យោងតាមសារព័ត៌មាន People កាលពីថ្ងៃទី ៤ ខែមេសា ក្រុមមេធាវីរបស់ Angelina Jolie បានដាក់ញត្តិទាក់ទងនឹងការប្តឹងផ្តល់អចលនទ្រព្យ ដោយបង្ហាញពីអតីតកាលនៃការបំពានរបស់លោក Brad Pitt ជាអតីតស្វាមីតារាស្រីរូបនេះ ។ មេធាវីបាននិយាយថា Brad Pitt បានបំពានលើរូបរាងកាយរបស់ Angelina Jolie មុនឆ្នាំ២០១៦។ ការប្រើអំពើហិង្សា នៅលើយន្តហោះក្នុងឆ្នាំនោះមិនមែនជាលើកទីមួយទេដែលតារាសម្តែងប្រុសរូបនេះបានធ្វើបាបកូនរបស់ខ្លួនដែលបណ្តាលឱ្យនាងសម្រេចចិត្តបញ្ចប់ចំណងអាពាហ៍ពិពាហ៍។

ក្នុងឆ្នាំ ២០១៦ Angelina Jolie បានដាក់ពាក្យសុំលែងលះ ដោយចោទប្រកាន់ Brad Pitt ថាស្រវឹង ឆ្កួត និងធ្វើបាបប្រើអំពើហិង្សាលើកូន។ តារាសម្តែងរូបនេះត្រូវបានស៊ើបអង្កេតដោយភ្នាក់ងារពីរគឺ FBI និងនាយកដ្ឋានសេវាកម្មគ្រួសារ និងកុមារ Los Angeles ពីបទហិង្សាលើកុមារ។ ទីបំផុត អាជ្ញាធរមិនបានកាត់ទោស Brad Pitt ទេ ព្រោះមិនបានរកឃើញសញ្ញានៃបទល្មើសក្នុងពេលស៊ើបអង្កេត។

ភាគីរបស់ Angelina Jolie បានចេញផ្សាយឯកសារថ្មីដើម្បីបញ្ជាក់ថា Brad Pitt ធ្លាប់បានស្នើឱ្យនាងចុះហត្ថលេខាលើកិច្ចព្រមព្រៀងឯកជនភាព ប្រសិនបើចង់ឱ្យគេទិញភាគហ៊ុនរបស់នាងត្រឡប់មកវិញនៅក្នុងដីចម្ការទំពាំងបាយជូរ។ អ្នកតំណាងរបស់ Angelina Jolie បាននិយាយថា តារាស្រីរូបនេះមានការព្រួយបារម្ភថា ឯកសារបិទជិតដែលនាងផ្តល់សម្រាប់ការតវ៉ាគ្នាអាចនឹងត្រូវបែកធ្លាយ ប្រសិនបើមិនមានឯកសារចង។ «ឯកសារបិទជិតរបស់ Angelina រួមមានអ៊ីមែល សេចក្តីសង្ខេបនៃសេចក្តីថ្លែងការណ៍របស់សមាជិកគ្រួសារ និងព័ស្តុតាងផ្សេងទៀត។ Brad Pitt ខ្លាចព័ត៌មាននេះនឹងត្រូវបានផ្សព្វផ្សាយជាសាធារណៈ»។ មេធាវីបាននិយាយថា Brad Pitt t ចង់បង្ខំអតីតប្រពន្ធរបស់ខ្លួនឱ្យនៅស្ងៀមអំពី «កំហុសរបស់គេ» ថាតើទាក់ទងនឹងចម្ការទំពាំងបាយជូរឬអត់។
មេធាវីរបស់ Angelina Jolie បាននិយាយកាលពីថ្ងៃទី ៤ ខែមេសាថា «ដោយការបដិសេធមិនទិញភាគហ៊ុន ប៉ុន្តែប្តឹងអតីតប្រពន្ធរបស់ខ្លួន Brad Pitt លើកឡើងដោយផ្ទាល់អំពីមូលហេតុដែលកិច្ចព្រមព្រៀងសម្ងាត់មានសារៈសំខាន់ចំពោះគេ និងអ្វីដែល Brad Pitt ចង់លាក់បាំងអំពើហិង្សាក្នុងគ្រួសារ។ បន្ទាប់ពីពន្យារពេល៨ខែ ញត្តិនេះសុំឱ្យតុលាការបង្ខំលោក Brad Pitt ឱ្យប្រគល់ព័ស្តុតាងដែលពាក់ព័ន្ធ»។

