ប្រទេសថៃ៖ ប្រទេសថៃគ្រោងនឹងនាំចេញទុរេនចំនួន ១ លានតោន ដែលមានតម្លៃប្រហែល ១៣០ ពាន់លានបាត (ប្រមាណ ៣,៥៣ ពាន់លានដុល្លារអាមេរិក) នៅឆ្នាំនេះ ដោយភាគច្រើននឹងទៅទីផ្សារប្រទេសចិន។
យោងតាមសារព័ត៌មាន Thai PBS World ដែលបានចុះផ្សាយនៅថ្ងៃទី២០ ខែមេសា ឆ្នាំ២០២៤ ថាប្រទេសថៃគ្រោងនឹងដាក់ចេញនូវស្តង់ដារផលិតផលថ្មីសម្រាប់ការនាំចេញទុរេន ដើម្បីបង្កើនគុណភាព និងការប្រកួតប្រជែងទីផ្សារពិភពលោក។ ស្របតាមការណែនាំរបស់នាយករដ្ឋមន្ត្រី ស្រេតថា ថាវីស៊ីន ក្រសួងកសិកម្ម និងសហករណ៍មានភារកិច្ចរៀបចំសេចក្តីព្រាងច្បាប់ ដើម្បីទប់ស្កាត់ការលក់ទុរេនមិនទាន់ទុំ ឬមិនទាន់មានស្តង់ដារ ក្នុងគោលបំណងធ្វើឱ្យប្រសើរឡើងនូវគុណភាពផ្លែឈើ និងអាចយកឈ្នះក្នុងការប្រកួតប្រជែងនាំចេញ។

បន្ថែមពីលើការប្តេជ្ញាចិត្តរបស់ខ្លួនចំពោះគុណភាព និងស្ថិរភាពទីផ្សារ ថ្មីៗនេះប្រទេសថៃក៏បានចុះហត្ថលេខាលើអនុស្សរណៈយោគយល់គ្នាជាមួយប្រទេសចិន ដើម្បីលើកកម្ពស់ និងធានាតម្លៃស្ថិរភាពសម្រាប់ការនាំចេញផ្លែឈើត្រូពិចពីប្រទេសថៃទៅកាន់ប្រទេសចិន។ កិច្ចព្រមព្រៀងនេះនឹងជួយសម្រួលដល់ការនាំចូលទុរេន និងផ្លែមង្ឃុតប្រមាណ ២០,០០០ តោនដែលមានតម្លៃជាង ៣ ពាន់លានបាត (ប្រហែល ៨២.៤៤ លានដុល្លារអាមេរិក) ដោយប្រទេសចិនពីប្រទេសថៃចាប់ពីខែមេសាដល់ខែមិថុនាឆ្នាំនេះ។

កាលពីឆ្នាំមុន ប្រទេសថៃបាននាំចេញទុរេនចំនួន ៩០០,០០០ តោន ជាមួយនឹង ៣០០,០០០ តោន ប្រើប្រាស់ក្នុងស្រុក ហើយភាគច្រើនដែលនៅសល់ត្រូវបាននាំចេញទៅកាន់ប្រទេសចិន ដែលតម្រូវការផ្លែឈើកំពុងកើនឡើងយ៉ាងឆាប់រហ័ស។ ការព្យាករណ៍បង្ហាញថាតម្រូវការនៅក្នុងប្រទេសចិនអាចឈានដល់ ១ លានតោននៅឆ្នាំនេះ ហើយអាចកើនឡើង ១៥ ដងនាពេលអនាគត។ ដូច្នេះហើយការនាំចេញទុរេនបានបង្កើតប្រាក់ចំណូលបាន ១២០ ពាន់លានបាតកាលពីឆ្នាំមុន ដោយបានដើរតួនាទីយ៉ាងសំខាន់ក្នុងសេដ្ឋកិច្ចរបស់ប្រទេសថៃ នេះបើយោងតាមបាងកកប៉ុស្តិ៍។

ទោះជាយ៉ាងណាក៏ដោយ នៅឆ្នាំនេះរដូវទុរេនអាចប្រឈមនឹងឥទ្ធិពលនៃការប្រែប្រួលអាកាសធាតុដែលប៉ះពាល់ដល់ទិន្នផលពូជពិសេស។ ទោះបីជាមានបញ្ហាប្រឈមទាំងនេះក៏ដោយ ក៏មជ្ឈមណ្ឌលស្រាវជ្រាវ Kasikorn បានព្យាករណ៍ថា តម្លៃនៃការនាំចេញទុរេនរបស់ថៃទៅកាន់ប្រទេសចិននឹងកើនឡើងដល់ ៤.៥ ពាន់លានដុល្លារក្នុងឆ្នាំ ២០២៤ ដែលជាការកើនឡើង ១២% ពីឆ្នាំ ២០២៣ ខណៈប្រទេសថៃក៏មានគោលបំណងបង្កើនតម្លៃនៃការនាំចេញទុរេនរបស់ខ្លួនដល់ ១ ពាន់ពាន់លានបាតផងដែរ៕

