នៅក្នុងឱកាសខួបកំណើតរបស់ខ្លួន Lisa សមាជិក BLACKPINK នាងបានបង្ហោះវីដេអូ Vlog នៅលើឆាណែលយូធូបក្រុមហ៊ុនផ្ទាល់ខ្លួនរបស់នាងដោយបង្ហាញពីទិដ្ឋភាពផ្ទះរួមជាមួយឡានទំនើប។ អ្វីដែលកាន់តែចាប់អារម្មណ៍ផ្ទះផ្ទាល់ខ្លួនរបស់ Lisa នៅប្រទេសកូរ៉េនេះមានតម្លៃរាប់លានដុល្លារ ខណៈម្ចាស់ផ្ទះមុនជាគ្រួសារមហាសេដ្ឋីកូរ៉េ។

យោងតាម Chosun បានឱ្យដឹងថា Lisa បានទិញផ្ទះវីឡានៅសង្កាត់ Seongbuk-gu ទីក្រុងសេអ៊ូល នៅដើមឆ្នាំ២០២៣ ហើយម្ចាស់ផ្ទះមុនគឺជាគ្រួសារមហាសេដ្ឋីកូរ៉េ។ វីឡានេះមានបន្ទប់ក្រោមដី និងជាវីឡាពីរជាន់ ដែលលាបពណ៌ជាចម្បងដោយពណ៌ស និងពណ៌ប្រផេះ។ ក្រោយពីទិញរួច Lisa ក៏បានកែលម្អ និងរៀបចំផ្ទះវីឡាតាមការពេញចិត្តរបស់នាង ដោយនាងបាននិយាយថា នាងបានប្រឹងប្រែងយ៉ាងខ្លាំងក្នុងការតុបតែងផ្ទះនេះ។ ប្រភពដដែលបានបញ្ជាក់ថា ផ្ទះនេះមានតម្លៃ ៧.៥ពាន់លានវ៉ុន ប្រមាណជាង ៥.៥ លានដុល្លារអាម៉េរិក។ នៅចុងបញ្ចប់នៃវីដេអូ Lisa បានចុះទៅបន្ទប់ក្រោមដីដោយបង្ហាញពីឡានទំនើប Mercedes G63 Mansory ឯតម្លៃរថយន្តទំនើបនេះក៏មិនធម្មតាដូចគ្នា។

យោងតាម Yahoo នៅថ្ងៃខួបកំណើតអាយុ២៧ឆ្នាំ របស់នាងកាលពីថ្ងៃទី២៧ ខែមីនា នេះ Lisa បានថតវីដេអូបង្ហាញទស្សនិកជនខណៈអ្នកគាំទ្រសង្ឃឹមថានាងនឹងបានបង្ហាញពីរបៀបដែលនាងតុបតែងផ្ទះរបស់នាងទៅកាន់អ្នកគាំទ្រ។ មិត្តភ័ក្តិ និងបុគ្គលិករបស់ Lisa បានតុបតែងបន្ទប់ទទួលភ្ញៀវជាមួយនឹងប៉េងប៉ោងដើម្បីអបអរខួបកំណើតរបស់តារាចម្រៀងរូបនេះផងដែរ។
ក្នុងវីដេអូនោះ Lisa ក៏បានបង្ហាញរូបថតកាលពីកុមារភាពរបស់នាងថា ធ្លាប់ស្រមៃចង់ក្លាយជាអ្នកបម្រើការលើយន្តហោះ ប៉ុន្តែក្រោយមកបែរជាងប់ងល់នឹងការរាំ និងច្រៀង ហើយម្តាយរបស់នាងតែងតែនៅក្បែរនាងនិងលើកទឹកចិត្តជានិច្ច នឹងសង្ឃឹមថាខ្លួនជាស្ត្រីរឹងមាំដូចម្ដាយ។

Lisa បច្ចុប្បន្នជានាយកប្រតិបត្តិនៃក្រុមហ៊ុន LLOUD ដែលជាក្រុមហ៊ុនដែលនាងបានបង្កើត ប្រតិបត្តិការក្នុងវិស័យម៉ូត ភាពយន្ត និងតន្ត្រី។ ឆ្នាំនេះ ក្រៅពីវិស័យតន្រ្តី Lisa បានចូលប្រឡូកក្នុងវិស័យភាពយន្តហូលីវូដផងដែរ។ Lalisa Manoban ជាតារាចម្រៀង Kpop ដ៏មានឥទ្ធិពល មានអ្នកគាំទ្រយ៉ាងច្រើននៅលើ Instagram មានអ្នកចុច Follow ដល់ទៅជាង ១០០ លាននាក់៕

តារាស្រីដ៏ល្បីល្បាញបំផុតរបស់ប្រទេសចិនគឺ Dilraba Dilmurat អាយុ៣១ឆ្នាំ ជាជនជាតិដើមភាគតិច Xinjiang ដែលមានអ្នកតាមដានរាប់លាននាក់នៅលើប្រព័ន្ធផ្សព្វផ្សាយសង្គម Weibo ។ ទេពកោសល្យរបស់នាងត្រូវបានគេយកចិត្តទុកដាក់ខ្ពស់រហូតដល់ទទួលបានការសរសើរចំពោះការរាំរបស់នាងពីក្រសួងការបរទេសចិន។

