យើងគ្រប់គ្នាធ្លាប់ដឹងហើយថា ត្រីគឺជាប្រភេទសត្វដែលគ្មានជើង ប៉ុន្តែដោយសារបរិយាកាសប្រែប្រួលត្រីជាច្រើនប្រភេទបានកំពុងវិវត្តន៍ទៅជាមានជើងបន្តិចម្តងៗហើយ។ ជាក់ស្តែងដូចជាត្រីកង្កែប និង Batfish ក៏ដូចជា Handfish រួមទាំង Prionotus carolinus, និង Axolotl ជាដើមសុទ្ធតែជាប្រភេទត្រីដែលមានជើង។ ត្រីទាំងនេះមានសមត្ថភាពប្រើព្រុយរបស់វាជាជើងដើម្បីផ្លាស់ទីតាមបាតសមុទ្រ។ ឧទាហរណ៍ដូចជាត្រី Prionotus carolinus អ៊ីចឹងដែលជាប្រភេទសត្វសមុទ្រមិនធម្មតាបំផុតមួយ បានកំពុងវិវត្តន៍ទៅជាមានជើងដោយការប្រើព្រុយរបស់វា។

ជំនួសឱ្យការហែលទឹកត្រី Prionotus carolinus បានប្រើព្រុយជាជើង ដើម្បីពង្រីករាងកាយរបស់ពួកវាឆ្លងកាត់បាតសមុទ្រ។ សមត្ថភាពនេះមិនត្រឹមតែជួយឱ្យពួកវាផ្លាស់ទីបានកាន់តែច្បាស់នៅលើដីរដុបនៃបាតសមុទ្រប៉ុណ្ណោះទេ ប៉ុន្តែថែមទាំងជួយឱ្យពួកវាងាយស្រួលស្វែងរកអាហារដែលកប់ក្នុងបាតជ្រៅៗផងដែរ។ ទន្ទឹមនឹងនេះត្រីផ្សេងៗទៀតដូចជា Frogfish, Batfish, Handfish និង Axolotl ក៏បានផ្លាស់ទីយឺតៗ តាមបាតខ្សាច់នៃសមុទ្រផងដែរ ដោយពួកវាបានប្រើព្រុយរបស់ពួកវាដើម្បី “កោសខ្សាច់” ហើយបានរកឃើញបណ្តើរៗនូវកន្លែងលាក់ទុកអាហារ។

នេះបញ្ជាក់ថាត្រីដែលមានជើងទំនងជាងាយស្រួលរកអាហារជាងត្រីដែលគ្មានជើង។ ក្រុមអ្នកស្រាវជ្រាវអន្តរជាតិបានសាកល្បងលទ្ធភាពនេះដោយសង្កេតមើលឃើញថា សត្វសមុទ្រភាគច្រើនបានកំពុងវិវត្តន៍ទៅជាមានជើងបន្តិចម្តងៗហើយដោយសារការប្រែប្រួលអាកាសធាតុ។ ទោះជាយ៉ាងណា មិនមែនត្រីទាំងអស់សុទ្ធតែមានសមត្ថភាពប្រើព្រុយរបស់វាធ្វើជាជើងដើម្បីស្វែងរកចំណីនោះទេ ត្រីដែលមានសមត្ថភាពល្អបែបនេះសុទ្ធតែអំណោយផលនៃហ្សែនពីកំណើត។ ដូច្នេះការរកឃើញនេះបានបើកការយល់ដឹងកាន់តែច្បាស់អំពីរបៀបបង្កើតសរីរាង្គថ្មីៗតាមរយៈដំណើរការវិវត្តន៍។

យោងតាមជីវវិទូ Corey Allard មកពីសាកលវិទ្យាល័យ Harvard ត្រីដែលមានជើងគឺជាឧទាហរណ៍ដ៏ពិសេសមួយអំពីរបៀបដែលប្រភេទសត្វអាចអភិវឌ្ឍលក្ខណៈថ្មីពីសម្ភារៈហ្សែនចាស់។ ការស្រាវជ្រាវលើត្រីដែលមានជើងបានជួយអ្នកវិទ្យាសាស្ត្រឱ្យយល់កាន់តែច្បាស់អំពីឥរិយាបថ និងកាយវិភាគសាស្ត្ររបស់ត្រី។ លើសពីនេះថែមទាំងផ្តល់នូវតម្រុយដ៏មានតម្លៃអំពីរបៀបដែលសារពាង្គកាយផ្សេងទៀតអាចវិវត្តន៍ទៅជាលក្ខណៈពិសេសតាមរយៈហ្សែនមុន និងម៉ូឌុលហ្សែនដែលមានស្រាប់ផងដែរ៕

