បារាំងគឺជាប្រទេសនៃម៉ូដ និងឆើតឆាយ ស្ត្រីជនជាតិបារាំភាគច្រើនតែងតែយកចិត្តទុកដាក់យ៉ាងខ្លាំងចំពោះទម្ងន់របស់ពួកគេ។ ទោះជាយ៉ាងណាក៏ដោយ ជាធម្មតាពួកគេមិនបង្ខំឱ្យមានរបបសម្រកទម្ងន់ដែលតឹងរ៉ឹងពេកនោះទេ ពោលគឺពួកគេមានវិធីសាស្ត្រក្នុងការសម្រកទម្ងន់ដោយមិនបាច់តមអាហារ ជាមួយគន្លឹះទាំងនេះ៖

១.ទំពារអាហារឱ្យបានហ្មត់ចត់ និងយឺតៗ៖ ការទំពារឱ្យបានហ្មត់ចត់ នឹងជួយឱ្យអ្នកមានអារម្មណ៍ឆ្អែតបានយ៉ាងឆាប់រហ័ស ហើយឆ្អែតបានយូរដោយមិនប្រើប្រាស់ថាមពលច្រើនពេក ដូច្នេះការញ៉ាំយឺតៗ ក៏ជួយឱ្យអ្នករីករាយនឹងអាហារដែលអ្នកចូលចិត្តផងដែរ។

២.ញ៉ាំអាហារតាមរដូវកាល៖ បន្លែ ផ្លែឈើ និងអាហារផ្សេងៗទៀតសុទ្ធមានតាមរដូវកាល មានន័យថា រដូវផ្លែទុរេន ញ៉ាំទុរេន រដូវក្រូច ញ៉ាំក្រូច ដូច្នេះការទទួលទានអាហារតាមរដូវកាលគឺមានសុវត្ថិភាពជួយឱ្យរាងកាយរបស់អ្នកមានភាពស៊ាំកាន់តែប្រសើរឡើង ជៀសវាងការធាត់ដែលបណ្តាលមកពីសារធាតុគីមី។

៣.ញ៉ាំអាហារច្រើនពណ៌៖ បន្លែ ផ្លែឈើ ទាំងអស់សុទ្ធតែមានពណ៌ខុសៗគ្នា ដូច្នេះការទទួលអាហារច្រើនពណ៌ នឹងជួយឱ្យអ្នកមានតុល្យភាពអាហារូបត្ថម្ភកាន់តែច្រើន។

៤.កុំផឹកទឹកពេលកំពុងញ៉ាំ៖ ការផឹកទឹកពេលកំពុងញ៉ាំ នឹងធ្វើឱ្យអាហារមានជាតិហ្គាឡាទីនលឿន ដែលវាជំរុញឱ្យជាតិស្ករក្នុងឈាមឡើងខ្ពស់ និងធ្វើឱ្យឆាប់ធាត់។ ដូច្នេះស្ត្រីជនជាតិបារាំងនឹងទំពារអាហារទាំងអស់រួចរាល់ ទើបពួកគេផឹកទឹកដើម្បីសម្រួលដល់ការរំលាយអាហារ៕

ជាការពិតណាស់ គូស្នេហ៍ដែលមានបំណងរៀបការជាមួយគ្នា ត្រូវដឹង និងត្រូវពិនិត្យជំងឺហ្សែនចំនួន ៤ មុខនេះជាមុនសិន ដើម្បីការពារស្ត្រីពេលមានផ្ទៃពោះ កុំឱ្យឆ្លងមេរោគដល់ទារក។ ដូច្នេះគូស្នេហ៍ត្រូវទៅជួបគ្រូពេទ្យយ៉ាងហោចណាស់បីខែមុនពេលរៀបការ ដែលការពិនិត្យរកមើលជំងឺហ្សែនទាំងនេះអាចនាំឱ្យកុមារមានសុខភាពល្អ និងមិនប៉ះពាល់ដល់រាងកាយកុមារ។

