ប្រធានាធិបតីអាមេរិកលោក ដូណាល់ ត្រាំ មានប្រពន្ធ ៣ និងកូន ៥ ដែលកូននីមួយៗរបស់លោកសុទ្ធតែជាមហាសេដ្ឋី មានមុខរបរផ្ទាល់ខ្លួន គ្មានរឿងអាស្រូវក្នុងជីវិតឯកជននោះទេ ធ្វើឱ្យមនុស្សគ្រប់គ្នាកោតសរសើរថា ប្រធានាធិបតីជាប់ឆ្នោតរូបនេះពិតជាពូកែចិញ្ចឹមកូនខ្លាំងណាស់។ ទោះជាយ៉ាងណាកូនប្រុសច្បងរបស់លោកគឺ Fred Trump Jrបានបាត់បង់ជីវិតហើយ ដោយសារគ្រោះ.ថ្នាក់ចរាចរណ៍។ ដូច្នេះបច្ចុប្បន្នប្រធានាធិបតីអាមេរិករូបនេះមានកូនត្រឹមតែ ៤ នាក់ប៉ុណ្ណោះ។

យោងតាមលោក Joshua Kendall អ្នកនិពន្ធសៀវភៅ First Dads ស្តីពីជីវប្រវត្តិរបស់បុគ្គលល្បីៗនៅអាមេរិកបាននិយាយថា លោក Trump មិនមានពេលច្រើនទេក្នុងការមើលថែកូនៗ ប៉ុន្តែការយកចិត្តទុកដាក់គឺចាំបាច់បំផុតដើម្បីបង្កើតឥទ្ធិពលវិជ្ជមានក្នុងគ្រួសារ។ លោកស្រី Ivanka Trump ដែលជាកូនស្រីទីពីររបស់ Trump បានផ្តល់បទសម្ភាសថា ទោះបីឪពុករបស់នាងរវល់នឹងការងារខ្លាំងយ៉ាងណា ក៏មិនដែលបដិសេធការហៅទូរស័ព្ទរបស់នាងឡើយ មានន័យថា លោកត្រាំតែងតែទទួលទូរស័ព្ទកូនៗរបស់លោកជានិច្ច និងតែងតែយកចិត្តទុកដាក់លើអ្វីដែលកូនគាត់និយាយ ទោះបីជារឿងនោះជារឿងតូចតាចក៏ដោយ។

លោកត្រាំមិនដែលប្រកាន់ និងមិនដែលស្តីថាឱ្យកូនៗរបស់លោកនោះទេ លោកតែងតែបើកចំហនូវអ្វីៗគ្រប់យ៉ាងដោយមិនលាក់បាំង ដើម្បីឱ្យកូនៗរបស់លោកដឹងគ្រប់គ្នា។ Ivanka បានបន្តថា ឪពុករបស់នាងមានសម្តីផ្អែមល្ហែមណាស់ មិនដែលគំរោះគំរើយជាមួយកូនៗនោះទេ ហើយតែងតែផ្តល់សេរីភាពឱ្យកូន ក៏ដូចជាយល់ស្របតាមសំណើររបស់កូនជានិច្ច។ ទោះបីជាមិនដែលនៅក្បែរកូនគ្រប់ពេលវេលាក៏ដោយ ក៏លោកតែងតែផ្តល់ភាពកក់ក្តៅឱ្យកូនស្មើៗគ្នា។ ដូច្នេះកូនស្រីទីពីរ និងកូនជាច្រើនទៀត គិតថាឪពុករបស់ខ្លួនខិតខំណាស់ដើម្បីសុភមង្គលគ្រួសារ និងអាជីវកម្ម ហេតុនេះពួកគេត្រូវតែខិតខំរៀនសូត្រ ក៏ដូចជាខិតខំធ្វើការងារឱ្យបានល្អ ដើម្បីសាងកិត្តិយសឱ្យគ្រួសារ និងលើកមុខមាត់ឪពុករបស់ពួកគេ។

