការជជែកពិភាក្សានៃបញ្ហាចម្រូងចម្រាស់នាពេលកន្លងមកថ្មីៗរបស់តារាកំប្លែងនាយក្រឹម ងាកទៅកាន់អ្នកនាង ខាត់ សុឃីម តារាពហុជំនាញនិងជាគណៈកម្មការមួយរូបនៅក្នុង Cambodia’s Got Talent បានលើកម្រាមដៃ១០ស្នើសាធារណជនសុំការអធ្យាស្រ័យ ជួយបន្ថយកម្តៅបន្តិចទៅលើតារាកំប្លែង នាយក្រឹម។

តាមរយៈការ Live របស់អ្នកនាង ខាត់ សុឃីម កាលពីថ្ងៃទី៣០ តុលា អ្នកនាងបានលើកដៃសូមទោសមហាជន និយាយដោយភាពត្រង់ខ្លួនក៏មានអារម្មណ៍អត់ល្អនិងមិនសប្បាយចិត្តដូចគ្នានៅពេលឃើញស្ថានភាពបែបនេះ។

អ្នកនាង ខាត់ សុឃីម ថាពេលធ្វើការជាមួយគ្នាគណៈកម្មការខម្មិនម្នាក់បន្តិចៗគ្រប់បេក្ខជន ចឹងហើយពេល Liveផ្ទាល់មិនដូចថតទុកនោះទេដែលអាចកាត់តបាន ពេលខ្លះខុសម្តងឆ្គងមួយថ្ងៃ។ អ្នកនាងថា តាមពិតតារាកំប្លែងនាយក្រឹមមានស្នាដៃច្រើនខ្លាំងណាស់នៅក្នុងប្រទេស ស្នាដៃល្អ យូរណាស់មកហើយអ្នកណាក៏ស្គាល់ នាយគុយ នាយក្រឹមដែរ។

អ្នកនាងបន្តទៀតថា ខ្លួនយល់អារម្មណ៍របស់សាធារណជននៅពេលដែលខឹងតារាកំប្លែងនាយក្រឹមពេលនេះប្រៀបដូចជាដូចបាយពុះប៉ុន្តែខ្លួនសុំឱ្យបងប្អូនទាំងអស់គ្នាបន្ថយកំហឹងបន្តិចបើគាត់ខុសឆ្គងទៅហើយសុំការអធ្យាស្រ័យ ជួយបន្ថយកម្តៅដោយគិតថាគាត់ជារៀមច្បងវិស័យសិល្បៈទៅចុះ៕

ក្រោយពីការផ្ទុះខ្លាំង នៅលើបណ្តាញសង្គមហ្វេកប៊ុកទាក់ទងនឹងបុរសម្នាក់ យកដំបងវាយទៅលើកូនឈ្លូសរហូតដល់បាត់បង់ជីវិត នៅលើឆ្នេរសមុទ្រមួយ នៃខេត្តកោះកុង ពេលនេះអភិបាលខេត្តកោះកុង បានប្រកាសផ្តល់រង្វាន់៤លានរៀល ទៅសាធារណជនណា ដែលប្រាប់ពីផ្តល់អត្តសញ្ញាណជនបង្កនោះ។នៅលើហ្វេកប៊ុកផ្លូវការរបស់អភិបាលខេត្តកោះកុង លោកជំទាវ មិថុនា ភូថង បានរៀបរាប់ថា៖”#សូមគោរពជ្រាបជូនដំណឹងដល់សាធារណជនទាំងអស់មេត្តាជ្រាបថា: ពាក់ព័ន្ធករណីជនដែលបានប្រព្រឹត្តអំពើមិនគម្បី ខ្វះសីលធម៌ អគតិធ្វើឱ្យប៉ះពាល់ធ្ងន់ធ្ងរដល់សង្គមគួរឱ្យស្អប់ខ្ពើមបំផុត បានយកដំបងជ្រុងវាសំពងក្បាលកូនឈ្លូសដែលកំពុងហែលទឹកទៅរកដីគោក បណ្តាលឱ្យស្លាប់បាត់បង់ជីវិតនៅហ្នឹងកន្លែង។#ពាក់ព័ន្ធករណីខាងលើ ខ្ញុំសូមលើកទឹកចិត្តជាថវិកាចំនួន ៤,០០០,០០០រៀល (បួនលានរៀល) ដល់អ្នកដែលបានផ្តល់ព័ត៌មាន អត្តសញ្ញាណ របស់ជនដែលបានប្រព្រឹត្តអំពើអមនុស្សធម៌ នូវភិនភាគរូបរាង ដូចដែលមាននៅក្នុងវីដេអូនេះ។ ចំពោះអ្នកដែលបានផ្តល់ព័ត៌មាននេះ យើងខ្ញុំនឹងរក្សាទុកជាការសម្ងាត់។#អាស្រ័យហេតុនេះ សូមសាធារណជន ជាពិសេសអ្នកដែលបាននៅក្នុងហេតុការណ៍នោះ មេត្តាចូលរួមជាមួយអាជ្ញាធរមានសម្ថកិច្ច ដើម្បីឈានទៅរកចាប់ខ្លួនជននោះ យកមកផ្តន្ទាទោសតាមច្បាប់ ដោយគ្មានការលើកលែងឡើយ”។