ប្រភពមួយទៀតបានប្រាប់ People ថា Angelina Jolie មិនចង់ប្រាប់ការពិតអំពីការរំលោភបំពានពីមុនរបស់នាងទេ។ ឥឡូវនេះនាងត្រូវធ្វើបែបនេះដើម្បីការពារខ្លួនពីការចោទប្រកាន់របស់អតីតស្វាមី។ ប្រភពស្និទ្ធនឹង Brad Pitt ដែលមានបទពិសោធន៍ធ្វើការក្នុងវិស័យវិវាទបានបដិសេធការចោទប្រកាន់របស់ Angelina ដោយអត្ថាធិប្បាយថាការផ្លាស់ប្តូររបស់នាងគឺជាអាកប្បកិរិយាធម្មតារបស់បុគ្គលប្រសិនបើប្រឈមមុខនឹងការវិនិច្ឆ័យមិនអំណោយផល។ បុគ្គលម្នាក់នេះបានប្រាប់ People ថា ៖ «នៅពេលនោះ ពួកគេនឹងបន្តផ្តល់ព័ត៌មានមិនពិត មិនត្រឹមត្រូវ ឬមិនពាក់ព័ន្ធដើម្បីរំខាន»។

ជម្លោះអចលនទ្រព្យបានចាប់ផ្តើមនៅពាក់កណ្តាលឆ្នាំ ២០១៦ នៅពេលដែល Angelina Jolie ចង់លក់អចលទ្រព្យដើម្បីផ្លាស់ទៅប្រទេសអង់គ្លេសដើម្បីបន្តសកម្មភាពនយោបាយ ប៉ុន្តែត្រូវប្រឈមមុខនឹងការប្រឆាំងពី Brad Pitt ។ គូស្នេហ៍តារាមួយគូនេះបានជួលអចលនទ្រព្យនៅប្រទេសបារាំងក្នុងឆ្នាំ ២០០៨ មុនពេលទិញអចលនទ្រព្យក្នុងឆ្នាំ ២០១១។ ដំបូងឡើយ Brad Pitt កាន់កាប់ភាគហ៊ុន ៦០% ហើយ Angelina Jolie កាន់កាប់ ៤០% ។ បន្ទាប់ពីរៀបការរួច តារាប្រុសរូបនេះបានផ្ទេរភាគហ៊ុន ១០% ទៅឱ្យប្រពន្ធរបស់ខ្លួនជាកាដូអាពាហ៍ពិពាហ៍ ដោយបានកំណត់អត្រាកម្មសិទ្ធិអចលនទ្រព្យរបស់ពួកគេទាំងពីរ។

បន្ទាប់ពីការលែងលះ Angelina Jolie ត្រូវបានអនុញ្ញាតឱ្យលក់ភាគហ៊ុនដោយសម្ងាត់ទៅឱ្យដៃគូរុស្ស៊ីរបស់នាង។ Brad Pitt ជឿជាក់ថា Angelina មិនមានឋានៈស្របច្បាប់ទេ ព្រោះលោកនៅតែរក្សាបាន ៦០% ជាកម្មសិទ្ធិ ការព្រមព្រៀងផ្ទេរ ១០% ទៅអតីតភរិយាកាលពីឆ្នាំ ២០១៤ គឺមិនផ្លូវការ ដូច្នេះហើយទើបលោកចង់យកទ្រព្យសម្បត្តិមកវិញ និងរក្សាការគ្រប់គ្រង។ តុលាការលុចសំបួរបានទទួលយកទស្សនៈនេះ ហើយសម្រេចថា Brad Pitt អាចរក្សាភាគហ៊ុន ៦០% សម្រាប់រយៈពេលមួយឆ្នាំ ឬលើសពីនេះ រហូតដល់បណ្តឹងនេះត្រូវបានបញ្ចប់ទាំងស្រុង។ អចលនទ្រព្យដីចម្ការទំពាំងបាយជូរនេះមានតម្លៃ៥០០លានដុល្លារ៕

