កម្មវិធីរបស់អគ្គស្ថានីយវិទ្យុ និង ទូរទស្សន៍មជ្ឈិមចិន(CMG) ដែលមានឈ្មោះថា «Bing Bing You Li Le» ហើយមានវត្តមានព្រះនាងតូចនរោត្តម ជេនណា ធ្វើជាម្ចាស់ផ្ទះបាននាំអ្នកសារព័ត៌មានចិនឈ្មោះថា Wang Bingbing ដើរកម្សាន្តនៅប្រទេសកម្ពុជាផ្សព្វផ្សាយពីតំបន់ទេសចរណ៍កម្ពុជាកំពុងផ្ទុះការចាប់អារម្មណ៍យ៉ាងខ្លាំង។ តាមការបញ្ជាក់របស់ព្រះនាងតូចបានឱ្យដឹងថាវីដេអូផ្សព្វផ្សាយបង្ហោះនៅប្រទេសចិនមានការទស្សនារហូតដល់ទៅ៤០លាននិងជាប់ចំណាត់ថ្នាក់លេខ១៣នៅក្នុងប្រទេសចិន ត្រឹមតែរយៈពេល១ថ្ងៃប៉ុណ្ណោះ។

នៅលើបណ្តាញសង្គមរបស់ព្រះនាង ជេនណា នាល្ងាចថ្ងៃទី៧ ឧសភា បានឱ្យដឹងថា «ខ្ញុំមានសេចក្តីត្រេកអរជាពន់ពេកដែលវីដេអូផ្សព្វផ្សាយអំពីតំបន់ទេសចរណ៍ប្រទេសកម្ពុជាយើង ត្រូវបានបកប្រែជាភាសាខ្មែរ ដែលវីដេអូនេះផងដែរត្រូវបានបកប្រែជាភាសាចិននិងបង្ហោះនៅក្នុងប្រទេសចិន ដោយទទួលបានចំនួនអ្នកទស្សនា ៤០លាននាក់ និងជាប់ចំណាត់ថ្នាក់លេខ១៣នៅក្នុងប្រទេសចិន ត្រឹមតែរយៈពេល១ថ្ងៃ ប៉ុណ្ណោះ។

អ្នកសារព័ត៌មាននៃអគ្គស្ថានីយវិទ្យុ និង ទូរទស្សន៍មជ្ឈិមចិន(CMG) កញ្ញា Wang Bingbing បានទៅស្វែងយល់ពីប្រាសាទអង្គរវត្តរបស់កម្ពុជាដែលមានប្រវត្តិសាស្ត្រជាងប្រាំបីរយឆ្នាំ និង ណាត់ជួបជាមួយព្រះនាងតូច នរោត្ដម ជេនណា Jenna Norodom ។ កម្មវិធីថ្មីរបស់អគ្គស្ថានីយវិទ្យុ និង ទូរទស្សន៍មជ្ឈិមចិន(CMG) គឺកម្មវិធី “Bing Bing You Li Le” ចាប់ផ្ដើមផ្សាយជាផ្លូវការ»។
គួរបញ្ជាក់ផងដែរថា នៅថ្ងៃទី១៣ ដល់ថ្ងៃទី១៦ ខែមេសា គឺក្នុងកំឡុងពេលបុណ្យចូលឆ្នាំប្រពៃណីខ្មែរឆ្នាំ២០២៤ ដោយទទួលបានការអញ្ជើញពីក្រសួងទេសចរណ៍ និង ស្ថានទូតចិនប្រចាំនៅកម្ពុជា អ្នកសារព័ត៌មានចិនខាងលើនេះ រួមទាំងក្រុមការងារបានអញ្ជើញមកទស្សនាប្រទេសកម្ពុជា។ ក្នុងនោះព្រះនាងតូច នរោត្ដម ជេនណា បាននាំកញ្ញា Wang Bingbing ទៅស្គាល់ពីប្រាសាទអង្គរវត្ត ក៏ដូចជាប្រពៃណី ទំនៀមទំលាប់ រួមទាំងកន្លែងសំខាន់ៗស្អាតៗនៅរាជធានីភ្នំពេញផងដែរ៕

