គេចាំបានថា កាលពីឆ្នាំ២០២១ Dispatch បានធ្វើឱ្យអ្នកគាំទ្រអាស៊ីទាំងមូលភ្ញាក់ផ្អើលដោយរាយការណ៍ថា Jennie កំពុងមានស្នេហាជាមួយ G-Dragon ប៉ុន្តែទំនាក់ទំនងនៃពាក្យចចាមអារ៉ាមនេះបានស្ងត់ទៅវិញ។ ទោះយ៉ាងណា ការរំពឹងទុក Jennie និង G-Dragon មានទំនាក់ទំនងឡើងវិញបានលេចឡើងម្តងទៀតបន្ទាប់ពីលេចសញ្ញាជាច្រើនដែលអ្នកទាំងពីរមានដូចគ្នាជាហេតុបានធ្វើឱ្យប្រព័ន្ធផ្សព្វផ្សាយសង្គមផ្ទុះឡើងម្តងទៀត។

ចាប់តាំងពីខែសីហា ឆ្នាំ២០២៣ Jennie និង G-Dragon ត្រូវបានគេប្រទះឃើញម្តងហើយម្តងទៀតពាក់ចិញ្ចៀនដែលស្រដៀងគ្នា។ កាលពីខែមុន សមាជិកក្រុម BLACKPINK រូបនេះបានចូលរួមព្រឹត្តិការណ៍ផ្សព្វផ្សាយអាល់ប៊ុមថ្មីរបស់ Billie Eilish ខណៈដែល G-Dragon បានលេចធ្លោនៅក្នុងកម្មវិធីជជែកអំពីបច្ចេកវិទ្យាដែលរៀបចំដោយវិទ្យាស្ថានវិទ្យាសាស្ត្រ និងបច្ចេកវិទ្យាកម្រិតខ្ពស់របស់ប្រទេសកូរ៉េ។ អ្វីដែលគួរឱ្យកត់សម្គាល់នោះ គេឃើញតារាKpopល្បីទាំងពីរពាក់ចិញ្ចៀនដូចគ្នា។ កាលពីដើមឆ្នាំនេះ Jennie និង G-Dragon បានគ្របដណ្ដប់លើបណ្ដាញសង្គមពេលគេឃើញពាក់ចិញ្ចៀនដែលស្រដៀងគ្នា។

Jennie និងមេក្រុម BIGBANG ត្រូវបានគេឃើញពាក់ចិញ្ចៀនដែលត្រូវគ្នាក្នុងឆ្នាំ ២០២៣។ Jennie ត្រូវបានគេរាយការណ៍ថាបានបង្ហោះរូបភាពនេះកាលពីខែសីហា ឆ្នាំ២០២៣។ ទន្ទឹមនឹងនេះ រូបថតរបស់ G-Dragon ត្រូវបានថតនៅពេលដែលលោកបានបង្ហាញខ្លួននៅចំពោះមុខប៉ូលិសជុំវិញការចោទប្រកាន់ពីបទប្រើប្រាស់គ្រឿងញៀនក្នុងខែវិច្ឆិកា ឆ្នាំ២០២៣។

លើសពីនេះទៅទៀតវីដេអូ Vlog នៅលើឆាណែល YouTube របស់ Jennie កាលពីខែកុម្ភៈមនុស្សជាច្រើនបានកត់សម្គាល់ឃើញថា ក្រមាដែល Jennie ពាក់ក្នុង Vlog គឺស្រដៀងទៅនឹង G-Dragon ពាក់ក្នុងពិធីជប់លៀងជាមួយតារាល្បីៗមួយចំនួនកាលពីដើមឆ្នាំនេះ។ ថ្មីៗនេះ G-Dragon បានចុច Like នៅលើរូបថត និងវីដេអូជាច្រើនរបស់ Jennie ។

