វិធីសាស្ត្រលាបថ្នាំក្រចកឱ្យស្អាតខ្លួនឯង ដោយមិនចាំបាច់ទៅសាឡន

នារីៗដែលចូលចិត្តធ្វើក្រចក ហើយមានបំណងចង់ធ្វើក្រចកនៅផ្ទះដោយខ្លួនឯងឱ្យស្អាតដូចគេធ្វើនៅសាឡន ដើម្បីកុំឱ្យអស់ថវិការច្រើន អាចសាកល្បងវិធីងាយៗទាំងនេះបាន ធានាថាស្អាត និងទាន់សម័យ។ ដូច្នេះអត្ថបទនេះនឹងចែករំលែកគន្លឹះ ៥ យ៉ាងក្នុងការលាបក្រចកឱ្យស្អាតដោយខ្លួនឯងដូចខាងក្រោម៖

១.ក្រឡុកដបថ្នាំក្រចកមុននឹងលាប ៖ ការក្រឡុកដប វានឹងជួយធ្វើឱ្យថ្នាំក្រចករលោង និងស្រួលលាបជាងមុន បើកាលណាអ្នកលាបថ្នាំក្រចក ដោយមិនបានក្រឡុកដប នោះថ្នាំនឹងកក ឬមិនចូលគ្នា ធ្វើឱ្យអ្នកលាបទៅមិនស្អាត។

២.ត្រាំក្រចករបស់អ្នកក្នុងទឹកត្រជាក់៖ នៅពេលលាបថ្នាំក្រចក ហើយចង់ឱ្យក្រចករបស់អ្នកស្ងួតលឿន យើងសូមណែនាំអ្នកឱ្យត្រាំក្រចកដៃដែលលាបរួចហើយក្នុងទឹកត្រជាក់។ វិធីនេះនឹងជួយកំណត់ថ្នាំក្រចកឱ្យជាប់បានយូរ ក៏ដូចជាជួយឱ្យវាស្ងួតបានលឿន។

៣.ប្រើ Quick Dry Spray៖ ជាធម្មតា Quick Dry Spray ប្រើសម្រាប់ធ្វើឱ្យពណ៌ក្រចកស្ងួតលឿន ហើយថែមទាំងធ្វើឱ្យថ្នាំលាបក្រចកជាប់បានយូរទៀតផង។ ដូច្នេះនៅពេលអ្នកលាបក្រចករួច អ្នកអាចបាញ់វាប្រហែល ២ ឈីតក្នុងមួយក្រចក បន្ទាប់មករង់ចាំប្រហែល ៣ នាទីជាការស្រេច។

៤.ត្រាំគម្របថ្នាំក្រចកជាមួយទឹកក្តៅ៖ ប្រសិនបើអ្នកពិបាកបើកគម្របថ្នាំក្រចក ដោយសារតែវាជាប់ស្អិត សូមសាកល្បងត្រាំគម្របថ្នាំក្រចកជាមួយទឹកក្តៅប្រហែល ៣ នាទី នឹងជួយឱ្យគម្របបើកយ៉ាងស្រួលវិញដូចធម្មតា។

៥.ប្រើកប្បាស swab dabbed៖ ជាធម្មតាថ្នាំក្រចកមានទំនោររញ៉េរញ៉ៃនៅមាត់ដប ហើយវាក៏បណ្តាលឱ្យមានការគៀបជាប់នឹងជក់ផងដែរ។ ដូច្នេះវាត្រូវបានផ្ដល់អនុសាសន៍ឱ្យដោះស្រាយបញ្ហាដោយប្រើកប្បាសសំឡី swab dabbed ជាមួយប្រេង បន្ទាប់មកយកវាមកលាបជុំវិញកដប ដើម្បីដោះស្រាយបញ្ហាថ្នាំក្រចកស្ងួត៕