អ្នកគាំទ្រវិស័យបវរកញ្ញាកម្ពុជាបានសម្តែងការមិនពេញចិត្តទៅកាន់ Anntonia Porsild បវរកញ្ញាចក្រវាលថៃឆ្នាំ២០២៣ ដែលបានយកទម្រង់មកុដអប្សរាខ្មែរគ្រងយ៉ាងរំភើយនៅក្នុងកម្មវិធីជាតិរបស់ខ្លួន។ ជាមួយគ្នានេះ អ្នកគាំទ្រមួយចំនួនមានបំណងចង់ឱ្យក្រសួងពាក់ព័ន្ធមានចំណាត់ការណាមួយព្រោះទម្រង់មកុដអប្សរានេះជារបស់ខ្មែរ។

កាលពីថ្ងៃទី៣ មេសា ផេក Miss Universe Thailand បានបង្ហោះរូបភាពរបស់ Anntonia Porsild Miss Universe Thailand 2023 និងជា លំដាប់រងទី១ Miss Universe លើកទី៧២ រួមជាមួយបវរកញ្ញាផ្សេងទៀតបានចូលរួមក្នុងពិធីបើកព្រឹត្តិការណ៍ «ចំណាយប្រាក់ចំនួន៣០បាត អាចព្យាបាលជំងឺបានគ្រប់ទីកន្លែង ដោយប្រើប្រាស់តែអត្តសញ្ញាប័ណ្ណមួយ»ដែលរៀបចំនៅខេត្តនគររាជសីមា។ ក្នុងកម្មវិធីនេះ Anntonia និងបវរកញ្ញាផ្សេងទៀតបានគ្រងឈុតអប្សរា ដោយបានបំពាក់មកុដទម្រង់អប្សរាជារបស់ខ្មែរ។

ការតែងខ្លួនរបស់បវរកញ្ញាចក្រវាលថៃរូបនេះបានធ្វើឱ្យអ្នកលេងបណ្តាញសង្គមកម្ពុជាចូលទៅខម្មិនអរគុណបវរកញ្ញាថៃដែលបានជួយផ្សព្វផ្សាយមកុដអប្សរាខ្មែរ រហូតដល់ផេក Miss Universe Thailand កំណត់មិនអាចឱ្យចូលទៅខម្មិនបាន។

ចំពោះបញ្ហានេះ អ្នកលេងបណ្តាញសង្គមមួយចំនួនដែលជាអ្នកស្នេហាវិស័យបវរកញ្ញា បានបង្ហាញអារម្មណ៍មិនសប្បាយចិត្តទៅលើ Anntonia ដែលបំពានយកទម្រង់មកុដអប្សរាខ្មែរទៅធ្វើជារបស់ខ្លួនទៅវិញ។ អ្នកមួយចំនួនរំពឹងចង់ឱ្យក្រសួងចាត់វិធានការនិងលើកពីបញ្ហានេះមកនិយាយបកស្រាយជូនសាធារណជន ខណៈអ្នកមួយចំនួនមានបំណងដាក់ញត្តិចង់ប្តឹងបវរកញ្ញារូបនេះវិញដូចគ្នា ដោយកាលពីកន្លងទៅខាងថៃបានប្តឹងមកខ្មែរថាបានយកភ្លេងអប្សរាថៃយកមករៀបចំនៅកម្មវិធីប្រកួតដោយគ្មានការអនុញ្ញាត។

គេចាំបានថា កាលពីខែមករា Anntonia Porsild ធ្លាប់មកប្រទេសកម្ពុជាធ្វើជាពិធីការិនីក្នុងកម្មវិធី Miss Global 2023 ដែលប្រទេសកម្ពុជាមានសិទ្ធិពាក់កណ្តាលរៀបចំជាមួយប្រទេសវៀតណាម៕