សូមបញ្ជាក់ថា អស់រយៈពេល៤-៥ថ្ងៃហើយ អជ្ញាធរស្រុកគិរីសាគរ នៅតែមិនអាចកំណត់អត្តសញ្ញាណជនសង្ស័យដែលបានវាយសម្លាប់សត្វឈ្លូសបាននៅឡើយនោះទេ ដោយដឹងត្រឹមថាបុរសនោះជាភ្ញៀវទេសចរមកកម្សាន្ត មិនមែនជាអ្នកស្រុករស់នៅទីនោះទេ នេះបើយោងតាមការសាកសួររបស់អជ្ញាធរស្រុកគិរីសាគរ ទៅលើពលរដ្ឋដែលឃើញហេតុការណ៍ និងអ្នកនៅតំបន់នោះ៕

កោះខ្មោច ជាតំបន់ទេសចរណ៍មួយនៅជាយដែននៃស្រុកគីរីសាគរ ដែលស្ថិតនៅក្នុងចំណោមប្រជុំកោះសរុបចំនួន២៣ផ្សេងទៀត លើដែនដីខេត្តកោះកុង។កោះនេះ ត្រូវបានអ្នកភូមិនិយាយតៗគ្នាមកថា ពុំធ្លាប់មានមនុស្សរស់នៅទាល់តែសោះ ទើបគេដាក់ឈ្មោះកោះនេះថា កោះខ្មោច។

ភ្ញៀវទេសចរដែលចង់ធ្វើដំណើរទៅកាន់កោះនេះ គួរណាស់តែចេញដំណើរពីកោះស្តេចមក ព្រោះពីកោះស្តេចមកកាន់កោះខ្មោចនេះ មានចម្ងាយមិនឆ្ងាយពីគ្នានោះទេ។ពេលទៅដល់កោះនេះ ភ្ញៀវទេសចរណ៍នឹងបានឃើញរូបសំណាកមួយឈ្មោះថា “នាងបិសាចក្រមុំ” ដែលមានទឹកមុខញញឹម នៅក្រោមដើមឈើធំមួយប្របនឹងមាត់ឆ្នេរនោះ។

ដោយសារតែពុំធ្លាប់មានមនុស្សរស់នៅ បានធ្វើឱ្យធម្មជាតិនៅលើកោះនេះ ហាក់មានភាពស្រស់ស្អាតខ្លាំង ដោយមានទឹកសមុទ្រថ្លាឈ្វង់ មើលឃើញដល់បាត។សម្រាប់ភ្ញៀវទេសចរ ដែលចង់ទៅកម្សាន្តនៅទីនោះ គួរតែសាកសួរពីសហគមន៍ដែលមាននៅទីនោះ ដើម្បីឱ្យពួកគាត់ជូនមកគេងសម្រាកបោះតង់ ឬស្ទួចត្រីនៅលើកោះមួយនេះ៕

ពិតជាមានសេចក្តីសោមនស្សយ៉ាងខ្លាំងបន្ទាប់ពីក្រសួងវប្បធម៌បានបង្ហាញឱ្យដឹងថាមានកម្មវិធីទូរទស្សន៍មួយរបស់ប្រទេសអូស្ត្រាលីបានមកផ្តិតយករូបភាពដ៏មានតម្លៃរបស់ប្រទេសកម្ពុជា ដូចជាបង្ហាញនូវស្នាមញញឹមរបស់ប្រជាជនកម្ពុជា និង វប្បធម៌ដ៏ផូរផង់ មានតម្លៃមិនអាចកាត់ថ្លៃបានមានដូចជា ក្រមាខ្មែរ គុនល្បុក្កតោ សិប្បកម្មតម្បាញពីសរសៃដើមឈូកដ៏មានតម្លៃ ព្រមទាំងបេតិកភណ្ឌពិភពលោកដ៏អស្ចារ្យគឺតំបន់រមណីយដ្ឋានវប្បធម៌អង្គរបង្ហាញទៅកាន់ពិភពលោក។