១.ជំងឺ Thalassemia៖ គឺជាជំងឺស្លេកស្លាំងតំណពូជ ដោយសារតែរាងកាយផលិតមិនបានគ្រប់គ្រាន់ ឬមិនធានានូវមុខងាររបស់អេម៉ូក្លូប៊ីន រួមទាំងអាល់ហ្វា និងបេតានៅក្នុងកោសិកាឈាមក្រហម ដែលជំងឺនេះអាចបណ្តាលឱ្យមានភាពស្លេកស្លាំងកម្រិតស្រាល មធ្យម ឬធ្ងន់ធ្ងរ។ រោគសញ្ញានៃភាពស្លេកស្លាំងរួមមាន អស់កម្លាំង ដកដង្ហើមខ្លី វិលមុខ ស្បែកលឿងខ្លាំង និងហើមញឹកញាប់។ ក្នុងករណីធ្ងន់ធ្ងរ អ្នកជំងឺត្រូវតែបញ្ចូលឈាមពេញមួយជីវិត ដែលប្រឈមនឹងផលវិបាកដូចជា ខូចទ្រង់ទ្រាយឆ្អឹងមុខ, ខ្សោយថ្លើម, ក្រិនថ្លើម, ជំងឺខ្សោយបេះដូង និងនាំឱ្យស្លាប់។

២.ជំងឺកកឈាម៖ គឺជាជំងឺហ្សែនដែលបង្កឡើងដោយការផ្លាស់ប្តូរហ្សែនដែលមិនសូវមាននៅលើក្រូម៉ូសូម X កើតឡើងនៅពេលដែលរាងកាយមិនបង្កើតប្រូតេអ៊ីនគ្រប់គ្រាន់។ ប្រសិនបើឪពុកម្តាយផ្ទុកជំងឺនេះ នោះកុមារក៏ផ្ទុកជំងឺនេះដូចគ្នា កុមារដែលមានជំងឺកកឈាម អាចមានស្នាមជាំ ហូរឈាមដោយគ្មានមូលហេតុ និងហូរឈាមយូរបន្ទាប់ពីរបួស ការវះកាត់ ការដកធ្មេញជាដើម។ រោគសញ្ញាផ្សេងទៀតរួមមាន ឈឺសន្លាក់កជើង ជង្គង់ ត្រគាក កែងដៃ ស្មា ភ្នែក និងឈឺក្បាលជាប់រហូត។

៣.ជំងឺ Phenylketonuria៖ គឺជាជំងឺហ្សែនម្យ៉ាងដែលអាចបណ្តាលឱ្យទារកមានពិការភាពពីកំណើត ខ្សោយបញ្ញា ប្រកាច់ និងមានបញ្ហាផ្សេងៗទៀត។ ប្រសិនបើឪពុកម្តាយទាំងពីរមានហ្សែនជំងឺនេះ មានឱកាសត្រឹមតែ ២៥% ប៉ុណ្ណោះដែលកុមារមានសុខភាពល្អ។

៤.ជំងឺសាច់ដុំ Duchenne៖ គឺជាទម្រង់ធ្ងន់ធ្ងរមួយនៃជម្ងឺសាច់ដុំតំណពូជ ដែលត្រូវបានកំណត់ដោយការចុះខ្សោយនៃសាច់ដុំ ដោយសារតែការផ្លាស់ប្តូរនៅក្នុងប្រូតេអ៊ីន dystrophin។ ជំងឺសាច់ដុំ Duchenne ជារឿយៗបង្ហាញឱ្យឃើញពីការពិបាកដើរ ប៉ុន្តែបន្តិចម្តងៗឈានដល់ចំណុចដែលកុមារមិនអាចធ្វើសកម្មភាពប្រចាំថ្ងៃបាន ហើយត្រូវប្រើរទេះរុញ។ ផលវិបាកនៃជំងឺនេះរួមមានការខូចខាតដល់សាច់ដុំបេះដូង ការចុះខ្សោយនៃការយល់ដឹង ការយឺតយ៉ាវនៃការនិយាយ និងលូតលាស់យឺត។ ទោះជាយ៉ាងណាជំងឺនេះច្រើនតែកើតឡើងជាចម្បងទៅលើបុរស ឬក្មេងប្រុស៕

ការបរិភោគបន្លែបានគ្រប់មុខនឹងផ្តល់ផលល្អសម្រាប់សុខភាព ប៉ុន្តែវិធីបរិភោគបន្លែបានត្រឹមត្រូវពិតជាមានសារៈសំខាន់បំផុត ។ លោកគ្រូពេទ្យដ៏ល្បីម្នាក់ឈ្មោះ Song Yanren មានឯកទេសផ្នែកសម្រកទម្ងន់ និងជានាយក Churi Clinic នៅតៃវ៉ាន់ បាននិយាយក្នុងកម្មវិធីសុខភាពថា ពុំគួរបរិភោគបន្លែស្រុះទឹកក្តៅទេ ពីព្រោះវានឹងបាត់បង់សារធាតុចិញ្ចឹម ។

