ដូចប្រិយមិត្តមួយចំនួនធំជ្រាបមកហើយថាបញ្ហាចម្រូងចម្រាសក្នុងការប្រកួត Miss Grand International នៅលើទឹកដីកម្ពុជាផ្ទុះកក្រើកយ៉ាងខ្លាំងរហូតទស្សនិកជនមួយចំនួនចង់ឱ្យខាងកម្ពុជាប្តឹងទៅតុលាការទាំងពីរប្រទេសដើម្បីទាមទារយុត្តិធម៌។ បើក្រឡេកមកមើលកញ្ញា ប៊ី សុធារី វិញជាបេក្ខភាពតំណាងកម្ពុជាវិញសម្រេចចិត្តដោយមានគោលជំហរច្បាស់លាស់មិនចេញទៅប្រកួតបន្តទៀតនោះទេ។ សុធារី ក៏បានបង្ហាញអារម្មណ៍របស់ខ្លួនដែរថានាងមិនបានខូចចិត្តដែលមិនបានទៅប្រកួត ប៉ុន្តែអ្វីដែលខូចចិត្តត្រូវគេមើលងាយទាំងប្រទេសថាអសុវត្ថិភាពទាំងមិនមែនជាការពិត។

តាមរយៈវីដេអូមួយដែលបង្ហោះចេញពីគណនីហ្វេកប៊ុក Vemean Mani ដែលជាក្រុមការងារមួយរូបនៅក្នុងកម្មវិធីបានដាក់ចំណងជើងថា «ត្រូវតែស្រលាញ់ប្រទេសខ្លួន និង ស្មោះនិងប្រទេសខ្លួន នេះហើយពាក្យថា ស្នេហាជាតិ Sotheary Bee»។ ក្នុងវីដេអូនេះគេបានឃើញជាង Make Up រូបនេះបានសួរសុខទុក្ខទៅកាន់ ប៊ី សុធារី ដែលមិនបានទៅប្រកួតដោយសារតែមានបញ្ហាជាមួយស្ថាប័ន MGI ។

ប៊ី សុធារី បាននិយាយថា នាងមិនអីនោះទេសម្រាប់ការមិនបានទៅប្រកួតប៉ុន្តែខូចចិត្តត្រូវគេមើលងាយជាពិសេសក្រុមការងារខិតខំប្រឹងអស់ពីសមត្ថភាពព្យាយាមទទួលគេយ៉ាងកក់ក្តៅបេក្ខភាពបានមើលឃើញពីការយកចិត្តទុកដាក់មើលថែ ខ្លួននាងធ្លាប់ទៅប្រកួតអន្តរជាតិផ្សេងទៀតគេអត់ដែលមានអ្នក Make Up ជួយនោះទេទាល់តែកម្មវិធីធំៗ ប៉ុន្តែយើងនៅចាំតាមជួយមើលថែតាំងពីក្បាលដល់ចុងជើងហើយមើលថែគ្រប់បេក្ខភាពទាំងអស់ឱ្យតម្លៃគ្រប់គ្នាទាំងក្រុមការងាររបស់គេ ប៉ុន្តែចុងក្រោយត្រូវគេមើលងាយ។

សុធារី បាននិយាយទៀតថា បើសួរថាអត់បានទៅប្រកួតអត់អីនោះទេគ្រាន់តែថាអីដែលខូចចិត្តត្រូវបានគេមើលងាយទាំងប្រទេសគេនិយាយថាយើងអសុវត្ថិភាពទាំងដែលការពិតវាជាការបំភ្លៃទាំងអស់មានទាំងព័ត្តុតាង។

បវរកញ្ញារូបនេះក៏បាននិយាយក្នុងវីដេអូផ្សេងទៀតចំពោះការសម្រេចចិត្តរបស់នាងមិនទៅប្រកួតនៅប្រទេសថៃថា «ខ្ញុំមិនមែនមក ដើម្បីតែខ្លួនឯង គឺខ្ញុំមកដើម្បីកម្ពុជា ប្រជាជនកម្ពុជា បើគេមិនផ្តល់តម្លៃ មើលងាយប្រទេសខ្ញុំ ប្រជាជនខ្ញុំ ខ្ញុំសុខចិត្តបោះបង់ដោយមិនសោកស្ដាយ»។

ទង្វើរបស់ ប៊ី សុធារី សុខចិត្តបោះបង់ចោលការប្រកួតនេះបានធ្វើឱ្យអ្នកគាំទ្រផ្ញើសេចក្តីស្រលាញ់យ៉ាងច្រើនទៅកាន់នាងនិងសង្ឃឹមថានាងនឹងអាចមានឱកាសតំណាងប្រទេសកម្ពុជាក្នុងកម្មវិធីបវរកញ្ញាផ្សេងទៀតនាថ្ងៃខាងមុខ៕

