វៀតណាម៖ ភោជនីយដ្ឋានប៊ូហ្វេសាច់គោវៀតណាមមួយកន្លែងមានតម្លៃ ៤ ដុល្លារក្នុងម្នាក់ បានបែកធ្លាយរូបភាពនៅលើបណ្តាញសង្គម ដោយដាក់សាច់ និងគ្រឿងផ្សំផ្សេងៗរាយប៉ាយនៅលើឥដ្ឋក្បែរបន្ទប់ទឹកយ៉ាងកខ្វក់ ធ្វើឱ្យអតិជន ក៏ដូចជាអ្នកនិយមលេងអ៊ីនធឺណិតរិះគន់យ៉ាងចាស់ដៃ។

ភោជនីយដ្ឋានប៊ូហ្វេដ៏ពេញនិយមមួយកន្លែងក្នុងទីក្រុងហាណូយប្រទេសវៀតណាម ដែលមានស្លាកសញ្ញាថា TL Buffet បានធ្វើឱ្យមនុស្សជាច្រើនមានការភ្ញាក់ផ្អើលយ៉ាងខ្លាំង បន្ទាប់ពីមានរូបភាពនៅពីក្រោយឆាកនៃភាពឆ្ងាញ់ ដោយដាក់សាច់ផ្ទាល់នៅលើឥដ្ឋ បន្លែ ផ្លែឈើ និងគ្រឿងទេសផ្សេងៗត្រូវបានដាក់រាយប៉ាយពេញឥដ្ឋ ដែលមើលទៅពិតជាកខ្វក់ខ្លាំងណាស់ និងគួរឱ្យខ្ពើមបំផុត។

យោងតាមគេហទំព័រ SAOstar ដែលបានរាយការណ៍កាលពីថ្ងៃទី ២៧ ខែតុលាថា ហេតុការណ៍នេះកើតឡើងនៅពេលដែលអតិថិជនម្នាក់បានទៅញ៉ាំអាហារប៊ូហ្វេ ហើយពេលចូលបន្ទប់ទឹក ចៃដន្យក៏បានជួបប្រទះនឹងទិដ្ឋភាពនៅពីក្រោយការរៀបចំគ្រឿងផ្សំដ៏គួរឱ្យរន្ធត់បែបនេះ ដោយគាត់បានថតរូបជាច្រើនបង្ហោះក្នុងបណ្តាញសង្គម ធ្វើឱ្យអ្នកលេងអ៊ីនធឺណិតជាច្រើនបញ្ចេញមតិមិនពេញចិត្ត ក៏ដូចជាស្នើសូមស្ថាប័ននិងមន្ត្រីពាក់ព័ន្ធ បង្កើនល្បឿនប្រតិបត្តិការដើម្បីឱ្យអតិថិជនមានសុវត្ថិភាពក្នុងការបរិភោគអាហារ។

ទោះជាយ៉ាងណាក៏ដោយ បន្ទាប់ពីត្រូវបានគេរិះគន់យ៉ាងចាស់ ភោជនីយដ្ឋាន TL Buffet បច្ចុប្បន្នត្រូវបានបិទមួយរយៈធំ នឹងបានបង្ហោះសារសូមទោសជាសាធារណៈ ទៅដល់អតិថិជនទាំងអស់ អំពីការខ្វះអនាម័យ ក៏ដូចជាភាពកខ្វក់របស់ខ្លួន៕

ប្រទេសថៃ ៖ ក្រៅពីការប្រកបមុខរបរជាគ្រូបង្រៀនភាសាចិននៅស្រុកណូនសុវណ្ណ ខេត្តបុរីរាំ ប្រទេសថៃ លោក អាខុម ក្លឿភីម៉ាយ អាយុ៣៦ឆ្នាំ បានដាំដើមត្របែកសាច់ក្រហមនៅក្នុងចម្ការរបស់លោក ក្នុងនោះមានត្របែកពូជផ្សេងៗគ្នា ដូចជា ពូជហុងជួន, ពូជហ្វឺនហុងមី និងពូជឪឡឹក ។ លោក អាខុម និយាយថា ក្រៅពីការបង្រៀនភាសាបរទេសហើយ លោកក៏ស្រឡាញ់ការដាំដុះដំណាំផងដែរ ។