ទោះជាយ៉ាងណាលោកត្រាំ បានប្រកាន់ខ្ជាប់នូវគោលការណ៍បីគឺ កុំពិសាគ្រឿងស្រវឹង កុំជក់បារី និងកុំប្រើប្រាស់គ្រឿងញៀន។ លោក Trump បានពន្យល់ថា កូនប្រុសទីមួយរបស់លោកបានស្លាប់ដោយសារការសេពគ្រឿងស្រវឹង ហើយមិត្តភក្តិរបស់លោកខ្លះបានក្លាយទៅជា “អ្នកញៀនថ្នាំ” បំផ្លាញអនាគត និងអាជីពរបស់ខ្លួនឯង ដូច្នេះហើយលោកបាននៅឱ្យឆ្ងាយពីរឿងទាំងបីនេះ ហើយតែងតែរំលឹកកូនៗរបស់លោកឱ្យជៀសវាងពីរបស់ទាំងនេះ។ លោក Trump ធ្លាប់បានអះអាងនៅលើ Fox News ថា “លោកមិនដែលផឹកស្រា ជក់បារី និងប្រើប្រាស់គ្រឿងញៀននោះទេ” នេះក៏ដោយសារលោកមានកូនដ៏អស្ចារ្យ ហើយសង្ឃឹមថាពួកគេនឹងយកគំរូតាមលោក ក្លាយជាមនុស្សរឹងមាំ៕

មហាសេដ្ឋី Jack Ma សហស្ថាបនិកនៃក្រុមហ៊ុនពាណិជ្ជកម្មអេឡិចត្រូនិកយក្ស Alibaba ធ្លាប់ជាបុរសមានបំផុតនៅក្នុងប្រទេសចិន និងជាពាណិជ្ជករជោគជ័យបំផុតម្នាក់នៅក្នុងពិភពលោក បានផ្តល់ដំបូន្មានថា ប្រសិនបើអ្នកចង់ក្លាយជាអ្នកមាន សូមកុំប្រើទម្លាប់ទាំងនេះឱ្យសោះ។

ទម្លាប់ទីមួយគឺការប្រើលេស ឬដោះសារ៖ មនុស្សប្រភេទនេះតែងតែរកលេសបន្ទាប់ពីបរាជ័យ។ ភាពបរាជ័យរបស់ពួកគេ គឺដោយសារទេវតា ព្រហ្មលិខិត និងកាលៈទេសៈ ប៉ុន្តែពួកគេមិនដែលគិតថាវាកើតឡើងដោយសារខ្លួនគេនោះទេ ដូច្នេះពេលជួបនឹងការលំបាក គេនឹងជ្រើសរើសយកការបោះបង់ ជាហេតុធ្វើឱ្យពួកគេក្រីក្ររហូត។

នេះបើតាមសម្តី Jack Ma មនុស្សមានទេពកោសល្យពិតប្រាកដមិនដែលរកលេសដោះសារនោះឡើយ។ ពួកគេតែងតែរិះគន់ខ្លួនឯង ហើយសង្ឃឹមថាពួកគេនឹងទទួលបាននូវបទពិសោធន៍ថ្មីទាំងស្រុង ហើយបន្ទាប់មកងើបឡើងវិញ។ ពួកគេហ៊ានសារភាពនូវអ្វីដែលខ្លួនបានធ្វើខុស ប៉ុន្តែមិនអាចបន្ទោសអ្នកដទៃបានទេ។

មហាសេដ្ឋីវ័យ ៦០ ឆ្នាំរូបនេះបានចែករំលែកទៀតថា ទម្លាប់ទីពីរដែលធ្វើឱ្យមនុស្សក្រីក្រគឺដោយសារភាពខ្ជិល និងការត្អូញត្អែរ ទួញសោក៖ មនុស្សជាច្រើនតែងតែត្អូញត្អែរ ស្តីបន្ទោស និងច្រណែនថាហេតុអ្វីបានជាពួកគេនៅតែក្រ ហើយមិនអាចជោគជ័យបាន។ ពួកគេតែងតែស្តីបន្ទោសគ្រប់បែបយ៉ាង សម្លឹងមើលអ្នកដទៃដោយចិត្តច្រណែនឈ្នានីស។ ទោះជាយ៉ាងណាក៏ដោយ នៅពេលដែលលែងមានអ្នកស្តាប់ភាពត្អូញត្អែរ ទួញសោករបស់គាត់ គាត់នឹងបាត់បង់ការទុកចិត្ត និងការអាណិតស្រឡាញ់ពីមនុស្សគ្រប់គ្នា ហើយនឹងបាត់បង់ឱកាសដើម្បីទទួលបានការគាំទ្រក្នុងអាជីពការងារផងដែរ។

