Peypey Dy និង ចែតាបារាំង បង្ហោះសំណេរយ៉ាងក្តៅគគុក

ផ្ទុះរឿងក្តៅគគុកសម្រាប់ចុងឆ្នាំ២០២៤ បន្ទាប់ពីមានគណនីបណ្តាញសង្គមមួយ
បង្ហោះរូបភាពនិងវីដេអូរបស់អ្នកលក់អនឡាញល្បីឈ្មោះម្នាក់ជំពាក់ប្រាក់រហូតដល់ទៅ២០ម៉ឺនដុល្លារ។ ស្របពេលមានរឿងរសើបនេះទស្សនិកជនបានឃើញបុគ្គលល្បីឈ្មោះ Peypey dy និង alex conan real ឬចែតាបារាំង បានបង្ហោះសារយ៉ាងក្តៅគគុកមួយ។

ព្រឹកថ្ងៃទី៣១ ខែធ្នូ Peypey dy បានបង្ហោះថា «កម្មវាអត់ចាំជាតិក្រោយទេ ហាយសូរប្រហោងក្នុង តាំងពីពេលចរចារតម្លៃជាមួយខ្ញុំហើយគ្មានសមត្ថភាពយកខ្ញុំ ផុសរូបជាមួយខ្ញុំធ្វើទីផ្សារ ហើយដើរនិយាយអាក្រក់ពីខ្ញុំ ទាំងខ្ញុំមិនធ្លាប់បានធ្វើអាក្រក់ ឬបង្កបញ្ហាជាមួយសោះ ថាជាន់ក៏បានថាម៉េចក៏បានតាមបេះដូង»។ មិនត្រឹមតែ Peypey dy ប៉ុណ្ណោះទេដែលចេញមកបង្ហោះបែបនេះងាកទៅកាន់ ចែតាបារាំងវិញក៏បានបង្ហោះដែរថា «អ៊ីចឹងបានថាកុំស្បថ ទាន់ហន់ណាស់និយាយមែនកាដូមុនដាច់ឆ្នាំតាមទាន់អត់?»។

គួរបញ្ជាក់ថា កាលពីខែធ្នូ ឆ្នាំ២០២៣ មានអ្នកជំនួញអនឡាញប៉ុន្មានរូបបានឈ្លោះល្បីផ្អើលប្រទេសឈានដល់នាំគ្នាទៅស្បថស្បែនៅមុខព្រះអង្គដងកើជាមួយពាក្យសម្តីសាហាវៗឡើងផ្អើលអស់មនុស្សម្នាទៅមើលពួកគេទាំងពាក់កណ្តាលយប់។ ក្រោយមានជម្លោះស្បថស្បែរួច Peypey Dy និង ចែតា ចេញមកហែក ម៉ាដាម ដា ជាម្ចាស់ប្រ៊េនមិនសមជាអ្នកដឹកនាំ ក្រុមហ៊ុនគ្មានសមត្ថភាពយកពួកគេជាអ្នកតំណាងផលិតផលបែរជានិយាយតម្លៃខ្លួនគេទៅប្រាប់អ្នកផ្សេងទៅវិញ និងនិយាយមិនល្អពីតួទៀតថាធ្វើខ្លួនមិនស្អាតបាត សក់មិនទាំងចង់សិត។

យ៉ាងណាមិញ បន្ទាប់ពីរឿង BA ផ្ទុះខ្លាំងពេកអ្នកនាង សៀន សូលីដា ហៅ ម៉ាដាម ដា ចេញលិខិតជូនដំណឹងពីមេធាវីជាផ្លូវការដើម្បីមានបំណងការពារសិទ្ធិ និងផលប្រយោជន៍ស្របច្បាប់របស់ក្រុមហ៊ុនក្រោយពីមានក្រុមបុគ្គលមួយចំនួន បានធ្វើរាល់សកម្មភាពមានចេតនា និយាយបង្កាច់បង្អួចដើម្បី ទទួលបានផលប្រយោជន៍ផ្ទាល់ខ្លួន ធ្វើឱ្យប៉ះពាល់ដល់កេរ្តិ៍ឈ្មោះ៕