លោក អាខុម បន្តថា ត្របែកសាច់ក្រហមពូជតៃវ៉ាន់ ក៏ជាផ្លែឈើមួយប្រភេទដែលលោកបានដាំនៅក្នុងចម្ការសរុបប្រមាណ៤០០ដើម ។ លោកបានដាំត្របែកចំនួន៣ពូជ ដូចជា ពូជហុងជួន, ពូជហ្វឺនហុងមី និងពូជឪឡឹក ។ ពូជនីមួយៗមានរសជាតិផ្សេងៗគ្នា ប៉ុន្តែអ្វីដែលដូចគ្នានោះ គឺវាមានរសជាតិឆ្ងាញ់ ផ្អែម និងស្រួយ និងមានពណ៌ក្រហមស្អាតគួរឱ្យចង់បរិភោគ ។

ចំណែកវិធីដាំដុះវិញ លោក អាខុម បានកាត់បន្ថយការចំណាយដើមទុនក្នុងការទិញពូជត្របែក ដោយសារវាមានតម្លៃខ្ពស់ ។ ជំហានដំបូង លោកបានដាំត្របែកពូជអាចម៍សត្វ ឬពូជក្នុងស្រុកជាមុនសិន ហើយនៅពេលត្របែកពូជអាចម៍សត្វធំលូតលាស់រឹងមាំល្អ លោកក៏ផ្លាស់ប្តូរពូជរបស់វា ដោយយកមែកត្របែកសាច់ក្រហមមកដោតនៅចំហៀងដើមដើម្បីឱ្យវាដុះលូតលាស់ល្អ ។ វិធីនេះធ្វើឱ្យលោកអាចសន្សំសំចៃការចំណាយប្រាក់បានច្រើនក្នុងការទិញពូជត្របែកមកដាំ ។

លោកបន្ថែមថា លោកបានដាំត្របែកសាច់ក្រហមអស់រយៈពេល២ឆ្នាំហើយ ហើយដើមនីមួយៗបានដុះលូតលាស់ល្អ ដោយសារលោកបានស្រោចទឹក និងដាក់ជីជាប្រចាំ ។ លោកអាចបេះផ្លែវាមកបរិភោគ និងលក់ជាបន្តបន្ទាប់ តាំងពីឆ្នាំដំបូងដែលលោកបានដាំ ។ ចំពោះវិធីថែទាំវិញ លោកបានកាត់មែករបស់វាចេញខ្លះ និងចាប់ផ្តើមខ្ចប់ក្តិបត្របែកតូចៗដើម្បីទទួលបានផ្លែត្របែកល្អ និងការពារសត្វល្អិត ។

ហេតុនេះ ការដាំត្របែកសាច់ក្រហមជាមុខរបរមួយទៀត ដែលធ្វើឱ្យលោក អាខុម មានសេចក្តីសុខ ថែមទាំងទទួលបានប្រាក់ចំណូលគួបផ្សំជាមួយមុខរបរជាគ្រូបង្រៀន ។ លោករៀបរាប់ថា ៖ «វាបានចេញផ្លែពេញមួយឆ្នាំ ហើយខ្ញុំអាចប្រមូលផលជាបន្តបន្ទាប់ ។ មុនដំបូង ខ្ញុំបានពូជត្របែកពីតៃវ៉ាន់ចំនួន២ដើម បន្ទាប់មក ខ្ញុំក៏បានស្រាវជ្រាវពីវិធីដាំនៅប្រទេសថៃ ។ ដូច្នេះ ខ្ញុំក៏បានដាំត្របែកពូជអាចម៍សត្វជាមុន រួចយកមែកត្របែកសាច់ក្រហមមកដោតជាមួយគ្នា» ៕ ប្រភព ៖ CCNews-Live