ប្រទេសថៃ ៖ នៅថ្ងៃទី៥ ខែមេសា ឆ្នាំ២០២៤ សារព័ត៌មានថៃរាយការណ៍ថា បរិយាកាសកខ្វ.ក់ និងធូលីពុលចាប់ផ្តើមប៉ះពាល់ដល់វិស័យទេសចរណ៍នៅខេត្តឈៀងម៉ៃ ហើយភ្ញៀវទេសចរបរទេស ក៏ចាប់ផ្តើមចាកចេញពីខេត្តឈៀងម៉ៃបណ្តើរៗដែរ ដើម្បីគេចពីធូលីពុល ។ រីឯចំនួនការកក់បន្ទប់សណ្ឋាគារនានានៅខេត្តនេះ ក្នុងអំឡុងពេលចូលឆ្នាំថ្មីឃើញថា ធ្លាក់ចុះទាបជាងគោលដៅ ។

ស្ថានការណ៍ធូលីពុលនៅខេត្តឈៀងម៉ៃ នៅតែមានសភាពធ្ងន់ធ្ងរជាបន្តបន្ទាប់ ហើយផ្សែងចេញពីភ្លើងឆេះព្រៃ មិនត្រឹមតែធ្វើឱ្យប៉ះពាល់ដល់សុខភាពពលរដ្ឋប៉ុណ្ណោះទេ ប៉ុន្តែវាចាប់ផ្តើមធ្វើឱ្យប៉ះពាល់ដល់វិស័យទេសចរណ៍ផងដែរ ។ នៅដើមខែមេសា ឆ្នាំ២០២៤ នៅអគារអ្នកដំណើរចាកចេញពីប្រទេសថៃ របស់អាកាសយានដ្ឋានឈៀងម៉ៃ គេសង្កេតឃើញថា មានភ្ញៀវទេសចរបរទេសជាច្រើននាក់ឈរតម្រង់ជួរ Check in ដើម្បីធ្វើដំណើរចាកចេញពីខេត្តឈៀងម៉ៃ ។

បើទោះជាការធ្វើដំណើរចាកចេញពីខេត្តឈៀងម៉ៃតាមកម្មវិធីទេសចរណ៍ក្តី ប៉ុន្តែភ្ញៀវទេសចរខ្លះបានធ្វើដំណើរចាកចេញមុនពេលកំណត់ ។ ពួកគេនិយាយថា ចង់គេចពីបរិយាកាសកខ្វក់ ហើយទៅកន្លែងណាដែលមានបរិយាកាសល្អជាងនេះ ដូចជា ៖ ទីក្រុងបាងកក និងខេត្តនៅភាគខាងត្បូង ជាពិសេស ខេត្តភូកេត ។

លោក Paisan Sukcharoen នាយកសមាគមសណ្ឋាគារថៃប្រចាំភាគខាងជើង ទទួលស្គាល់ថា បរិយាកាសកខ្វក់ពិតជាប៉ះពាល់ដល់វិស័យទេសចរណ៍ ហើយភ្ញៀវទេសចរបរទេសមួយចំនួនបានធ្វើដំណើរចាកចេញពីខេត្តឈៀងម៉ៃ ដើម្បីគេចពីធូលីពុល ។ ប៉ុន្តែវាជាចំនួនតិចតួច ពីព្រោះភ្ញៀវទេសចរភាគច្រើនយល់ពីស្ថានការណ៍ គឺពួកគេមិនលុបចោលការធ្វើដំណើរទេ ហើយពួកគេនៅតែធ្វើដំណើរ និងស្នាក់នៅតាមសណ្ឋាគារដែលបានកក់ទុកជាមុន ។