ថ្មីៗនេះ ហេតុការណ៍គ្រោះទឹកជំនន់ជន់លេចនៅទីក្រុងឌូបៃ បានបង្កឲ្យមានការភ្ញាក់ផ្អើលជុំវិញពិភពលោក ខណៈដែលកាលពីពេលកន្លងមកនេះ The Simpsons ដែលត្រូវបានគេជឿថាតុក្ខតាទស្សន៍ទាយអំពីអនាគត ក៏បានលេងរៀបរាប់ស្រដៀងទៅនឹងហេតុការណ៍ទីក្រុងឌូបៃនេះបេះបិទ។

ទីក្រុងឌូបៃនៃប្រទេសអារ៉ាប់រួម ជាទីក្រុងវាលខ្សាច់ មានអាកាសធាតុត្រូពិច ក្តៅស្ងួតហួតហែង និងកម្រមានភ្លៀងបំផុត។ ទោះជាយ៉ាងណា ដោយសារតែបច្ចេកវិទ្យាកាន់តែជឿនលឿនទៅ យុទ្ធនាការណ៍បណ្តុះពពក បង្កើតភ្លៀងសិប្បនិម្មិតក៏បានលេចឡើង ហើយក៏បានយកមកអនុវត្តនៅក្នុងប្រទេសនេះកាលពីពេលថ្មីៗ ដែលគេរំពឹងថានឹងមានភ្លៀងធ្លាក់សមល្មម ជួយសម្រួលដល់ការរស់នៅរបស់មនុស្សបានមួយផ្នែក។

ថ្មីៗនេះ គម្រោងបង្កើតភ្លៀងសិប្បនិម្មិតក៏បានទទួលភាពជោគជ័យពិតមែន ប៉ុន្តែអ្វីជារឿងដែលមិននឹកស្មានដល់សម្រាប់ប្រទេសនេះ គឺតាមរយៈគ្រោងការណ៍បែរជាបន្សល់ទុកនូវគ្រោះមហន្តរាយ រងទុកវេទនាពេញផ្ទៃប្រទេស។ គ្រោះទឹកជំនន់ដ៏ធំមិនធ្លាប់នៅមានក្នុងប្រវត្តិសាស្រ្ត ព្រមជាមួយនឹងព្យុះបោកបក់ដ៏ខ្លាំងក្លា បានបណ្តាលឲ្យក្រុមហ៊ុនអាកាសចរណ៍ ធនាគារ ការដឹកជញ្ជូនផ្សេងៗត្រូវបានទទួលរងនូវផលប៉ះពាល់យ៉ាងដំណំ ហើយសូម្បីតែសេវាអ៊ីនធើណែតក៏ត្រូវបានកាត់ផ្តាច់។

បន្ថែមពីនេះ ផ្លូវមមាលញឹកជាច្រើនរបស់ទីក្រុងក៏នេះត្រូវបានជន់លេច និងរថយន្តរាប់រយគ្រឿងទៀតត្រូវបានអណ្តែត ប្រៀបបាននៅលើផ្ទៃទន្លេ។ ចំណែកមនុស្សម្នា ប្រមាណរាប់សិបនាក់ត្រូវបានរងរបួស និងខ្លះរហូតដល់បាត់បង់ជីវិតដោយសារតែហេតុការណ៍គ្រោះទឹកជំនន់ដ៏ធំលើកនេះផងដែរ។

យ៉ាងណាមិញ សាច់រឿងនៃវគ្គមួយរបស់តុក្កតា The Simpson នេះក៏បានលេងអំពីដំណើរការនៃការបណ្តុះពពក បង្កើតបានជាភ្លៀងសិប្បនិម្មិត និងព្យុះបោកបក់ពេញផ្ទៃប្រទេស បង្កឲ្យមានភាពចលាចលដល់មនុស្ស ក៏ដូចជាទឹកជំនន់ជន់លេចក្រុងដ៏គួរឲ្យរន្ធត់ ហើយវាពិតជាដូចទៅនឹងហេតុការណ៍នៃទីក្រុងឌូបៃនេះស្ទើរតែទាំងស្រុង។

គួរបញ្ជាក់ថា ខ្សែភាពយន្តគំនូរជីវចល The Simpsons ដែលត្រូវបានគេជឿថាជាតុក្ខតាសម្តែងអំពីរឿងរ៉ាវប្លែកៗនាពេលអនាគត។ តុក្ខតា The Simpsons ត្រូវបានផលិតឡើងដំបូងតាំងពីឆ្នាំ ១៩៨៩មក មានជាច្រើនវគ្គ ដែលវគ្គនីមួយៗសុទ្ធតែបានលេងអំពីឈុតឆាកដ៏គួរឲ្យចាប់អារម្មណ៍ ជាពិសេសគឺបច្ចេកវិទ្យានិងបាតុភូតផ្សេងៗ។ មិនត្រឹមតែប៉ុណ្ណោះ វគ្គមួយចំនួនដែលភាពយន្តតុក្ខតានេះបានលេង បែរជាដូចជានឹងរឿងរ៉ាវដែលបានកើតឡើងនៅលើពិភពលោកនេះជាបន្តបន្ទាប់ និងបានធ្វើឲ្យអ្នកជំនាញល្បីៗជាច្រើនយកសាច់រឿងរបស់វាមកវិភាគនិងចាំមើលធំអំពីព្រឹត្តិការណ៍នានាជាហូរហែរផងដែរ៕