តារាចម្រៀង SK ដៃគូដ៏ពិសេសរបស់តារាចម្រៀង STEP បានធ្វើឱ្យសាធារណជនចាប់អារម្មណ៍យ៉ាងខ្លាំងទៅលើសម្រស់របស់នាងនៅលើទឹកដីអង្គរវត្ត។ រូបភាពរបស់ SK ទទួលបានការចូលចិត្តជាង៦ម៉ឺននាក់និងមានការចែករំលែកជាង៩ពាន់នាក់ ក្លាយជារូបភាពដែលទទួលបានការចាប់អារម្មណ៍ច្រើនបំផុតក្នុងចំណោមរូបភាពដែលនាងបង្ហោះនាពេលកន្លងមក។

ស្រីស្អាត SK ដែលមានឈ្មោះពិតថា ទាង រតនៈ គឺជាតារាចម្រៀងមួយរូបហើយបានសាងប្រជាប្រិយភាពតាមរយៈបទចម្រៀង «រក្សាគម្លាត»។ មុននឹងទទួលបានការចាប់អារម្មណ៍ទៅលើវិស័យតន្ត្រី SK គឺជាដៃគូដ៏ល្អម្នាក់របស់តារាចម្រៀង STEP ដែលអ្នកទាំងពីរបានសម្តែងនៅក្នុងរឿងភាគខ្លីជាមួយគ្នានិងទទួលបានការគាំទ្រយ៉ាងច្រើនពីទស្សនិកជន។

ក្រៅពីការច្រៀង និងសម្តែង នៅលើបណ្តាញសង្គមរបស់ SK ក៏មានវីដេអូចែករំលែកទាក់ទងនឹងការស្លៀកពាក់របស់មិត្តៗនារីដូចគ្នាធ្វើយ៉ាងណាឱ្យការតុបតែងខ្លួននោះស័ក្តិសមជាមួយខ្លួន និងធ្វើឱ្យខ្លួនឯងមានភាពលេចធ្លោ រួមទាំងគន្លឹះមួយចំនួនទៀត។ គួបផ្សំជាមួយភាពប៉ិនប្រសប់របស់ខ្លួន SK គឺមានសម្រស់ស្រស់ស្អាតទាក់បេះដូងហ្វេនមិនថាស្រីមិនថាប្រុស។

ថ្មីៗនេះទៀតសោត SK បានបង្ហោះរូបភាពប៉ុន្មានសន្លឹកនៅលើបណ្តាញសង្គមរបស់ខ្លួននៅខេត្តសៀមរាបនៃតំបន់ប្រាសាទអង្គរវត្តបានធ្វើឱ្យមានភាពទាក់ទាញយ៉ាងខ្លាំងពីអ្នកលេងបណ្តាញសង្គម។ រូបភាពរបស់ SK បង្ហោះត្រឹមតែរយៈពេល២ថ្ងៃនៅខេត្តសៀមរាបបានទាញការចូលចិត្តរហូតដល់៦៦០០០នាក់(៦៦K) ចំណែកឯចំនួនការស៊ែររូបភាពនោះកើនដល់៩ ២០០នាក់ (៩.២K)។ រូបភាពដ៏ស្រស់ស្អាតរបស់ SK មិនត្រឹមតែទាក់បេះដូងហ្វេនៗបុរសទេសូម្បីតែហ្វេនៗនារីក៏ឈ្លក់វង្វេងជាមួយសម្រស់នាងដូចគ្នា។