ប្រទេសថៃ ៖ ម្នាស់ពូជផូលែរបស់ថៃ មានរសជាតិផ្អែម ស្រួយ និងមានទំហំតូចៗ ដែលបានដាំដុះនៅខេត្តឈៀងរ៉ៃ ប្រទេសថៃ មានតម្រូវការនៅលើទីផ្សារពិភពលោក ជាពិសេស ទីផ្សារប្រទេសចិន ។ ទំហំនៃការនាំចេញក្នុង១ឆ្នាំៗ ប្រទេសថៃបាននាំចេញម្នាស់ទៅប្រទេសចិន ស្មើជាង៤ម៉ឺនតោន តាមរយៈខេត្តឈៀងរ៉ៃ ។ ប៉ុន្តែនៅខែតុលា ឆ្នាំ២០២៣នេះ ប្រទេសចិនបានប្រកាសថា នឹងផ្អាកការនាំចូលម្នាស់ថៃ ។ ការប្រកាសផ្អាកការនាំចូលនេះ បានធ្វើឱ្យកសិករថៃបារម្ភថា ម្នាស់នឹងសម្បូរហូរហៀរពេញទីផ្សារ ជាពិសេស ក្នុងពេលប្រមូលផលនៅខែវិច្ឆកា រហូតដល់ខែធ្នូ ឆ្នាំ២០២៣នេះ ព្រោះកន្លងមក ប្រទេសថៃបាននាំចេញម្នាស់ទៅលក់នៅចិន រហូតដល់៩០% ឯណោះ ។

អ្នកស្រី ច័ន្ទឡា ពិនតាសឺប ជាម្ចាស់ចម្ការម្នាស់សម្រាប់នាំចេញទៅក្រៅប្រទេសនិយាយថា ៖ «វាបានប៉ះពាល់ច្រើនដូចជា កសិករដាំម្នាស់ ហើយក្រុមហ៊ុនអាជីវកម្មក៏បានជួបនឹងការលំបាកផងដែរ ដោយសារយើងមិនអាចនាំចេញម្នាស់ទៅប្រទេសចិន ។ ម្យ៉ាងទៀត នៅពេលចិនផ្អាកនាំចូលម្នាស់ថៃ យើងគ្មានការងារឱ្យកម្មករធ្វើទេ» ។

រីឯលោក ឆាំណាន សុខចៃបូន ជាអ្នកនាំចេញម្នាស់នៅឃុំបាងស៊ែ ស្រុកមឿងឈៀងរ៉ៃ និយាយថា ៖ «យើងបាននាំចេញម្នាស់ស្រស់ទៅប្រទេសចិន ហើយការនាំចេញម្នាស់បកសំបករួច គឺត្រូវតែគោរពតាមច្បាប់របស់ចិន ។ ដូច្នេះ ធ្វើឱ្យយើងមិនអាចនាំចេញម្នាស់ទៅចិនបានទេ» ។

ជាមួយគ្នានេះ សមាគមកសិករដាំម្នាស់ថៃបានប្រជុំគណៈកម្មការ និងក្រុមហ៊ុនអាជីវកម្មប្រចាំខេត្តឈៀងរ៉ៃ ដើម្បីដោះស្រាយបញ្ហាឧបសគ្គផ្នែកពាណិជ្ជកម្ម ។ លោក សុរ៉ាត់ មុនីនថងវង្ស នាយកសមាគមកសិករដាំម្នាស់ថៃ លើកឡើងថា ៖ «ចង់ឱ្យរដ្ឋាភិបាលថៃ និងស្ថាប័នពាក់ព័ន្ធជួយដោះស្រាយបញ្ហាការដាំដុះ ដូចជា ជីកសិកម្ម និងថ្នាំកម្ចា.ត់សត្វល្អិត ព្រោះបើវាមានតម្លៃខ្ពស់ កសិករក៏ត្រូវចំណាយដើមទុនខ្ពស់ដែរ ។ កន្លងមក ភ្នាក់ងារលើកកម្ពស់ផ្នែកកសិកម្ម ក៏បានអប់រំដល់កសិករអំពីបច្ចេកទេសកសិកម្មផងដែរ ប៉ុន្តែខ្ញុំគិតថា ត្រូវតែអប់រំកសិករបន្ថែមទៀត» ។