លោកគ្រូពេទ្យបញ្ជាក់ថា ៖ «យើងគួរតែបរិភោគបន្លែឱ្យបានច្រើនមុខជារៀងរាល់ថ្ងៃ ហើយយកវាទៅធ្វើអាហារបែបណាក៏បាន ប៉ុន្តែខ្ញុំពុំណែនាំឱ្យអ្នកគ្រប់គ្នាស្រុះបន្លែក្នុងទឹកក្តៅទេ ពីព្រោះសារធាតុរ៉ែជាច្រើនក្នុងបន្លែនឹងរលាយបាត់អស់ពេលវាត្រូវទឹកក្តៅ ។ ដូច្នេះ គួរតែផ្លាស់ប្តូរទម្លាប់មួយនេះ» ។

យើងអាចអនុវត្តតាមវិធីមួយដែលល្អជាងការស្រុះបន្លែ គឺយកបន្លែទៅឆាក្នុងខ្ទះជាមួយទឹកធម្មតា ។ បន្ទាប់មក ដួសបន្លែដាក់ចាន និងដាក់ខ្លាញ់ពីលើបន្តិច សម្រាប់កាត់បន្ថយរសជាតិចត់របស់បន្លែមួយចំនួន ។ ការដាក់ខ្លាញ់បន្តិចលើបន្លែនឹងជួយឱ្យវាកាន់តែមានរសជាតិឆ្ងាញ់, គួរឱ្យចង់បរិភោគ និងពណ៌បៃតងស្រស់ ។

ដោយឡែក អ្នកជំនាញផ្នែកចំណីអាហារម្នាក់ទៀត គឺអ្នកស្រី Lin Yuanzhen និយាយថា មនុស្សភាគច្រើនបរិភោគបន្លែដោយគ្មានខ្លាញ់ ដោយសារចង់ឱ្យល្អសម្រាប់សុខភាព ប៉ុន្តែការពិត ការបន្ថែមខ្លាញ់ក្នុងអាហារខ្លះ ដូចជា ៖ ឆាបន្លា គឺវានឹងល្អសម្រាប់សុខភាពជាង ពីព្រោះបើដាក់ទឹកច្រើនពេក ពេលស្រុះបន្លែ វានឹងបាត់បង់សារធាតុចិញ្ចឹម ។ ការបន្ថែមជាតិខ្លាញ់នឹងធ្វើឱ្យបន្លែទន់ ឬជួយបន្ថែមរសជាតិ ហើយខ្លាញ់នឹងជួយរំលាយ និងស្រូបយកសារធាតុ Carotene ក្នុងបន្លែទៀតផង ។

ក្រៅពីនេះ ការបន្ថែមខ្លាញ់បន្តិចលើបន្លែអាចជួយឱ្យយើងឆ្អែតបានយូរ និងកាត់បន្ថយការឃ្លានចំណីក្រោយបរិភោគអាហាររួច ។ ប៉ុន្តែគួរជ្រើសរើសខ្លាញ់មានគុណភាពល្អ ដែលចម្រាញ់ពីសណ្តែក, ផ្លែប័រ និងផ្លែម្កាក់ ជាដើម ដើម្បីកាត់បន្ថយកម្រិតកូឡេសស្តេរ៉ុលក្នុងឈាម និងបំផ្លាញកាឡូរី ។

ក្រៅពីការចៀសវាងបរិភោគបន្លែស្រុះហើយ អ្នកជំនាញចំណីអាហារក៏បានណែនាំឱ្យបន្ថែមគ្រាប់ស្វាយចន្ទី, ល្ងរ, សណ្តែក និងគ្រាប់ធញ្ញជាតិផ្សេងៗទៅក្នុងអាហារផងដែរ បន្ទាប់មក កូរគ្រាប់ធញ្ញជាតិឱ្យចូលគ្នាជាមួយអាហារមុនពេលបរិភោគ ដើម្បីទទួលបានសារធាតុចិញ្ចឹមគ្រប់មុខ ៕