ហេតុនេះ លោកយល់ឃើញថា ការធ្វើដំណើររបស់ភ្ញៀវទេសចរបរទេស គឺជារឿងធម្មតា ។ ប៉ុន្តែស្ថានការណ៍ធូលីនៅតែពុំទាន់ធូរស្រាល បានធ្វើឱ្យចំនួនការកក់បន្ទប់ស្នាក់នៅក្នុងអំឡុងពេលចូលឆ្នាំថ្មី គិតចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៤ បានកើនឡើងតិចតួច ។ ជាក់ស្តែង សណ្ឋាគារផ្កាយ៣ ទទួលបានភ្ញៀវទេសចរថៃច្រើនជាងគេ គឺការកក់បន្ទប់ស្មើនឹង៦០% ដែលធ្លាក់ចុះពីគោលដៅ ស្មើនឹង៨០% ។ រីឯសណ្ឋាគារផ្កាយ៤ និងផ្កាយ៥ ដែលមានអតិជនជាជនបរទេស គឺមិនគួរឱ្យបារម្ភទេ ដោយចំនួនការកក់បន្ទប់ ស្មើនឹង៧០% ។

លោកបន្ថែមថា យើងត្រូវរង់ចាំតាមដានស្ថានការណ៍បរិយាកាសកខ្វក់បន្តទៀត ហើយប្រសិនបើវាពុំធូរស្រាលមុនពេលចូលឆ្នាំថ្មីទេនោះ នឹងធ្វើឱ្យភ្ញៀវទេសចរថៃធ្លាក់ចុះក្នុងអំឡុងពេលចូលឆ្នាំថ្មីមិនខាន ។

ចំណែកអភិបាលខេត្តឈៀងម៉ៃ លោក Nirat Phongsitthaworn បានលើកឡើងពីការចាត់ចំណាត់ថ្នាក់ទីក្រុងមានបរិយាកាសកខ្វក់របស់គេហទំព័រ IQair.com ថា ខេត្តឈៀងម៉ៃ បានជាប់ចំណាត់ថ្នាក់ទី១ នៅលើពិភពលោក ជាបន្តបន្ទាប់ ។ វាជាការវាស់វែងសម្រាប់តែទីក្រុងធំៗប៉ុណ្ណោះ ប៉ុន្តែបើត្រួតពិនិត្យគ្រប់ខេត្តរបស់ប្រទេសថៃ គឺខេត្តឈៀងម៉ៃ មានកម្រិតខ្យល់ PM 2.5 ទាបជាងខេត្តមួយចំនួន ៕

អាកាសធាតុក្តៅពីខាងក្រៅអាចធ្វើឱ្យមនុស្សស្រីងាយនឹងឆាប់ខឹង ដែលធ្វើឱ្យមានសីតុណ្ហភាពរាងកាយរបស់ពួកគេខ្ពស់ ប៉ះពាល់ដល់អារម្មណ៍ អាចធ្វើឱ្យអ្នកមានអារម្មណ៍ក្តៅជាងធម្មតា និងនាំឱ្យមានភាពតានតឹង ហើយក៏អាចក្លាយជាគ្រោះថ្នាក់ដល់អាយុជីវិតបានផងដែរ។ ដូច្នេះហើយ ដើម្បីបំបាត់កម្ដៅពីរាងកាយយើងសូមណែនាំ ៥ គន្លឹះក្នុងការយកកំដៅចេញពីខាងក្នុងខ្លួនយ៉ាងឆាប់រហ័ស ធ្វើឱ្យសុខភាពរាងកាយរបស់អ្នកត្រជាក់៖

១.ផឹកទឹកត្រជាក់ជាប្រចាំ៖ ទទួលទានទឹកត្រជាក់ជាប្រចាំពេញមួយថ្ងៃ វាអាចជួយឱ្យរាងកាយរបស់អ្នកមានជាតិទឹកគ្រប់គ្រាន់ និងផ្តល់ភាពត្រជាក់ឱ្យរាងកាយដំណើរការបានល្អបំផុត។ ការជ្រើសរើសទឹកត្រជាក់ ឬភេសជ្ជៈ ដែលមានឥទ្ធិពលត្រជាក់ ដូចជាទឹកដូង ទឹកផ្លែឪឡឹក ឬទឹកក្រូចឆ្មា ក៏អាចជួយកាត់បន្ថយសីតុណ្ហភាពរាងកាយពីខាងក្នុងបានផងដែរ។

