ធនាគារអភិវឌ្ឍន៍អាស៊ី (ADB) បានផ្ដល់កម្ចី និងជំនួយឥតសំណងដល់កម្ពុជា១៧៣លានដុល្លារ ដើម្បីពន្លឿនការគ្រប់គ្រងធនធានទឹកដែលបន្សាំទៅនឹងបម្រែបម្រួលអាកាសធាតុ។

ទឹកប្រាក់នេះ នឹងត្រូវបែងចែកជាពីរគម្រោង ដោយក្នុងនោះទឹកប្រាក់៨៨លានដុល្លារស្ថិតនៅក្នុងគម្រោងគ្រប់គ្រងធនធានទឹករួម ដែលផ្ដោតគោលដៅលើអាងទឹកទន្លេសាប នៅខេត្តបាត់ដំបង និង ពោធិ៍សាត់។

ដោយឡែក៨៥លានដុល្លារទៀត នឹងប្រើប្រាស់សម្រាប់គម្រោងធ្វើឱ្យប្រសើរឡើងដល់កសិកម្មមានប្រព័ន្ធធារាសាស្ត្រ ក្នុងខេត្តបាត់ដំបង កំពង់ចាម កំពង់ធំ និងតាកែវ។

គម្រោងទាំងពីរនេះនឹងធ្វើទំនើបកម្មទៅលើធារាសាស្ត្រសំខាន់ៗ និងប្រព័ន្ធគ្រប់គ្រងទឹកជំនន់នៅក្នុងតំបន់ដែលជួបហានិភ័យទឹកជំនន់និងគ្រោះរាំងស្ងួត។

គួរបញ្ជាក់ថា ទឹកជំនន់នារដូវវស្សា តែងតែប៉ះពាល់ដល់ពលរដ្ឋ ៤លាននាក់ ដែលធ្វើឱ្យខាតបង់ថវិកាប្រចាំឆ្នាំប្រមាណ ២៥០លានដុល្លារ៕

រដ្ឋបាលខេត្តកំពត គ្រោងបង្កើតសមិទ្ធផលទេសចរណ៍ថ្មីមួយកន្លែងទៀត ស្ថិតនៅលើព្រែកកំពង់បាយ ដើម្បីឱ្យភ្ញៀវទេសចរទទួលបានបទពិសោធន៍ថ្មីនៅពេលយប់ក្នុងខេត្តកំពត។

បើតាមឯកឧត្តម ម៉ៅ ធនិន អភិបាលខេត្តកំពត បានលើកឡើងថា៖”ខេត្តកំពតនឹងមានឆ្នេរសមុទ្រកម្សាន្តថ្មីមួយបន្ថែមទៀត ដែលឆ្នេរនេះអាចមើលឃើញលំហរសមុទ្រ ខេត្តកែប កោះត្រល់ និងភ្នំបូកគោ ដែលជាផ្ទាំងទស្សនីយ៍ភាពធម្មជាតិដ៏ទាក់ទាញ”។

ឯកឧត្តម អភិបាលខេត្ត បានសង្កត់ធ្ងន់ថា៖” បច្ចុប្បន្ននេះសមិទ្ធផលទេសចរណ៍ដែលបង្កើតឡើងថ្មីៗក្នុងខេត្តមានភាពទាក់ទាញភ្ញៀវទេសចរខ្លាំងនាពេលថ្ងៃ ដូច្នេះរដ្ឋបាលខេត្តនិងគ្រោងបង្កើតសមិទ្ធិផលទេសចរណ៍ថ្មីមួយទៀ ដែលឱ្យភ្ញៀវទេសចរមកទស្សនា និងលេងកម្សាន្តនាពេលយប់ ហើយសមិទ្ធផលទេសចរណ៍ថ្មីនោះនឹងលេចចេញរូបរាងក្នុងពេលឆាប់ៗនេះនៅលើដងព្រែកកំពង់បាយ”។

សូមបញ្ជាក់ថា សមិទ្ធផលទេសចរណ៍ថ្មីៗ នៅខេត្តកំពតមានដូចជា ឆ្នេរខ្សាច់កម្សាន្ត សួនកម្សាន្ត រូបសំណាកត្រីសេះសមុទ្របាញ់ទឹក និងនាឡិការកម្ពស់ ៣៥ម៉ែត្រ៕