ល្អហួស Miss Preteen Junior Idol World 2024 បានលើកឡើងថាធ្វើល្អមួយគំនរគេមើលមិនឃើញ រង់ចាំតែចាប់កំហុសជិះជាន់មកខាងកម្ពុជា។ ងាកទៅកាន់ពិធីករ សុខ រ៉ាស៊ី វិញបាននិយាយថាអាងកម្មវិធីល្បីដើរជាន់គេស្រេចតែចិត្ត។ ការលើកឡើងរបស់អ្នកទាំងពីរបន្ទាប់ពីមានបញ្ហាចម្រូងចម្រាសការរៀបចំកម្មវិធី Miss Grand International 2024 ដែលបានសម្រេចចិត្តបញ្ឈប់ការរៀបចំនៅកម្ពុជា។

ភ្លើងកម្តៅនៅមិនទាន់ស្ងប់នៅឡើយទេចំពោះការបញ្ឈប់ការធ្វើជាសហម្ចាស់ផ្ទះ Miss Grand International 2024 ពាក់កណ្តាលទីដោយភាគីថៃបានចោទខាងកម្ពុជាថារៀបចំមិនស្តង់ដាគោរពតាមគោលការណ៍ក្នុងកិច្ចសន្យា។ ជាក់ស្តែងតាមការឱ្យដឹងពីអ្នករៀបចំកម្មវិធី កម្មវិធីមួយចំនួនគឺមិនមាននៅក្នុងគោលការណ៍ដែលបានកំណត់ឡើយ កន្លែងរៀបចំត្រូវបានលោក ណាវ៉ាត់ ប្តូរដោយខ្លួនឯងហើយបែរជានិយាយថាកម្ពុជារៀបចំមិនស្តង់ដា។

ជុំវិញភាពចម្រូងចម្រាសនេះ ល្អហួស Miss Preteen Junior Idol World 2024 បានលើកឡើងថា «ធ្វើល្អ អស់មួយកំនរ នៅតែគេមើលមិនឃើញ គេរង់ចាំតែចាប់កំហុស ហើយគេមកជិះជាន់យើង តែអំពើល្អរបស់កម្ពុជា ព្រះប្រាកដជាមើលឃើញ។ នាងខ្ញុំហ៊ាននិយាយថា ប្រទេសកម្ពុជាគឺជាប្រទេសមួយដែលប្រជាជនមានបេះដូងល្អ ប្រជាជនមានភាពរួសរាយរាក់ទាក់ មានភាពស្មោះត្រង់ មានភាពទំនួលខុសត្រូវ ទីកន្លែងណាគេមិនឱ្យតម្លៃយើង ដើរចេញពីទីនោះ នៅមានកន្លែងជាច្រើនទៀត គេរង់ចាំនិងផ្តល់តម្លៃឱ្យយើង Sokunthea Im Mommyធ្វើបានល្អហើយ Mommy លះបង់ច្រើនហើយដើម្បីកម្ពុជា»។

ងាកទៅកាន់ពិធីករទូរទស្សន៍ហង្សមាស លោក សុខ រ៉ាស៊ី វិញបានលើកឡើងដែរថា «ខ្ញុំស្គាល់គាត់ច្បាស់ ពីរនាក់ប្តីប្រពន្ធនេះ គាត់ខិតខំណាស់ ដើម្បីមុខមាត់នៃប្រទេសកម្ពុជា និង កេរ្តិ៍ឈ្មោះប្រទេសយើងឱ្យបរទេស ស្គាល់កាន់តែច្បាស់ គាត់បាន ចំណាយលុយផ្ទាល់ខ្លួនច្រើនមែនទែន ខ្ទង់ចំណាយរបស់គាត់ វាលើសលប់ ពីការទទួលបានផលច្រើនជាងការផ្សព្វផ្សាយផលិតផលខ្លួនទៅទៀត រហូតដល់បរទេស មួយចំនួន សរសើរពីការរៀបចំ Miss Grand Cambodia កន្លងមក! តែការអត់ធ្មត់ ពិតមានកំណត់ អ្នកមិនអាចអាងកម្មវិធី អ្នកល្បី ដើរជាន់គេស្រេចតែចិត្តនោះទេ។ លើកទឹកចិត្តគាត់ទាំងពីរ បង្កើតអ្វីថ្មី បន្តទៀតដើម្បីកម្ពុជា…»។

ក្រៅពី ល្អហួស និងលោក សុខ រ៉ាស៊ី នៅមានបវរកញ្ញាជាច្រើនរូបទៀតបានលើកទឹកចិត្តទៅកាន់លោកស្រី អ៊ឹម សុគន្ធា ក្នុងគ្រាដ៏លំបាកនេះត្រូវបានភាគីថៃនិយាយលើសពីការពិតដែលផ្ទុះកក្រើកពេញបណ្តាញសង្គម៕” alt=”” />