២.ត្រាំជើងជាមួយទឹកត្រជាក់៖ ត្រាំជើងរបស់អ្នកដោយទឹកត្រជាក់ វានឹងជួយឱ្យអ្នកមានអារម្មណ៍ថាមានថាមពល និងមានផាសុកភាព។ ទោះជាយ៉ាងណាក៏ដោយ ប្រសិនបើអ្នកនៅតែមានអារម្មណ៍ក្តៅ ទោះបីងូតទឹករួចហើយក៏ដោយ អ្នកព្យាយាមត្រាំជើងរបស់អ្នកក្នុងទឹកត្រជាក់មួយរយៈ។ វាជាវិធីសាមញ្ញមួយដើម្បីបន្ថយកម្តៅចេញពីរាងកាយរបស់អ្នក ដែលអាចជួយឱ្យអ្នកមានអារម្មណ៍ត្រជាក់ និងធូរស្រាលជាងមុន។

៣.កាត់បន្ថយភេសជ្ជៈដែលមានជាតិកាហ្វេអ៊ីន៖ ជាតិកាហ្វេអ៊ីន និងអាល់កុល អាចបង្កើតកម្រិតកំដៅជាក់លាក់មួយនៅក្នុងខ្លួន។ ទោះបីជាការផឹកស្រាអាចរីករាយពីមួយពេលទៅមួយពេលក៏ដោយ ប៉ុន្តែយើងមិនគួរទទួលទានច្រើនពេកទេ។ លើសពីនេះទៀត ការកាត់បន្ថយការទទួលទានជាតិកាហ្វេអ៊ីន និងអាល់កុល ក៏មានប្រយោជន៍ចំពោះសុខភាពទូទៅរបស់អ្នកផងដែរ។https://openlab.citytech.cuny.edu/studentcommunityteam/files/2013/10/caffeine-drinks.jpg

៤.កាត់បន្ថយជាតិសូដ្យូម៖ មនុស្សដែលមានកំដៅរាងកាយលើស អ្នកគួរតែកាត់បន្ថយជាតិសូដ្យូម ដើម្បីរក្សាសីតុណ្ហភាពរាងកាយឱ្យត្រជាក់ នេះដោយសារជាតិសូដ្យូមអាចបង្កើនកម្រិតសម្ពាធឈាម និងអាចបង្កើនសីតុណ្ហភាពរាងកាយ ប៉ះពាល់ដល់ប្រព័ន្ធខាងក្នុង វាចាំបាច់ក្នុងការពិចារណាអំពីមាតិកាសូដ្យូម ដើម្បីគ្រប់គ្រងសីតុណ្ហភាពរាងកាយឱ្យមានប្រសិទ្ធភាព។

៥.បោះបង់ចោលអាហារចៀន ឬបំពង៖ ជាការពិតណាស់ ការញ៉ាំអាហារដែលប្រើប្រេងច្រើនអាចធ្វើឱ្យរាងកាយឡើងកំដៅ។ វាត្រូវបានណែនាំអោយជៀសវាងអាហារចៀន អាហារខ្លាញ់ និងជ្រើសរើសអាហារដែលមានជីវជាតិ ដែលឆ្លងកាត់ការកែច្នៃតិចតួច ដូចជាផ្លែឈើតាមរដូវ គ្រាប់ធញ្ញជាតិ បន្លែ និងប្រូតេអ៊ីនគ្មានខ្លាញ់ ក៏ដូចជាអាហារដែលស្ងោរ ដុត ឬចំហុយ ក៏អាចជួយបន្ថយការហើមពោះក្នុងរដូវក្តៅផងដែរ៕

ប្រទេសហ្វីលីពីន ៖ កាលពីថ្ងៃទី៣ ខែមេសា ឆ្នាំ២០២៤ មន្ត្រីក្រសួងអប់រំនៅប្រទេសហ្វីលីពីនលើកឡើងថា សាលារៀននៅទូទាំងប្រទេស ស្មើនឹង៣.៩៥៤កន្លែង បានផ្លាស់ប្តូរមកបង្រៀនកូនសិស្សតាមអនឡាញវិញ ដោយសារអាកាសធាតុក្តៅខ្លាំង ។ ហេតុនេះ កូនសិស្សនឹងពុំចាំបាច់ធ្វើដំណើរមកសាលារៀនហាលក្តៅទៀតទេ ហើយកូនសិស្សនឹងមិនប្រឈមមុខជាមួយផលប៉ះពាល់សុខភាពដោយសារអាកាសធាតុក្តៅ ។

