តារាចម្រៀង ឆន សុវណ្ណារាជ បានពោលសរសើរតារាចម្រៀង ថុល សុភិទិ នៅក្នុងកម្មវិធីប្រគំតន្រ្តីមួយនៅតែចិញ្ចឹមចិត្តស្រលាញ់សមត្ថភាពរបស់ភិទិតាំងពីប្រលងរបស់មកដល់បច្ចុប្បន្នថាពូកែទៅលើការបកសា្រយបទចម្រៀងមានសមត្ថភាពនេះហើយទើប ភិទិ អាចឈានមកដល់បច្ចុប្បន្ននេះបានមានឈ្មោះបោះសំឡេងក្នុងអាជីពសិល្បៈ។

ក្នុងកំឡុងពេលប្រកួតកម្មវិធី Cambodian Idol រដូវកាលទី៤ លោក ឆន សុវណ្ណារាជ គឺជាគណៈកម្មការមួយរូប ខណៈ ថុល សុភិទិ គឺជាបេក្ខជន ប៉ុន្តែពេលនេះអ្នកទាំងពីរបានក្លាយជាសិស្សច្បងនិងសិស្សប្អូនក្នុងអាជីពសិល្បៈហើយថែមទាំងឡើងកម្មវិធីជាមួយគ្នាទៀត។ តាំងពីប្រកួត ឆន សុវណ្ណារាជ គឺជាគណៈកម្មការមួយរូបដែលបានចំហថាលោកគឺអ្នកគាំទ្រម្នាក់របស់ ភិទិ ព្រោះលោកស្រលាញ់ពេញចិត្តចំពោះទឹកដមសំឡេង ភិទិ យ៉ាងខ្លាំង ខណៈថ្មីៗនេះលោក ឆន សុវណ្ណារាជ នៅតែពោលសរសើរ ភិទិមិនដាច់ពីមាត់ដដែល។

ក្នុងកម្មវិធីប្រគំតន្រ្តីមួយ រៀមច្បង ឆន សុវណ្ណារាជ បាននិយាយថាត្រឡប់ទៅពេលវេលានៃការប្រលងថា ភិទិ ជាបេក្ខជនម្នាក់ដែលពូកែវល្លិ៍ រ៉ាប់រងក្នុងបទចម្រៀងហ្នឹង ហើយលោកនិងអ្នកនាង ឱក សុគន្ធកញ្ញាពិតជាស្រលាញ់សមត្ថភាពភិទិ រួមទាំងគណៈកម្មការផ្សេងទៀតដូចគ្នា តែលោកនិង ឱក សុគន្ធកញ្ញា គឺហ្វេនភិទិខ្លាំងតែម្តង។ តារាចម្រៀងរូបនេះបានលើកឡើងទៀតថា សូម្បីតែឥឡូវច្រៀងបទលោកផ្ទាល់ក៏ដោយតែភិទិ នៅតែបន្ថែមភាពឆ្ងាញ់នៅក្នុងបទចម្រៀងហ្នឹង សូម្បតែរូបលោកជាអ្នកចម្រៀងអាជីពវល្លិ៍ពេលខ្លះមិនហ៊ានប្រថុយទេទាល់តែច្បាស់ដូចជា ភិទិ ទើបអាចប្រថុយទៅបាន ដែលជាសមត្ថភាពរបស់ភិទិ ហើយក៏ជាអ្នកលេងភ្លេងម្នាក់ ហើយលោកសរសើរភិទិតាំងពីប្រលងមកដល់ពេលនេះទើប ភិទិ អាចដើរមកដល់ចំណុចដូចរាល់ថ្ងៃនេះបាន។

