កាលពីថ្ងៃទី៤ ខែកក្កដា ឆ្នាំ២០២៤ នៅក្នុងកិច្ចសម្ភាសន៍ជាមួយនឹងសារព័ត៌មានថៃ តារាសម្តែងប្រុសល្បីឈ្មោះ លោក Nine Naphat រៀបរាប់ស្ទើតែទប់ទឹកភ្នែកមិនជាប់ អំពីរឿងរ៉ាវទំនាក់ទំនងស្នេហារវាងខ្លួននិងតារាស្រី Baifern បានដល់ទីបញ្ចប់ហើយ ព្រោះថាលោកមិនអាចបែកចែកបានរវាងម្តាយនិងមិត្តស្រី។

នៅក្នុងកិច្ចសម្ភាសន៍ លោក Nine បាននិយាយថា «រវាងលោកនិង Baifern គឺពិតជាមិនអាចបន្តទំនាក់ទំនងស្នេហាជាមួយគ្នាទៀតទេ និងរឹតតែមិនអាចបោះជំហានទៅមុខ ប៉ុន្តែពួកយើងនឹងបន្តក្លាយទៅជាមិត្តល្អនឹងគ្នា។ ខ្ញុំមិនចង់ហៅវាថាជាចុងបញ្ចប់នៃទំនាក់ទំនងនេះទេ ព្រោះពួកយើងមិនបានបែកគ្នា គ្រាន់តែពួកយើងដើរថយក្រោយបន្តិចមកក្លាយជាមិត្តនឹងគ្នាដូចដើមវិញ ហើយយើងនូវតែផ្តល់កម្លាំងចិត្តដល់គ្នាទៅវិញទៅមក»។

លោកបន្តទៀតថា «នៅក្នុងរឿងនេះគឺវាប៉ះពាល់ដល់មនុស្សជាទីស្រលាញ់របស់ខ្ញុំទាំង២នាក់ គឺទាំងម្តាយនិង Baifern។ បើនិយាយចំពោះរឿងម្តាយ គឺថាគ្រួសាររបស់លោកមានតែ២នាក់ម្តាយនិងកូនទេ ហើយម្តាយលោកពិតជាយកចិត្តទុកដាក់ចិញ្ចឹមលោកបានយ៉ាងល្អខ្លាំងណាស់។ យើងដូចទៅនឹងគ្រួសារគេធម្មតាដែរ ដែលបញ្ហាខ្លះអាចដោះស្រាយបាន ខ្លះទៀតមិនអាចដោះស្រាយបានជាដើម»។

លោកបានបញ្ជាក់ថា «នៅក្នុងរឿងនេះ មនុស្សទូទៅអាចនឹងផ្តោតលើម្តាយលោក ប៉ុន្តែតាមពិតទៅនៅក្នុងរឿងនេះ គឺគ្មាននរណាម្នាក់ខុសនោះទេ។ ផ្ទុយទៅវិញ មកពីខ្ញុំទេដែលមិនអាចរក្សាទំនាក់ទំនងនេះបាន ក៏ដូចជាបែកចែកពេលវេលាមិនបានល្អ»។

ចំពោះទំនាក់ទំនងលោកជាមួយនឹងកញ្ញា Baifern វិញ លោកថា «ការដែលមានស្នេហាគឺជារឿងដ៏ល្អខ្លាំងណាស់។ Baifern គឺជាមនុស្សស្រីដ៏ល្អបំផុតនៅក្នុងជីវិតខ្ញុំ។ នាងជាមនុស្សស្រីដែលគួរឲ្យស្រលាញ់ កក់ក្តៅ យល់អារម្មណ៍អ្នកដទៃខ្លាំង ជាមនុស្សស្រីដែលមានទេពកោសល្យខ្ពស់។ ខ្ញុំចាត់ទុកថាខ្លួនឯងមានសំណាងណាស់ដែលបានស្គាល់នាង ហើយក៏មិនសោកស្តាយអ្វីទាំងអស់»។

