មនុស្សគ្រប់គ្នាបានទន្ទឹងរង់ចាំថ្ងៃឆ្លងឆ្នាំមកដល់ដើម្បីជួបជុំក្រុមគ្រួសារ បរិភោគអាហារជុំគ្នាយ៉ាងសប្បាយរីករាយ ឬដើរកម្សាន្តទៅកាន់ទីជិតឆ្ងាយ ហើយវាក៏ជាថ្ងៃចាប់ផ្តើមជីវិតថ្មីសម្រាប់មនុស្សមួយចំនួនផងដែរ ក្រោយពីបានបំពេញការងារនឿយហត់ពេញមួយឆ្នាំ ។ ក្រៅពីការជួបជុំគ្នានៅផ្ទះ តើយើងគួរតែធ្វើខ្លួនបែបណាខ្លះនៅថ្ងៃឆ្លងឆ្នាំ?

ខាងក្រោមនេះ គឺជាទម្លាប់ល្អៗមួយចំនួនដែលគួរអនុវត្ត ៖

១-ពិនិត្យរឿងរ៉ាវកើតឡើងក្នុងឆ្នាំចាស់ និងកំណត់គោលដៅឆ្នាំថ្មី ៖ ចូរសរសេររឿងរ៉ាវផ្សេងៗដែលបានកើតឡើងក្នុងឆ្នាំចាស់ និងកំណត់គោលដៅឆ្នាំថ្មីថា តើមានគម្រោងធ្វើអ្វីខ្លះ ដូចជា ៖ សន្សំប្រាក់ទិញលំនៅឋាន, រថយន្ត និងទិញសម្ភារៈធំៗសម្រាប់ជារង្វាន់ឱ្យខ្លួនឯងធ្វើការនឿយហត់ពេញមួយឆ្នាំ ។ ចូរកំណត់គោលដៅឆ្នាំថ្មី និងកុំខ្លាចខុស គ្រាន់តែទៅឱ្យដល់គោលដៅនោះ គឺចាត់ទុកថា យើងទទួលបានជោគជ័យ ។

២-ធ្វើបុណ្យ និងធ្វើអ្វីមានប្រយោជន៍ដល់សង្គម ៖ ចូររកពេលធ្វើបុណ្យ រាប់បាត្រព្រះសង្ឃ និងស្តាប់ធម៌ ហើយយើងអាចសូត្រធម៌នៅថ្ងៃឆ្លងឆ្នាំ និងអង្គុយសមាធិ ។ ក្រៅពីនេះ ចូរធ្វើអ្វីមានប្រយោជន៍ដល់សង្គម ដូចជា ៖ បរិច្ចាគសម្ភារៈផ្សេងៗឱ្យអ្នកខ្សត់ខ្សោយ និងបោសសម្អាតទីធ្លាវត្ត ។

៣-ក្រាបសុំពរពីចាស់ទុំ ៖ ក្រៅពីការថ្វាយបង្គំព្រះសង្ឃក្នុងវត្តហើយ កុំភ្លេចក្រាបសំពះជីដូន-ជីតា ឪពុក-ម្តាយ និងសាច់ញាច់ចាស់ទុំក្នុងផ្ទះដើម្បីសុំពរឆ្នាំថ្មី ដែលយើងចាត់ទុកថា ជាអ្នកមានគុណរបស់ខ្លួន ។

៤-ក្រោកពីព្រឹកព្រលឹមនៅថ្ងៃដើមឆ្នាំ ៖ ចូរក្រោកពីព្រឹកព្រលឹមនៅថ្ងៃដើមឆ្នាំដើម្បីចាប់ផ្តើមជីវិតថ្មីប្រកបដោយភាពស្រស់បំព្រង និងទទួលយកអ្វីថ្មីៗចូលក្នុងជីវិត ។ រីឯអ្នកកំណត់គោលដៅក្លាយជាមនុស្សថ្មី ក៏អាចចាប់ផ្តើមដោយការក្រោកពីព្រលឹមផងដែរដើម្បីផ្លាស់ប្តូរខ្លួនឯង ។