គួរបញ្ជាក់ផងដែរថា រូបភាពដែល SK បង្ហោះកាលពីថ្ងៃទី៥ ឧសភា បញ្ចេញសម្រស់របស់ខ្លួនជាមួយនឹងសម្រស់ប្រាសាទនិងទេសភាពដ៏ត្រជាក់ភ្នែកនេះបានក្លាយជារូបភាពដែលទទួលបានការចាប់អារម្មណ៍ខ្លាំងបំផុតមិនធ្លាប់មានរបស់នាងក្នុងចំណោមរូបភាពដែល SK បង្ហោះកាលពីកន្លងមកនេះ៕

នាដើមខែឧសភា នេះ បវរកញ្ញា ពេជ្រ វត្តីសារ៉ាវឌ្ឍី បានទិញឡានស៊េរីទំនើបជាអំណោយសម្រាប់ខ្លួនឯងតម្លៃជាង៧ម៉ឺនដុល្លារក្រោយពីមមាញឹកជាមួយការងារសិល្បៈមួយប្រាវ។ ឃើញភាពជោគជ័យអាយដលមានបានដូចនេះអ្នកគាំទ្រ ពេជ្រ វត្តីសារ៉ាវឌ្ឍី បានចូលរួមអបអរសាទរនាងយ៉ាងច្រើននិងបានសរសើរពីការខិតខំប្រឹងប្រែងរបស់នាងដូចគ្នា។

កាលពីថ្ងៃទី៧ ឧសភា ផេកផ្លូវការរបស់ Ford Cambodia បានបង្ហោះរូបប៉ុន្មានសន្លឹករបស់ ពេជ្រ វត្តីសារ៉ាវឌ្ឍី ដែលបានជ្រើសរើសរថយន្ត Ford Everest Titanium ខណៈហ្វេនរបស់បវរកញ្ញារូបនេះបានទម្លាយថារថយន្តស៊េរីមានតម្លៃជាង៧ម៉ឺនដុល្លារ។ សមិទ្ធផលដើមខែថ្មីនេះដែរ ហ្វេនៗអ្នកក្នុងចង្កោមសិល្បៈដែលមានទំនាក់ទំនងជាមួយ Miss Grand Cambodia2022 រូបនេះបានចូលរួមអមអរសាទរនាងជាច្រើន។

ចាត់តាំងពីមានប្រជាប្រិយភាពលើឆាកអន្តរជាតិ បវរកញ្ញារូបនេះមានការងារជាហូរហែទាំងក្នុងស្រុក និងក្រៅស្រុក។ ពេជ្រ វត្តីសារ៉ាវឌ្ឍី បានគ្រងតំណែងជាតួឯកក្នុងខ្សែភាពយន្តខ្នាតធំជាមួយតារាសម្តែងប្រុសមីយ៉ាន់ម៉ា និងក្លាយជាទូតសុឆន្ទៈផលិតផលធំៗមានតម្លៃខ្លួនរាប់ម៉ឺនដុល្លារ រួមទាំងការងារតូចធំមួយចំនួនទៀត។
ក្រៅពីទិញឡានថ្មីតម្លៃជាង៧ម៉ឺនដុល្លារនេះហើយ បវរកញ្ញារូបនេះក៏ត្រៀមបើកជំនួញផ្ទាល់ខ្លួនក្រៅពីការងារសិល្បៈដូចគ្នាគឺថ្នាក់បង្រៀនដើរម៉ូត និងផលិតផលសម្រាប់មិត្តៗនារី។

ជាងនេះទៅទៀត ពេជ្រ វត្តីសារ៉ាវឌ្ឍី ក៏ទើបតែទទួលបានតំណែងជាអនុប្រធានប្រតិបត្តិ Miss Grand Cambodia 2024 ដូចគ្នា ដែលអាចបញ្ជាក់បានដែរនាងគឺជាបវរកញ្ញាម្នាក់ដែលលេចធ្លោទាំងការងារសិល្បៈ និងកម្រិតជីវភាពកាន់ខ្ពស់ទៅមុខទៅតាមការខិតខំប្រឹងប្រែងរបស់នាង។