បើតាមរបាយការណ៍បញ្ជាក់ថា សាលារៀនជាច្រើនកន្លែងនៅប្រទេសហ្វីលីពីនបានផ្អាកការបង្រៀនសិស្ស និងការរៀននៅក្នុងថ្នាក់ ដើម្បីឱ្យកូនសិស្សរៀនតាមអនឡាញនៅផ្ទះ ជំនួសឱ្យការធ្វើដំណើរមកសាលារៀន ព្រមទាំងពុំចាំបាច់ប្រឈមនឹងអាកាសធាតុក្តៅខ្លាំង ។ សាលារៀនទាំងនេះស្ថិតនៅក្នុងតំបន់ចំនួន១១ ក្នុងនោះក៏មានទីក្រុងម៉ានីលផងដែរ ដែលមានមានកូនសិស្សសរុប ស្មើជាង១លាន៣សែននាក់ ។

ចំណែកក្រសួងសុខាភិបាលហ្វីលីពីនបានដាស់តឿនឱ្យពលរដ្ឋទាំងអស់ប្រុងប្រយ័ត្នចំពោះសុខភាព និងការពារការកើតជំងឺផ្សេងៗដោយសារអាកាសធាតុក្តៅខ្លាំង ពីព្រោះប្រទេសហ្វីលីពីនបានប្រឈមជាមួយអាកាសធាតុក្តៅបែបនេះយូរមកហើយ ។ ហេតុនេះ ពលរដ្ឋនឹងប្រឈមជាមួយជំងឺដាច់សរសៃឈាមខួរក្បាល (Heat Stroke) ដែលធ្វើឱ្យបាត់បង់ស្មារតី, ស្ពឹក ឬប្រកាច់ រហូតបណ្តាលឱ្យបាត់បង់ជីវិត ប្រសិនបើពុំទទួលបានការព្យាបាលទាន់ពេលវេលាទេនោះ ។

គួរបញ្ជាក់ថា ចាប់ពីថ្ងៃទី២៨ ខែមីនា រហូតដល់ថ្ងៃទី១ ខែមេសា ឆ្នាំ២០២៤ ខេត្តមួយចំនួនរបស់ហ្វីលីពីន មានសីតុណ្ហភាពកើនឡើងរហូតដល់៤៥អង្សាសេឯណោះ ។ ហេតុនេះ គេរំពឹងថា ប្រទេសហ្វីលីពីននឹងមានអាកាសធាតុក្តៅខ្លាំងរយៈពេលយូរថ្ងៃទៀត ។

អាកាសធាតុក្តៅខ្លាំងបានគ្របដណ្តប់ប្រទេសនានាក្នុងតំបន់អាស៊ាន ដែលធ្វើឱ្យប៉ះពាល់ដល់ការរស់នៅប្រចាំថ្ងៃរបស់ពលរដ្ឋក្នុងបណ្តាប្រទេសទាំងនេះ ។ ប៉ុន្តែពុំទាន់មានប្រទេសផ្សេងទៀតប្រកាសឱ្យកូនសិស្សរៀនតាមអនឡាញទេ ក្រៅពីហ្វីលីពីន ៕

ថ្មីៗនេះ រូបភាពប៉ុន្មានសន្លឹកដែលបានចែកចាយនៅលើបណ្តាញសង្គម បានលេចឡើងអំពីក្បូរក្បាច់រចនាម្កុដអប្សរារបស់ថៃ ហាក់ស្រដៀងគ្នាខ្លាំងពេកជាមួយនឹងខ្មែរ ជាហេតុបណ្តាលឲ្យមហាជនខ្មែរភាគច្រើនសម្តែងនូវការមិ.នពេញចិត្តជាខ្លាំង ខណៈកាលពីពេលកន្លងៗមក ក៏មានការជជែកវែក.ញែកជាហូររវាងក្បាច់រាំអប្សរាថៃនិងខ្មែរនេះផងដែរ។

