ជាការពិតណាស់ មនុស្សភាគច្រើតែងតែយកកាកកាហ្វេមកដាក់ក្នុងផើមដើម្បីដាំរុក្ខជាតិឱ្យឆាប់លូតលាស់ល្អ។ ដីកាហ្វេបានក្លាយជាជីកំប៉ុសដ៏ពេញនិយមដែលមនុស្សប្រើដើម្បីចិញ្ចឹម រុក្ខជាតិ ព្រោះវាផ្តល់អាសូតដែលចាំបាច់សម្រាប់ការលូតលាស់របស់រុក្ខជាតិភាគច្រើន ប៉ុន្តែមិនមែនរុក្ខជាតិទាំងអស់ទទួលបានអត្ថប្រយោជន៍ពីមាតិកាអាសូតនៃដីកាហ្វេនោះទេ។ នេះមានន័យថាមិនមែនរុក្ខជាតិទាំងអស់សុទ្ធតែចូលចិត្តកាហ្វេទេ ហើយមុននឹងប្រើដីកាហ្វេលើរុក្ខជាតិក្នុងផ្ទះ ឬសួនរបស់អ្នក អ្នកគួរតែប្រាកដថារុក្ខជាតិទាំងនោះស័ក្តិសមសម្រាប់កាហ្វេ ឬអត់? ហើយទាំងនេះគឺជារុក្ខជាតិដែលមិនចូលចិត្តកាហ្វេ ប្រសិនបើអ្នកយកកាកកាហ្វេមកដាក់ក្នុងផើមនឹងបណ្តាលឱ្យងា.ប់។
១.ផ្កាឡាវេនឌឺ៖ គឺជារុក្ខជាតិមួយប្រភេទដែលលូតលាស់យ៉ាងពេញលេញនៅក្នុងដីដែលមានពន្លឺថ្ងៃ ក្តៅ ស្ងួត ដីខ្សាច់ និងមិនមានជាតិអាស៊ីត។ រុក្ខជាតិផ្កាដ៏ស្រស់ស្អាតនេះនឹងមិនទទួលបានអត្ថប្រយោជន៍ពីការបន្ថែមដីកាហ្វេទេ។ ការរីកលូតលាស់ផ្កាឡាវេនឌឺនៅក្នុងដីដែលមានជាតិអាសូតខ្ពស់នឹងរារាំងការលូតលាស់របស់វា។ ប្រសិនបើគេរកឃើញថាដីដែលប្រើសម្រាប់ដាំផ្កាឡាវេនឌ័រមានជាតិអាសូតរបស់កាហ្វេ នឹងធ្វើឱ្យផ្កាវេនឌឺឆាប់ងាប់បំផុត។ 
២.ផ្កាអ័រគីដេ៖ សូមចាំថា កាហ្វេមានផ្ទុកអាសូត ដែលអាចជួយឱ្យរុក្ខជាតិខ្លះលូតលាស់បានល្អ។ ទោះជាយ៉ាងណាក៏ដោយ នេះមិនស័ក្តសមចំពោះផ្កាអ័រគីដេទេ ព្រោះមិនមានសារពាង្គកាយណាដែលអាចបំបែកអាសូតនៅក្នុងកាហ្វេនោះទេ។ ដីកាហ្វេសក្តិសមនិងមានប្រយោជន៍សម្រាប់រុក្ខជាតិដូចជាផ្កាកុលាបប៉ុណ្ណោះ ហើយវាជាមហន្តរាយសម្រាប់ផ្កាអ័រគីដេ ព្រោះកាហ្វេអាចធ្វើឱ្យឫសរលួយ។ នេះគឺដោយសារតែឫសអ័រគីដេមិនអាចស្រូបយកអាសូត ដូច្នេះកុំប្រោះកាកកាហ្វេលើដីដាំផ្កាអ័រគីដេឱ្យសោះ។
៣.ផ្កាលីលី៖ គឺជាដើមផ្កាដ៏ពេញនិយម និងជារុក្ខជាតិទូទៅដែលដាំដុះក្នុងផ្ទះ នោះប្រហែលជាដោយសារតែវាងាយស្រួលដាំដុះ និងមិនត្រូវការថែទាំច្រើនពេកទេ។ ទោះជាយ៉ាងណាការបន្ថែមដីកាហ្វេទៅលើដើមឈើនេះ គឺអាចបង្កគ្រោះថ្នាក់ដល់ដើមឈើ។ នេះក៏ព្រោះតែដើមផ្កាលីលីមិនចូលចិត្តដីអាសូត ទោះបីជាផ្កានេះអាចទទួលបានអត្ថប្រយោជន៍ខ្លះៗពីអាសូតដែលមកជាមួយកាហ្វេក៏ដោយ ក៏ការកើនឡើងសមាមាត្រនៃកម្រិតអាសូតដីអាចបង្កគ្រោះថ្នាក់ដល់រុក្ខជាតិ។
៤.ដើមដំបងយក្ស៖ គឺជារុក្ខជាតិដែលមានបន្លាច្រើន ហើយវាសក្តិសមដាំលើដីវាលខ្សាច់បំផុត។ វាត្រូវការដីដែលបង្ហូរទឹកល្អជាមួយនឹងការលាយបញ្ចូលគ្នានៃសារធាតុសរីរាង្គ និងអសរីរាង្គដែលមានតុល្យភាព ទោះជាយ៉ាងណាដីកាហ្វេអាចផ្លាស់ប្តូរតុល្យភាពនៃល្បាយបានយ៉ាងងាយ ដែលនឹងរារាំងការលូតលាស់របស់ដើមដំបងយក្ស។ 
៥. Rosemary៖ រុក្ខជាតិនេះមិនចូលចិត្តដីអាសូតកាហ្វេទេ ដូច្នេះវាប្រហែលជាមិនមានប្រយោជន៍ទេ នៅពេលបន្ថែមកាកកាហ្វេទៅក្នុងដី ទោះជាយ៉ាងណាក៏ដោយ អ្នកអាចកាត់បន្ថយជាតិអាសូតនៃដីដោយពនលាយជាមួយទឹកមុនពេលស្រោចទឹករុក្ខជាតិ៕
