ទន្ទឹមនឹងពងទាកូន ពងក្រួចកូន សណ្តែងដី កំពុងពេញនិយមយ៉ាងខ្លាំងខណៈ អ៊ិន លក្ខិណា Miss Cosmo Cambodia 2024 និងបវរកញ្ញាវៀតណាម Nguyen Huynh Kim Duyen បានធ្វើឱ្យអ្នកគាំទ្រមានការចាប់អារម្មណ៍យ៉ាងខ្លាំងក្រោយពីអ្នកទាំងពីរបានញុំាពងទាកូនជាមួយគ្នាប្រកបដោយឱជាតិរសខុសប្លែកតែបវរកញ្ញាថៃ ម៉ាលីន។
ថ្មីៗនេះ អ៊ិន លក្ខិណា កំពុងតែស្ថិតនៅទីក្រុងហូជីមិញ ប្រទេសវៀតណាម ចូលរួមកម្មវិធី Fashion Show បន្ទាប់ពីជាប់ TOP10 ក្នុងការប្រកួត Miss Cosmo 2024។ ជាមួយនឹងការងារ លក្ខិណា ក៏បានចំណាយពេលវេលាជិះម៉ូតូ ញុំាអី ជាមួយនឹងបវរកញ្ញាវៀតណាម Nguyen Huynh Kim Duyen លំដាប់រងទី២ Miss Supranational 2022 និងជាគណៈកម្មការមួយរូបក្នុងកម្មវិធី Miss Cosmo 2024 ។ អ្នកទាំងពីរគឺបានរាប់អានគ្នាយ៉ាងស្និទ្ធស្នាលក្រោយពីបានចូលរួមប្រកួតនៅប្រទេសប៉ូឡូញក្នុងកម្មវិធី Miss Supranational 2022។
អ្វីដែលកាន់តែធ្វើឱ្យហ្វេនៗចាប់អារម្មណ៍ខ្លាំង ទាំងក្នុងស្រុកនិងក្រៅស្រុកនោះគឺថា លក្ខិណា និង បវរកញ្ញាវៀតណាម បានញុំាពងទាកូនជាមួយគ្នាស្របពេលអាហារមួយមុខនេះកំពុងតែល្បីល្បាញខ្លាំង។ លើសពីនេះបវរកញ្ញាវៀតណាមរូបនេះថែមទាំងសរសើរពេញៗមាត់ថា ពងទាកូននេះឆ្ងាញ់ខ្លាំងណាស់។
គួរឱ្យដឹងថា ភាពល្បីល្បាញនៃពងទាកូន និងពងក្រួចកូន សណ្តែកដីនេះល្បីខ្លាំងដោយសារតែបវរកញ្ញាថៃ នាង ម៉ាលីន បាននិយាយទួញសោកនៅមុខអ្នកកាសែតថា ពងក្រូចមានដង្កូវទាំងនោះជាសរសៃឈាមរបស់វា ខណៈប្រទេសនាងក៏មានពងក្រូចលក់ដូចគ្នាប៉ុន្តែបែរនិយាយមិនស្គាល់បែបនេះ៕
