វៀតណាម៖ បើយោងតាម TasteAtlas ដែលជាគេហទំព័រវាយតម្លៃអំពីអាហារបែបប្រពៃណីតាមអ៊ីនធឺណិត បានឱ្យដឹងថា មុខម្ហូបប្រពៃណីជាច្រើនរបស់វៀតណាម បានជាប់ចំណាត់ថ្នាក់ក្នុងបញ្ជី ៤៥ នៃមុខម្ហូបដែលអាក្រក់បំផុតទូទាំងពិភពលោក ដែលបណ្តាលឱ្យមានការជជែកវែកញែកពេញបណ្តាញសង្គម។
កាលពីដើមខែមីនា គេហទំព័រធ្វើម្ហូបដ៏ល្បីល្បាញ Taste Atlas បានចេញផ្សាយចំណាត់ថ្នាក់នៃមុខម្ហូបវៀតណាមចំនួន ៤៥ ដែលត្រូវបានរិះ.គន់បំផុត ដោយផ្អែកលើការបោះឆ្នោតពីភ្ញៀវទេសចរអន្តរជាតិតាមគេហទំព័រនេះមកពីជុំវិញពិភពលោក។

ក្នុងនោះនំសណ្តែកបៃតងរបស់វៀតណាមជាប់ចំណាត់ថ្នាក់ “អាក្រក់បំផុត” ដែលមានពិន្ទុត្រឹមតែ ២.៨/៥ ពិន្ទុប៉ុណ្ណោះ។ នំនេះគឺជាការរួមបញ្ចូលគ្នានៃសណ្ដែកបៃតង ប្រេងបន្លែ ឬខ្លាញ់ និងស្ករ ដែលវាមានរូបរាងជាការ៉េ ហើយម្ហូបនេះបានកើតក្នុងទសវត្សរ៍ឆ្នាំ ១៩២០ គឺជាអាហារប្រពៃណីរបស់ជនជាតិវៀតណាម ដែលភ្ញៀវទេសចរថា ពេលញ៉ាំអាហារនេះទៅអាចបង្កឱ្យឈឺពោះ។

រីឯម្ហូបជាប់ចំណាត់ថ្នាក់លេខ ២ វិញគឺស៊ុបឈាមក្រហម ជាមួយពិន្ទុ ២.៨/៥ ម្ហូបនេះត្រូវបានគេពិពណ៌នាថាមានពណ៌ក្រហមភ្លឺ ធ្វើពីឈាមសត្វស្រស់ លាយជាមួយទឹកត្រី ហើយដាក់សាច់ minced សណ្តែកដី និងឱសថ។ ម្ហូបប្រពៃណីវៀតណាមដ៏ពេញនិយមបង្កឱ្យមានភាពចម្រូងចម្រាសជាច្រើនដោយសារតែហានិភ័យនៃការឆ្លងមេរោគជាមួយដង្កូវនាងនិងបាក់តេរីបង្កគ្រោះថ្នាក់មួយចំនួន។

ម្ហូបទី ៣ ដែលបានរៀបរាប់គឺ banh troi ម្ហូបនេះត្រូវបានផលិតចេញពីម្សៅអង្ករធម្មតា និងម្សៅអង្ករដំណើប ដែលពេញនិយមនៅភាគខាងជើងវៀតណាម។ នំនេះមានវាយនភាពអាចបត់បែនបាន គ្របដោយស្ករ លាបជាមួយដូងស្រស់ និងល្ងអាំង។ បន្ទាប់មកម្ហូបដែលស្ថិតក្នុងបញ្ជីអាក្រក់បំផុតរបស់វៀតណាមរួមមាន៖ សាច់ក្លាសេ ប្រហិតជាមួយតៅហ៊ូ និងបង្គា ទឹកត្រីពីបស្ចិមប្រទេស បបរបេះដូង ស៊ុបចេកផ្អែម អង្ករដំណើប Gac និងនំដុត។

ចំណាត់ថ្នាក់របស់ Taste Atlas បង្កឱ្យមានការជជែកវែកញែកពេញបណ្តាញសង្គមក្នុងប្រទេសវៀតណាម ដោយអ្នកខ្លះថា ពួកគេមានការភ្ញាក់ផ្អើលដែលមុខម្ហូបល្បីៗ និងពេញនិយមដូចជា តៅហ៊ូ និងប្រហិត ឬ ប្រហិតទឹកត្រី ស្ថិតក្នុងបញ្ជីនេះ។ អ្នកខ្លះទៀតក៏ថា នេះគ្រាន់តែជាមតិយោបល់របស់អ្នកទទួលទានអាហារមួយចំនួនប៉ុណ្ណោះ ពួកគេមិនអាចវាយតម្លៃបានត្រឹមត្រូវអំពីរសជាតិនៃម្ហូបវៀតណាមនោះទេ។