@ufologiamg

Eles já sabiam de tudo #prediction #futuro #fy #explore #parati #viral #future

♬ Sim UFOLOGIAMG – ufologiamg

យោងតាម QS World University Rankings ដែលជាក្រុមហ៊ុនវិភាគការអប់រំកម្រិតខ្ពស់របស់ពិភពលោក និងជាអង្គការវាយតម្លៃស្តង់ដារសាលា កាលពីពេលថ្មីៗនេះ បានប្រកាសចំណាត់ថ្នាក់នៃសាកលវិទ្យាល័យកំពូលៗទាំង ១០ ផ្នែកវិទ្យាសាស្ត្រកុំព្យូទ័រ និងបច្ចេកវិទ្យាព័ត៌មានសម្រាប់ឆ្នាំ ២០២៤។ ដោយជំនាញទាំងនោះភាគច្រើនមកពីសហរដ្ឋអាមេរិក និងចក្រភពអង់គ្លេស ជាមួយនឹងតម្លៃសិក្សាជាទូទៅចាប់ពី ៦០,០០០ ដុល្លារឡើងទៅក្នុងមួយឆ្នាំ។

បើយោងតាមអង្គការនៅក្នុងក្រុមឧស្សាហកម្មវិទ្យាសាស្ត្រកុំព្យូទ័រ និងព័ត៌មានវិទ្យា វិទ្យាស្ថានបច្ចេកវិទ្យា Massachusetts (MIT) បានជាប់ចំណាត់ថ្នាក់លេខ ១ ទូទាំងពិភពលោកជាមួយនឹង ៩៤.៨ ពិន្ទុ។ តាមពីក្រោយដោយសាលាអាមេរិកពីរផ្សេងទៀតគឺសាកលវិទ្យាល័យ Carnegie Mellon និង Stanford ទាំងពីរទទួលបាន ៩៣.២ ពិន្ទុដូចគ្នាដែលសាលាទាំងនេះក៏ជាតំណែងកំពូលទាំងបីកាលពីឆ្នាំមុនផងដែរ។

រីឯសាកលវិទ្យាល័យ Oxford របស់ប្រទេសអង់គ្លេស គឺជាសាលាដែលមានចំណាត់ថ្នាក់ខ្ពស់ជាងគេនៅអឺរ៉ុប ដែលមាន ៩០.៤ ពិន្ទុជាប់ចំណាត់ថ្នាក់ទី ៤ នៅលើពិភពលោក និងសកលវិទ្យាល័យកាលីហ្វ័រញ៉ា Berkeley ជាប់ចំណាត់ថ្នាក់ទី ៥ ។ ទន្ទឹមនឹងនេះ សាកលវិទ្យាល័យជាតិសិង្ហបុរី (NUS) បានរក្សាតំណែងទី ៦ ដែលជាសាលាល្អបំផុតនៅអាស៊ីក្នុងវិស័យបណ្តុះបណ្តាលនេះ។

ចំណែកឯចំណាត់ថ្នាក់ទី ៧ វិញបានទៅលើសកលវិទ្យាល័យ Harvard របស់សហរដ្ឋអាមេរិក ជាមួយពិន្ទុ ៨៨.៥ និងសកលវិទ្យាល័យ Cambridge របស់ចក្រភពអង់គ្លេសទទួលបានពិន្ទុ ៨៨.៤ ជាប់ចំណាត់ថ្នាក់លេខ ៨ រួមទាំងសកលវិទ្យាល័យ ETH Zurich នៃប្រទេសស្វីសជាប់ចំណាត់ថ្នាក់ទី ៩ និងសកលវិទ្យាល័យ Nanyang Technological University របស់សិង្ហបុរីជាប់ចំណាត់ថ្នាក់ទី ១០ ជាមួយពិន្ទុ ៨៧.៦។

សម្រាប់ថ្លៃសិក្សាសាលាពេញនិយមនៅក្នុងកំពូលទាំង ១០ របស់ពិភពលោកផ្នែកវិទ្យាសាស្ត្រកុំព្យូទ័រ និងបច្ចេកវិទ្យាព័ត៌មានគឺ ៦ ម៉ឺនដុល្លារអាមេរិកក្នុងមួយឆ្នាំ ដែលតម្លៃនេះមិនរាប់បញ្ចូលការចំណាយផ្សេងទៀតដូចជា សៀវភៅ ឬការស្នាក់នៅឡើយ។ គួរបញ្ជាក់ដែថា នៅឆ្នាំនេះសាលារៀនចំនួន ៧២២ ផ្សេងទៀតនៅជុំវិញពិភពលោកគឺសុទ្ធតែមានលក្ខណៈសម្បត្តិគ្រប់គ្រាន់សម្រាប់ចំណាត់ថ្នាក់ QS ក្នុងវិស័យវិទ្យាសាស្ត្រកុំព្យូទ័រ និងបច្ចេកវិទ្យាព័ត៌មាន។