យ៉ាងណាមិញ លោកបានសង្កត់ធ្ងន់ថា«នេះសូមកុំហៅថាផ្តាច់ការទាក់ទងអី ព្រោះយើងនូវតែជាមិត្តល្អនឹងគ្នា និងតែផ្ញើសារលើកទឹកចិត្តគ្នាទៅវិញទៅមក។ ហើយសម្រាប់នៅថ្ងៃមុខ យើងក៏នូវតែអាចបន្តធ្វើជាមួយគ្នាបានធម្មតា គ្រាន់តែរយៈពេលនេះសូមដកឃ្លាបន្តិចសិនប៉ុណ្ណោះ។ ហើយបើនិយាយពីវត្តមានជនទី៣នៅក្នុងរឿងស្នេហាអ្នកទាំង២នេះ ចម្លើយនោះគឺពិតគ្មាននោះទេ។ ទីបញ្ចប់ លោកក៏សូមអរគុណទៅកាន់ឪពុកម្តាយរបស់ Baifern ស្ទើរតែទប់ទឹកភ្នែកមិនជាប់ ព្រោះថាពួកគាត់តែងតែបានផ្តល់នូវសេចក្តីស្រលាញ់ទៅកាន់រូបលោកផងដែរ៕

ប្រទេសឥណ្ឌា ៖ កាលពីថ្ងៃទី២ ខែកក្កដា ឆ្នាំ២០២៤ សារព័ត៌មានបរទេសរាយការណ៍ថា មានហេតុការណ៍គួរឱ្យរន្ធ.ត់ ចិត្តមួយកើតឡើងនៅប្រទេសឥណ្ឌា គឺទឹកបានហូរខ្លាំង និងកួចយកជីវិតគ្រួសារនេះម្តងម្នាក់ៗ បើទោះជាពួកគេព្យាយាមឈរឱបគ្នាខ្លាំងប៉ុនណាក្តី ។

វាធ្វើឱ្យអ្នកឃើញហេតុការណ៍ផ្ទាល់ភ្នែកសោកស្តាយយ៉ាងខ្លាំង ហើយអាជ្ញាធរនិយាយថា ពលរដ្ឋទាំងអស់ពុំគួរទៅដើរលេងនៅតំបន់ទឹកជ្រោះទេ ជាពិសេស ក្នុងរដូវវស្សា ។

គ្រួសារមួយនេះបាននាំគ្នាមកលេងនៅទឹកជ្រោះមួយកន្លែង ប៉ុន្តែពេលពួកគេកំពុងតែសប្បាយរីករាយនោះ ស្រាប់តែមានភ្លៀងធ្លាក់យ៉ាងខ្លាំងបណ្តាលឱ្យទឹកហូរពីតំបន់ព្រៃភ្នំភ្លាមៗ ។ ពេលនោះ ពួកគេរត់ឡើងគោកវិញពុំទាន់ទេ និងបានឈរឱបគ្នានៅកណ្តាលទឹកហូរខ្លាំង បន្តិចក្រោយមក ទឹកក៏បានកួចយកសមាជិកគ្រួសារអស់ចំនួន៥នាក់ ។

ហេតុការណ៍នេះបានកើតឡើងកាលពីថ្ងៃទី៣០ ខែមិថុនា ឆ្នាំ២០២៤ នៅតំបន់ទឹកជ្រោះ Lonavala ស្ថិតនៅក្បែរទំនប់ភូជិ ក្នុងរដ្ឋ Maharashtra ។ អ្នកឃើញហេតុការណ៍រៀបរាប់ថា សាច់ញាតិគ្រួសារនេះដែលធ្វើដំណើរមកពីទីក្រុងនានា បាននាំគ្នាមកលេងនៅតំបន់ទឹកជ្រោះបន្ទាប់ពីពួកគេចូលរួមពិធីអាពាហ៍ពិពាហ៍ ប៉ុន្តែពេលលេងទឹកសុខៗ ស្រាប់តែមានភ្លៀងធ្លាក់ខ្លាំងបណ្តាលឱ្យទឹកហូរពីតំបន់ភ្នំ ។

បន្ទាប់មក ពួកគេក៏ឈរឱបគ្នាយ៉ាងណែន ប៉ុន្តែទឹកបានកួចយកសមាជិកគ្រួសារនេះម្តងម្នាក់ៗ រហូតស្លាប់អស់ចំនួន៥នាក់ ក្នុងនោះមានអាយុ៣៦ឆ្នាំ, ១៣ឆ្នាំ, ៨ឆ្នាំ, ៤ឆ្នាំ និង៩ឆ្នាំ ។ រីឯមនុស្ស៣នាក់ទៀតបានរួចផុតពីគ្រោះថ្នាក់ ក្រោយពីភ្នាក់ងារបានជួយសង្គ្រោះនាពេលបន្ទាប់ ។