បឹងពារាំង គឺជាតំបន់ទេសចរណ៍ដែលមានជីវៈចម្រុះសម្បូរបែប ជាពិសេសសត្វស្លាបកម្ររាប់ម៉ឺនក្បាលបានកំពុងរស់នៅ និងជាទស្សនីយភាពដ៏សំខាន់មួយសម្រាប់ទាក់ទាញអ្នកទេសចរឱ្យទៅទស្សនាកម្សាន្តនៅទីនោះ។ បឹងនេះមានចម្ងាយប្រហែល ១២ គីឡូម៉ែត្រ ពីកណ្តាលក្រុងសៀមរាប ស្ថិតនៅក្នុងសង្កាត់ជ្រាវ ក្រុងសៀមរាប ខេត្តសៀមរាប គឺជាកន្លែងអភិរក្សធនធានជលផល និងត្រីមេពូជនៅក្នុងភូមិសាស្ត្រខេត្តសៀមរាប ។

បឹងពារាំងនិងបឹងរណបដ៏ទៃទៀតគឺជាបឹងធម្មជាតិដែលល្អឯក និងជាទីជម្រកមច្ឆាជាតិនិងជីវចម្រុះ-ជីវសាស្រ្ត ព័ទ្ធដោយព្រៃលិចទឹកដែលជាជម្រកត្រីមេពូជ និងសត្វស្លាបប្រមាណជាង ១៧០ ប្រភេទ។ បឹងនេះគ្របដណ្តប់ផ្ទៃទឹក ២៥០ ហិចតានារដូវប្រាំង ដោយបច្ចុប្បន្នបឹងពារាំង ឬតំបន់អភិរក្សជីវចម្រុះបឹងពារាំង ត្រូវការពារ និងអភិរក្សយ៉ាងយកចិត្តទុកដាក់ និងទទួលខុសត្រូវខ្ពស់បំផុត ដោយសមាគមសហគមន៍ទេសចរណ៍ វប្បធម៌ធម្មជាតិ បឹងពារាំង-សង្កាត់ជ្រាវ ។

ដូច្នេះសម្រាប់អ្នកស្រលាញ់ធម្មជាតិ និងសត្វស្លាប សហគមន៍អភិរក្សជីវៈចម្រុះបឹងពារាំង គឺជាជម្រើសដ៏ល្អបំផុតក្នុងការមកទស្សនាសត្វស្លាបជាច្រើនប្រភេទ។ តាមរយៈការធ្វើដំណើរកម្សាន្តតាមទូកដោយសន្សឹមៗ ជុំវិញតំបន់ដីសើមនៃបឹងទន្លេសាបដ៏មានសក្តានុពលមួយនេះ នឹងអនុញ្ញាតឱ្យលោកអ្នកអាចគយគន់នូវហ្វូងសត្វស្លាបទឹករាប់រយក្បាល ដែលជាប្រភេទបក្សីរងការគំរាមកំហែងជិតផុតពូជ ហោះហើរចេញពីតំបន់ផ្សេងៗនៃព្រៃកោងកាងជុំវិញបឹងទន្លេសាប បង្កើតបានជាទិដ្ឋភាពធម្មជាតិដ៏អស្ចារ្យបំផុត។ ក្រៅពីជិះទូក គយគន់សត្វស្លាបចាប់ចំណី អ្នកទេសចរក៏អាចសម្រាកអារម្មណ៍ និងទទួលទានអាហារឆ្ងាញ់ៗនៅតាមកោះនានាដែលមានក្នុងបឹងផងដែរ។

សូមជម្រាបដែរថា សហគមន៍ទេសចរណ៍វប្បធម៌ធម្មជាតិបឹងពារាំង គឺជាតំបន់ទេសចរណ៍ដ៏ទាក់ទាញបំផុត តាមរយ:ទេសភាពព្រៃលិចទឹក ហ្វូងត្រីចម្រុះ ពិសេសជាងនេះទៅទៀតនោះ គឺសត្វស្លាបទឹកគ្រប់ប្រភេទ ដែលវាហែលទឹកហោះហើរប្រឡែងគ្នាលែងយ៉ាងសប្បាយរីករាយនៅក្នុងទឹកបឹងនេះ។ បឹងធម្មជាតិមួយនេះ មានទំហំប្រមាណជាង ២,៦០៧ ហិកតា ប៉ុន្តែនៅរដូវប្រាំងផ្ទៃទឹកបង្រួមនៅសល់ត្រឹមតែជាង ២៥០ ហិកតាប៉ុណ្ណោះ៕

តើធ្លាប់ឆ្ងល់ទេថា ហេតុអ្វីបានជាថ្លៃអគ្គិសនីក្នុង១ខែៗនៅផ្ទះអស់ច្រើន បើទោះជាពុំបានប្រើប្រាស់ភ្លើងច្រើនក្តី? ដោយសារក្នុងផ្ទះរបស់យើងអាចមានសម្ភារៈអគ្គិសនី៤ប្រភេទស៊ីភ្លើងខ្លាំង ។ មនុស្សប្រមាណ៨០% ពុំបានដកឌុយសម្ភារៈទាំងនេះចេញពីកុងតាក់ភ្លើងទេ ពីព្រោះយល់ថា វាគ្មានផលប៉ះពាល់ ។