Dilraba Dilmurat កើត និងធំធាត់នៅ Urumqi (អ៊ុយរូមឈី) រដ្ឋធានី Xinjiang (ស៊ីនជាំង) ។ ឈ្មោះ Dilraba មានន័យថាភាពស្រស់ស្អាតជាទីស្រឡាញ់នៅក្នុងភាសា Uygur ។ នាងបានរៀនរាំតាំងពីក្មេង ហើយបានបញ្ចប់ការសិក្សាពីសាលាមហោស្រពសៀងហៃ។ តារាសម្តែងរូបនេះបានល្បីល្បាញក្នុងឆ្នាំ២០១៥ ដើរតួជាតួឯកដែលមានបុគ្គលិកលក្ខណៈពីរនៅក្នុងរឿងភាគទូរទស្សន៍ Kela Lover ដែលធ្វើឱ្យនាងទទួលបានពានរង្វាន់ Golden Eagle របស់ទូរទស្សន៍ចិនដ៏ល្បីល្បាញសម្រាប់តារាសម្តែងល្អបំផុត។មានការកោតសរសើរផងដែរចំពោះមុខមាត់សម្រស់របស់នាង។

ប្រាក់ចំណូលរបស់ Dilraba ពីការអនុម័តពាណិជ្ជកម្មគឺខ្ពស់បំផុតសម្រាប់ស្ត្រីនៅក្នុងប្រទេសចិន។ នាងធ្វើការជាមួយម៉ាកល្បី ៗ ដូចជា LV, Valentino, Dior, Mikimoto និង Hennessy ។ ក្នុងឆ្នាំ ២០១៩ កំពូលតារាសម្តែងរូបនេះបានក្តោមតំណែងលើម៉ាកយីហោក្នុងស្រុក និងអន្តរជាតិចំនួន ៣៥ដែលរកចំណូលបាន ៣.៧ ពាន់លានយន់ (ប្រមាណ ៥២១ លានដុល្លារអាម៉េរិក) នេះបើយោងតាមប្រព័ន្ធផ្សព្វផ្សាយ sohu បានចុះផ្សាយ។
បន្ទាប់ពីបានថតវគ្គមួយនៃកម្មវិធីសិល្បៈ Flowers and the Youngsters នៅប្រទេសក្រូអាស៊ីក្នុងខែវិច្ឆិកា ឆ្នាំ២០២៣ Dilraba បានសម្តែងរបាំ Uygur ដែលធ្វើឱ្យមានការចាប់អារម្មណ៍យ៉ាងខ្លាំង។ វីដេអូនៃការរាំរបស់នាងត្រូវបានបញ្ជូនបន្តដោយអ្នកនាំពាក្យក្រសួងការបរទេសចិនលោក Wang Wenbin នៅលើ Facebook ដោយមានចំណងជើងថា «Dilraba ស្លៀកពាក់ Xinjiang និងរាំ Xinjiang »។

បន្ទាប់មកវីដេអូនោះត្រូវបានបញ្ជូនបន្តដោយស្ថានទូតចិនមួយចំនួនដើម្បី «ផ្សព្វផ្សាយភាពស្រស់ស្អាតនៃវប្បធម៌ចិន»។ នៅលើគណនី Weibo របស់តារារូបនេះ ការបង្ហោះជាច្រើនរបស់នាងទទួលបានយ៉ាងតិចណាស់ ១ លាន Like ។ hashtag ឈ្មោះ Dilraba ត្រូវបានគេកោតសរសើរយ៉ាងខ្លាំងគឺស្ថិតក្នុងចំណោមកំពូលដែលត្រូវបានគេស្វែងរកច្រើនបំផុតនៅលើគេហទំព័រចិន។ Dilraba មិនត្រឹមតែមានរូបរាងស្រស់ស្អាតតែប៉ុណ្ណោះទេ ប៉ុន្តែក៏មានចរិតគួរឱ្យស្រឡាញ់ផងដែរ។

Dilraba ទទួលបានភាពល្បីល្បាញដោយសារតែរូបរាងដ៏ស្រស់ស្អាតរបស់នាង ជំនាញសម្ដែងដ៏ល្អឥតខ្ចោះ និងបុគ្គលិកលក្ខណៈដ៏សប្បុរស។ នាងជាមនុស្សដាក់ខ្លួនណាស់ហើយតែងតែបង្ហាញការយកចិត្តទុកដាក់ចំពោះអ្នកគាំទ្ររបស់នាងយ៉ាងល្អ៕