ចំណែកការិយាល័យពាណិជ្ជកម្មប្រចាំខេត្តឈៀងរ៉ៃ បានដាក់សំណើទៅក្រសួងពាណិជ្ជកម្ម ដើម្បីដោះស្រាយបញ្ហាការនាំចេញម្នាស់ ព្រមទាំងជួយស្វែងរកទីផ្សារក្នុងស្រុក ។ យោងតាមទិន្នន័យទិន្នផលដាំម្នាស់នៅខេត្តឈៀងរ៉ៃ ប្រចាំឆ្នាំ២០២៣ បង្ហាញថា ខេត្តនេះមានផ្ទៃដីដាំដុះម្នាស់ជាង៥ម៉ឺន២ពាន់រ៉ៃ (ស្មើប្រមាណ៨.៣២០ហិកតា) ក្នុងនោះម្នាស់ពូជផូលែ បានដាំដុះនៅលើផ្ទៃដីជាង២ម៉ឺន៨ពាន់រ៉ៃ (ស្មើប្រមាណ៤.៤៨០ហិកតា) ។ គេសង្ឃឹមថា នឹងទទួលបានទិន្នផលម្នាស់ប្រមាណជាង៦ម៉ឺន៨ពាន់តោន និងកើនឡើងលើសឆ្នាំ២០២២ ចំនួន៦០០តោន ៕ ប្រភព ៖ ThaiPBS North

Seoul៖ កាលពីថ្ងៃព្រហស្បតិ៍ទី២៦ខែតុលានេះ តុលាការរដ្ឋធម្មនុញ្ញកំពូលរបស់កូរ៉េខាងត្បូងបានដាក់ឲ្យអនុវត្តច្បាប់ហាមប្រាមមិនឲ្យមានទំនាក់ទំនងស្នេហាភេទដូចគ្នានៅក្នុងជួរកងទ័ពយោធា គឺបានលើកឡើងពីហានិភ័យដែលអាចកើតមានឡើងនៅក្នុងពេលត្រៀមខ្លួនប្រយុទ្ធរបស់ក្រុមយោធា ក្នុងន័យមួយដែលទទួលបាននូវការរិះគន់ដោយសកម្មជនសិទ្ធិមនុស្សថាជាការរារាំងសិទ្ធស្រលាញ់ភេទដូចគ្នា។

នៅក្រោមច្បាប់យោធារបស់ប្រទេសកូរ៉េខាងត្បូង ទាក់ទងទៅនឹងអំពើឧក្រិដ្ឋកម្មនៃការស្រលាញ់ភេទដូចគ្នានៅក្នុងជួរកងទ័ពនេះ អ្នកដែលប្រព្រឹត្តិបទល្មើសនឹងមានទោសជាប់ពន្ធធនាគាររយៈពេល២ឆ្នាំ ដែលច្បាប់នេះត្រូវបានតុលាការកំពូលកូរ៉េខាងត្បូងចងក្រងឡើងនិងបានកែសម្រួល៤ដងរួចមកហើយគឺតាំងពីឆ្នាំ២០០២មកម្លេះ។