កាលពីដើមឆ្នាំនេះ G-Dragon បានចុច Likeការបង្ហោះអំពីការបង្ហាញខ្លួនរបស់ Jennie នៅក្នុងកម្មវិធីជជែករបស់រៀមច្បង Lee Hyori ។ លោកក៏បានបង្ហាញពីការគាំទ្រសម្រាប់ Jennie ដោយចុច Like រូបថតនាងនៅពេលដែលប្រកាសបង្កើតទីភ្នាក់ងារផ្ទាល់ខ្លួនរបស់នាង ODDATELIER ក្នុងខែធ្នូ ឆ្នាំ ២០២៣។ លើសពីនេះ អ្នកគ្រប់គ្រងរបស់ Jennie បានកាន់កាបូបម៉ាកយីហោសម្រាប់ Jennie នៅពេលដែលនាងមកដល់អាកាសយានដ្ឋានអន្តរជាតិដើម្បីចាកចេញទៅ Paris Fashion Week ។ ការពិតដែលថា G-Dragon បានបង្ហាញកាបូបស្រដៀងគ្នានៅលើ Instagram Story របស់លោកបានធ្វើឱ្យអ្នកនិយមលេងអ៊ីនធឺណិតជាច្រើនជឿថា G-Dragon បានឱ្យវាទៅ Jennie ជាអំណោយ។

នៅក្នុងសហគមន៍អនឡាញ អ្នកនិយមលេងអ៊ីនធឺណិតកំពុងពិភាក្សាថាតើ Jennie និង G-Dragon បានជួបជុំគ្នាឡើងវិញឬអត់។ អ្នកខ្លះជឿថា កំពូលតារាទាំងពីរបានចាប់ដៃគ្នាឡើងវិញ ខណៈមនុស្សជាច្រើនប្រកែកថា តម្រុយទាំងនោះគ្រាន់តែជាការចៃដន្យប៉ុណ្ណោះ។ ទាំង Jennie និង G-Dragon មិនទាន់បញ្ចេញមុខតំណែងទាក់ទងនឹងពាក្យចចាមអារ៉ាមស្នេហារបស់ពួកគេនៅឡើយទេ។ ក្រៅពី G-Dragon Jennie ក៏មានពាក្យចចាមអារ៉ាមថាមានទំនាក់ទំនងស្នេហាជាមួយនឹង V សមាជិក BTS និង Kai សមាជិកក្រុម EXO ។ ចំណែក G-Dragon បានធ្វើឱ្យមានព័ត៌មានចចាមអារ៉ាមទាក់ទងនឹងតារាស្រីជាច្រើនផងដែរ៕

កាលពីពេលថ្មីៗនេះតារាចម្រៀងចិន Huang Zitao ជាអតីតសមាជិក EXO បានធ្វើឱ្យអ្នកគាំទ្រចាប់អារម្មណ៍បន្ទាប់ពីលោកបានបើកចំហរស្នេហាជាសាធារណៈជាមួយតារាចម្រៀង Xu Yiyang អតីតសក្ខាកាមរបស់ផលិតកម្ម SM ។ ជាមួយគ្នានេះជីវិតជាអ្នកមានរបស់តារាចម្រៀងរូបនេះក៏បានជីកកកាយឡើងវិញ ខណៈលោកជាកូនអ្នកមានលាក់មុខកាលពីក្មេង ឪពុករបស់លោកមិនបានប្រាប់ថាជាអ្នកមានឡើយ។ បច្ចុប្បន្ននេះ Huang Zitao គឺជាអ្នកសិល្បៈមានម្នាក់ប្រចាំប្រទេសចិនគ្រាន់តែថ្លៃមើលថែយន្តហោះឯកជនរបស់លោកមួយចំណាយជាង២លានដុល្លារក្នុងមួយឆ្នាំៗ។