នៅថ្ងៃទី១ ខែកក្កដា ឆ្នាំ២០២៤ មានសេចក្តីរាយការណ៍ថា កូនកំលោះ និងកូនក្រមុំ បានរួចផុតពីគ្រោះថ្នាក់នេះក្នុងអំឡុងពេលពួកគេទៅកម្សាន្តនៅតំបន់ទឹកជ្រោះជាមួយសាច់ញាតិ ចំនួន១៩នាក់ ។ អាជ្ញាធរបានសំណូមពរថា សូមពលរដ្ឋទាំងអស់ប្រុងប្រយ័ត្នខ្លួន ជាពិសេស ពេលទៅលេងទឹកជ្រោះនៅរដូវវស្សា ពីព្រោះគ្រោះថ្នាក់ធម្មជាតិអាចកើតឡើងគ្រប់ពេលវេលា ៕

ប្រទេសហ្វីលីពីន ៖ បច្ចុប្បន្ន ការបង្កើតមាតិកាផ្សេងៗក្នុងបណ្តាញសង្គម គឺជាអាជីពមួយអាចរកប្រាក់ចំណូលបានខ្ពស់ រហូតធ្វើឱ្យមនុស្សជាច្រើនងាកមកប្រកបអាជីពនេះ ជាពិសេស ការអង្គុយ Live បរិភោគអាហារច្រើនៗដើម្បីទាក់ទាញចំណាប់អារម្មណ៍ ។ ប៉ុន្តែការ Live បរិភោគអាហារច្រើនហួសកម្រិតបែបនេះ ក៏អាចធ្វើឱ្យប៉ះពាល់ដល់សុខភាព ឬអាយុជីវិតផងដែរ ។

កាលពីថ្ងៃទី៤ ខែកក្កដា ឆ្នាំ២០២៤ សារព័ត៌មានបរទេសរាយការណ៍ថា អ្នកបង្កើតមាតិកាដ៏ល្បីល្បាញម្នាក់នៅប្រទេសហ្វីលីពីន បានស្លាប់បាត់បង់ជីវិតភ្លាមៗ ក្រោយពេលរូបគេអង្គុយ Live បរិភោគសាច់មាន់យ៉ាងច្រើនក្នុងបណ្តាញសង្គម ។

លោក Dongz Apatan និងមានឈ្មោះពិតថា Manoy Apatan អាយុ៣៨ឆ្នាំ តែងតែអង្គុយ Live បរិភោគអាហារច្រើនហួសកម្រិតក្នុងបណ្តាញសង្គមជាញឹកញាប់ ដូចជា ៖ ត្រី, សាច់ជ្រូក និងសាច់មាន់ ដើម្បីរកប្រាក់ចំណូលពីបណ្តាញសង្គម ដែលមនុស្សទូទៅពុំអាចបរិភោគច្រើនដូចលោក ។ រីឯហ្វេសប៊ុករបស់លោក មានអ្នកតាមដានចំនួន៤៥ម៉ឺន៧ពាន់នាក់ ។

កាលពីថ្ងៃទី១៣ ខែមិថុនា ឆ្នាំ២០២៤ លោកបាន Live វីដេអូចុងក្រោយបង្អស់របស់ខ្លួនពេលកំពុងអង្គុយបរិភោគសាច់មាន់យ៉ាងច្រើនជាមួយបាយ ។ ប៉ុន្តែនៅថ្ងៃបន្ទាប់មក ស្រាប់តែប្អូនស្រីរបស់លោក ឈ្មោះ Leah Apatan បានសរសេរក្នុងបណ្តាញសង្គមថា «បងប្រុសស្លាប់ហើយ» ។ នាងបញ្ជាក់ថា ក្រោយពីបងប្រុសអង្គុយ Live បរិភោគសាច់មាន់រួចមក ស្រាប់តែកើតអាការៈគាំងបេះដូង ហើយក្រុមគ្រួសារក៏បានបញ្ជូនបងប្រុសទៅមន្ទីរពេទ្យភ្លាមៗ ។

បន្ទាប់ពីប្អូនស្រីបង្ហោះថា បងប្រុសរបស់ខ្លួនស្លាប់រួចមក វាធ្វើឱ្យមហាជនបង្ហាញការសោកស្តាយ និងចូលរួមរំលែកទុក្ខ ។ ប៉ុន្តែពលរដ្ឋហ្វីលីពីនមួយចំនួននិយាយថា មូលហេតុនៃការស្លាប់នេះ គឺអាចបណ្តាលមកពីលោក Dongz Apatan បរិភោគអាហារច្រើនជ្រុលពេក ហើយលោកគួរតែបរិភោគក្នុងបរិមាណសមល្មម ។

