សហព័ន្ធអារ៉ាប់រួម៖ ក្រុមហ៊ុន Emirates Mint បានបង្កើតកំណត់ត្រាថ្មីសម្រាប់ដុំមាសដ៏ធំបំផុតរបស់ពិភពលោក ជាមួយទម្ងន់ ៣០០.១២ គីឡូក្រាមដើម្បីជាកិត្តិយសដល់បេតិកភណ្ឌរបស់ UAE ។

ដុំមាសដែលផលិតដោយរោងចក្រ Emirates Mint Factory (EMF) បានទទួលងារជាដុំមាសដ៏ធំបំផុតក្នុងពិភពលោកដោយអង្គការកំណត់ត្រាពិភពលោក Guinness កាលពីថ្ងៃទី ១០ ខែវិច្ឆិកា នៅមជ្ឈមណ្ឌល Jaffza One Convention Center ទីក្រុងឌូបៃ នេះបើយោងតាមប្រព័ន្ធផ្សព្វផ្សាយរបស់អារ៉ាប់រួម។

ដុំមាសទម្ងន់ ៣០០.១២ គីឡូក្រាម បានបំបែកកំណត់ត្រាមាស ២៥០ គីឡូក្រាម របស់ក្រុមហ៊ុន Mitsubishi ដែលផលិតកាលពីប៉ុន្មានឆ្នាំមុន។ ក្រុមហ៊ុន Emirates Mint មានមហិច្ឆតាក្នុងការបង្កើតកំណត់ត្រានេះជាច្រើនឆ្នាំមកហើយ ដោយឥឡូវនេះពួកគេក៏បានជោគជ័យក្នុងការផលិតមាសធំជាងគេ ដែលការផលិតនេះមានគោលបំណងដើម្បីគោរពដល់បេតិកភណ្ឌរបស់ UAE និងបង្ហាញពីការដឹងគុណចំពោះការគាំទ្រដែលពួកគេបានទទួល។

ពួកគេបាននិយាយថា ការផលិតដុំមាសដ៏ធំបំផុតរបស់ពិភពលោកបានបង្ហាញពីមហិច្ឆតា និងឧស្សាហកម្មពិសេសនៃក្រុមហ៊ុនចម្រាញ់មាសនៅក្នុង UAE ដោយបានរួមចំណែកដោយជោគជ័យដល់សន្និសិទលោហៈដ៏មានតម្លៃនៅក្នុងទីក្រុងឌូបៃឆ្នាំនេះ។

ក្រុមហ៊ុន EMF ត្រូវបានបង្កើតឡើងក្នុងឆ្នាំ ២០១២ ដែលមានទីតាំងនៅសួនឧស្សាហកម្ម Al Quoz ក្នុងទីក្រុងឌូបៃ សហព័ន្ធអារ៉ាប់រួម។ យោងតាមព័ត៌មាននៅលើគេហទំព័ររបស់ក្រុមហ៊ុន EMF ដំណើរការរោងចក្រចម្រាញ់មាសទំនើបគឺមានសមត្ថភាពផលិតមាស និងប្រាក់ពី ១,០០០ ទៅ ១,២០០ គីឡូក្រាមក្នុងមួយថ្ងៃ៕

Pioppi ដែលជាភូមិតូចមួយ ស្ថិតនៅភាគខាងត្បូងប្រទេសអ៊ីតាលី មានទីតាំងនៅឆ្នេរសមុទ្រមេឌីទែរ៉ាណេ ត្រូវបានគេដាក់ឈ្មោះថាជា “ភូមិចំណាស់ជាងគេបំផុតក្នុងពិភពលោក” ដោយសារប្រជាជនរស់នៅភូមិនេះភាគច្រើនសុទ្ធតែមានអាយុលើសពី ១០០ ឆ្នាំ ធ្វើឱ្យវាមានល្បីល្បាញខ្លាំងទូទាំងពិភពលោក។ ដូច្នេះតើអ្វីបណ្តាលឱ្យអ្នកស្រុកក្នុងភូមិនេះមានអាយុសង្ឃឹមរស់ខ្ពស់បែបនេះ…?