ហេតុនេះហើយ សម្រាប់សាលាដែលមានពិន្ទុខ្ពស់ជាងគេត្រូវបានផ្តល់រង្វាន់ដោយផ្អែកលើលក្ខណៈវិនិច្ឆ័យចំនួន ៥ រួមមាន: កេរ្តិ៍ឈ្មោះសិក្សា ការវាយតម្លៃនិយោជក សន្ទស្សន៍ដកស្រង់ក្នុងមួយអត្ថបទ ផលប៉ះពាល់នៃការស្រាវជ្រាវលើសហគមន៍វិទ្យាសាស្ត្រ និងសន្ទស្សន៍បណ្តាញស្រាវជ្រាវអន្តរជាតិ៕

ប្រទេសឥណ្ឌា ៖ កាលពីថ្ងៃទី២១ ខែមេសា ឆ្នាំ២០២៤ សារព័ត៌មានបរទេសរាយការណ៍ថា មហាសេដ្ឋីដ៏ល្បីឈ្មោះម្នាក់នៅប្រទេសឥណ្ឌាបានសម្រេចចិត្តលះបង់ទ្រព្យសម្បត្តិ និងមាសប្រាក់យ៉ាងច្រើនសន្ធឹកសន្ធាប់របស់ខ្លួនឱ្យអ្នកភូមិនៅតាមផ្លូវ មុនពេលលោក និងភរិយារៀបចំពិធីបួស ។ បើស្តាប់ពីមូលហេតុនៃការលះបង់ទ្រព្យសម្បត្តិរបស់មហាសេដ្ឋីរូបនេះ ធ្វើឱ្យមហាជននាំគ្នាអនុមោទនាបុណ្យកុសលគ្រប់ៗគ្នា ។

វាបានក្លាយជាព័ត៌មានមួយល្បីល្បាញនៅលើពិភពលោកនាពេលបច្ចុប្បន្ននេះ ពេលសារព័ត៌មានរាយការណ៍ថា មហាសេដ្ឋីឥណ្ឌាម្នាក់ គឺលោក Phavej Pantharee ព្រមទាំងសាច់ញាតិចំនួន៣៥នាក់ បានឡើងជិះរថយន្តនៅតាមផ្លូវមានចម្ងាយជាង៤គីឡូម៉ែត្រ ហើយបាចប្រាក់ ព្រមទាំងដាក់ទានទ្រព្យសម្បត្តិ និងមាសប្រាក់ទាំងអស់ឱ្យអ្នកភូមិ ។

លើសពីនេះ មហាសេដ្ឋីខាងលើថែមទាំងបានប្រគល់ទូរស័ព្ទដៃ និងម៉ាស៊ីនត្រជាក់ឱ្យអ្នកភូមិដែលមកចូលរួមក្នុងក្បួនដង្ហែរទៀតផង ។ មហាសេដ្ឋីឥណ្ឌា និងភរិយាបានលះបង់អ្វីៗគ្រប់យ៉ាងក្នុងផ្លូវលោក ដើម្បីទៅបួសជាព្រះសង្ឃ និងដូនជីតាមសាសនាជេន ។

បើតាមសេចក្តីរាយការណ៍បញ្ជាក់ថា ដើម្បីបង្ហាញនូវការប្តេជ្ញាចិត្តជាមួយសាសនានេះ លោក Phavej Pantharee ជាអ្នកជំនួញផ្នែកសំណង់នៅទីក្រុង Ahmedabad ប្រទេសឥណ្ឌា បានសម្រេចចិត្តលះបង់ទ្រព្យសម្បត្តិទាំងអស់ ដែលលោក និងភរិយារកបានក្នុងជីវិត ស្មើជាង២.០០០លានរូពីមកចែកឱ្យអ្នកភូមិ មុនពេលលោកបួសជាព្រះសង្ឃ ។

លោក Phavej Pantharee និងភរិយាបានរៀបចំពិធីសាសនាយ៉ាងអធិកអធមម្តងហើយកាលពីខែកុម្ភៈ ឆ្នាំ២០២៤ ហើយលោកក៏បានរៀបចំពិធីបួសតាមសាសនាជាផ្លូវការ នៅថ្ងៃទី២២ ខែមេសា ។

ចំណែកមូលហេតុដែលលោក និងភរិយាសម្រេចចិត្តលះបង់ទ្រព្យសម្បត្តិទាំងអស់បែបនេះ ដោយសារកាលពីឆ្នាំ២០២២ កូនស្រីរបស់លោក អាយុ១៩ឆ្នាំ និងកូនប្រុសអាយុ១៦ឆ្នាំ បានសម្រេចចិត្តដើរតាមផ្លូវធម៌របស់សាសនាជេនរួចហើយ ទើបធ្វើឱ្យគូស្វាមី-ភរិយានេះមានជំនឿលើសាសនាជេន ។ ដូច្នេះ ពួកគេក៏សម្រេចចិត្តលះបង់សេចក្តីសុខផ្លូវលោក និងលះបង់ទ្រព្យសម្បត្តិផ្លូវកាយ ដើម្បីស្វែងរកសេចក្តីស្ងប់ផ្លូវចិត្ត ។