នៅលើបណ្តាញសង្គមរបស់ក្រសួងវប្បធម៌ និងវិចិត្រសិល្បៈនាយប់ថ្ងៃទី៣០ តុលា បានឱ្យដឹងថា កម្ពុជាស្វាគមន៍ការផលិតកម្មវិធីទូរទស្សន៍របស់ប្រទេសអូស្ត្រាលី The Amazing Race Australia ។ យោងតាមផេកផ្លូវការរបស់កម្មវិធីទូរទស្សន៍មួយរបស់ប្រទេសអូស្ត្រាលី ដែលមានឈ្មោះថា The Amazing Race Au បានជ្រើសរើសយកទឹកដីនៃព្រះរាជាណាចក្រកម្ពុជា ជាទីតាំងថតកម្មវិធីដ៏ល្បីមួយនេះ។ ការផលិតនូវកម្មវិធីទូរទស្សន៍ខាងលើ ផលិតករបានបង្ហាញនូវស្នាមញញឹមរបស់ប្រជាជនកម្ពុជា និង វប្បធម៌ដ៏ផូរផង់ មានតម្លៃមិនអាចកាត់ថ្លៃបានមានដូចជា ក្រមា គុនល្បុក្កតោ សិប្បកម្មតម្បាញពីសរសៃដើមឈូកដ៏មានតម្លៃ ព្រមទាំងបេតិកភណ្ឌពិភពលោកដ៏អស្ចារ្យ គឺតំបន់រមណីយដ្ឋានវប្បធម៌អង្គរ។ក្រសួងបានឱ្យដឹងទៀតថា ប្រែក្លាយព្រះរាជាណាចក្រកម្ពុជាជាដែនដីទទួលស្វាគមន៍ការថតភាពយន្តនៅកម្ពុជារួមគ្នាដើម្បីផ្សព្វផ្សាយសក្តានុពលទេសចរណ៍វប្បធម៌ដើម្បីជួយជំរុញការអភិវឌ្ឍសេដ្ឋកិច្ចជាតិ។
គេចាំបានដែរថា កាលពីថ្ងៃទី៧ តុលា កន្លងមកនេះក្រសួងក៏បានបង្ហាញថា ទឹកដីកំពង់ភ្លុក និងប្រាសាទមួយចំនួនក្នុងខេត្តសៀមរាប ក៏បានក្លាយជាទីតាំងមួយសម្រាប់ថតភាពយន្តខ្នាតវែងមានចំណងជើងថា The Creator របស់ Hollywood ដែលជាភាពយន្តល្បីនិងបានចាក់បញ្ចាំងនៅរោងភាពយន្តនានាទូទាំងពិភពលោកផងដែរក្នុងនោះមានតួក្មេងស្រីសំខាន់ម្នាក់ អាយុ៩ឆ្នាំ គឺជាកូនកាត់ខ្មែរ។

លើសពីនេះសារព័ត៌មានដ៏ល្បីរបស់សហរដ្ឋអាម៉េរិក CNN ក៏បានចុះផ្សាយពីព្រលានយន្តហោះថ្មីនៅខេត្តសៀមរាបទៀតផងដែលជាកត្តាមួយជំរុញឱ្យជនបរទេសកាន់តែស្គាល់ដឹកដីប្រទេសកម្ពុជាកាន់តែច្រើននឹងមានគោលបំណងមកកម្សាន្តតំបន់អង្គរនៅថ្ងៃណាមួយមិនខាន។ ជាមួយគ្នានេះ បន្ទាប់ពីមានព្រលានយន្តហោះថ្មីមក កាន់តែមានភាពងាយស្រួលខណៈគេសង្កេតឃើញថាមានភ្ញៀវទេសចរមកកម្សាន្តច្រើននៅខេត្តសៀមរាបដែលជាសញ្ញាល្អមួយនៃកំណើនទេសចរណ៍។

បើតាមការឱ្យដឹងពីទំព័រហ្វេកប៊ុករបស់នាយករដ្ឋមន្រ្តីថ្ងៃទី៣១ ខែតុលា បានបញ្ជាក់ថា អាកាសយានដ្ឋានអន្តរជាតិសៀមរាប-អង្គរ អាចផ្តល់លទ្ធភាពឱ្យយន្តហោះធុនធំ ធ្វើការចុះចតបាន ដោយនឹងអាចមានលទ្ធភាពទទួលអ្នកដំណើរចំនួន ៧លាននាក់ក្នុងមួយឆ្នាំសម្រាប់ផែនការរយៈពេលខ្លី និង២០លាននាក់ក្នុងមួយឆ្នាំសម្រាប់ផែនការរយៈពេលវែង៕