ជាការពិតណាស់គឺហ្សែន ក្រៅពីហ្សែនដ៏ល្អមូលហេតុដែលប្រជាជនរស់នៅភូមិ Pioppi ភាគច្រើនសុទ្ធតែមានអាយុលើសពី ១០០ ឆ្នាំក៏ដោយសារបបអាហារមេឌីទែរ៉ាណេផងដែរ ដែលអាហារនៅទីនេះសម្បូរទៅដោយផ្លែឈើ និងបន្លែ ប្រេងអូលីវ គ្រាប់ធញ្ញជាតិ និងអាហារសមុទ្រស្រស់ៗដើរតួនាទីយ៉ាងសំខាន់។ របៀបរស់នៅសកម្ម ខ្យល់អាកាសបរិសុទ្ធ និងសុទិដ្ឋិនិយមក៏រួមចំណែកយ៉ាងសំខាន់ដល់សុខភាព និងអាយុវែងរបស់អ្នកស្រុកក្នុងភូមិ Pioppi ផងដែរ។

ទោះជាយ៉ាងណាក៏ដោយ មានមនុស្សតិចណាស់ដែលដឹងថា ប្រជាជន Pioppi ក៏មានអាថ៌កំបាំងពិសេសមួយទៀតដែរ នោះគឺការកំណត់ការប្រើប្រាស់ជាតិស្ករ។ ថ្វីត្បិតតែស្ករគឺជាគ្រឿងទេសដែលមើលទៅគ្មានគ្រោះថ្នាក់ខ្លាំងក៏ដោយ ក៏ប្រជាជន Pioppi មានការប្តេជ្ញាចិត្តយ៉ាងខ្លាំងក្នុងការគ្រប់គ្រងការទទួលទានជាតិស្កររបស់ពួកគេ។ ពួកគេញ៉ាំអាហារផ្អែមម្តងក្នុងមួយសប្តាហ៍ប៉ុណ្ណោះ ហើយជារឿយៗប្រើទឹកឃ្មុំ ឬផ្លែឈើស្រស់ជំនួសស្ករចម្រាញ់។

វេជ្ជបណ្ឌិត Aseem Malhotra ដែលជាគ្រូពេទ្យឯកទេសជំងឺបេះដូងជនជាតិអង់គ្លេសដ៏ល្បីល្បាញម្នាក់ បានធ្វើដំណើរទៅកាន់ភូមិ Pioppi ដើម្បីស្រាវជ្រាវអាថ៌កំបាំងនៃអាយុវែងរបស់មនុស្ស ហើយបានរកឃើញថា “ការកំណត់ការទទួលទានជាតិស្ករ” គឺជាកត្តាសំខាន់មួយក្នុងការរស់នៅបានយូរ និងមានសុខភាពល្អ ដែលប្រជាជនភីអូភីបានបង្ហាញឱ្យឃើញថាការ “កំណត់ជាតិស្ករ” គឺជាជម្រើសដ៏ឆ្លាតវៃដើម្បីការពារសុខភាព និងអាយុវែងរបស់អ្នក។

យោងតាមការសិក្សាវិទ្យាសាស្ត្រក៏បានបង្ហាញដែរថា ការទទួលទានជាតិស្ករច្រើនពេកអាចបណ្តាលឱ្យមានបញ្ហាសុខភាពធ្ងន់ធ្ងរជាច្រើនដូចជា ធាត់ ទឹកនោមផ្អែម ជំងឺសរសៃឈាមបេះដូង ខ្លាញ់រុំថ្លើម និងមហារីកមួយចំនួនដូចជា មហារីកបំពង់អាហារ ពោះវៀនធំ និងមហារីកក្រពះ លើសពីនេះវាក៏ធ្វើឱ្យស្បែកឆាប់ចាស់ផងដែរ៕

Zhao Wei រួមជាមួយនឹងក្រុមហ៊ុនចំនួនពីររបស់នាង Longwei Tibet Cultural Media Co. និង Xiangyuan Tourism and Cultural Co. ត្រូវបានគេតម្រូវឱ្យបង់ប្រាក់ពិន័យចំនួន ៨,៤៨៨ យន់ (ប្រហែល ១,១៧២ ដុល្លារ)។ តុលាការក៏បានអនុវត្តការបង់ប្រាក់បន្ថែមចំនួន ៥,៦៩៨ យន់ (ជិត៨០០ដុល្លារ) ដោយក្រុមហ៊ុនទាំងពីរ។ នេះបើតាមការឱ្យដឹងពី Ifeng កាលពីថ្ងៃទី១៩ វិច្ឆិកា។

Longwei Tibet ត្រូវបានបង្កើតឡើងក្នុងឆ្នាំ២០១៦ គឺ ៩៥% គ្រប់គ្រងដោយ Zhao ខណៈដែល Xiangyuan Tourism and Cultural Co. ដែលពីមុន Wanjia Culture ត្រូវបានគ្រប់គ្រងរួមគ្នាដោយ Zhao Wei និងស្វាមីរបស់អ្នកជំនួញ Huang Youlong ។ ការផាកពិន័យនេះកើតចេញពីវិវាទផ្លូវច្បាប់ជាង ៤០០ ដែលមានតាំងពីឆ្នាំ២០១៧ ទាក់ទងទៅនឹងការប្រើប្រាស់ព័ត៌មានក្លែងក្លាយរបស់ Longwei ក្នុងប្រតិបត្តិការមូលបត្រ។