ថុល សុភិទិ គឺជាតារាចម្រៀងដែលដុះចេញពីកម្មវិធីប្រកួត Cambodian Idol រដូវកាលទី៤ ដែលមានសន្ទុះការគាំទ្រខ្លាំងជាងគេពីសំណាកទស្សនិកជននាប៉ុន្មានរដូវកាលមកនេះ។ តារាចម្រៀងរូបនេះបានក្រសោបភាពល្បីល្បាញមានហ្វេនគាំទ្រច្រើនបន្ទាប់ពីជ្រើសរើសបទរបស់ ម៉ម ពេជ្ជរិទ្ធ មានចំណងជើងថា «មិនអាចឃាត់ទេ« ប្រកួតក្នុងវគ្គ Live Show សប្តាហ៍ទី១។
ទោះបីជាមិនបានជ័យលាភីឯក និងមានរឿងអាស្រូវទាំងអំឡុងពេលប្រកួតនិងក្រោយការប្រកួត ថុល សុភិទិ នៅតែក្តោបប្រជាប្រិយភាពបានតាមរយៈទឹកដមសំឡេងរបស់ខ្លួន។មកទល់ពេលនេះ ថុល សុភិទិ មានបទចម្រៀងផ្ទាល់ខ្លួនដែលមានការគាំទ្រខ្លាំងបទនីមួយៗសុទ្ធតែខ្ទង់លាន៕

ល្អហួស Miss Preteen Junior Idol World 2024 បានបង្ហាញវត្តមានក្នុងកម្មវិធីប្រកួត
Miss Universe Thailand Nonthaburi ជាមួយនឹងសម្រស់ស្អាតនិងមានភាពទាក់ទាញយ៉ាងខ្លាំង។ បវរកញ្ញាវ័យក្មេងរូបនេះពិតជាមិនធម្មតានោះខណៈកម្មវិធីក្រៅស្រុកចាប់អារម្មណ៍អញ្ជើញចូលរួមកាន់តែបោះជំហានទៅមុខជាលំដាប់ដូចជារៀមច្បងក្នុងវិស័យបវរកញ្ញាគឺ ពេជ្រ វត្តីសារ៉ាវឌ្ឍី។

កាលពីរាត្រីថ្ងៃទី៥ ខែឧសភា ឆ្នាំ២០២៤ ក្នុងវគ្គផ្តាច់ព្រ័ត្រការប្រកួត Miss Universe Thailand Nonthaburi ល្អហួស បានចូលរួមជាភ្ញៀវពិសេសក្នុងការប្រកួតនេះរួមជាមួយបវរកញ្ញាវ័យក្មេងម្ចាស់ជ័យលាភីផ្សេងទៀត។ ល្អហួស បានគ្រងឈុតរាត្រីស្រមោលសដ៏ស្រស់ស្អាតជាមួយទឹកមុខញញឹមយ៉ាងស្រស់ស្អាត និងមានភាពទាក់ទាញយ៉ាងខ្លាំង។ នៅក្នុងរូបភាពដែល ល្អហួស បានចែករំលែកនៅលើបណ្តាញសង្គម ល្អហួស ក៏បានឈរជិតបវរកញ្ញា Anntonia Porsild ជា Miss Universe Thailand 2023 និងជា លំដាប់រងទី១ Miss Universe លើកទី៧២ ផងដែរ។

ការចូលរួមរបស់ ល្អហួស ក្នុងកម្មវិធីបវរកញ្ញាក្រៅស្រុកនេះដែរកាន់តែធ្វើឱ្យអ្នកគាំទ្របង្ហាញពីភាពសប្បាយរីករាយជាមួយកេរ្តិ៍ឈ្មោះរបស់នាងជាបវរកញ្ញាវ័យក្មេងដ៏មានសក្កានុពលរបស់ប្រទេសកញ្ញា។ ល្អហួស បានសាងមុខមាត់ជូនប្រទេសជាតិដោយបានឈ្នះមកុដនៅលើឆាកអន្តរជាតិកាលពីកន្លងមកនេះ។
នេះមានន័យថា ល្អហួស បានសាងភាពល្បីល្បាញជាខ្លាំងនៅក្នុងវិស័យបវរកញ្ញាវ័យក្មេង ដែលធ្វើឱ្យកម្មវិធីក្រៅស្រុកពេញចិត្តអញ្ជើញចូលរួមនៅក្នុងកម្មវិធីដូចជារៀមច្បង ពេជ្រ វត្តីសារ៉ាវឌ្ឍី ដែរទៅតាមកម្មវិធីបវរកញ្ញាផ្នែកខុសគ្នា ប៉ុន្តែអ្វីដែលដូចគ្នានោះគឺជាបវរកញ្ញាកម្ពុជាដែលមានឈ្មោះបោះសំឡេងខ្លាំងដូចគ្នា។