ប៉ុន្តែប្អូនស្រីរបស់លោក Dongz Apatan និយាយថា ការ Live វីដេអូបរិភោគអាហារច្រើនៗ គឺបងប្រុសបរិភោគពុំអស់គ្រប់ចានទេ ។ សូមកុំគិតថា បងប្រុសជាតួកំប្លែង ពីព្រោះប្រាក់ចំណូលទទួលបានពីបណ្តាញសង្គម គឺបងប្រុសយកទៅជួយអ្នកដទៃ ។

ចំណែកគ្រូពេទ្យនិយាយថា ការស្លាប់របស់អ្នកបង្កើតមាតិការូបនេះ គឺបណ្តាលមកពីការដាច់សរសៃឈាមខួរក្បាល និងមានកំណកឈាមក្នុងខួរក្បាល ខណៈសម្ពាធឈាមកើនឡើង ។ គ្រូពេទ្យបន្តថា វាកើតឡើងដោយសារការបរិភោគសាច់សត្វ និងអាហារមានរសជាតិប្រៃញឹកញាប់ ៕

សហរដ្ឋអាមេរិក ៖ LiveOn NY ជាអង្គការមិនស្វែងរកប្រាក់ចំណេញរបស់អាមេរិកលើកឡើងថា ចំនួនមនុស្សចាស់នៅលីវមានអាយុចាប់ពី៦៥ឆ្នាំឡើង នៅទីក្រុងញូវយ៉ក សហរដ្ឋអាមេរិក បានកើនឡើងជាងទ្វេដង ចាប់ពីឆ្នាំ២០១៤ ដល់ឆ្នាំ២០២២ ។ ចំនួននេះបានកើនឡើងខ្ពស់ជាង៣ដង បើធៀបនឹងចំនួនមនុស្សចាស់នៅលីវអាយុតិចជាង៦៥ឆ្នាំ ។

របាយការណ៍បញ្ជាក់ថា មនុស្សចាស់នៅលីវមានអាយុចាប់ពី៦៥ឆ្នាំឡើង ស្មើប្រមាណ១.៧០០នាក់ បានរស់នៅក្នុងជម្រកមនុស្សចាស់នៅលីវ ដែលជម្រកនេះទទួលយកមនុស្សចាស់គ្មានផ្ទះសម្បែងជាច្រើនមកស្នាក់នៅ ។ ចំនួននេះបានកើនឡើងពីចំនួន៧០០នាក់កាលពី៨ឆ្នាំមុន ហើយមនុស្សចាស់ស្នាក់នៅក្នុងជម្រក ដែលមានអាយុ៦៥ឆ្នាំឡើង បានកើនឡើងពី៥% ទៅ៨% ។

ពលរដ្ឋនៅទីក្រុងញូវយ៉ក ប្រមាណ ៣១៥.០០០នាក់ បានរង់ចាំរស់នៅក្នុងអាផាតមិន តម្លៃសមរម្យដែលសាងសង់ដោយអាជ្ញាធរ ហើយអាផាតមិននេះ ក៏បម្រុងទុកសម្រាប់ពលរដ្ឋមានអាយុចាប់ពី៦២ឆ្នាំឡើងផងដែរ ។ វាបានកើនឡើងពីចំនួន២៣០.០០០នាក់នៅឆ្នាំ២០១៦ ហើយរយៈពេលរង់ចាំស្នាក់នៅ គឺ៦ឆ្នាំ ប៉ុន្តែការស្នាក់នៅអាផាតមិន មួយចំនួនអាចរង់ចាំយូរជាងនេះ ។

កាលពីថ្ងៃទី២៧ ខែមិថុនា ឆ្នាំ២០២៤ ការិយាល័យសេវាសង្គមនៅទីក្រុងញូវយ៉ក បង្ហាញថា កាលពីចុងខែមេសា ឆ្នាំ២០២៤ មនុស្សចាស់នៅលីវ អាយុ៦៥ឆ្នាំឡើង ប្រមាណ៦៥០នាក់ បានប្តូរទីលំនៅចេញពីជម្រកមនុស្សចាស់ ទៅរស់នៅក្នុងលំនៅឋានអចិន្ត្រៃយ៍ក្រោមការផ្តល់ប្រាក់ឧបត្ថម្ភ ។ ចំនួនប្តូរទីលំនៅចេញពីជម្រកមនុស្សចាស់នេះ គឺជាចំនួនខ្ពស់មួយ បើគិតចាប់ពីឆ្នាំ២០១៩ ។