នៅចុងឆ្នាំ ២០១៧ គណៈកម្មាធិការនិយតកម្មមូលបត្ររបស់ប្រទេសចិនបានបង្ហាញថា Zhao Wei និងស្វាមីរបស់នាងបានក្លែងបន្លំឧបករណ៍ហិរញ្ញវត្ថុ ទិន្នន័យអាជីវកម្មក្លែងក្លាយ ការផ្ទេរភាគហ៊ុនមិនត្រឹមត្រូវ និងក្រុមហ៊ុនសែលដែលបានបង្កើតឡើង។ និយតករបានសន្និដ្ឋានថាសកម្មភាពរបស់ពួកគេត្រូវបានចាត់ទុកថាបានធ្វើឱ្យខូចតម្លាភាពទីផ្សារភាគហ៊ុន ធ្វើឱ្យប៉ះពាល់ដល់ទំនុកចិត្តរបស់វិនិយោគិន និងរំខានដល់ភាពយុត្តិធម៌ទីផ្សារ។ អ្នកទាំងពីរត្រូវបានពិន័យជាប្រាក់ ៦០០,០០០ យន់(ជាង៨ម៉ឺនដុល្លារ) និងហាមប្រាមពីការជួញដូរមូលបត្ររយៈពេល៥ឆ្នាំ។នៅក្នុងខែមេសា ឆ្នាំ២០២៤ Sina បានរាយការណ៍ថាភាគហ៊ុនរបស់ Zhao Wei ដែលមានតម្លៃ 5 លានយ័ន (ប្រហែល ៧០០,០០០ ដុល្លារ) នៅក្នុង Hebao Entertainment Group Co. ត្រូវបានបង្កកដោយតុលាការប្រជាជនកម្រិតមធ្យមទី ៤ របស់ទីក្រុងប៉េកាំងជាមួយនឹងការបង្កកមានរយៈពេលរហូតដល់ថ្ងៃទី១០ ខែមេសា ឆ្នាំ ២០២៧។

ការបង្ហាញខ្លួនជាសាធារណៈចុងក្រោយរបស់ Zhao Wei គឺនៅក្នុងព្រឹត្តិការណ៍ Fendi ក្នុងខែកក្កដា ឆ្នាំ ២០២១។ ស៊េរី និងភាពយន្តទាំងអស់ដែលមាននាងត្រូវបានដកចេញពីវេទិកាវីដេអូនៅខែសីហា ហើយឈ្មោះរបស់នាងបានបាត់ពីគេហទំព័រពានរង្វាន់ភាពយន្ត។ ម៉ាកដែលនាងតំណាងក៏បានលុប ឬលាក់មាតិកាណាមួយដែលទាក់ទងនឹងនាងនៅលើវេទិកាប្រព័ន្ធផ្សព្វផ្សាយសង្គមរបស់ប្រទេសចិន Weibo ។

ថ្មីៗនេះ Zhao Wei ត្រូវបានគេឃើញធ្វើដំណើរទៅអាកាសយានដ្ឋានជាច្រើនដង និងបង្កើនសកម្មភាពរបស់នាងនៅលើបណ្ដាញសង្គម។ ការវិវឌ្ឍន៍ទាំងនេះបានជំរុញឱ្យមានការរំពឹងទុកអំពីការវិលត្រឡប់ដ៏មានសក្តានុពលរបស់នាងទៅកាន់ឧស្សាហកម្មកម្សាន្តបន្ទាប់ពីការហាមឃាត់រយៈពេល3ឆ្នាំដែលត្រូវបានចោទប្រកាន់។ ការហាមប្រាមដែលដាក់លើតារាស្រីរូបនេះ គឺជាការអនុវត្តទូទៅនៅក្នុងឧស្សាហកម្មកម្សាន្ត និងកីឡារបស់ប្រទេសចិន ដែលហាមប្រាមបុគ្គលម្នាក់ៗមិនឱ្យធ្វើការក្នុងវិស័យទាំងនេះដោយសារតែការរំលោភលើក្រមសីលធម៌ ឬច្បាប់។ យ៉ាងណា ហេតុផលផ្លូវការសម្រាប់ការហាមឃាត់ការចោទប្រកាន់របស់ Zhao Wei នៅតែមិនត្រូវបានបង្ហាញឱ្យដឹង។

Zhao Wei ឬ ត្រចៀកកាំបានបណ្តាក់ទុនចូលទៅក្នុងអាជីវកម្មក្នុងឆ្នាំ១៩៩៩ ដោយបង្កើតក្រុមហ៊ុនពហុឧស្សាហកម្ម។ ជាមួយស្វាមីរបស់អ្នកជំនួញជនជាតិសិង្ហបុរី Huang Youlong នាងបានប្រមូលទ្រព្យសម្បត្តិប៉ាន់ស្មានចំនួន ៦២៥ លានដុល្លារអាម៉េរិក នៅឆ្នាំ២០១៩៕