ប៉ុន្តែសម្ភារៈអគ្គិសនី៤ប្រភេទនេះស៊ីភ្លើងខ្លាំងបំផុត បើពុំបានប្រើប្រាស់វា សូមកុំភ្លេចដកឌុយចេញពីកុងតាក់ភ្លើងចេញផង ដើម្បីសន្សំសំចៃការចំណាយ និងជួយឱ្យសម្ភារៈទាំងនេះប្រើប្រាស់បានយូរអង្វែង ។ តើសម្ភារៈអគ្គិសនី៤ប្រភេទស៊ីភ្លើងខ្លាំងបំផុតមានអ្វីខ្លះ?

១-ម៉ាស៊ីនត្រជាក់ ៖ មនុស្សភាគច្រើនតែងតែបិទម៉ាស៊ីនត្រជាក់ដោយតេឡេបញ្ជា និងគិតថា វាគ្រប់គ្រាន់ហើយ ប៉ុន្តែការពិត ម៉ាស៊ីនត្រជាក់នៅតែ Stand by ហើយវាស៊ីភ្លើងស្ងាត់ៗ ។ ទម្លាប់បិទដោយតេឡេបែបនេះ មិនត្រឹមតែធ្វើឱ្យខ្ជះខ្ជាយភ្លើងប៉ុណ្ណោះទេ ប៉ុន្តែម៉ាស៊ីនត្រជាក់នឹងឆាប់ខូច ។

២-ទូរទស្សន៍ និងដុំ ????????-???????? ៖ សម្ភារៈទាំង២នេះនៅតែស៊ីភ្លើងដដែល បើទោះជាបានបិទវាដោយតេឡេបញ្ជាក្តី ជាពិសេស នៅពេលភ្លៀងធ្លាក់ ។ ការទុកឱ្យទូរទស្សន៍នៅ Stand by អាចប្រឈមនឹងភ្លើងឆេះកុងតាក់ភ្លើង និងឆាប់ខូចទូរទស្សន៍ ។ ហេតុនេះ ដើម្បីការពារសុវត្ថិភាព និងសន្សំសំចៃថាមពល ចូរដកឌុយភ្លើងពេលបិទទូរទស្សន៍ ។

៣-ខ្សែសាកថ្មទូរស័ព្ទ ៖ យើងតែងតែមានទម្លាប់ដោតខ្សែសាកថ្មទូរស័ព្ទជាមួយកុងតាក់ភ្លើងជានិច្ច បើទោះជាសាកថ្មទូរស័ព្ទពេញក្តី ។ ប៉ុន្តែក្នុងខ្សែសាកថ្មទូរស័ព្ទមានចរន្តអគ្គិសនីឆ្លងកាត់ ហើយពេលដោតវាចោលកាន់តែយូរ វានឹងឆាប់ខូច ។ បើទោះជាស៊ីភ្លើងមិនច្រើនក្តី ប៉ុន្តែពេលដោតវាចោលជាមួយកុងតាក់ភ្លើងរយៈពេលយូរ ក៏ជាការខ្ជះខ្ជាយភ្លើងដូចគ្នា ។

៤-សម្ភារៈអគ្គិសនីក្នុងបន្ទប់ទឹក ៖ ម៉ាស៊ីនផ្លុំសក់ និងម៉ាស៊ីនបោកសម្លៀកបំពាក់ភាគច្រើនត្រូវបានគេដាក់នៅកន្លែងសើមក្នុងបន្ទប់ទឹក និងត្រូវបានទឹកសាចលើ ។ ការពុំដកឌុយសម្ភារៈទាំងនេះចេញពីកុងតាក់ភ្លើង មិនត្រឹមតែធ្វើឱ្យខ្ជះខ្ជាយភ្លើងប៉ុណ្ណោះទេ គឺយើងនឹងប្រឈមជាមួយខ្សែភ្លើងឆក់ ឬភ្លើងឆេះកុងតាក់ បើខ្វះការយកចិត្តទុកដាក់ ។

ដូច្នេះ ក្រោយពីប្រើប្រាស់ម៉ាស៊ីនផ្លុំសក់រួចហើយ គួរតែដកឌុយចេញពីកុងតាក់ភ្លើង និងទុកវានៅកន្លែងស្ងួតមានខ្យល់ចេញ-ចូល ។ រីឯម៉ាស៊ីនបោកសម្លៀកបំពាក់ ក៏ត្រូវដកឌុយចេញដែរពេលប្រើរួច និងមានគំរបកុងតាក់ភ្លើងការពារសំណើមដើម្បីសុវត្ថិភាពក្រុមគ្រួសារ ៕

