អ្នកណាមិនដឹងថា តារាកូរ៉េមានរូបសម្រស់ស្រស់ស្អាត ដៃជើងស្រលូន ដងខ្លួនស៊ិចស៊ី និងក្មេងជាងវ័យ មិនថាតារាប្រុសឬតារាស្រីនោះទេគឺពួកគេតែងតែមានស្បែកសម៉ត់ រលោង ភ្លឺចែងចាំង មានសំណើម គ្មានស្នាមជ្រាវជ្រួញ និយាយឱ្យចំទៅគឺ Perfect តែម្តង។ ហេតុនេះសម្រាប់មិត្តនារីៗ ដែលចង់បានសម្រស់ទាក់ទាញដូចតារា K-pop ឥលូវមកដឹងពីវិធីថែរក្សាសម្រស់របស់តារាកូរ៉េល្បីៗ ដែលពួកគេបានចែករំលែកអាថ៌កំបាំងដូចខាងក្រោម៖
១.Jisoo BlackPink៖ ប្រសិនបើអ្នកមានស្បែកមុខស្ងួតឬមានប្រហោងធំៗលើមុខ អ្នកអាចអនុវត្តតាម Jisoo ដោយប្រើក្រដាសបិទមុខដើម្បីធ្វើឱ្យស្បែកស ភ្លឺរលោង មានសំណើម និងជួយកម្ចាត់មុខដែលមានប្រហោង ដែលវិធីសាស្រ្តនេះគឺសមរម្យបំផុតសម្រាប់ស្ត្រីដែលរវល់។ តាមរយៈ vlog នៅលើ Youtube Channel Jisoo តែងតែចែករំលែកទម្លាប់របស់នាងក្នុងការប្រើក្រដាស់បិទមុខ។ នាងតែងតែព្យាយាមប្រើរបាំងក្រដាសដើម្បីការពារស្បែករបស់នាងពីការខូចខាត ឬស្រអាប់ក្នុងអំឡុងពេលដំណើរទេសចរណ៍ដ៏មមាញឹក។
២. Bae Suzy៖ Bae Suzy គឺជាតារា Kpop ម្នាក់ដែលមានស្បែកសខ្ចីដូចទេពធីតា អាថ៌កំបាំងសម្រស់ដ៏ល្បីរបស់នាងគឺបច្ចេកទេសសម្អាត 4-2-4 ។ ក្នុងអំឡុងពេល 4 នាទីដំបូង Suzy សម្អាត និងម៉ាស្សាមុខរបស់នាងជាមួយនឹងប្រេង make up remover ។ បន្ទាប់មក នាងបានលាប និងម៉ាស្សាមុខជាមួយនឹងហ្វូមលាងមុខរយៈពេល 2 នាទី។ ជាជំហានចុងក្រោយ នាងលាងមុខរយៈពេល 4 នាទី ហើយទុកឱ្យស្ងួតដោយមិនប្រើកន្សែង។
៣. Yoona SNSD៖ តារាស្រី Kpop ម្នាក់ដែលមានសម្រស់ឆើតឆាយគឺ Yoona នៃក្រុម SNSD។ នាងគឺជាទូតសុឆន្ទៈនៃម៉ាកគ្រឿងសំអាងជាច្រើននៅក្នុងប្រទេសកូរ៉េ។ អាថ៌កំបាំងសម្រស់របស់ Yoona គឺសាមញ្ញណាស់ ដោយជារៀងរាល់ថ្ងៃ នាងតែងសម្អាត និងផ្តល់សំណើមដល់ស្បែកគ្រប់ពេលវេលា។ ដើម្បីមានស្បែកដែលមានសុខភាពល្អ និងភ្លឺថ្លា ក៏ដូចជាបង្កើនភាពក្មេងជាងវ័យនៃស្បែក គន្លឹះសម្រស់ដ៏សំខាន់មួយទៀត គឺត្រូវព្យាយាមគេងឱ្យបានគ្រប់គ្រាន់នៅពេលយប់។
៤. Song Hye Kyo៖ ដើម្បីទទួលបានស្បែកស ភ្លឺរលោងចែងចាំង Song Hye Kyo តែងតែប្រើប្រាស់ទឹកដោះគោស្រស់គ្មានជាតិផ្អែមលាងមុខជារៀងរាល់ថ្ងៃ ដោយជាដំបូងនាងលាងមុខដោយទឹកស្អាតជាមុនសិន បន្ទាប់មកប្រើសំឡីជ្រលក់ទឹកដោះគោ រួចលាបលើផ្ទៃមុខឱ្យស្មើគ្នា ម៉ាស្សាលើមុខរយៈពេល ២-៣ នាទី រួចលាងទឹកចេញជាការស្រច។ ដូច្នេះដើម្បីសម្រេចបានប្រសិទ្ធភាពអតិបរមានៃការថែរក្សាស្បែក អ្នកគួរធ្វើវិធីនេះ ៣-៤ ដងក្នុងមួយសប្តាហ៍៕