គួរបញ្ជាក់ថា ពលរដ្ឋឥណ្ឌាណាដែលចង់បួសជាព្រះសង្ឃ និងដូនជីក្នុងសាសនាជេន ពួកគេត្រូវតែកាច់ផ្តាច់ពីជីវិតក្នុងផ្លូវលោក និងលះបង់ទ្រព្យសម្បត្តិរបស់ខ្លួនទាំងអស់ ។ បន្ទាប់មក ពួកគេនឹងរស់នៅក្នុងជីវិតសាមញ្ញ និងគ្មានទ្រព្យសម្បត្តិ ឬមាសប្រាក់នៅជាប់ខ្លួន ។

ក្រោយពីមហាសេដ្ឋីឥណ្ឌា និងភរិយាបានធ្វើពិធីបួសជាព្រះសង្ឃ និងដូនជីរួចហើយ អ្នកទាំងពីរត្រូវតែស្លៀកពាក់ស និងដើរបិណ្ឌបាត្រអាហារដោយដោះស្បែកជើងផងដែរ ។ ក្រៅពីនេះ អ្នកទាំងពីរត្រូវកាន់អំបោសសម្រាប់បោសសម្អាតនៅតាមផ្លូវ ដើម្បីកុំឱ្យដើរជាន់សត្វល្អិតមានជីវិត ៕

ប្រទេសឥណ្ឌូណេស៊ី ៖ អាជ្ញាធរឥណ្ឌូណេស៊ីប្រចាំកោះបាលីបានដាស់តឿនឱ្យភ្ញៀវទេសចរបរទេស ក៏ដូចជាពលរដ្ឋឥណ្ឌូណេស៊ីទាំងអស់ប្រុងប្រយ័ត្ន និងការពារខ្លួនពីការឆ្លងរាតត្បាតនៃជំងឺគ្រុនឈាម ក្រោយពីចំនួនអ្នកជំងឺគ្រុនឈាមក្នុងខេត្ត និងក្នុងប្រទេសឥណ្ឌូណេស៊ីទាំងមូលកើនឡើងជាបន្តបន្ទាប់ ។

សារព័ត៌មាន AFP បានរាយការណ៍ពីទីក្រុងហ្សាកាតា ប្រទេសឥណ្ឌូណេស៊ី នៅថ្ងៃទី២២ ខែមេសា ឆ្នាំ២០២៤ ថា អាជ្ញាធរប្រចាំតំបន់បានស្នើឱ្យភ្ញៀវទេសចរបរទេសទាំងអស់ដែលមកកម្សាន្តនៅកោះបាលី ត្រូវបង្កើនការប្រុងប្រយ័ត្នឱ្យបានខ្ពស់ និងការពារខ្លួនពីការឆ្លងជំងឺគ្រុនឈាម ក្រោយពីចំនួនអ្នកជំងឺគ្រុនឈាមនៅឥណ្ឌូណេស៊ីកើនឡើង ។

លោកស្រី Kusti Ayu Raka Susanti មន្ត្រីនាយកដ្ឋានបង្ការ និងគ្រប់គ្រងជំងឺប្រចាំទីភ្នាក់ងារសុខភាពសាធារណៈនៅកោះបាលី ប្រទេសឥណ្ឌូណេស៊ី និយាយថា នាពេលបច្ចុប្បន្ន នៅពុំទាន់មានការបង្ខំឱ្យមនុស្សគ្រប់គ្នាចាក់ថ្នាំបង្ការជំងឺគ្រុនឈាមនៅឡើយទេ ។

ទោះយ៉ាងណា មន្ត្រីសុខាភិបាលបានណែនាំឱ្យភ្ញៀវទេសចរបរទេសចាក់ថ្នាំបង្ការជំងឺនេះ ដើម្បីឱ្យពួកគេមានសុខភាពរឹងមាំក្នុងអំឡុងពេលធ្វើដំណើរមកកាន់កោះបាលី ជាពិសេស នៅពេលភ្ញៀវទេសចរបរទេសស្ថិតនៅតំបន់ឆ្លងជំងឺនេះ ។ លោកស្រី Kusti Ayu និយាយថា ៖ «ការណែនាំនេះ ពុំបានផ្តោតទៅលើតែភ្ញៀវទេសចរបរទេសប៉ុណ្ណោះទេ ប៉ុន្តែរួមទាំងជនជាតិឥណ្ឌូណេស៊ីគ្រប់រូបដែលរស់នៅលើកោះបាលីផងដែរ» ។

នៅខែមេសា ឆ្នាំ២០២៤ ប្រទេសឥណ្ឌូណេស៊ីព្រួយបារម្ភអំពីការឆ្លងរាតត្បាតនៃជំងឺគ្រុនឈាមក្នុងតំបន់មួយចំនួន ក្រោយពីចំនួនអ្នកឆ្លងជំងឺនេះនៅទូទាំងប្រទេសឥណ្ឌូណេស៊ីកើនឡើងជាបន្តបន្ទាប់ ។