៥-ផ្លាស់ប្តូរការគិត ៖ ចូរគិតបែបវិជ្ជមាន មើលពិភពលោកក្នុងផ្លូវល្អ និងផ្លាស់ប្តូរអាកប្បកិរិយារបស់ខ្លួនឱ្យល្អប្រសើរឡើង ។ យើងអាចព្យាយាមញញឹមឱ្យបានច្រើន សើចញឹកញាប់ និងជាមនុស្សមានសេចក្តីសុខរាល់ថ្ងៃ ហើយបោះចោលបញ្ហាណាមិនសំខាន់ ឈប់គិតពីវានាំតែតានតឹងផ្លូវចិត្ត ឬដាក់សម្ពាធខ្លួនឯង ។

គួរបញ្ជាក់ថា នៅថ្ងៃទី១ ខែមករា យើងគួរចៀសវាងការងារបោកគក់ និងបោសជូតផ្ទះ ពីព្រោះចាស់បុរាណជឿថា គឺជាការបណ្តេញលាភសំណាងចេញពីផ្ទះ ប៉ុន្តែគួរធ្វើអ្វីៗឱ្យរួចរាល់នៅថ្ងៃចុងឆ្នាំ ។ ក្រៅពីនេះ ពុំគួរកាត់សក់, កក់សក់, ពុំដើរលេងរហូតបាត់បង់ស្មារតី, ប្រយ័ត្នពាក្យសម្តី, កុំសម្លាប់សត្វ និងប្រយ័ត្នពេលដើរកុំឱ្យជំពប់ជើងដួល ពីព្រោះវាបង្ហាញពីឧបសគ្គក្នុងឆ្នាំថ្មី ៕

យន្តហោះរបស់ Air Canada មួយត្រូវបង្ខំចិត្តចុះចតជាបន្ទាន់ បន្ទាប់ពីជួបបញ្ហាជាមួយប្រព័ន្ធឧបករណ៍ចុះចត។

ជើងហោះហើរ AC2259 ដែលចេញដំណើរពីទីក្រុង St. John’s មានបញ្ហាក្នុងការចុះចតនៅម៉ោងប្រមាណ៨:៣០នាទី ដោយសុំចុះចត នៅអាកាសយានដ្ឋានអន្តរជាតិ Halifax Stanfield។

មុនពេលកើតហេតុយន្តហោះចាប់ផ្តើមបត់ឆ្វេងប្រហែល២០ដឺក្រេ ហើយស្លាប និងម៉ាសុីរបស់យន្តហោះចាប់ផ្តើមរអិលលើផ្លូវរត់។

ឧបទ្ទវហេតុនេះបណ្តាលឱ្យយន្តហោះរអិលធ្លាក់ចេញពីផ្លូវរត់ ហើយម៉ាស៊ីនមួយបានឆេះ បង្ខំឱ្យក្រុមជួយសង្គ្រោះជួយអន្តរាគមន៍ភ្លាមៗដើម្បីធានាសុវត្ថិភាពអ្នកដំណើរទាំងអស់។

យន្តហោះនេះផ្ទុកមនុស្សប្រមានណជា៨០នាក់ ដោយក្នុងឧបទ្ទវហេតុនេះមិនបណ្តាលឱ្យមានមនុស្សស្លាប់និងរបួសនោះទេ៕

សហរដ្ឋអាមេរិក ៖ ប្រធានាធិបតីអាមេរិកថ្មី លោក Donald Trump បានស្នើឱ្យតុលាការកំពូលអាមេរិកពន្យារពេលហាមឃាត់ការប្រើប្រាស់ TikTok ដែលកំណត់ថា ពលរដ្ឋអាមេរិកអាចប្រើប្រាស់ TikTok ត្រឹមដើមឆ្នាំ២០២៥ ។ ការពន្យារពេលនេះ ដើម្បីឱ្យមានពេលវេលាដោះស្រាយបញ្ហាពេលលោកឡើងកាន់តំណែងជាប្រធានាធិបតី នៅថ្ងៃទី២០ ខែមករា ឆ្នាំ២០២៥ ។

