ប្រទេសថៃ ៖ លោកស្រី ផេថងថាន ស៊ីណាវ៉ាត់ បានប្រកាសពីទ្រព្យសម្បត្តិសរុបរបស់ខ្លួន ក្រោយឡើងកាន់តំណែងជានាយករដ្ឋមន្ត្រីថៃ គឺស្មើជាង៤០០លានដុល្លារអាមេរិក ហើយលោកស្រីមានកាបូបប្រណីត ចំនួន២១៧, រថយន្តទំនើប ២៣គ្រឿង, គ្រឿងអលង្ការជាច្រើន និងមានដីធ្លីនៅប្រទេសថៃ និងជប៉ុន ។

កាលពីថ្ងៃទី៣ ខែមករា ឆ្នាំ២០២៥ គណៈកម្មការជាតិប្រឆាំងអំពើពុករលួយរបស់ប្រទេសថៃ បានបង្ហាញពីទ្រព្យសម្បត្តិរបស់នាយករដ្ឋមន្ត្រីថៃ លោកស្រី ផេថងថាន ស៊ីណាវ៉ាត់ ជាមួយស្វាមីឈ្មោះ ភិតុក សុខសាវ៉ាត់ ក្រោយពីលោកស្រីឡើងកាន់តំណែង កាលពីថ្ងៃទី៦ ខែធ្នូ ឆ្នាំ២០២៤ គឺស្មើជាង៤០០លានដុល្លារអាមេរិក ។

លោកស្រី ផេថងថាន មានដីធ្លីជាច្រើនកន្លែង ដូចជា ៖ នៅទីក្រុងបាងកក, នៅស្រុកខ្លងហ្លួង ខេត្តប៉ាធុមថានី, ស្រុកមឿង ខេត្តនុនថាក់បុរី ព្រមទាំងដីនៅតំបន់ AZA TOKIWA, AKAIGAWAMURA ប្រទេសជប៉ុន ដែលលោកស្រីបានទិញកាលពីថ្ងៃទី១៥ ខែធ្នូ ឆ្នាំ២០១៩ ។ ក្រៅពីនេះ លោកស្រីមានអគារ ៩កន្លែង នៅតំបន់ប៉ាធុមវ៉ាន់ និងតំបន់ខ្លងតឺយ ទីក្រុងបាងកក, ផ្ទះ២ជាន់ នៅស្រុកមឿង ខេត្តនុនថាក់បុរី និងរថយន្តទំនើបៗ ២៣គ្រឿង ។

ចំណែកទ្រព្យសម្បត្តិផ្សេងទៀតរបស់លោកស្រី មានដូចជា ៖ មាសពេជ្រ, នាឡិកាប្រណីត ៧៥, កាបូបប្រណីត ២១៧, ចិញ្ចៀន ១០៨វង្ស, កងដៃ ៦៩, ក្រវិល ២០៥គូ និងគ្រឿងអលង្ការ ១៦៧ឈុត ព្រមទាំងមានប្រាក់ចំណូលប្រចាំឆ្នាំ ស្មើជាង២៦៥លានបាត ។

ដោយឡែក ទ្រព្យសម្បត្តិរបស់លោក ភិតុក សុខសាវ៉ាត់ ជាស្វាមីលោកស្រី ផេថងថាន គឺមានប្រាក់ជាង៤លានបាត, ប្រាក់ផ្ញើក្នុងធនាគារ ជាង៤លានបាត, ប្រាក់វិនិយោគ ជាង១៤លានបាត, ដីធ្លីជាច្រើនកន្លែង, អគារ៣កន្លែង និងទ្រព្យសម្បត្តិផ្សេងទៀត ដូចជា ៖ នាឡិកាប្រណីត ចំនួន៣៩ ។ នេះបើតាមការចុះផ្សាយរបស់សារព័ត៌មាន Thairath កាលពីថ្ងៃទី៣ ខែមករា ឆ្នាំ២០២៥ ។

គួរបញ្ជាក់ថា លោកស្រី ផេថងថាន គឺជាប្រធានគណបក្សភឿថៃ និងជាកូនស្រីរបស់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ព្រមទាំងជាក្មួយស្រីរបស់អតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា ។ លោកស្រី ផេថងថាន បានកាន់តំណែងជានាយករដ្ឋមន្ត្រីថៃបច្ចុប្បន្ន បន្តពីលោក ស្រេតថា ថាវីស៊ីន ៕

ថ្មីៗនេះ បណ្តាញសារព័ត៌មានអាមេរិក CNN បានចុះផ្សាយអំពី គម្រោងស្ថាបត្យកម្មធំៗទាំង ១១ ដែលមានឥទ្ធិពលបំផុតលើពិភពលោក ក្នុងឆ្នាំ២០២៥ ដែលក្នុងនោះក៏រួមមាន«អាកាសយានដ្ឋានអន្តរជាតិតេជោ» របស់កម្ពុជាផងដែរ។