ភាពចម្រូងចម្រាស់ទាក់ទងនឹងវប្បធម៌អរិយធម៌ខ្មែរនិងថៃ នៅតែជាប្រធានបទដ៏ក្តៅគគុករវាងជនជាតិនៃប្រទេសទាំងពីរ។ ទាក់ទងនឹងរបាំអប្សរានេះ ទាំងខ្មែរនិងថៃគឺសុទ្ធតែមានរបៀបបែបបទនៃការរាំថ្វាយ ការរៀបចំផ្សេងៗទៅតាមទំនៀមទម្លាប់ប្រពៃណីនៃប្រទេសរៀងៗខ្លួន។ ខណៈថ្មីនេះ រូបភាពចែកចាយពីបណ្តាញសង្គមប្រទេសថៃ គឺបានបង្ហាញឲ្យឃើញថា បវរកញ្ញាចក្រវាលថៃឆ្នាំ២០២៣ ក្នុងកម្មវិធីមួយបានស្លៀកនូវសម្លៀកបំពាក់និងគ្រឿងប្រដាប់អប្សរា ហើយអ្វីដែលកាន់តែចាប់អារម្មណ៍ស្របពេលរងនូវមតិរិះគន់នោះ គឺ ក្បាច់រចនានៃម្កុដដែលបវរកញ្ញាថៃពាក់ ហាក់ស្រដៀងនឹងម្កុដអប្សរាដែលបានបន្សល់ទុករាប់ពាន់ឆ្នាំរបស់កម្ពុជា។

ជាមួយគ្នានោះ ប្រជាជនខ្មែរជាច្រើនក៏បានចូលទៅបញ្ចេញមតិវាយប្រហារ ដោយអ្នកខ្លះក៏បានលើកឡើងថា «ល្បីថា Miss Universe ផ្តោតលើចំណេះដឹង ប៉ុន្តែរូបថតមួយសន្លឹកនេះបញ្ជាក់យ៉ាងច្បាស់ថា បវរកញ្ញាម្នាក់នេះគ្មានចំណេះដឹង សូម្បីតែវប្បធម៌គេ និងវប្បធម៌ខ្លួនឯងនៅបែងចែកមិនដាច់ផង»។ ខណៈអ្នកខ្លះថា«សូមអរគុណប្រទេសថៃដែលបានជួយគាំទ្ររបាំអប្សរាខ្មែរ»។ ចំណែកអ្នកខ្លះថា «កាន់តែដូចទៅៗហើយ»។

គួរបញ្ជាក់ថា របាំអប្សរារបស់ថៃ ដែលមើលទៅលើការរាំមិនមានការហាត់ពន់ខ្លួនខ្លាំងនោះទេ ខណៈដែលឥរិយាបទនៃការរាំនេះទៀតសោតគឺប្រញាប់ៗ លឿនៗ ហាក់មិនសូវមានភាពទន់ភ្លន់ល្វត់ល្វន់ មួយៗដូចជារបាំអប្សាខ្មែរនោះឡើយ។

បើក្រឡេកមកមើលរបាំអប្សរាខ្មែរវិញ ត្រូវបានគេចាត់ទុកថាជារបាំមួយប្រភេទដែលពិបាកនៅក្នុងការរាំខ្លាំងណាស់ ព្រោះតែត្រូវហាត់រៀន ពត់ពេនច្រើន ទាំងដៃ ទាំងជើង និងតួខ្លួនទាំងមូល។ ខណៈដំណើរនៃការរាំរបាំនេះទៀតសោតគឺបានសបញ្ជាក់អំពីស្រ្តីខ្មែរដ៏មានឥទ្ធិពល សុភាពរាបសារ ទន់ភ្លន់ តែមិនទន់ជ្រាយ និងក្បូរក្បាច់នៃការរាំអប្សរាខ្មែរនីមួយៗសុទ្ធតែបង្កប់នូវអត្ថន័យដ៏ស៊ីជម្រៅនិងគួរជាទីចាប់អារម្មណ៍បំផុត៕