លោក Trump បានអំពាវនាវឱ្យតុលាការកំពូលអាមេរិកផ្អាកអនុវត្តច្បាប់ហាមឃាត់ការប្រើប្រាស់ TikTok នៅអាមេរិក ដែលជាបណ្តាញសង្គមចែករំលែកវីដេអូខ្លីដ៏ពេញនិយមរបស់ចិន ឬឈប់បង្ខំឱ្យ TikTok លក់កម្មវិធីនេះ ដែលអាមេរិកមានអ្នកប្រើប្រាស់រហូតដល់ជាង១៧០លាននាក់ ។ លោកលើកហេតុផលថា គួរតែមានពេលវេលាដោះស្រាយបញ្ហានេះក្រោយឡើងកាន់តំណែង ខណៈតុលាការកំពូលគ្រោងបើកសវនាការពិចារណាករណីនេះ នៅថ្ងៃទី១០ ខែមករា ឆ្នាំ២០២៥ ឬមុនពេលលោក Trump កាន់តំណែង ១០ថ្ងៃ ។

ច្បាប់អាមេរិកបានកំណត់ឱ្យក្រុមហ៊ុនចិន ByteDance ជាម្ចាស់របស់ TikTok ត្រូវតែលក់បណ្តាញសង្គមដ៏ពេញនិយមឱ្យក្រុមហ៊ុនអាមេរិក បើមិនដូច្នោះទេ អាមេរិកនឹងហាមឃាត់ការប្រើប្រាស់បណ្តាញសង្គមនេះ ។ កាលពីខែមេសា ឆ្នាំ២០២៤ សភាអាមេរិកបានអនុម័តច្បាប់ហាមឃាត់ TikTok លុះត្រាតែ ByteDance លក់បណ្តាញសង្គម ត្រឹមថ្ងៃទី១៩ ខែមករា ឆ្នាំ២០២៥ ។

គេចាត់ទុកថា នេះជាការផ្លាស់ប្តូរគោលជំហរយ៉ាងច្បាស់របស់លោក Trump ពីព្រោះកាលពីលោកកាន់តំណែងជាប្រធានាធិបតីអាមេរិកអាណត្តិមុន លោកបានប្រកាន់គោលជំហរយ៉ាងតឹងរ៉ឹងចំពោះ TikTok ។ កាលពីឆ្នាំ២០២០ លោកព្យាយាមបញ្ឈប់ការប្រើប្រាស់ TikTok នៅអាមេរិក និងបង្ខំឱ្យ ByteDance លក់ TikTok ឱ្យក្រុមហ៊ុនអាមេរិក ។

ប៉ុន្តែក្រោយពីលោក Trump ជួបជាមួយលោក Shou Zi Chew ជា CEO របស់ TikTok នៅរដ្ឋផ្លរីដា ស្រាប់តែលោកប្រកាសពីមិត្តភាពជាមួយ TikTok ហើយប្រាប់ថា ចង់ឱ្យបណ្តាញសង្គមនេះដំណើរការនៅអាមេរិកមួយរយៈទៀត ។ លោកថែមទាំងនិយាយថា ចំនួនទស្សនាវីដេអូក្នុង TikTok របស់លោកក្នុងពេលរកសំឡេងឆ្នោត គឺស្មើរហូតដល់រាប់លានលើក ៕

ប្រទេសអង់គ្លេស ៖ កាលពីថ្ងៃទី២៩ ខែធ្នូ ឆ្នាំ២០២៤ សារព័ត៌មានបរទេសបានចុះផ្សាយពីស្ត្រីអង់គ្លេសម្នាក់មានអាការៈខុសប្លែកខ្លាំងក្រោយពីវះកាត់ខួរក្បាលនៅមន្ទីរពេទ្យរួច គឺស្ត្រីរូបនេះអាចនិយាយភាសាអ៊ីតាលីច្បាស់ៗ និងផ្លាស់ប្តូរសំឡេងដើមទាំងស្រុង ។