ពិធីការិនី ណា សាឌី ដែលមានឈាមជ័រខ្មែរថៃ បានបង្ហោះសំណេររបស់ខ្លួននៅលើបណ្តាញសង្គមជុំវិញភាពចម្រូងចម្រាស Miss Grand International ដោយបានលើកឡើងថានាងធ្លាប់រួមការងារជាមួយជនជាតិថៃបានកត់សម្គាល់ឃើញថាជនជាតិថៃមានជាតិនិយមណាស់អ្វីក៏ដោយគឺត្រូវលើកជនជាតិគេជាមុនសិន មិនថាជនជាតិគេអាក្រក់ឬសាហាវប៉ិនណា គឺគេកាន់ជើងគ្នាគេសិនហើយ។ ទោះយ៉ាងណា ណា សាឌី ក៏ចង់ឱ្យកម្ពុជាមានជាតិនិយមដូចគ្នាប៉ុន្តែជាជាតិនិយមដោយមិនចាំបាច់ប្រើភាសាអសីលធម៌ឬហិង្សានោះទេ។

នៅថ្ងៃទី៧ ខែតុលា ពិធីការិនីប្រចាំទូរទស្សន៍បាយ័ន ណា សាឌី ដែលមានសញ្ជាតិថៃ បានសរសេរនៅលើបណ្តាញសង្គមរបស់ខ្លួនស្របពេលមានបញ្ហាចម្រូងចម្រាសរវាងអ្នកគ្រប់គ្រងស្ថាប័ន MGI លោក ណាវ៉ាត់ និងលោកស្រី អ៊ឹម សុគន្ធា។ ណា សាឌី បានរៀបរាប់ថា «ការមើលឃើញរបស់ខ្ញុំចំពោះបញ្ហាថ្ងៃនេះ ខ្ញុំគឺជាអ្នកសិល្បៈ ជាពិធីការិនី ខ្ញុំរួមកាងារជាមួយជនជាតិថៃច្រើនដងណាស់ ជាពិសេសខ្ញុំជាកូនកាត់ខ្មែរថៃមួយរូបដែលមានសញ្ជាតិថៃយ៉ាងត្រឹមត្រូវ។ ខ្ញុំអាចនិយាយបានទេ មិនមែនឱ្យតែជនជាតិនេះ ជនជាតិនោះសុទ្ធអាក្រក់ទាំងអស់នោះទេវាស្ថិតទៅលើអត្តចរិតរបស់បុគ្គល មិនមែនសំដៅទៅលើពូជសាសន៍នោះទេចាស ក៏មានជនជាតិថៃខ្លះគាត់ក៏ស្រលាញ់ខ្មែរនិងឱ្យតម្លៃមកយើងដែរ»។

ពិធីការិនី រូបនេះលើកឡើងទៀតថា «មានរឿងមួយដែលខ្ញុំតែងតែសង្កេតមើលឃើញនិងចងចាំក្នុងចិត្ត ជនជាតិថៃពិតជាមានជាតិនិយមណាស់ធ្វើអ្វីក៏ដោយគឺត្រូវលើកជនជាតិគេជាមុនសិន មិនថាជនជាតិគេអាក្រក់ឬសាហាវប៉ិនណា គឺគេកាន់ជើងគ្នាគេសិនហើយ។ ក្នុងរឿងនេះខ្ញុំពិតជាបានរៀនសូត្របានពីគេច្រើនណាស់ ហើយពេលនេះគេជាន់យើងម្តងទៀតហើយ តើយើងគួរតែជាតិនិយមដាក់គេវិញទេចំពោះរឿងនេះ? »។

ណា សាឌី បានបន្ថែមទៀតថា «ជាតិនិយមដោយមិនចាំបាច់ប្រើភាសាអសីលធម៌ ឬអំពើហិង្សានោះទេ យើងគ្រាន់តែរួមរួបគ្នាប្រឆាំងលើទង្វើអយុត្តិធម៌របស់គេមកលើយើង រើបំរាស់ចំពោះរឿងដែលមិនត្រឹមត្រូវ និងមិនឱនក្បាលឱ្យគេវៃម្តងទៀតជាដាច់ខាត។ ខ្ញុំមិនកាន់ជើងខាងណា យុត្តិធម៌ត្រូវតែមានចំពោះអ្នកស្អាតស្អំពិតប្រាកដតែប៉ុណ្ណោះ សូមឱ្យរឿងនេះជារឿងសម្រាប់ស្ថាប័នទាំងពីរ មិនមែនសំដៅទៅលើប្រទេសទាំងមូលនោះទេ»។

គួរបញ្ជាក់ផងដែរថា ជុំវិញបញ្ហាចម្រូងចម្រាសផ្អើលពេញបណ្តាញសង្គមនេះស្ថាប័ន Miss Grand Cambodia នឹងធ្វើសន្និសីទកាសែតចំពោះបញ្ហាជាមួយលោក ណាវ៉ាត់ ខណៈ ប៊ី សុធារី សម្រេចចិត្តមិនប្រកួតនៅប្រទេសថៃឡើយ៕