ទោះយ៉ាងណា អាជ្ញាធរឥណ្ឌូណេស៊ីប្រចាំតំបន់ពុំទាន់មានទិន្នន័យបញ្ជាក់ពីចំនួនភ្ញៀវទេសចរនៅកោះបាលីឆ្លងជំងឺគ្រុនឈាមទេ ប៉ុន្តែអត្រាឆ្លងជំងឺគ្រុនឈាមសរុបក្នុងខេត្តមានកម្រិតខ្ពស់ ។ បើគិតចាប់ពីមីនា ដល់ខែមេសា ឆ្នាំ២០២៤ អ្នកជំងឺគ្រុនឈាមនៅកោះបាលី ស្មើរហូតដល់៤.១៧៧នាក់ និងមានអ្នកស្លាប់ដោយសារជំងឺនេះ ចំនួន៥នាក់ ៕

វៀតណាម៖ ប្រទេសវៀតណាមស្ថិតក្នុងក្រុមប្រទេសដែលមានអត្រាខ្ពស់នៃជំងឺដាច់សរសៃឈាមខួរក្បាលដោយសារផលវិបាកនៃជំងឺលើសឈាម ដោយមនុស្សភាគច្រើនមិនដឹងថាពួកគេមានជំងឺលើសឈាមនោះទេ ខណៈជំងឺនេះអាចវិវត្តទៅជាជំងឺដាច់សរសៃឈាមខួរក្បាល នេះបើយោងតាម Vnexpress ដែលបានចុះផ្សាយនៅថ្ងៃទី២២ ខែមេសា ឆ្នាំ២០២៤។
លោកសាស្ត្រាចារ្យវេជ្ជបណ្ឌិត Huynh Van Minh ប្រធានសមាគមជំងឺបេះដូងវៀតណាមបាននិយាយនៅក្នុងសន្និសីទវិទ្យាសាស្ត្ររបស់មន្ទីរពេទ្យ FV ថា “វៀតណាមស្ថិតនៅក្នុងតំបន់ដែលមានអត្រាខ្ពស់នៃជំងឺដាច់សរសៃឈាមខួរក្បាល”។ ទន្ទឹមនឹងនេះដែរ នៅក្នុងប្រទេសជាច្រើន ផលវិបាកនៃជំងឺនេះគឺដោយសារតែជំងឺលើសឈាមមានអត្រាខ្ពស់។

យោងតាមស្ថិតិរបស់អង្គការសុខភាពពិភពលោក អត្រានៃជំងឺលើសឈាមក្នុងពិភពលោកមានចាប់ពី ២៣ ទៅ ៣៧% មានន័យថាមនុស្សម្នាក់ក្នុងចំណោមមនុស្សពី ៣ ទៅ ៤ នាក់សុទ្ធតែមានជំងឺនេះ។ ជំងឺលើសឈាមគឺជាស្ថានភាពមួយដែលកើតឡើងនៅពេលដែលសម្ពាធឈាមស៊ីស្តូលិកលើសពី ១៤០ ហើយសម្ពាធឈាម diastolic លើសពី 90 mmHg។ ដូច្នេះសមាមាត្រនៃអ្នកដែលមានជំងឺលើសឈាមបានកើនឡើងពី ៦៤៨ លាននាក់ក្នុងឆ្នាំ ១៩៩០ ដល់ ១.២៨ ពាន់លាននាក់ក្នុងឆ្នាំ ២០១៩។ ហេតុនេះហើយប្រទេសដែលមានចំណូលទាប និងមធ្យម ដូចជាប្រទេសវៀតណាម មានចំនួនអ្នកលើសឈាមច្រើនជាងគេ។

យោងតាមសាស្រ្តាចារ្យ Minh ក៏បានឱ្យដឹងទៀតថា នៅប្រទេសវៀតណាម ស្ថិតិបង្ហាញថា ២៥% នៃបុរស និង ២១.៦% នៃស្ត្រីសុទ្ធតែមានជំងឺនេះ។ កត្តាដែលធ្វើឱ្យពិបាកក្នុងការគ្រប់គ្រងសម្ពាធឈាម គឺដោយសារអ្នកជំងឺជាច្រើនមានជីវភាពក្រីក្រ មិនមានការធានារ៉ាប់រងសុខភាព និងខ្វះចំណេះដឹងអំពីជំងឺ ខណៈសម្ពាធឈាមខ្ពស់ជារឿយៗវិវត្តទៅដោយស្ងៀមស្ងាត់ ហើយមនុស្សភាគច្រើនមិនដឹងថាខ្លួនមានជំងឺនោះទេ។ សាស្រ្តាចារ្យ Minh បានបន្ថែមថា អ្នកដែលត្រូវបានគេធ្វើរោគវិនិច្ឆ័យថាមានជំងឺនេះជារឿយៗមិនគោរពតាមការព្យាបាល ប្រើថ្នាំមិនគ្រប់គ្រាន់ និងមិនផ្លាស់ប្តូររបៀបរស់នៅយ៉ាងសកម្មដូចដែលបានណែនាំ។