យោងតាមការដាក់បង្ហោះរបស់រដ្ឋបាលខេត្តសៀមរាបបានគូសបញ្ជាក់ថា ខេត្តសៀមរាបកំពុងត្រៀមរៀបចំព្រឹត្តិការណ៍បុណ្យបង្ហោះខ្លែងឯកដែលនឹងប្រព្រឹត្តទៅចាប់ពីថ្ងៃទី ២៧ ដល់ទី ២៩ ខែធ្នូ ឆ្នាំ ២០២៤ ខាងមុខនេះ ដែលជាការសហការគ្នារវាងរដ្ឋបាលខេត្តសៀមរាប និងមន្ទីរវប្បធម៌និងវិចិត្រសិល្បៈខេត្ត។

ប្រភពដដែលបានឲ្យដឹងទៀតថា ព្រឹត្តិការណ៍មួយនេះ រៀបចំឡើងក្នុងគោលបំណង ដើមី្បរក្សានូវកេរ្តិ៍មរតកដូនតាខ្មែរ ដែលបានចារឹកទុកនៅតាមជញ្ជាំងថ្មប្រាសាទពីការបង្ហោះខ្លែងឯក នៅពេលដែលប្រជាកសិករធ្វើការច្រូតកាត់ ប្រមូលភោគផលស្រូវវស្សា ដែលប្រជាជនខ្មែរ តែងតែធ្វើការបង្ហោះខ្មែងគ្រប់ប្រភេទ ក្នុងការទាញយកព្រះពាយ និងរារាំងទឹកភ្លៀង កុំឲ្យធ្លាក់មកនៅពេលធ្វើការប្រមូលផលស្រូវ។

តាមការបញ្ជាក់របស់លោក មួន សុភាព ប្រធានមន្ទីរវប្បធម៌និងវិចិត្រសិល្បៈខេត្តសៀមរាប បានឲ្យដឹងអំពីប្រវត្តិនៃការបង្ហោះខ្លែង គឺជាទំនៀមទម្លាប់ប្រពៃណីរបស់ជនជាតិខ្មែរយើងតាំងពីសម័យនគរភ្នំមកម្ល៉េះ ហើយខ្លែង គឺជាវត្ថុលេងម្យ៉ាងដែលអាចហោះបានដោយសារកម្លាំងខ្យល់ទាញយឺតតាមរយៈខ្សែដែលគេចង់ភ្ជាប់នឹងតួរបស់វា។ ក្រៅពីត្រូវបានប្រើសម្រាប់លេងកម្សាន្ត វាក៏ជាសិល្បៈមួយប្រភេទក្នុងវប្បធម៌របស់ជនជាតិខ្មែរទៀតផង ។

លោកបានបន្តទៀតថា ភាគច្រើនគេតែងបង្ហោះខ្លែងឯកលេងកម្សាន្ត ក្នុងរដូវលំហើយ ចាប់ផ្ដើមរាប់ពីថ្ងៃពាក់កណ្ដាលខែកញ្ញា ដល់ពាក់កណ្ដាលខែធ្នូ ហើយពេលខ្លះខ្មែរយើងលេងបន្តរហូតដល់រដូវបន្ទាប់ទៀតគឺសិសិរដូវ ។ លោកបានលើកផងដែរ អំពីអត្ថន័យ ខ្លឹមសារ នៃខ្លែងឯក ដែលបានផ្តល់នូវ សិទ្ធសេរីភាព និង សុភមង្គលក្នុងគ្រួសារ ដែលបានលំលេចនៅក្នុងរឿងព្រេង (ធនជ័យ និង រឿងកែវណាម៉ាមុខសេះ) ។

លោកបានបញ្ជាក់ទៀតថា ពិធីបង្ហោះខ្លែងឯក និងខ្លែងសេរី នៅខេត្តសៀមរាបនេះ នឹងប្រព្រឹត្តធ្វើនៅអតីតៈអាកាសយានដ្ឋានអន្តរជាតិសៀមរាប(ព្រលានយន្តហោះចាស់ ) ដែលមានរយៈពេល៣ថ្ងៃ ដោយមានកម្មវិធីការដង្ហែក្បួនខ្លែងឯក ខ្លែងសេរី និង តុក្តាយក្ស ព្រមទាំងនៅ ពេលរាត្រីមានការសម្តែងសិល្បះ ល្ខោនបាស័ក និង ការតាំងពិព័រណ៌ ការបង្ហាញពីរបៀបធ្វើខ្លែងឯកទៀតផង៕