ប្រទេសបារាំង ៖ ហោរ៉ាដ៏ល្បីល្បាញម្នាក់នៅប្រទេសបារាំងធ្លាប់បានទស្សន៍ទាយទុកថា ពិភពលោកនឹងឈានដល់ថ្ងៃអវសា.ន នាពេលឆាប់ៗ, កើតគ្រោះមហន្ត.រាយ ធម្មជាតិ និងជួបវិបត្តិសេដ្ឋកិច្ចធ្ងន់ធ្ងរ ។ ហោរ៉ារូបនេះថែមទាំងបញ្ជាក់ថា ពិភពលោកនឹងមានបញ្ហាធំៗកើតឡើងនៅឆ្នាំ២០២៥ ទៀតផង ។

លោក Nostradamus គឺជាហោរ៉ាទស្សន៍ទាយ និងជាអ្នកវិទ្យាសាស្ត្រជនជាតិបារាំងដ៏ល្បីល្បាញម្នាក់ ដែលបានស្លាប់កាលពី៥០០ឆ្នាំមុន បានទាយថា នៅឆ្នាំ២០២៥ គ្រប់តំបន់ទាំងអស់របស់ពិភពលោក នឹងជួបគ្រោះមហន្តរាយធម្មជាតិយ៉ាងធ្ងន់ធ្ងរ, មានវិបត្តិសេដ្ឋកិច្ច ព្រមទាំងកើតសង្គ្រាមលោក លើកទី៣ ។ ក្រៅពីនេះ មនុស្សទាំងអស់នឹងជួបបញ្ហាពិបាកដោះស្រាយ គឺបម្រែបម្រួលអាកាសធាតុ ។

លោក Nostradamus បានទស្សន៍ទាយទៀតថា ពិភពលោកនឹងកើតខ្យល់ព្យុះ និងមានទឹកជំនន់ធ្ងន់ធ្ងរជាបន្តបន្ទាប់ ដែលបណ្តាលមកពីបម្រែបម្រួលអាកាសធាតុ ។ អាកាសធាតុក្តៅនឹងធ្វើឱ្យប៉ះពាល់យ៉ាងខ្លាំងដល់ជីវិតមនុស្ស និងសង្គម ។

ចំណែកផលប៉ះពាល់ធ្ងន់ធ្ងរមួយទៀត គឺបញ្ហាសេដ្ឋកិច្ច ដោយលោកបញ្ជាក់ថា នៅឆ្នាំ២០២៥ វិបត្តិសេដ្ឋកិច្ចធ្ងន់ធ្ងរនឹងកើតឡើងក្នុងប្រទេសទាំងឡាយ ហើយឈានទៅដល់ការខ្វះខាតស្បៀងអាហារ, កើតជម្លោះ, ភាពក្រីក្រ និងមេរោគឆ្លងគ្រប់តំបន់ទាំងអស់ ។

អាកាសធាតុអាក្រក់ខ្លាំងនឹងប៉ះពាល់ដល់ការដាំដុះដំណាំផ្សេងៗនៅអាមេរិកខាងជើង, ប្រទេសអូស្ត្រាលី និងតំបន់អាស៊ីអាគ្នេយ៍ ។ លើសពីនេះ អាកាសធាតុនឹងកាន់តែអាក្រក់ខ្លាំងឡើង ហើយធ្វើឱ្យការផលិតស្បៀងអាហារលើពិភពលោកកាន់តែពិបាក ។

គួរបញ្ជាក់ថា លោក Nostradamus គឺជាទស្សនវិទូ និងជាអ្នកវិទ្យាសាស្ត្រដ៏ល្បីល្បាញលើពិភពលោក ដោយសារហេតុការណ៍ផ្សេងៗបានកើតឡើងដូចការទស្សន៍ទាយទាំងអស់របស់លោក ។ ការទស្សន៍ទាយរបស់លោកត្រូវបានប្រមូលផ្តុំក្នុងសៀវភៅ ហើយក្នុងចំណោមនោះ មានការទស្សន៍ទាយមួយថា មនុស្សនឹងឈានដល់ថ្ងៃអវសាននៅឆ្នាំ៣២៥៤ ។

កន្លងមក ហេតុការណ៍ជាច្រើនលើពិភពលោក បានកើតឡើងតាមការទស្សន៍ទាយរបស់លោក Nostradamus គ្មានខុស ដូចជា ៖ សង្គ្រាមលោក លើកទី២ និងការឆ្លងរាតត្បាតរបស់ជំងឺកូវីដ-១៩ ជាដើម ៕