ចំណុចទីបីគឺគ្មានគោលដៅជីវិតច្បាស់លាស់៖ Jack Ma បាននិយាយថា មនុស្សគ្មានគោលដៅជីវិតច្បាស់លាស់អាចធ្វើឱ្យពួកគេរស់នៅពិបាក និងក្រីក្រ ដោយសារតែពួកគេអាចជាមនុស្សខិតខំប្រឹងប្រែងដែរ ប៉ុន្តែខំដោយគ្មានហេតុផលច្បាស់លាស់ គិតតែពីខំធ្វើដោយពុំមានលទ្ធផលអ្វីសោះ ដូច្នេះដើម្បីឱ្យជីវិតយើងប្រសើរឡើងទៅមុខ អ្នកគួរមានគោលដៅក្នុងជីវិតឱ្យបានច្បាស់លាស់៕

ដើម្បីទាក់ទាញភ្ញៀវទេសចរក្នុងអំឡុងរដូវរងា ប្រទេសចិនថ្មីៗនេះបានបង្ហាញកន្លែងកម្សាន្តល្បីៗចំនួន ៥ ដែលភ្ញៀវទេសចរមិនគួរមើលរំលង។ ដូច្នេះខាងក្រោមនេះគឺជាទីតាំងធ្លាក់ព្រិលដ៏ស្រស់ស្អាតបំផុតក្នុងប្រទេសចិននៅដើមឆ្នាំ ២០២៥។

១.កង្ហារខ្យល់នៅឧទ្យាន Nvshan Lake៖ ឧទ្យាន Nvshan Lake ក្នុងទីក្រុង Mingguang ខេត្ត Anhui ភាគខាងកើតប្រទេសចិន គឺមានកង្ហារខ្យល់ខ្នាតតូចៗជាច្រើនសរុបប្រមាណ ៥០០,០០០ គ្រឿងដែលច្នៃជាពណ៌ចម្រុះ និងរចនាម៉ូដប្លែកៗ សម្រាប់អ្នកទស្សនាទៅកម្សាន្តនៅទីនោះ។

២.ប្រាសាទ Huayan៖ ភាពអស្ចារ្យរបស់ប្រាសាទ Huayan ដែលជាស្នាដៃស្ថាបត្យកម្មមានអាយុកាលតាំងពីឆ្នាំ ១០៣៨ នៃគ.ស បានបង្ហាញពីភាពទាក់ទាញដ៏យូរអង្វែងរបស់ខ្លួន នៅក្រោមផ្ទាំងទឹកកកក្នុងទីក្រុង Datong ខេត្ត Shanxi ភាគខាងជើងប្រទេសចិន។

៣.ទីក្រុង Harbin៖ ទីក្រុង Harbin ក្នុងខេត្ត Heilongjiang ភាគឦសាននៃប្រទេសចិនបានក្លាយជាទីតាំងកម្សាន្តដ៏ពេញនិយមមួយក្នុងរដូវរងារនេះ ដោយសារតែព្រិលសបានគ្រប់ដណ្តប់ពាសពេញទីកន្លែងក្នុងខេត្តនេះ។

៤.សួនផ្ការីកក្នុងខេត្ត Guizhou៖ សួនផ្ការីកក្នុងខេត្ត Guizhou ប្រទេសចិន បានទាក់ទាញភ្ញៀវទេសចររាប់ពាន់នាក ឱ្យមកទស្សនានូវទិដ្ឋភាពផ្ការីកលើដីរាប់ហិចតា ជាមួយនឹងទេសភាពស្រស់ស្អាតបំផុត។

៥.ហុងកុង Disneyland៖ សម្រាប់ការធ្វើដំណើរទៅកម្សាន្ត Disneyland គឺពេញនិយមបំផុតសម្រាប់កុមារគ្រប់រូប ដោយមិនខកបំណងឡើយ។ នៅរដូវរងារនេះតំបន់នេះ បានទាក់ទាញអ្នកទស្សនារាប់លាននាក់ក្នុងមួយឆ្នាំៗ។ វាគឺជាសួនកម្សាន្តធំបំផុតក្នុងទីក្រុងហុងកុង ដោយអ្នកមកទស្សនាទីនេះនឹងទទួលបានអ្វីដែលថ្មី ប្លែកភ្នែក ជាមួយបទពិសោធន៍ធ្លាក់ព្រិលដ៏សម្បូរបែប និងមានប្រជាប្រិយភាពខ្លាំង ដោយទទួលបានអារម្មណ៍ស្រស់ស្រាយនៅតំបន់កំសាន្តនោះ៕