កាលពីថ្ងៃទី១៤ ខែកក្កដា Huang Zitao បានទាក់ទាញការចាប់អារម្មណ៍នៅពេលដែលលោកបានប្រកាសពីទំនាក់ទំនងស្នេហាជាមួយតារាចម្រៀង Xu Yiyang ជាសាធារណៈដោយបង្ហាញពីរឿងរ៉ាវស្នេហារបស់ខ្លួនជាលើកដំបូងបន្ទាប់ពីរយៈពេល ១២ឆ្នាំនៅក្នុងឧស្សាហកម្មកម្សាន្ត។ បច្ចុប្បន្ន Huang Zitao គឺជានាយកប្រតិបត្តិនៃ L.TAO Entertainment ហើយគូស្នេហ៍លោកគឺជាតារាចម្រៀងក្រោមការគ្រប់គ្រងរបស់ក្រុមហ៊ុនខ្លួន។ ទស្សនិកជនជាច្រើនបានយកចិត្តទុកដាក់ចំពោះ L.TAO Entertainment ក៏ដូចជាដំណើររបស់ Huang Zitao ពីសិក្ខាកាមក្លាយជាម្ចាស់ក្រុមហ៊ុនកម្សាន្ត និងទ្រព្យសម្បត្តិរបស់តារាចម្រៀងរូបនេះផងដែរ។
L.TAO ត្រូវបានបង្កើតឡើងដោយឪពុករបស់ Huang Zitao គឺលោក Huang Zhong Dong ក្នុងឆ្នាំ ២០១៨ ។ ឪពុកតារាចម្រៀងចិនរូបនេះបានទទួលមរណភាពនៅឆ្នាំ២០២០ ដោយសារជំងឺក្នុងវ័យ៥២ឆ្នាំ។ មុនពេលលោកចែកឋានលោក Huang Zhong Dong បានលាតត្រដាងនៅក្នុង ទស្សនាវដ្តីមួយអំពីរឿងរ៉ាវរបស់ខ្លួនអំពីការក្លាយជាអ្នកមាន និងរបៀបអប់រំកូនរបស់លោក។ អ្នកជំនួញរូបនេះ មុនពេលចូលប្រឡូកក្នុងឧស្សាហកម្មកម្សាន្ត លោកបានសាងសង់ក្រុមហ៊ុនមួយដែលមានតម្លៃជាង ២០ពាន់លានយន់ (ប្រមាណ២.៧. ពាន់លានដុល្លារ) និងកាន់កាប់ភាគហ៊ុនជាង ២០% នៅក្នុងក្រុមហ៊ុននេះ។ លើសពីនេះ គ្រួសាររបស់លោក Huang Zhong Dong មានអចលនទ្រព្យជាច្រើន។ប៉ុន្តែកាលពី Huang Zitao នៅក្មេងលោកតែងតែប្រាប់កូនប្រុសថា៖ «គ្រួសារយើងក្រ»។ នៅពេលដែល ZiTao រៀននៅសាលាបឋមសិក្សា រៀងរាល់សប្តាហ៍លោកបានឱ្យកូនរបស់ខ្លួននូវទឹកប្រាក់មួយយន់ប៉ុណ្ណោះ ខណៈដែលមិត្តភ័ក្តិរបស់ZiTao ទទួលបានពីឪពុកម្តាយរបស់ពួកគេរាប់សិបទៅ១០០ យន់មាននៅក្នុងហោប៉ៅ។ ដូច្នេះហើយ គំនិតនៃ “គ្រួសារក្រីក្រ” បានដក់ជាប់ក្នុងចិត្តរបស់ Huang Zitao ។

ដោយមានបំណងចង់ជួយឪពុកម្តាយ កាលនៅក្មេងតារាប្រុសរូបនេះបានសុំចែកខិត្តប័ណ្ណនៅតាមផ្លូវ និងមជ្ឈមណ្ឌលលក់ទំនិញ។ លោក Huang Zhong Dong ធ្លាប់អង្គុយក្នុងរថយន្តយំពេលឃើញកូនរត់លើផ្លូវក្នុងអាកាសធាតុត្រជាក់ ខណៈកូនប្រុសរបស់ខ្លួនធ្លាប់ត្រូវបានមិត្តភ័ក្តិចំអកថាជាមនុស្សក្រីក្រ។ ក្រោយមកទៀតតារាចម្រៀងរូបនេះទើបដឹងថាខ្លួនឯងជាកូនអ្នកមានដែលធ្វើឱ្យលោកមានការភ្ញាក់ផ្អើលយ៉ាងខ្លាំង។ ការកុហកថាក្រីក្រធ្វើឱ្យ Huang Zitao ធ្វើការតាំងពីក្មេង ធំឡើងដោយឯករាជ្យ និងឧស្សាហ៍ព្យាយាម។