ប្រទេសថៃ ៖ វាបានធ្វើឱ្យពលរដ្ឋថៃស្រឡាំងកាំងយ៉ាងខ្លាំង ក្រោយពេលពួកគេឃើញត្រីងា.ប់ នៅឆ្នេរសមុទ្រប៉ាតងមានប្រវែងជាង៣គីឡូម៉ែត្រ ដោយគ្មានមូលហេតុ ។ អ្នកនេសាទក្នុងតំបន់បានជួយគ្នាប្រមូលត្រីទាំងនេះ និងសម្អាតបរិវេណឆ្នេរសមុទ្រ ខណៈមតិមួយចំនួនលើកឡើងថា តើវាជាប្រផ្នូលមិនល្អឬយ៉ាងណា ឬធម្មជាតិចង់ប្រាប់ថា នឹងមានហេតុការណ៍អ្វីកើតឡើង?

កាលពីព្រឹកថ្ងៃទី១១ ខែតុលា ឆ្នាំ២០២៤ សារព័ត៌មានថៃរាយការណ៍ថា នៅបរិវេណឆ្នេរសមុទ្រប៉ាតង ស្ថិតក្នុងឃុំប៉ាតង ស្រុកកាក់ធូ ខេត្តភូកេត មានត្រីងាប់ជាច្រើនក្បាលនៅលើឆ្នេរសមុទ្រ ។ ហេតុនេះ អាជ្ញាធរក៏បានទៅត្រួតពិនិត្យនៅឆ្នេរនេះឃើញថា ត្រីជាច្រើនក្បាល និងច្រើនពូជត្រូវបានទឹករលកបោកបក់មកលើខ្សាច់ជាច្រើនគីឡូម៉ែត្រ ប៉ុន្តែមិនដឹងថា មកពីមូលហេតុអ្វីទេ ។

អ្នកស្រុកដែលដើរប្រមូលត្រីងាប់លើឆ្នេរខ្សាច់និយាយថា ពួកគេប្រមូលត្រីទាំងនេះយកទៅធ្វើម្ហូបទុកបរិភោគតាមធម្មតា តាំងពីថ្ងៃទី៩ ខែតុលា មកម៉្លេះ និងពុំបារម្ភពីគ្រោះថ្នាក់អ្វីទេ ។ ពួកគេសង្កេតឃើញថា ចំនួនត្រីងាប់លើឆ្នេរខ្សាច់បានកាន់តែច្រើនឡើងៗ រហូតដល់ប្រមូលលែងអស់ ហើយអ្នកនេសាទបានជួយគ្នាសម្អាតឆ្នេរ ។

អ្នកស្រុកម្នាក់ប្រាប់ថា ហេតុការណ៍បែបនេះបានកើតឡើងជារៀងរាល់ឆ្នាំ ហើយនៅឆ្នាំ២០២៤ ទឹកសមុទ្របានបោកបក់ត្រីឡើងលើឆ្នេរខ្សាច់ ដែលមានប្រវែងរហូតដល់ជាង៣គីឡូម៉ែត្រ ។ ប៉ុន្តែអ្នកខ្លះទៀតបារម្ភថា វាអាចជាប្រផ្នូលមិនល្អសម្រាប់ប្រទេសថៃ ពីព្រោះថៃទើបតែឃើញសត្វចម្លែកនៅឆ្នេរសមុទ្រខេត្តប្រាជួបស៊ិរិខាន់ ហើយពេលនេះ ស្រាប់តែមានត្រីងាប់មិនដឹងមូលហេតុនៅខេត្តភូកេត ។

គួរបញ្ជាក់ថា កាលពីដើមខែតុលា ឆ្នាំ២០២៤ ប្រទេសថៃបានប្រទះឃើញសត្វចម្លែកយ៉ាងច្រើននៅឆ្នេរសមុទ្រប្រានបុរី ស្ថិតនៅឃុំប៉ាកណាមប្រាន ស្រុកប្រានបុរី ខេត្តប្រាជួបស៊ិរិខាន់ ដែលសត្វចម្លែកនេះមានរូបរាងដូចម្ជុល និងមានដងខ្លួនថ្លាៗ ។ អាជ្ញាធរបានប្រកាសឱ្យពលរដ្ឋថៃ និងភ្ញៀវទេសចរទាំងអស់ប្រុងប្រយ័ត្នពេលចុះលេងទឹកសមុទ្រ ពីព្រោះអាចនឹងមានគ្រោះថ្នាក់ ដោយសារសត្វទាំងនេះតោងជាប់សម្លៀកបំពាក់ និងចាក់ទម្លុះចូលសាច់ ៕