គួរបញ្ជាក់ថា ល្អហួស ជាបវរកញ្ញាវ័យក្មេងពោរពេញដោយសមត្ថភាពទាំងព្រម ពូកែសឹងតែគ្រប់ផ្នែក ហើយអ្វីដែលអ្នកគាំទ្ររំពឹងខ្ពស់ក្នុងការដណ្តើមមកុដក្នុងកម្មវិធីធំនោះគឺនៅពេលល្អហួសគ្រប់អាយុ១៨ឆ្នាំរូបនាងនឹងវិលមកប្រកួតបវរកញ្ញាវិញដែលអ្នកគាំទ្ររំពឹងថា ល្អហួស នឹងអាចតំណាងប្រទេសកម្ពុជាចូលប្រកួតដណ្តើមមកុដអន្តរជាតិម្តងទៀត៕

គ្រីស ឌីវ៉ា សិល្បករនិងជាអ្នកច្នៃម៉ូតដែលធ្លាប់បញ្ចេញស្នាដៃជូនតារាចម្រៀង ទេព បូព្រឹក្ស បានប្រកាសបញ្ចប់ទំនាក់ទំនងស្នេហា៨ជាមួយ DJ អេឡិច បន្ទាប់ពីអ្នកទាំងពីរបានពិភាក្សាមួយរយៈពេលធំមក។ ការប្រកាសបញ្ចប់ទំនាក់ទំនងស្នេហាដែលធ្លាប់តែឃើញពីភាពផ្អែមល្ហែមអ្នកទាំងពីរនេះបានធ្វើឱ្យអ្នកគាំទ្រពួកគេសោកស្តាយយ៉ាងខ្លាំងចំពោះដំណឹងបែកបាក់នេះ។ យ៉ាងណា អ្នកទាំងពីរក៏បានប្រកាសថាទោះអ្នកទាំងពីរលែងមានឈ្មោះជាសង្សារក្តី ប៉ុន្តែអ្នកទាំងពីរនៅបន្តរាប់អានគ្នាជាមិត្ត និងជាដៃគូសហការការងារជាមួយគ្នាដដែល។

នៅយប់ថ្ងៃទី៥ ឧសភា គ្រីស ឌីវ៉ា បានប្រកាសយ៉ាងដូច្នេះថា «ជូនចំពោះអ្នកគាំទ្រជាទីគោរព!ខ្ញុំចង់ចែករំលែកព័ត៌មានផ្ទាល់ខ្លួនមួយចំនួនជាមួយអ្នកទាំងអស់គ្នា ។ បន្ទាប់ពីការពិភាក្សាគ្នាមួយរយះធំមកនេះ DJ អេឡិច និងខ្ញុំបានសម្រេចចិត្ត [ ប្រកាសការបញ្ចប់ទំនាក់ទំនងស្នេហា ] រយះពេល ៨ឆ្នាំ របស់យើងទៅកាន់អ្នកគាំទ្រជាទីស្រលាញ់ ។ ចំពោះកាងារ និងការសម្ដែងនានាពួកយើងនៅទទួលធ្វើការជាមួយគ្នាធម្មតា ក្នុងនាមជាដៃគូសហការ»។

