ជាការពិតណាស់ គូស្នេហ៍ដែលមានបំណងរៀបការជាមួយគ្នា ត្រូវដឹង និងត្រូវពិនិត្យជំងឺហ្សែនចំនួន ៤ មុខនេះជាមុនសិន ដើម្បីការពារស្ត្រីពេលមានផ្ទៃពោះ កុំឱ្យឆ្លងមេរោគដល់ទារក។ ដូច្នេះគូស្នេហ៍ត្រូវទៅជួបគ្រូពេទ្យយ៉ាងហោចណាស់បីខែមុនពេលរៀបការ ដែលការពិនិត្យរកមើលជំងឺហ្សែនទាំងនេះអាចនាំឱ្យកុមារមានសុខភាពល្អ និងមិនប៉ះពាល់ដល់រាងកាយកុមារ។
១.ជំងឺ Thalassemia៖ គឺជាជំងឺស្លេកស្លាំងតំណពូជ ដោយសារតែរាងកាយផលិតមិនបានគ្រប់គ្រាន់ ឬមិនធានានូវមុខងាររបស់អេម៉ូក្លូប៊ីន រួមទាំងអាល់ហ្វា និងបេតានៅក្នុងកោសិកាឈាមក្រហម ដែលជំងឺនេះអាចបណ្តាលឱ្យមានភាពស្លេកស្លាំងកម្រិតស្រាល មធ្យម ឬធ្ងន់ធ្ងរ។ រោគសញ្ញានៃភាពស្លេកស្លាំងរួមមាន អស់កម្លាំង ដកដង្ហើមខ្លី វិលមុខ ស្បែកលឿងខ្លាំង និងហើមញឹកញាប់។ ក្នុងករណីធ្ងន់ធ្ងរ អ្នកជំងឺត្រូវតែបញ្ចូលឈាមពេញមួយជីវិត ដែលប្រឈមនឹងផលវិបាកដូចជា ខូចទ្រង់ទ្រាយឆ្អឹងមុខ, ខ្សោយថ្លើម, ក្រិនថ្លើម, ជំងឺខ្សោយបេះដូង និងនាំឱ្យស្លាប់។
២.ជំងឺកកឈាម៖ គឺជាជំងឺហ្សែនដែលបង្កឡើងដោយការផ្លាស់ប្តូរហ្សែនដែលមិនសូវមាននៅលើក្រូម៉ូសូម X កើតឡើងនៅពេលដែលរាងកាយមិនបង្កើតប្រូតេអ៊ីនគ្រប់គ្រាន់។ ប្រសិនបើឪពុកម្តាយផ្ទុកជំងឺនេះ នោះកុមារក៏ផ្ទុកជំងឺនេះដូចគ្នា កុមារដែលមានជំងឺកកឈាម អាចមានស្នាមជាំ ហូរឈាមដោយគ្មានមូលហេតុ និងហូរឈាមយូរបន្ទាប់ពីរបួស ការវះកាត់ ការដកធ្មេញជាដើម។ រោគសញ្ញាផ្សេងទៀតរួមមាន ឈឺសន្លាក់កជើង ជង្គង់ ត្រគាក កែងដៃ ស្មា ភ្នែក និងឈឺក្បាលជាប់រហូត។.png)
៣.ជំងឺ Phenylketonuria៖ គឺជាជំងឺហ្សែនម្យ៉ាងដែលអាចបណ្តាលឱ្យទារកមានពិការភាពពីកំណើត ខ្សោយបញ្ញា ប្រកាច់ និងមានបញ្ហាផ្សេងៗទៀត។ ប្រសិនបើឪពុកម្តាយទាំងពីរមានហ្សែនជំងឺនេះ មានឱកាសត្រឹមតែ ២៥% ប៉ុណ្ណោះដែលកុមារមានសុខភាពល្អ។
៤.ជំងឺសាច់ដុំ Duchenne៖ គឺជាទម្រង់ធ្ងន់ធ្ងរមួយនៃជម្ងឺសាច់ដុំតំណពូជ ដែលត្រូវបានកំណត់ដោយការចុះខ្សោយនៃសាច់ដុំ ដោយសារតែការផ្លាស់ប្តូរនៅក្នុងប្រូតេអ៊ីន dystrophin។ ជំងឺសាច់ដុំ Duchenne ជារឿយៗបង្ហាញឱ្យឃើញពីការពិបាកដើរ ប៉ុន្តែបន្តិចម្តងៗឈានដល់ចំណុចដែលកុមារមិនអាចធ្វើសកម្មភាពប្រចាំថ្ងៃបាន ហើយត្រូវប្រើរទេះរុញ។ ផលវិបាកនៃជំងឺនេះរួមមានការខូចខាតដល់សាច់ដុំបេះដូង ការចុះខ្សោយនៃការយល់ដឹង ការយឺតយ៉ាវនៃការនិយាយ និងលូតលាស់យឺត។ ទោះជាយ៉ាងណាជំងឺនេះច្រើនតែកើតឡើងជាចម្បងទៅលើបុរស ឬក្មេងប្រុស៕