Will Smith ត្រលប់មវិញជាមួយនឹងភាពយន្ត «Bad Boys 4» បន្ទាប់ពីមានរឿងអាស្រូវទះកំផ្លៀង Chris Rock ក្នុងកម្មវិធី Oscar កាលពីឆ្នាំ២០២២។ ភាពយន្តនេះបន្តពីរដូវកាលមុន Bad Boys for Life (២០២០)។ នៅក្នុងឈុតខ្លីៗដែលបានចេញផ្សាយនៅថ្ងៃទី ២៧ ខែមីនា បានបង្ហាញឈុតឆាកជក់ចិត្តដិតអារម្មណ៍យ៉ាងច្រើន និងដំណើរការនៃការស្វែងរកការពិតរបស់ Mike Lowrey ដែលសម្តែងដោយ Will Smith ជាមួយនឹងប្រឈមមុខនឹងស្ថានភាពគ្រោះថ្នាក់ជាច្រើនមានទាំងឈុតឆាកកំប្លែងនិងសោកសៅផងដែរ។

Bad Boys ត្រូវបានចេញផ្សាយជាលើកដំបូងក្នុងឆ្នាំ ១៩៩៥ ដែលរកចំណូលបាន ១៤១លានដុល្លារទូទាំងពិភពលោក។ ២រដូវកាលក្រោយដែលបានចាក់បញ្ចាំងក្នុងឆ្នាំ ២០០៣ និង ២០២០ ដែលក្នុងនោះរឿង Bad Boys for Life (២០២០) រកចំណូលបានជិត ៤៣០ លានដុល្លារដែលខ្ពស់ជាងថវិកាផលិតកម្មជិត ៥ ដង។ យោងតាម Box Office Mojo ស៊េរីនេះរកចំណូលបាន ៨៤០ លានដុល្លារនៅទូទាំងពិភពលោក។

កាលពីមុន ឧប្បត្តិហេតុដែល Will Smith ទះកំផ្លៀង Chris Rock ក្នុងកម្មវិធី Oscar ឆ្នាំ ២០២២ បានប៉ះពាល់ដល់អាជីពសម្តែងរបស់លោក ដែលបណ្តាលឱ្យការងារពីរដែលលោកបានចូលរួមគឺ Bad Boys 4 និង Fast and Loose ត្រូវបានពន្យារពេល។ នាយកប្រតិបត្តិស្ទូឌីយោភាពយន្តកំពុងស្ទាក់ស្ទើរក្នុងការបន្តកិច្ចសហប្រតិបត្តិការជាមួយតារាសម្តែងដោយរង់ចាំការផ្លាស់ប្តូររបស់ក្រុមហ៊ុនផ្សេងទៀត។ មួយខែមុនមានរឿងចម្រូងចម្រាស Netflix កំពុងរៀបចំថតរឿង Fast and Loose ប៉ុន្តែត្រូវផ្អាក។ យោងតាម People Will Smith ទទួលបាន ២៥លានដុល្លារសម្រាប់ការបង្ហាញខ្លួននៅក្នុងភាពយន្តរដូវកាលទី៤នេះ។

Will Smith មានអាយុ ៥៦ ឆ្នាំគឺជាតារាសម្តែងជនជាតិអាម៉េរិកដ៏ល្បីល្បាញ។ យោងតាម ទស្សនាវដ្ដី Forbes លោកគឺជាតារាភាពយន្តដ៏ជោគជ័យបំផុតម្នាក់ដែលសម្តែងបានជាង២០ភាពយន្តទទួលបានថ្លៃខ្លួនរាប់រយលានដុល្លារ។ តារាសម្តែងរូបនេះក៏ត្រូវបានគេស្គាល់ថាជាតារារ៉េបម្នាក់ផងដែរដោយបានឈ្នះពានរង្វាន់ Grammy ចំនួន៤។
បន្ទាប់ពីមានបញ្ហាចម្រូងចម្រាសនៅឯ Oscar ២០២២ ពេលនេះតារាសម្តែងរូបនេះកំពុង ដកខ្លួនចេញពី Academy។ អ្នករៀបចំកម្មវិធី Oscar បានហាមប្រាមតារាសម្តែងមិនឱ្យចូលរួមក្នុងពិធីប្រគល់រង្វាន់រយៈពេល ១០ ឆ្នាំ។ ទោះជាយ៉ាងណាក៏ដោយ Will Smith នៅតែមានឱកាសទទួលបានការតែងតាំងនិងឈ្នះប្រសិនបើមានគម្រោងដែលមានលក្ខណៈសម្បត្តិគ្រប់គ្រាន់។

ទាក់ទងនឹងទំនាក់ទំនងរបស់លោកជាមួយ Chris Rock លោក Will Smith បានព្យាយាមបង្កើតឡើង ប៉ុន្តែមិនបានជោគជ័យឡើយ។ Will Smith បានសូមទោសតារាកំប្លែង Chris Rock និងក្រុមគ្រួសារនៅលើបណ្ដាញសង្គម ប៉ុន្តែ Chris Rock បានបដិសេធ។ ក្រោយពេលកើតហេតុ អ្នកទាំងពីរបានទទួលការព្យាបាលផ្លូវចិត្ត៕