តុលារកូរ៉េខាងត្បូងបានលើកឡើងថា យោងទៅតាមសេចក្តីសម្រចទី៥ដល់ទី៤ ប្រសិនបើមានការអនុញ្ញាតិឲ្យមានទំនាក់ទំនងភេទដូចគ្នានោះនឹងធ្វើឲ្យខុសវិន័យនៅក្នុងជួរកងទ័ព និងប៉ះពាល់ដល់សតិអារម្មណ៍ក៏ដូចជាសមត្ថភាពចុះខ្សោយក្នុងការធ្វើសមយុទ្ធផងដែរ។

ម៉្យាងវិញទៀត ក្រុមអ្នកការពារសិទ្ធមនុស្សក៏បានធ្វើការទាមទារឲ្យតុលាការធ្វើការលុបច្បាប់នេះ ដោយបាននិយាយថាវាជាច្បាប់ដ៏អាក្រក់និងបុរាណនិយម បន្ទាប់ពីតុលាការកំពូលកូរ៉េខាងត្បូងកាលពីឆ្នាំមុន បានសម្រេចឲ្យតុលាការយោធាលុបចោលការកាត់ទោសពីការដាក់ពន្ធធនាគារទៅលើកូនទាហាន២នាក់ដែលត្រូវបានគេរកឃើញថាមានទំនាក់ទំនងផ្លូវភេទជាមួយគ្នា។

ក្រុមសកម្មជនក៏បាននិយាយដែរថា ច្បាប់នេះនឹងបង្កឲ្យមានអំពើហិង្សា ជាពិសេសការរើសអើងប្រឆាំងនឹងទាហានដែលស្រលាញ់ភេទដូចគ្នា ក៏ដូចជាមានម៉ាក់ងាយពីពួកគេទាំងអស់នោះផងដែរ។

លោក Boram Jang អ្នកស្រាវជ្រាវអាស៊ីបូព៌ារបស់អង្គការលើកលែងទោសអន្តរជាតិបាននិយាយបន្ទាប់ពីបានឮនូវសេចក្តីថ្លែងការកាលពីថ្ងៃព្រហស្បតិ៍ថា ប្រសិនបើមានការគាំទ្រចំពោះអំពើឧក្រិដ្ឋកម្មនៃទំនាក់ទំនងភេទដូចគ្នារបស់យោធាកូរ៉េខាងត្បូងគឺអាចនិយាយបានថាជាទង្វើដ៏ឈឺចាប់មួយព្រោះកូរ៉េខាងត្បូងបានតស៊ូអស់ជាច្រើនទសវត្សមកហើយដើម្បីទាមទារនូវសមភាពយេនឌ័រនៅក្នុងប្រទេស។

គួរបញ្ជាក់ផងដែរថា កូរ៉េខាងត្បូងគឺជាប្រទេសមួយក្នុងចំណោមប្រទេសដែលមានក្រុមកងទ័ពសកម្មច្រើនជាងគេបង្អស់លើពិភពលោកហើយសុទ្ធតែជាបុរសពោរពេញដោយកម្លាំងនិងសុវត្ថិភាពដែលមានអាយុចាប់ពី១៨ដល់២៨ឆ្នាំ ព្រោះបុរសដែលស្ថិតចន្លោះវ័យទាំងនេះត្រូវមានកាត្វកិច្ចបម្រើជាតិយ៉ាងហោចណាស់ពី១៨ទៅ២១ខែដោយជៀសពុំបាន។CAN News