ប្រទេសអូស្ត្រាលី ៖ អាងចិញ្ចឹមសត្វក្រពើមួយកន្លែងនៅទីក្រុងដាវីន ប្រទេសអូស្ត្រាលី បានរៀបចំកម្មវិធីឈ្មោះ «Cage of Death» អនុញ្ញាតឱ្យភ្ញៀវទេសចរណាដែលចាប់អារម្មណ៍ចង់ឃើញក្រពើយក្សនៅជិតៗ ឬមិនខ្លាចគ្រោះថ្នា.ក់ អាចមកទិញសំបុត្រចូលរួមក្នុងកម្មវិធីនេះ ។ ក្រៅពីក្រពើ ភ្ញៀវទេសចរក៏អាចដើរមើលសត្វប្លែកៗជាច្រើនក្បាលទៀត ។

ភ្ញៀវទេសចរត្រូវបានអនុញ្ញាតឱ្យចុះក្នុងអាងចិញ្ចឹមក្រពើយក្ស ដែលក្រពើនីមួយៗមានប្រវែងរហូតដល់៥ម៉ែត្រ ។ ភ្ញៀវទេសចរអាចជ្រើសរើសចូលក្នុងទ្រុងកញ្ចក់ពណ៌ថ្លា រួចហើយត្រូវបានទម្លាក់ចូលក្នុងអាងក្រពើតែម្នាក់ឯង ឬជាមួយមិត្តភក្តិក៏បាន ប៉ុន្តែមិនត្រូវលើសពី២នាក់ ។

បុគ្គលិកធ្វើការនៅអាងចិញ្ចឹមក្រពើ និយាយថា ភ្ញៀវទេសចរពុំចាំបាច់ភ័យខ្លាចទេ ពីព្រោះទ្រុងកញ្ចក់នេះរឹងមាំ និងមានសុវត្ថិភាព ។ ភ្ញៀវទេសចរនៅក្នុងទ្រុងកញ្ចក់នឹងត្រូវបានទម្លាក់ចូលក្នុងអាង ដែលមានក្រពើជាច្រើនក្បាលហារមាត់រង់ចាំស្វាគមន៍ និងហែលទឹកជុំវិញពួកគេ ។

បុគ្គលិកធ្វើការនៅអាងចិញ្ចឹមក្រពើ នឹងរង់ចាំផ្តល់អាហារឱ្យក្រពើស៊ីជាធម្មតាក្នុងអំឡុងពេលភ្ញៀវទេសចរចុះក្នុងអាង ដើម្បីឱ្យពួកគេមើលធ្មេញក្រពើ, ស្បែកក្រពើ និងវិធីទំពារចំណីរបស់វា តាមរយៈទ្រុងកញ្ចក់ថ្លា ហើយធានាថា ភ្ញៀវទេសចរនឹងរំភើបចិត្តយ៉ាងខ្លាំង ។ រីឯសំបុត្រចូលមើលក្រពើយក្ស គឺមានតម្លៃ១៧០ដុល្លារអាមេរិកក្នុងម្នាក់ ។

ដោយឡែក សួនសត្វមួយកន្លែងនៅប្រទេសអាហ្វ្រិកខាងត្បូង ក៏បានអនុញ្ញាតឱ្យភ្ញៀវទេសចរចុះក្នុងអាងមើលក្រពើដូចគ្នាដែរ ។ ប៉ុន្តែនៅសួនសត្វនេះគ្មានទ្រុងកញ្ចក់សម្រាប់ភ្ញៀវទេសចរទេ គឺភ្ញៀវទេសចរអាចចូលក្នុងទ្រុងដែកមានប្រហោង និងយកដៃស្ទាបក្បាលក្រពើថ្នមៗបាន ។

សួនសត្វនេះទទួលបានការពេញនិយមយ៉ាងខ្លាំងពីភ្ញៀវទេសចរនៅជុំវិញពិភពលោក ហើយក្រៅពីសួនក្រពើ ប្រទេសអាហ្វ្រិកខាងត្បូងនៅមានសត្វព្រៃជាច្រើនក្បាលទៀតសម្រាប់ទាក់ទាញភ្ញៀវទេសចរឱ្យមកទទួលយកបទពិសោធន៍ថ្មីប្លែក ។

ហេតុនេះ បើភ្ញៀវទេសចរណាចូលចិត្តប្រឈមនឹងគ្រោះថ្នាក់ អាចមកលេងអាងក្រពើនៅប្រទេសអូស្ត្រាលី និងអាហ្វ្រិកខាងត្បូងបាន ដើម្បីទទួលបានបទពិសោធន៍ប្លែកក្នុងជីវិត និងអាចនៅកៀកក្រពើបំផុត ៕