ទោះជាយ៉ាងណាក៏ដោយសាស្ត្រាចារ្យ Minh ក៏បានផ្តល់អនុសាសន៍ថា ដើម្បីកាត់បន្ថយកំណើននៃជំងឺដាច់សរសៃឈាមខួរក្បាល អ្នកជំងឺត្រូវអនុវត្តតាមការព្យាបាល និងតាមដានសម្ពាធឈាមរបស់ពួកគេនៅផ្ទះជាប្រចាំ ក៏ដូចជាអនុវត្តតាមរបបអាហារដែលមានសុខភាពល្អ កាត់បន្ថយអំបិល និងកំណត់អាហារប្រៃ។ បង្កើនការទទួលទានប៉ូតាស្យូម ញ៉ាំផ្លែឈើ បន្លែ គ្រាប់ធញ្ញជាតិ ផលិតផលទឹកដោះគោមានជាតិខ្លាញ់ទាប និងកាត់បន្ថយជាតិខ្លាញ់ឆ្អែត ក៏ដូចជាកាត់បន្ថយការទទួលទានគ្រឿងស្រវឹង ឬភេសជ្ជៈជាតិផ្អែម រួមទាំងផ្តល់អាទិភាពដល់ការធ្វើលំហាត់ប្រាណឱ្យបានទៀតទាត់៕

មហោស្រពខ្សាច់ ដែលគេហៅថា ពិធីបុណ្យ Haeundae តែងប្រារព្ធឡើងជារៀងរាល់ឆ្នាំនៅលើឆ្នេរខ្សាច់ ទីក្រុងជាប់មាត់សមុទ្រមួយកន្លែងនៃប្រទេសកូរ៉េខាងត្បូង ដែលនឹងមានដាក់តាំងបង្ហាញរូបចម្លាក់ខ្សាច់របស់បុគ្គលល្បីៗនិងសំណង់អច្ឆរិយៈនានាទូទាំងពិភពលោក ក្នុងនោះក៏មានប្រាសាទអង្គរវត្តរបស់ខ្មែរផងដែរ។ ចំពោះឆ្នាំ២០២៤នេះ ពិធីបុណ្យខ្សាច់ Haeundae នឹងប្រារព្ធឡើងនៅថ្ងៃទី ២៤ ដល់២៧ ខែឧសភាឆាប់ៗនេះ។

ពិធីបុណ្យខ្សាច់ Haeundae Sand Festival ដែលមានទីតាំងនៅតាមបណ្តោយឆ្នេរ Haeundae ទីក្រុង Busan ប្រទេសកូរ៉េខាងត្បូង។ ពិធីបុណ្យនេះ ត្រូវបានគេប្រារព្ធឡើងតាំងពីឆ្នាំ ២០០៣មកម្លេះ ហើយឥឡូវនេះត្រូវបានគេចាត់ទុកថាជាពិធីបុណ្យខ្សាច់ដ៏ធំបំផុតមួយរបស់ពិភពលោក។ វាគឺជាព្រឹត្តិការណ៍ដ៏ពិសេសមួយ មិនគួរមើលរំលងចំពោះអ្នកដែលស្រលាញ់ខាងសិល្បៈ ការតាំងពិព័ណ៍ មាត់សមុទ្រ និងឆ្នេរខ្សាច់។

តាមរយៈព្រឹត្តិការណ៍នេះជារៀងរាល់ឆ្នាំ គឺបានទាក់ទាញភ្ញៀវទេសចររាប់លាននាក់ ព្រោះតែវាជាទិដ្ឋភាពដ៏ពិសេសមួយកម្របានឃើញនិងអមជាមួយនឹងឆ្នេរខ្សាច់ដ៏ស្រស់ស្អាតនិងទឹកសមុទ្រដ៏ខៀវស្រងាត់ថ្លាឆ្វង់របស់ប្រទេស។ ជាមួយគ្នានេះ វិចិត្រករល្បីៗជាច្រើនប្រទេសនឹងមកបង្ហាញខ្លួនបញ្ចេញស្នាដៃឆ្លាក់រូបចម្លាក់ដ៏ពិបាកនិងគួរឲ្យស្ងើចសរសើរនៅលើវាលខ្សាច់ Haeundae នេះ ។ រូបចម្លាក់ទាំងនោះទៀតសោតជារឿយៗគឺមានទំហំធំ និងមានកំពស់រាប់សិបម៉ែត្រ ហើយចំណាយពេលជាច្រើនថ្ងៃដើម្បីបញ្ចប់។