ខ្លះទៀតក៏ថា “បញ្ជីនេះអាចបណ្តាលឱ្យអ្នកបរិភោគបរទេសជាច្រើនមានទស្សនៈអវិជ្ជមាន និងមិនត្រឹមត្រូវចំពោះមុខម្ហូបប្រពៃណីវៀតណាម”។ ទោះជាយ៉ាងណាក៏ដោយ នៅឆ្នាំ២០២៣ គេហទំព័រធ្វើម្ហូបដ៏ល្បី Taste Atlas ក៏ធ្លាប់ចាត់ថ្នាក់ នំបុ័ងវៀតណាម នៅលើកំពូលនៃបញ្ជីនៃ ១០០ ថាជានំសាំងវិចល្អបំផុតនៅលើពិភពលោកផងដែរ៕

ទំព័រហ្វេសប៊ុកថៃនិយាយថា ខ្មែរមិនអាចទទួលយកបានក្រោយពេលដឹងថា ការ៉េមលក់នៅប្រទេសកម្ពុជាទាំងអស់សុទ្ធតែទិញពីថៃ ។ ប្រទេសថៃបាននាំចេញការ៉េមទៅក្រៅប្រទេស ស្ថិតក្នុងចំណាត់ថ្នាក់ទី១ នៅតំបន់អាស៊ីអាគ្នេយ៍ គឺស្មើទឹកប្រាក់ជាង៥ពាន់លានបាត ហើយថៃក៏ទទួលបានចំណាត់ថ្នាក់ទី៤ លើពិភពលោកផងដែរ ផ្នែកនាំចេញការ៉េម ។

តម្លៃនាំចេញការ៉េមរបស់ប្រទេសថៃបានកើនឡើងជាបន្តបន្ទាប់ក្នុងរយៈពេល៧ឆ្នាំ គឺកើនឡើង១២,៤៣% ក្នុង១ឆ្នាំ ។ រីឯទីផ្សារនាំចេញការ៉េមសំខាន់ៗរបស់ថៃ កាលពីឆ្នាំ២០២៣ រួមមាន ៖
១-ប្រទេសម៉ាឡេស៊ី ២៩,៥%
២-ប្រទេសកូរ៉េខាងត្បូង ១១,៣%
៣-ប្រទេសវៀតណាម ៩,៥%
៤-ប្រទេសសិង្ហបុរី ៦,៥% និង
៥-ប្រទេសកម្ពុជា ៦,៣% ។

ទំព័រហ្វេសប៊ុកនេះនិយាយថា ប្រទេសថៃបាននាំចេញការ៉េមស្ថិតក្នុងចំណាត់ថ្នាក់ទី១ នៅតំបន់អាស៊ីអាគ្នេយ៍នេះបង្ហាញឱ្យឃើញថា ការ៉េមរបស់ថៃជាទំនិញមួយប្រភេទទៀត ដែលទទួលបានការពេញនិយមខ្លាំងពីក្រៅប្រទេស ពីព្រោះថៃមានវត្ថុធាតុដើមសម្រាប់ធ្វើការ៉េមសម្បូរបែប ។ ហេតុនេះ ថៃអាចកែច្នៃវត្ថុធាតុដើមទាំងនេះធ្វើជាការ៉េមជាច្រើនប្រភេទ និងមានរូបរាងខុសៗគ្នា ហើយចំណុចសំខាន់ គឺអតិថិជនពេញចិត្តនូវរសជាតិការ៉េមថៃ ។

រោងចក្រការ៉េមនៅប្រទេសថៃបានប្រមូលទិញផ្លែឈើគ្រប់មុខមកធ្វើជាវត្ថុធាតុដើមសម្រាប់ផលិតការ៉េម ដូចជា ៖ ផ្លែបំពេញរាជ, មង្ឃុត និងស្វាយ ជាដើម ។ លើសពីនេះ រោងចក្រថៃបានយកវត្ថុធាតុដើមផ្សេងទៀតមកផលិតជាការ៉េមផងដែរ ដូចជា ៖ ពងមាន់ និងត្រីកាម៉ុង ដើម្បីបង្ហាញពីអត្តសញ្ញាណជាតិទៅកាន់អតិថិជនបរទេស ។

ក្រោយពីការចុះផ្សាយព័ត៌មាននេះ ធ្វើឱ្យសារព័ត៌មានខ្មែរមួយចំនួនយកមកចុះផ្សាយថា ប្រទេសថៃត្រូវតែអរគុណកម្ពុជា ដែលបានធ្វើឱ្យអាជីវកម្មរបស់ថៃរីកចម្រើនរហូតដល់ថៃជាប់ចំណាត់ថ្នាក់ទី១ ផ្នែកនាំចេញការ៉េមនៅតំបន់អាស៊ីអាគ្នេយ៍ ។ នេះបើតាមការលើកឡើងរបស់ទំព័រហ្វេសប៊ុកថៃ ។