អ្នកស្រី Althia Bryden បានប្រាប់ពីភាពខុសប្លែករបស់ខ្លួន ដែលអាចនិយាយភាសាអ៊ីតាលីដូចជ.នជាតិដើម ក្រោយការវះកាត់ ។ អ្នកស្រីបានកើតនៅទីក្រុងឡុងដ៍ ប្រទេសអង់គ្លេស ហើយពុំធ្លាប់ធ្វើដំណើរទៅប្រទេសអ៊ីតាលី ពីមុនទេ ប៉ុន្តែហេតុអ្វីអ្នកស្រីចេះនិយាយភាសាអ៊ីតាលី ថែមទាំងមានកាយវិការដូចគ្នាទៀត?

អ្នកស្រីមានអាយុ៥៨ឆ្នាំ បានចូលនិវត្តន៍ពីការងារ ហើយបច្ចុប្បន្ន អ្នកស្រីរស់នៅទីក្រុងឡុងដ៍ ជាមួយស្វាមីឈ្មោះ Winston អាយុ៦៣ឆ្នាំ ដែលបានជួយថែទាំអ្នកស្រីរហូតរមក ។ អ្នកស្រីមានជំងឺដាច់សរសៃឈាមខួរក្បាល កាលពីថ្ងៃទី៤ ខែឧសភា ឆ្នាំ២០២៤ ពេលនោះ អ្នកស្រីពុំអាចនិយាយបានទេ ហើយរាងកាយផ្នែកខាងលើគ្មានចលនាអស់រយៈពេល៣ខែ ។

បន្ទាប់ពីបានទទួលការវះកាត់ខួរក្បាល នៅខែសីហា ឆ្នាំ២០២៤ ស្រាប់តែអ្នកស្រីអាចនិយាយបានវិញ ប៉ុន្តែបែរជានិយាយភាសាអ៊ីតាលីយ៉ាងច្បាស់ បើទោះជាពុំធ្លាប់ទៅប្រទេសអ៊ីតាលីក្តី ។ លើសពីនេះ អ្នកស្រីថែមទាំងបង្ហាញកាយវិការដូចជនជាតិអ៊ីតាលីទៀតផង ដែលធ្វើឱ្យគ្រូពេទ្យភ្ញាក់ផ្អើលយ៉ាងខ្លាំង ។

ពីដំបូង អ្នកស្រីពុំជឿថា ខ្លួនអាចនិយាយភាសាអ៊ីតាលីបានទេ និងពុំចាំសំឡេងខ្លួនឯង ។ ក្រុមគ្រូពេទ្យបានពិនិត្យអាការៈអ្នកស្រី ប៉ុន្តែពួកគេឈរស្រឡាំងកាំង ពេលឮអ្នកស្រីនិយាយកាន់តែច្រើន និងបញ្ចេញសំឡេងច្បាស់ ។ គ្រូពេទ្យសួរថា តើអ្នកស្រីធ្លាប់និយាយភាសាអ៊ីតាលីឬក៏អត់ មុនកើតជំងឺដាច់សរសៃឈាមខួរក្បាល? វាគួរឱ្យបារម្ភខ្លាំងណាស់ដែលមានប្លែកៗបែបនេះ ហើយសូម្បីតែសំឡេងសើច ក៏ពុំដូចមុនដែរ ៕

គ្រូពេទ្យជំនាញការនិយាយ បញ្ជាក់ថា អ្នកស្រី Bryden បានកើតជំងឺកម្រមួយ ឬការបញ្ចេញសំឡេងបែបជនបរទេស ទើបធ្វើឱ្យសំឡេងដើមផ្លាស់ប្តូរទាំងស្រុង ។ វាបណ្តាលមកពីការខូចខួរក្បាល ហើយអ្នកជំងឺបាត់បង់ការទំនាក់ទំនងផ្នែកភាសា ឬពិបាកប្រើប្រាស់ភាសា ៕