ហុងកុង៖ ទីក្រុងហុងកុងនឹងផ្តល់ជូនសំបុត្រទទួលទានអាហារឥតគិតថ្លៃចំនួន ១ លានសន្លឹកសម្រាប់ភ្ញៀវទេសចរណាដែលមកកំសាន្តនៅហុងកុង ដោយម្នាក់ទទួលបាន ១ សន្លឹក ចាប់ពីដើមខែវិច្ឆិកា ឆ្នាំ២០២៣ នេះតទៅ។
យោងតាមសារព័ត៌មាន Adobo Magazine ដែលបានចុះផ្សាយនៅថ្ងៃទី ២៥ ខែតុលាថា ក្រុមប្រឹក្សាទេសចរណ៍ហុងកុងនឹងធ្វើយុទ្ធនាការចែកជូនសំបុត្រទទួលទានអាហារឥតគិតថ្លៃចំនួន ១ លានសន្លឹក ដើម្បីទាក់ទាញភ្ញៀវអន្តរជាតិឱ្យមកទស្សនាកម្សាន្តពេលរាត្រីនៅកំពង់ផែធំ ដោយយុទ្ធនាការនេះរួមមានសកម្មភាពជាច្រើនដែលធ្វើឡើងចាប់ពីចុងខែតុលារហូតដល់ដំណាច់ឆ្នាំ។

អ្វីដែលពិសេសនោះគឺកម្មវិធីចែកសំបុត្រ ១ លានសន្លឹកសម្រាប់ភ្ញៀវអន្តរជាតិ ដោយម្នាក់ទទួលបាន ១ សន្លឹកមានតម្លៃ ១០០ ដុល្លារហុងកុង។ ដូច្នេះភ្ញៀវទេសចរអន្តរជាតិអាចមកទស្សនាបាននៅបារ និងភោជនីយដ្ឋានបន្ទាប់ពីម៉ោង ៦ ល្ងាច ដោយអនុវត្តចាប់ពីដើមខែវិច្ឆិកា ឆ្នាំ២០២៣។ បន្ថែមពីលើកម្មវិធីផ្តល់សំបុត្រនេះ ក្រុមប្រឹក្សាទេសចរណ៍ហុងកុងក៏មានសកម្មភាព “Taste Around Town” ដោយណែនាំភ្ញៀវទេសចរអន្តរជាតិទៅកាន់បារ និងភោជនីយដ្ឋានល្បីៗលើពិភពលោកផងដែរ។

នៅក្នុងចុងឆ្នាំ ២០២៣ នេះក៏មានពិធីបុណ្យរដូវរងាដែលត្រូវបានប្រារព្ធឡើងនៅលើឆ្នេរ Victoria ក៏ដូចជាពិធីបុណ្យតន្ត្រី Clockenflap រួមទាំងថ្ងៃចូលឆ្នាំសកលនៅ Victoria Bay ផងដែរ។ គោលបំណងនៃការចែកសំបុត្រឥតគិតថ្លៃដល់ភ្ញៀវអន្តរជាតិ គឺដើម្បីលើកកម្ពស់សកម្មភាពសេដ្ឋកិច្ចពេលយប់ និងបំពេញតម្រូវការទិញទំនិញរបស់ភ្ញៀវទេសចរ ក៏ដូចជាបង្កើនម៉ោងបើកដើម្បីស្វាគមន៍អតិថិជន។

គួរបញ្ជាក់ដែរថា បច្ចុប្បន្នទីក្រុងហុងកុងកំពុងព្យាយាមប្រកួតប្រជែងយ៉ាងខ្លាំងក្លាដើម្បីទាក់ទាញភ្ញៀវអន្តរជាតិឱ្យបានច្រើនតាមដែលអាចធ្វើទៅបាន។ កាលពីដើមខែមីនា កំពង់ផែធំរបស់ហុងកុងបានផ្តល់សំបុត្រឥតគិតថ្លៃចំនួន ៥០០,០០០ សន្លឹកដល់ភ្ញៀវទេសចរជុំវិញពិភពលោក រួមទាំងសំបុត្រទៅមកចំនួន ៨០,០០០ សន្លឹកនៅអាស៊ីអាគ្នេយ៍ទៀតផង៕