ទំព័រហ្វេសប៊ុកដដែលបន្ថែមថា សូម្បីតែទឹកបរិសុទ្ធ ក៏ប្រទេសកម្ពុជានាំចូលពីប្រទេសថៃដែរ ហើយខ្មែរចូលចិត្តនិយាយថា ឈប់ទិញទំនិញថៃ ឬចង់បិទព្រំដែនជាមួយថៃ ។ ហេតុនេះ បើកម្ពុជាផលិតទឹកបរិសុទ្ធមិនបានផង នៅពេលបិទព្រំដែនជាមួយថៃ នឹងធ្វើឱ្យខ្មែរខ្វះខាតទឹកផឹកមិនខាន ៕

សហរដ្ឋអាមេរិក ៖ សារព័ត៌មានបរទេសរាយការណ៍ពីទីក្រុងវ៉ាស៊ីនតោន សហរដ្ឋអាមេរិក កាលពីថ្ងៃទី២៥ ខែមីនា ឆ្នាំ២០២៤ ថា ក្រុមប្រឹក្សាសន្តិសុខជាតិអាមេរិកបានចេញសេចក្តីថ្លែងការណ៍ថា ប្រទេសអ៊ុយក្រែនមិនពាក់ព័ន្ធនឹងហេតុការណ៍ បា.ញ់.រះ ដែលបណ្តាលឱ្យពលរដ្ឋរុស្ស៊ី ស្លា.ប់ ជាង១០០នាក់ នៅកន្លែងប្រគំតន្ត្រី Crocus City Hall ក្បែរទីក្រុងមូស្គូ កាលពីថ្ងៃទី២២ ខែមីនា ទេ ។ សេចក្តីថ្លែងការណ៍នេះបញ្ជាក់ថា ក្រុមរដ្ឋឥស្លាម IS គឺជាអ្នកនៅពីក្រោយខ្នងហេតុការណ៍នេះ ។

ក្រុមរដ្ឋឥស្លាម IS-Khorasan ឬ IS-K មានមូលដ្ឋាននៅអាស៊ីកណ្តាល និងអាស៊ីខាងត្បូង បានអះអាងថា ពួកគេគឺជាអ្នកបញ្ជាឱ្យខ្មាន់កាំភ្លើងបាញ់រះនៅកន្លែងប្រគំតន្ត្រី Crocus City Hall របស់ប្រទេសរុស្ស៊ី ។ រីឯក្រសួងមហាផ្ទៃរុស្ស៊ីបញ្ជាក់ថា ខ្មាន់កាំភ្លើងទាំង៤នាក់នេះជាជនបរទេស ដោយសារពួកគេនិយាយភាសារុស្ស៊ី ប៉ុន្តែមានសំនៀងបរទេស ក្នុងនោះខ្មាន់កាំភ្លើង២នាក់ គឺជាជនជាតិតាជីគីស្ថាន ។

ចំណែកមេដឹកនាំប្រទេសរុស្ស៊ី លោកប្រធានាធិបតី វ្ល៉ាឌីមៀរ ពូទីន មិនបានលើកឡើងពីក្រុមរដ្ឋឥស្លាម IS ទេ ដោយលោកនិយាយថា ខ្មាន់កាំភ្លើងទាំង៤នាក់នេះ បានព្យាយាមរត់គេចទៅប្រទេសអ៊ុយក្រែន ក្រោយពីពួកគេបង្កហេតុរួចរាល់ ។ ហេតុនេះ អ៊ុយក្រែនពិតជាមានចំណែកពាក់ព័ន្ធនឹងហេតុការណ៍ខាងលើ ។

សារព័ត៌មានរុស្ស៊ីជាច្រើនបានបង្ហោះវីដេអូក្នុងអំឡុងពេលប៉ូលិសស៊ើបអង្កេតសួរចម្លើយជនល្មើស ហើយជនល្មើសទាំងនេះបាននិយាយភាសារុស្ស៊ីមិនច្បាស់ថា ពួកគេធ្វើបែបនេះ ដោយសារតែប្រាក់ ។ អ្នកនៅពីក្រោយខ្នងសន្យាថា នឹងផ្តល់ប្រាក់ឱ្យពួកគេប្រមាណជាង៥ពាន់ដុល្លារអាមេរិក ក្រោយធ្វើសកម្មភាពរួចរាល់ ហើយមកដល់ពេលនេះ ពួកគេទទួលបានប្រាក់ចំនួនពាក់កណ្តាល ៕