កាលពីកន្លងមកនេះថ្មីៗនេះ ពេជ្រ វត្តីសារ៉ាវឌ្ឍី បានលើកឡើងនៅក្នុងកិច្ចសម្ភាសមួយថា ភាពជោគជ័យតែងតែមានឧបសគ្គ ហើយនាងបានចាត់ទុកឧបសគ្គប្រៀបដូចជាការលេងហ្គេម ការជួបឧបសគ្គនៅថ្ងៃនេះនឹងធ្វើឱ្យមាន ពេជ្រ វត្តីសារ៉ាវឌ្ឍី ថ្មីមួយទៀតនាពេលខាងមុខ៕

តារាចម្រៀង ជី ដេវីត បានបង្ហោះឃ្លាមួយជាភាសាអង់គ្លេសថា «Up where belong»នៅលើគណនីហ្វេកប៊ុកផ្ទាល់ខ្លួនដែលធ្វើឱ្យមានការចាប់អារម្មណ៍យ៉ាងខ្លាំងពីអ្នកគាំទ្រ។ អ្នកខ្លះក៏បង្ហាញការឆ្ងល់មិនដឹងការផុសនេះសម្តៅលើអ្វី ខណៈអ្នកមួយចំនួនបានបង្ហាញថាការផុសរបស់ ជី ដេវីត ចង់សម្តៅទៅលើការបង្ហោះរបស់តារាថៃ Janie Tienphosuwan ដែលមកទស្សនាប្រាសាទអង្គរវត្តហើយបានប្រើឃ្លានេះ។

នៅរសៀលថ្ងៃទី៧ ឧសភា គណនី « Ngoun Chan Davith» បានបង្ហោះថា «Up where belong»ថែមទាំងមានរូប Emoji មួយ ដែលបង្កឱ្យអ្នកមួយចំនួនមានភាពងឿងឆ្ងល់ចំពោះការបង្ហោះរបស់តារាចម្រៀងរូបនេះយ៉ាងខ្លាំង។ យ៉ាងណាមិញ អ្នកគាំទ្រខ្លះក៏បានយល់ចំពោះឃ្លាដែល ជី ដេវីត បង្ហោះផងដែរ ដោយសញ្ញានេះគឺចង់សម្តៅមុខព្រួញតារាថៃ Janie មកទស្សនាប្រាសាទអង្គរវត្ត ដោយបានដាក់បទចម្រៀងនេះរួមទាំងចំណងផងដែរ។

នៅលើបណ្តាញសង្គមរបស់តារាស្រី Janie បានបង្ហោះវីដេអូខ្លីមួយនៅលើបណ្តាញសង្គមរបស់ខ្លួនក្នុងដំណើរកម្សាន្តលើទឹកដីប្រាសាទអង្គរវត្តដោយមានតារាជួរមុខ ស៊ីន យូប៊ីន និង ខាត់ វៃហាំង ជាម្ចាស់ផ្ទះនាំដើរកម្សាន្តលើទឹកដីសៀមរាបនេះ។ ដំបូងឡើយតារាសម្តែងថៃ Janie បានដាក់ខេបសិន វីដេអូរបស់ខ្លួនថា « Up where we belong ជាមួយនឹងអក្សរខ្មែរថា អង្គរវត្ត»។

ជុំវិញការប្រើខេបសិននេះដែរអ្នកលេងបណ្តាញសង្គមកម្ពុជាមួយចំនួនក៏មានប្រតិកម្មដូចគ្នា ខណៈរូបនាងបានផ្លាស់ប្តូរចំណងជើងរបស់ខ្លួនដោយដាក់តែរូប Emoji និងអក្សរខ្មែរ អង្គរវត្ត ដោយដាក់ចម្រៀង Up where belong នៅក្នុងវីដេអូផងដែរ៕