ដើម្បីទាក់ទាញភ្ញៀវទេសចរក្នុងអំឡុងរដូវរងា ប្រទេសចិនថ្មីៗនេះបានបង្ហាញកន្លែងកម្សាន្តល្បីៗចំនួន ៥ ដែលភ្ញៀវទេសចរមិនគួរមើលរំលង។ ដូច្នេះខាងក្រោមនេះគឺជាទីតាំងធ្លាក់ព្រិលដ៏ស្រស់ស្អាតបំផុតក្នុងប្រទេសចិននៅដើមឆ្នាំ ២០២៥។

១.កង្ហារខ្យល់នៅឧទ្យាន Nvshan Lake៖ ឧទ្យាន Nvshan Lake ក្នុងទីក្រុង Mingguang ខេត្ត Anhui ភាគខាងកើតប្រទេសចិន គឺមានកង្ហារខ្យល់ខ្នាតតូចៗជាច្រើនសរុបប្រមាណ ៥០០,០០០ គ្រឿងដែលច្នៃជាពណ៌ចម្រុះ និងរចនាម៉ូដប្លែកៗ សម្រាប់អ្នកទស្សនាទៅកម្សាន្តនៅទីនោះ។

២.ប្រាសាទ Huayan៖ ភាពអស្ចារ្យរបស់ប្រាសាទ Huayan ដែលជាស្នាដៃស្ថាបត្យកម្មមានអាយុកាលតាំងពីឆ្នាំ ១០៣៨ នៃគ.ស បានបង្ហាញពីភាពទាក់ទាញដ៏យូរអង្វែងរបស់ខ្លួន នៅក្រោមផ្ទាំងទឹកកកក្នុងទីក្រុង Datong ខេត្ត Shanxi ភាគខាងជើងប្រទេសចិន។

៣.ទីក្រុង Harbin៖ ទីក្រុង Harbin ក្នុងខេត្ត Heilongjiang ភាគឦសាននៃប្រទេសចិនបានក្លាយជាទីតាំងកម្សាន្តដ៏ពេញនិយមមួយក្នុងរដូវរងារនេះ ដោយសារតែព្រិលសបានគ្រប់ដណ្តប់ពាសពេញទីកន្លែងក្នុងខេត្តនេះ។

៤.សួនផ្ការីកក្នុងខេត្ត Guizhou៖ សួនផ្ការីកក្នុងខេត្ត Guizhou ប្រទេសចិន បានទាក់ទាញភ្ញៀវទេសចររាប់ពាន់នាក ឱ្យមកទស្សនានូវទិដ្ឋភាពផ្ការីកលើដីរាប់ហិចតា ជាមួយនឹងទេសភាពស្រស់ស្អាតបំផុត។

៥.ហុងកុង Disneyland៖ សម្រាប់ការធ្វើដំណើរទៅកម្សាន្ត Disneyland គឺពេញនិយមបំផុតសម្រាប់កុមារគ្រប់រូប ដោយមិនខកបំណងឡើយ។ នៅរដូវរងារនេះតំបន់នេះ បានទាក់ទាញអ្នកទស្សនារាប់លាននាក់ក្នុងមួយឆ្នាំៗ។ វាគឺជាសួនកម្សាន្តធំបំផុតក្នុងទីក្រុងហុងកុង ដោយអ្នកមកទស្សនាទីនេះនឹងទទួលបានអ្វីដែលថ្មី ប្លែកភ្នែក ជាមួយបទពិសោធន៍ធ្លាក់ព្រិលដ៏សម្បូរបែប និងមានប្រជាប្រិយភាពខ្លាំង ដោយទទួលបានអារម្មណ៍ស្រស់ស្រាយនៅតំបន់កំសាន្តនោះ៕