របាយការណ៍របស់អង្គការ LiveOn NY បញ្ជាក់ថា ចំនួនមនុស្សចាស់នៅទីក្រុងញូវយ៉កកើនឡើងភាគច្រើន គឺជាអ្នកគ្មានការងារធ្វើ, អ្នកជំងឺគ្មានធានារ៉ាប់រងសុខភាព ឬគ្មានផ្ទះសម្បែងរស់នៅ ។ របាយការណ៍នេះបានផ្អែកលើទិន្នន័យការស្រាវជ្រាវរបស់ក្រុមភ្នាក់ងារគ្មានផ្ទះសម្បែង ព្រមទាំងលទ្ធផលការស្ទង់មតិផ្នែកគ្រប់គ្រងអចលនទ្រព្យ ៕

សម្រាប់ភ្ញៀវទេសចរដែលមានបំណងទៅកំសាន្តនៅក្រៅប្រទេស ហាមដាច់ខាតកុំទៅទស្សនាប្រទេសទាំង ៥ នេះឱ្យសោះ បើពុំដូច្នេះទេអ្នកអាចនឹងមានគ្រោះថ្នាក់។ ជាការពិតណាស់ប្រទេសទាំងនេះបានជាប់ឈ្មោះ ជាប្រទេសដ៏គ្រោះថ្នាក់បំផុតក្នុងពិភពលោក ដោយសារបច្ចុប្បន្នកំពុងមានអស្ថិរភាពនយោបាយ និងសង្គមជាច្រើន រួមទាំងមានហានិភ័យនៃអំពើភេរវកម្មទៀតផង។ នេះបើយោងតាមការចុះផ្សាយរបស់ International SOS ដែលជាក្រុមហ៊ុនឯកទេសផ្នែកសុខភាព និងសន្តិសុខ បានបង្ហាញថា ប្រទេសទាំង ៥ នេះគឺគ្រោះថ្នាក់បំផុតក្នុងឆ្នាំ ២០២៤ ដែលភ្ញៀវទេសចរគួរចៀសវាង។

១.ប្រទេសស៊ូដង់ខាងត្បូង
២.ប្រទេសអាហ្វហ្គានីស្ថាន
៣.ប្រទេសស៊ីរី
៤.ប្រទេសលីប៊ី
៥.ប្រទេសសូម៉ាលី។

ចំណាត់ថ្នាក់នេះគឺផ្អែកលើសូចនាករគ្រោះថ្នាក់សំខាន់ពីរនៃសុខភាព និងសន្តិសុខ ដោយបន្ថែមពីលើសុខភាពផ្លូវចិត្ត និងការប្រែប្រួលអាកាសធាតុ។ ដូច្នេះសន្ទស្សន៍មាន ៥ កម្រិ ពីទាបទៅខ្ពស់ ដែលកម្រិតទាបបំផុតនៃសន្ទស្សន៍បង្ហាញពីប្រទេសដែលមានសេវាថែទាំសុខភាពប្រកបដោយគុណភាពទូទាំងទឹកដីរបស់ខ្លួន ជាមួយនឹងហានិភ័យទាបនៃជំងឺឆ្លង។

រីឯនៅកម្រិតខ្ពស់បំផុតវិញ ប្រទេសនេះត្រូវបានគេវាយតម្លៃថា “ការថែទាំសុខភាពគឺស្ទើរតែមិនមាន ឬបង់ពន្ធលើសកម្រិត ឱសថតាមវេជ្ជបញ្ជាគ្មានគុណភាព អាហារកខ្វក់ និងការឆ្លងមេរោគតាមទឹកជាដើម។ លើសពីនេះកម្រិតខ្ពស់បំផុតក៏ជាប្រទេសដែលខ្វះការគ្រប់គ្រងរបស់រដ្ឋាភិបាល ជាមួយនឹងច្បាប់ និងសណ្តាប់ធ្នាប់តិចតួចបំផុត ឬមិនមាននៅលើតំបន់ធំមួយ ក៏ដូចជាមានការគំរាមកំហែងវាយប្រហារពីក្រុមប្រដាប់អាវុធដែលសំដៅលើជនបរទេសផងដែរ។

ទោះជាយ៉ាងណាក៏ដោយ ក្រៅពីប្រទេសដែលគ្រោះថ្នាក់បំផុតលើលោក ក៏មានប្រទេសដែលមានសុវត្ថិភាពបំផុតចំនួន ៥ ផងដែរដូចជា៖
១.ប្រទេសអ៊ីស្លង់
២.ប្រទេសលុចសំបួ
៣.ប្រទេសន័រវេស
៤.ប្រទេសស្វីស
៥.ប្រទេសដាណឺម៉ាក៕