ក្នុងឆ្នាំ ២០១០ លោក Zitao បានធ្វើជាអ្នកហ្វឹកហាត់នៅក្រុមហ៊ុន SM Entertainment ចាប់ពីម៉ោង ៨ ព្រឹកដល់ម៉ោង ២ទៀបភ្លឺជារៀងរាល់ថ្ងៃ។ ក្នុងឆ្នាំ ២០១២ លោកបានបង្ហាញខ្លួនជាលើកដំបូងជាមួយក្រុម EXO ។
ចាប់តាំងពីឆ្នាំ ២០១៥ Huang Zitao បានចាកចេញពីផលិតកម្ម SM ដោយភាគច្រើនទៅធ្វើការនៅប្រទេសចិនក្នុងវិស័យតន្ត្រី ភាពយន្ត និងម៉ូត។ ក្រៅពីការច្រៀង លោកតែងបទចម្រៀង និងដើរតួជាផលិតករសម្រាប់ការងាររបស់លោក។ Zi Tao ក៏បានធ្វើការជាផលិតករសម្រាប់កម្មវិធីនៅប្រទេសចិនជាច្រើនផងដែរ។ អតីតសមាជិក EXO រូបនេះក៏ធ្លាប់បានសម្តែងក្នុងខ្សែភាពយន្តមួយចំនួនផងដែរ។
ឪពុករបស់តារាចម្រៀងរូបនេះ បានទុកទ្រព្យសម្បត្តិភាគច្រើនរបស់ខ្លួនទៅឱ្យ Zi Tao ដោយសារតែលោកជាកូនទោល។ ទោះជាយ៉ាងណា លោកនៅតែបោះបង់ការងារដោយសង្ឃឹមថាទស្សនិកជននឹងស្រលាញ់តន្ត្រីរបស់លោក។ ក្នុងឆ្នាំ ២០១៨ តារាចម្រៀងរូបនេះធ្លាប់បានបង្ហើបអំពីសម្ពាធការងារដែលជំរុញឱ្យពេលខ្លះមានអារម្មណ៍ ថប់បារម្ភ និងមិនសប្បាយចិត្ត។

បន្ទាប់ពីឪពុកទទួលមរណភាព Zi Tao បានចំណាយពេលវេលាបន្ថែមទៀតនៅក្នុងការងាររបស់ខ្លួននៅ L.TAO Entertainment ហើយចាប់តាំងពីពេលនោះមក លោកកម្របានសម្តែងក្នុងខ្សែភាពយន្តណាស់។ យោងតាម Zaobao តារាចម្រៀងរូបនេះជាម្ចាស់យន្តហោះឯកជនមួយ ហើយការចំណាយលើការថែទាំយន្តហោះក្នុងមួយឆ្នាំៗគឺយ៉ាងហោចណាស់ ១៧ លានយន់ (ប្រហែល២.៣លានដុល្លារ)។ តារាចម្រៀងនិងជាម្ចាស់ក្រុមហ៊ុនរូបនេះជាអ្នកលេងនាឡិកាប្រណីត និងរថយន្តទំនើបដ៏ល្បីមួយរូបនៅប្រទេសចិន៕

អស់រយៈពេលជិត២សប្តាហ៍ហើយចាប់តាំងពីផ្ទុះការចោទប្រកាន់ទៅលើ Lisa សមាជិកក្រុម BLACKPINK លួចចម្លងប្លង់ថត MV របស់ Travis Scott បន្ទាប់ពីអ្នកថតវីដេអូម្នាក់ចេញមកបង្ហោះនៅលើបណ្តាញសង្គមខណៈដែល Lisa រក្សាភាពស្ងៀមស្ងាត់ចំពោះការចោទប្រកាន់នេះ។ ការស្ងប់ស្ងាត់របស់ Lisa ធ្វើឱ្យមានការលើកឡើងថានាងហាក់ដើរតាមគន្លងរបស់ផលិតកម្ម YG រាល់ពេលមានភាពចម្រូងចម្រាសផ្សេងៗតែងលើកឡើងដោយខ្លីឬជួនកាលមិននិយាយអ្វីទាំងអស់។