ក្រៅតែពីការដាក់បង្ហាញនូវចម្លាក់ប្រណិតៗលើឆ្នេរខ្សាច់ហើយ អ្វីដែលជាការទាក់ទាញសម្រាប់ពិធីបុណ្យមួយនេះគឺនឹងការប្រគុំតន្រ្តីនិងការសម្តែងនានា ដែលមានការអញ្ជើញចូលរួមពីសិល្បៈករ សិល្បៈការនីមកពីទូទាំងពិភពលោកផងដែរ ដើម្បីញាំងឲ្យបរិយាកាសកាន់តែមានភាពសប្បាយរីករាយ។ បន្ថែមពីនេះ ក៏រួមមាននូវសកម្មភាពសប្បាយៗជាច្រើនទៀតដូចជាការពិព័ណ៌អាហារគ្រប់មុខទាំងម្ហូបប្រពៃណីកូរ៉េនិងម្ហូបអន្តរជាតិ ហាងស្រានិងភេសជ្ជៈ និងការប្រឡងប្រជែងនានាផងដែរ៕

បរទេស៖ ភ្នំភ្លើងខ្ពស់ជាងគេបំផុតមួយរបស់ពិភពលោកនៅអង់តាក់ទិកបានធ្វើឱ្យអ្នកវិទ្យាសាស្ត្រមានការងឿងឆ្ងល់ជាយូរណាស់មកហើយ ដោយសារភ្នំភ្លើងនេះបានបញ្ចេញធូលីមាសដ៏មានតម្លៃ និងឧស្ម័នជាច្រើនប្រភេទជារៀងរាល់ថ្ងៃ នេះបើយោងតាមរបាយការណ៍របស់ New York Post ដែលបានចុះផ្សាយនៅថ្ងៃទី២២ ខែមេសា ឆ្នាំ២០២៤។
ភ្នំភ្លើង Erebus កម្ពស់ ៣,៧៩៤ ម៉ែត្រដែលជាភ្នំភ្លើងសកម្មមួយក្នុងចំណោមភ្នំភ្លើងសកម្មចំនួន ១៣៨ របស់អង់តាក់ទិក ត្រូវបានគេស្គាល់ថាជាភ្នំភ្លើងបញ្ចេញឧស្ម័នដែលមានផ្ទុកមាសគ្រីស្តាល់ប្រហែល ៨០ ក្រាមក្នុងមួយថ្ងៃ មានតម្លៃជិត ៦,០០០ ដុល្លារអាមេរិក។

បើយោងតាមអ្នកជំនាញនៅ New Mexico Institute of Mining and Technology បានពន្យល់ថា មាសអាចមានប្រភពមកពីថ្មភ្នំភ្លើង នៅពេលដែលកម្អែភ្នំភ្លើងកម្ពស់ ៣,៧៩៤ ម៉ែត្របានបញ្ចេញឧស្ម័នក្តៅ ដោយដឹកធូលីមាសចូលទៅក្នុងអាកាស។ ដូច្នេះភ្នំភ្លើង Erebus ត្រូវបានគេគិតថាជាភ្នំភ្លើងសកម្មបំផុតនៅភាគខាងត្បូងរបស់ពិភពលោក។ ទោះជាយ៉ាងណាធូលីមាសនេះគ្រាន់តែជាវត្ថុដ៏មានតម្លៃមួយក្នុងចំណោមវត្ថុជាច្រើនដែលកំពុងត្រូវបានបញ្ចេញចេញពីភ្នំភ្លើង Erebus ។

លោក Conor Bacon អ្នកស្រាវជ្រាវនៅឯ Earth Observatory នៃសកលវិទ្យាល័យ Columbia ក្នុងទីក្រុងញូវយ៉ក បាននិយាយថា “Erebus… បាននិងកំពុងផ្ទុះជាបន្តបន្ទាប់ចាប់តាំងពីឆ្នាំ ១៩៧២ មកម្លេះ” ដោយលោកបានបន្ថែមថា Erebus មានបឹងកម្អែភ្នំភ្លើងមួយនៅលើកំពូលភ្នំរបស់វា។ បឹងកម្អែបែបនេះពិតជាកម្រណាស់ ដោយសារលក្ខខណ្ឌពិសេសចាំបាច់ដើម្បីធានាថាផ្ទៃខាងលើមិនត្រជាក់។

Bacon ប៉ាន់ស្មានថា ការរកឃើញធូលីមាសរបស់ភ្នំភ្លើង Erebus ដែលបានបញ្ចេញជារៀងរាល់ថ្ងៃនៅអង់តាក់ទិក គឺបានប្រើប្រាស់ឧបករណ៍ត្រួតពិនិត្យអចិន្ត្រៃយ៍មួយចំនួនប៉ុណ្ណោះ ដែលភាគច្រើនរួមមានឧបករណ៍វាស់ស្ទង់រញ្ជួយ ដើម្បីរកមើលសកម្មភាពរញ្ជួយដែលទាក់ទងនឹងភ្នំភ្លើង។ ហើយពេលខ្លះទៀត អ្នកស្រាវជ្រាវក៏បានដាក់ពង្រាយបណ្តាញឧបករណ៍យ៉ាងទូលំទូលាយបន្ថែមទៀតដើម្បីធ្វើការសិក្សាឱ្យបានជាក់លាក់ ហើយបានដឹងថាធូលីមាសត្រូវបានគេរកឃើញនៅក្នុងអាកាសជុំវិញតំបន់ភ្នំភ្លើងចម្ងាយប្រហែល ១,០០០ គីឡូម៉ែត្រពីភ្នំ៕