បច្ចុប្បន្នការផ្លាស់ប្តូរភេទ ក៏ដូចជាការវះកាត់អវៈយវៈភេទគឺជារឿងធម្មតាទៅហើយសម្រាប់មនុស្សដែលស្រឡាញ់ភេទដូចគ្នា។ ដូច្នេះចំពោះមនុស្សមួយចំនួនប្រាកដជាឆ្ងល់ហើយថា តើការផ្លាស់ប្តូរភេទពីបុរសទៅស្ត្រី ឬក៏ពីស្ត្រីទៅបុរស អាចបង្កកំណើតបានដែរឬទេ? ចម្លើយនោះគឺមិនអាចទេ មូលហេតុមានដូចខាងក្រោម៖

ជាដំបូង ការវះកាត់ប្តូរភេទ ចែកចេញជាពីរប្រភេទ គឺទីមួយជាការវះកាត់ប្ដូរភេទពីស្ត្រីទៅបុរស (Female to male: ស្រីទៅបុរស) និងមួយទៀតគឺជាការវះកាត់ប្ដូរភេទពីបុរសទៅស្ត្រី (Male to Female: ប្រុសទៅស្រី)។
ចំពោះការវះកាត់ក្នុងករណីទីមួយ (FTM: ស្រីទៅបុរស) ដែលជាការផ្លាស់ប្តូរពីស្ត្រីទៅបុរស នោះវាមានសារៈសំខាន់ណាស់ក្នុងការបង្កើតលិង្គ។ ដោយហេតុផលនេះ អ្នកជំងឺនឹងទទួលបានការវះកាត់កែលិង្គ ដើម្បីប្តូរកោសិកាពីជាលិកាផ្សេងទៀត ឬវះកាត់ពង្រីកគ្លីតូរីស ដើម្បីដំណើរការជាលិង្គ។ នៅពេលបង្កើតលិង្គ ជាលិការាងកាយមួយចំនួនត្រូវបានយកចេញ ហើយជាធម្មតាវាត្រូវបានបង្កើតឡើងដោយប្រើស្បែកពីផ្នែកផ្សេងទៀតនៃរាងកាយដូចជា កំភួនដៃ ភ្លៅ ឬពោះសម្រាប់បង្ហូរនោម។ ដូច្នេះនៅពេលវះកាត់រួចរាល់ការឡើងរឹងរបស់លិង្គគឺមិនអាចកើតឡើងនោះទេ ហេតុនេះហើយប្រសិនបើអ្នកចង់រួមភេទជាមួយស្ត្រីដូចគ្នាគឺពិបាកក្នុងការមានផ្ទៃពោះណាស់ ព្រោះដោយសារអ្នកមិនអាចមានពងស្វាសដែលផលិតមេជីវិតឈ្មោលបាននោះទេ។

រីឯការវះកាត់ក្នុងករណីទីពីរវិញ (MTF: ប្រុសទៅស្រី) ដែលជាការផ្លាស់ប្តូរពីបុរសទៅស្ត្រី គឺតម្រូវឱ្យអ្នកជំងឺត្រូវកាត់លិង្គចេញដើម្បីវះកាត់ប្តូរទៅជាប្រដាប់បន្តពូជរបស់ស្ត្រីវិញ ក៏ដូចជាការពង្រីកដើមទ្រូង ការវះកាត់កែសម្ផស្សលើផ្ទៃមុខ ការវះកាត់ឆ្អឹង កោរសក់ រួមទាំងការវះកាត់ទ្វារមាស និងការបញ្ចេញសំឡេងជាស្ត្រី។ ទោះជាយ៉ាងក៏ដោយ នៅពេលវះកាត់រួចរាល់ សុខភាពរាងកាយរបស់អ្នកដូចជាការបន្ទោរបង់ ឬក៏រួមភេទគឺធម្មតានោះទេ ប៉ុន្តែមិនអាចពពោះមានកូនដូចជាស្ត្រីពិតប្រាកដបានឡើយ ព្រោះដោយសារអ្នកមិនមានវដ្តរដូវដូចមនុស្សស្រីបានឡើយ៕