Lisa សមាជិកក្រុម BLACKPINK បានចែករំលែករូបថតជាច្រើនសន្លឹកនៅលើ Instagram កាលពីថ្ងៃទី១៥ ខែកក្កដា រួមជាមួយនឹងចំណងជើងថា «សូមថ្លែងអំណរគុណយ៉ាងជ្រាលជ្រៅចំពោះអ្នកគ្រប់គ្នាដែលបានចូលរួមក្នុងព្រឹត្តិការណ៍ Rockstar pop-up កាលពីចុងសប្តាហ៍មុននៅទីក្រុងសេអ៊ូល។ ខ្ញុំមានអារម្មណ៍ស្រលាញ់ពីអ្នករាល់គ្នាជានិច្ច ហើយក៏អរគុណចំពោះការគាំទ្រ។ ខ្ញុំមិនអាចរង់ចាំបង្ហាញអ្នកបន្ថែមទៀតទេ»។ ក្នុងរូបថតដែលនាងបានបង្ហោះ Lisa បានបង្អួតរាងស្លីមរបស់នាងក្នុងឈុតដ៏ឡូយ ដែលមានអាវធំពណ៌ស និងខោពណ៌ខ្មៅ។

ការបង្ហោះរបស់ Lisa គឺជាលើកដំបូងបន្ទាប់ពីមានការបង្ហោះចោទប្រកាន់លួចប្លង់ថតរបស់តារាចម្រៀងផ្សេង។ ភាពចម្រូងចម្រាសនៃការលួចចម្លងជុំវិញវីដេអូចម្រៀង «Rockstar» របស់ Lisa បានផ្ទុះឡើង។ ជាពិសេស អ្នកថតរូប និងអ្នកដឹកនាំវីដេអូ Gabriel Moses បានអះអាងនៅលើគណនីផ្ទាល់ខ្លួនរបស់ខ្លួនថា MV “Rockstar” របស់ Lisa ដែលបានចេញផ្សាយនៅថ្ងៃទី២៨ ខែមិថុនា បានលួចចម្លងវីដេអូចម្រៀងរបស់ Travis Scott ក្នុងMV «FE!N» ដែលបានចេញមុនជិត៣ខែមុនពេល Lisa ទម្លាក់។
Moses បានទាមទារការពន្យល់ពីក្រុមរបស់ Lisa នៅចុងខែនេះ។ ទោះជាយ៉ាងណា ភាគីរបស់ Lisa នៅស្ងៀម។ នេះមិនមែនជាលើកទីមួយទេដែល Lisa បដិសេធមិនបញ្ចេញមតិលើរឿងចម្រូងចម្រាសបែបនេះ។ នាងក៏បានរក្សាភាពស្ងៀមស្ងាត់ផងដែរ អំឡុងពេលមានការចោទប្រកាន់ពីមុនអំពីការលួចចម្លង ពាក់ព័ន្ធនឹងឈុតវីដេអូចម្រៀងរបស់នាង។

ការប្រាស្រ័យទាក់ទងជ្រើសរើសនេះបានក្លាយជាសញ្ញាសម្គាល់របស់ YG ជាយូរមកហើយ។ ក្រៅពីការចែករំលែកគោលជំហរដែលពួកគេចង់បាន YG ជាធម្មតាឆ្លើយតបនឹងបញ្ហាផ្សេងទៀតដោយ «មិនអាចបញ្ជាក់បានដោយសារតែភាពឯកជនរបស់សិល្បករ» ឬ «គ្មានការអធិប្បាយ»។ Lisa ហាក់ដូចជាកំពុងបន្តដើរតាមគន្លងរបស់ YG នេះ៕