ប្រទេសម៉ាឡេស៊ី ៖ កាលពីថ្ងៃទី១៣ ខែវិច្ឆិកា ឆ្នាំ២០២៤ សារព័ត៌មានបរទេសរាយការណ៍ថា មហាជនបានសរសើរពីទឹកចិត្តរបស់នាយកក្រុមហ៊ុន១រូប ដែលបានចំណាយប្រាក់រាប់ម៉ឺនដុល្លារអាមេរិកទិញរថយន្តទំនើបៗចែកបុគ្គលិកក្នុងក្រុមហ៊ុន ដើម្បីអរគុណពួកគេដែលប្រឹងប្រែងបំពេញការងារកន្លងមក ។

លោក John Wong នាយកក្រុមហ៊ុន Superstar Family KTV និងនាយកភោជនីយដ្ឋាន Warakuya Japanese Restaurant នៅប្រទេសម៉ាឡេស៊ី បានចំណាយប្រាក់ជាង៦៨ម៉ឺនដុល្លារអាមេរិក ទិញរថយន្តសម្រាប់ជារង្វាន់ចែកបុគ្គលិក ។ លោកបាននិយាយមកកាន់ប្រព័ន្ធផ្សព្វផ្សាយថា លោកតែងតែចែករង្វាន់ឱ្យបុគ្គលិកជារៀងរាល់ឆ្នាំ ដើម្បីអរគុណពួកគេដែលបានប្រឹងប្រែងបំពេញការងារអស់ពីសមត្ថភាព ហើយនៅឆ្នាំ២០២៤ លោកបានទិញរថយន្តចែកបុគ្គលិក ចំនួន៣១នាក់ ។

នៅក្នុងពិធីចែករង្វាន់ឆ្នាំនេះ លោក John បានចែករង្វាន់ពិសេស គឺរថយន្តម៉ាក BMW 6 Series ទៅកាន់នាយកសាខា ចំនួន៤រូប ដោយសារពួកគេបានធ្វើការក្នុងក្រុមហ៊ុនអស់រយៈពេលជាច្រើនឆ្នាំ ។ លោកថា ៖ «រថយន្តទាំង៤គ្រឿងនេះ គឺជារង្វាន់សម្រាប់នាយកសាខាជាន់ខ្ពស់ដែលបានរួមសុខ រួមទុក្ខ និងចូលរួមអាជីវកម្មជាមួយខ្ញុំ» ។

ក្រៅពីនេះ ក្រុមហ៊ុនក៏បានចែករថយន្តឱ្យបុគ្គលិកដែលបានឡើងតួនាទីការងារ រីឯបុគ្គលិកបរទេសក៏បានទទួលរថយន្តដូចគ្នាដែរ ។ រថយន្តដែលក្រុមហ៊ុនចែកបុគ្គលិក រួមមាន ៖ ម៉ាក Audi, Toyota, Honda និង Proton ហើយក្រុមហ៊ុននឹងបន្តចែករថយន្តទៅបុគ្គលិកទាំងអស់ ត្រឹមដំណាច់ឆ្នាំ២០២៤ ។

ចំណែកបុគ្គលិកបរទេសគ្មានប័ណ្ណបើកបរនៅប្រទេសម៉ាឡេស៊ី គឺក្រុមហ៊ុននឹងឱ្យពួកគេទៅប្រឡងយកប័ណ្ណបើកបរ និងចេញថ្លៃចំណាយផ្សេងៗឱ្យទាំងអស់ ។ ក្រុមហ៊ុនបញ្ជាក់ថា បុគ្គលិកគ្រប់រូបមានសិទ្ធិស្មើៗគ្នា មិនថាបុគ្គលិកម៉ាឡេស៊ី ឬបរទេស ។

នាយកគ្រប់គ្រងសាខា១រូប ឈ្មោះ ហេរីន អាយុ៣៤ឆ្នាំ និយាយថា នេះជាលើកទី២ហើយ ដែលខ្លួនទទួលបានរថយន្តពីក្រុមហ៊ុន ខណៈធ្លាប់ទទួលរថយន្តដំបូងពីក្រុមហ៊ុន កាលពី៧ឆ្នាំមុន ។ រីឯបុគ្គលិកផ្នែកទទួលភ្ញៀវ ឈ្មោះ ឆើន អាយុ២៧ឆ្នាំ ប្រាប់ថា ឆ្នាំនេះ ខ្លួនបានទទួលរថយន្តម៉ាក Audi ៕