គ្រីស ឌីវ៉ា បានបញ្ជាក់ថា ការសម្រេចចិត្តនេះមិនងាយស្រួលនោះទេ អ្នកទាំងទាំងពីរជឿថាវាជាជម្រើសដ៏ល្អបំផុតសម្រាប់ការលូតលាស់ និងសុភមង្គល របស់ពួកគេម្នាក់នឹងបន្តគាំទ្រគ្នាទៅវិញទៅមកក្នុងនាមជាមិត្តភក្តិល្អ និង ដៃគូសហការ។
អ្នកច្នៃម៉ូតបែប fashion រូបនេះរំលេចថា «ខ្ញុំចង់បង្ហាញពីការដឹងគុណដ៏ជ្រាលជ្រៅរបស់ខ្ញុំចំពោះ DJ Alex Matt សម្រាប់ក្ដីស្រឡាញ់ សំណើច និងការបំផុសគំនិតដែលបានចែករំលែកក្នុងអំឡុងពេលយើងទាក់ទងជាមួយគ្នា។ ទំនាក់ទំនងរបស់យើងគឺជាប្រភពនៃកម្លាំង និងការច្នៃប្រឌិត ហើយខ្ញុំពិតជាដឹងគុណជារៀងរហូតចំពោះការចងចាំដែលយើងបានបង្កើត។ ពួកយើងពិតជាមិនអាចមានថ្ងៃនេះបានទេ បើយើងទាំង២មិនបានស្គាល់គ្នា ។ កំឡុងពេលនេះ ខ្ញុំសុំឱ្យអ្នកទាំងអស់គ្នាយល់ និងគោរពចំពោះភាពឯកជនរបស់យើង។ ការគាំទ្ររបស់អ្នកតែងតែមានន័យជ្រាលជ្រៅ ធំធេង ប្រៀបបាននឹងពិភពលោកសម្រាប់ខ្ញុំ ហើយខ្ញុំសង្ឃឹមថាអ្នកទាំងអស់គ្នានឹងបន្តឈរក្បែរពួកយើង និងគាំទ្រពួកយើងជាបន្តទៀត ។
អរគុណសម្រាប់ក្តីស្រលាញ់ និងការលើកទឹកចិត្តដែលមិនផ្លាស់ប្តូររបស់អ្នក។ ដោយក្តីស្រលាញ់ និងការដឹងគុណ គ្រីស ឌីវ៉ា»។

ងាកទៅកាន់ អេឡិច វិញបានបង្ហាញអារម្មណ៍របស់ខ្លួនដែរថា «ការសម្រេចចិត្តមួយនេះគឺយើងទាំងពីរ បានពិភាក្សាគ្នាយ៉ាងច្បាស់ ទើបយើងសំរេចចិត្តរើសផ្លូវមួយនេះ ! ៨ឆ្នាំមកនេះ អនុស្សាវរីទាំងអស់នឹងស្ថិតនៅជាប់បេះដូងបងជារៀងរហូត ។ បងក៏សូមអគុណនូវការតស៊ូជាមួយគ្នា លះបង់ខំប្រឹងជាមួយគ្នាតាំងពីបាតដៃទទេរហូតយើងមានថ្ងៃនេះ
ហើយពួកយើងក៏នៅតែបន្តធ្វើការជាមួយគ្នាដដែល ! សូមអ្នកទាំងអស់គ្នាគោរពការសម្រេចចិត្តមួយនេះ»។

ការបែកបាក់គ្នានេះបានធ្វើឱ្យអ្នកគាំទ្របានបង្ហាញការសោកស្តាយយ៉ាងខ្លាំងចំពោះទំនាក់ទំនងស្នេហាអ្នកទាំងពីរដែលឈានដល់ការប្រកាសចែកផ្លូវគ្នា ខណៈកន្លងមក គ្រីស និងអេឡិច តែងតែបង្ហាញភាពផ្អែមល្ហែមជីវិតគូជាមួយគ្នានិងខិតខំបំពេញការងារជាមួយគ្នា។ ទោះយ៉ាងណាអ្នកគាំទ្រក៏មានភាពរីករាយខ្លះដែរដែលឃើញអ្នកទាំងពីរបញ្ចប់ទំនាក់ទំនងជាមួយគ្នាដោយសន្តិវិធី និងនៅបន្តធ្វើជាមិត្តល្អជាមួយគ្នា៕