«អាកាសយានដ្ឋានអន្តរជាតិតេជោ» ដែលគម្រោងដ៏ធំមិនធ្លាប់មានរបស់កម្ពុជានាពេលបច្ចុប្បន្ន គ្រោងនឹងបើកដំណើរការនៅដំណាក់កាលទី១ ក្នុងអំឡុងខែកក្កដា ឆ្នាំ២០២៥ ខាងមុខនេះ អាចទទួលអ្នកដំណើរបាន ១៣ លាននាក់ក្នុង១ឆ្នាំ។

អាកាសយានដ្ឋានអន្តរជាតិតេជោ មានទីតំាងស្ថិតក្នុងខេត្តកណ្តាល ចម្ងាយ ១៩ គីឡូម៉ែត្រពីក្រុងភ្នំពេញ បានចាប់ផ្តើមសាងសង់អំឡុងឆ្នាំ២០២០ លើផ្ទៃដីសរុប ២,៦០០ហិកតា។ វាត្រូវបានចាត់ថ្នាក់ ជាអាកាសយានដ្ឋាន 4F ហើយត្រូវបានអភិវឌ្ឍជា ៣ដំណាក់កាល។ ថវិកាវិនិយោគសម្រាប់ដំណាក់កាលទី១ គឺ ១៥០០លានដុល្លារ ដោយមិនរាប់បញ្ចូលដីព្រលានយន្តហោះឡើយ។

អាកាសយានដ្ឋានអន្តរជាតិតេជោ ជាប្រភេទ 4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឱ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។

ប្រភព CNN បានរៀបរាប់ទៀតថា គម្រោងស្ថាបត្យកម្មនេះ ត្រូវបានរចនាតាមបែបប្រពៃណីរបស់ខ្មែរ ដោយប្រើប្រាស់គ្រោងសសរធើ្វអំពីឈើសម្រាប់ទ្រទ្រង់ដំបូលស្ថានីយ “និងមានមានដើមឈើ និងរុក្ខជាតិបៃតងដុះលម្អយ៉ាងស្រស់បំព្រង”។ គ្រោងដំបូលដែលមានរចនាបថជាក្រឡាចត្រង្គតូចៗ អាចធើ្វការស្រូបយកពន្លឺថ្ងៃដើម្បីបំភ្លឺផ្នែកខាងក្នុងបានច្បាស់ល្អផងដែរ៕

ប្រទេសចិន៖ ទីក្រុង Dayong Town ត្រូវបានសាងសង់ឡើងតាមរចនាបទនៃទីក្រុងបុរាណ ដោយបានចំណាយថវិកាអស់ ៣០០ លានដុល្លារអាមេរិក ដើម្បីស្វាគមន៍ភ្ញៀវទេសចរ ប៉ុន្តែនៅពេលសាងសង់រួចទីក្រុងមួយនេះស្រាប់តែគ្មានភ្ញៀវមកទស្សនាសោះឡើយ។

ទីក្រុង Dayong Town បានបើកដំណើរការនៅឆ្នាំ ២០២១ ដែលសាងសង់ដោយអ្នកវិនិយោគក្នុងក្តីសង្ឃឹមថានឹងទាក់ទាញអ្នកទេសចរកាន់តែច្រើនទៅកាន់ទីក្រុង Zhangjiajie ខេត្ត Hunan ប្រទេសចិន ប៉ុន្តែនៅពេលសាងសង់រួចទីក្រុងនេះទទួលភ្ញៀវបានត្រឹមតែ ១០ នាក់ប៉ុណ្ណោះក្នុងមួយថ្ងៃ។

តំបន់ទេសចរណ៍នេះមានទីតាំងនៅផ្លូវ Jiefang ជាមួយនឹងការវិនិយោគសរុបជាង ២.២ ពាន់លានយន់ (ប្រមាណ ៣០០ លានដុល្លារអាមេរិក) សាងសង់ឡើងតាមរចនាបទនៃទីក្រុងបុរាណ ដើម្បីរំលឹកដល់ប្រទេសចិនបុរាណ ដោយមានត្រីមាសដ៏ស្រស់បំព្រង រួមជាមួយព្រះពន្លា ជញ្ជាំងថ្ម និងផ្លូវធ្វើពីថ្ម។ ប៉ុន្តែបន្ទាប់ពីរយៈពេលបីឆ្នាំនៃការបើកដំណើរការ ទីប្រជុំជន Dayong ស្រាប់តែក្លាយទៅជាទីក្រុងដែលគេបោះចោល ឬមើលរំលងទៅវិញ។ ជំនួសឱ្យការរកលុយ កន្លែងកម្សាន្តនេះបានទទួលរងការខាតបង់ជាង ៥០០ លានយន់ (ប្រមាណជាង ៧០ លានដុល្លារ) ចាប់តាំងពីបើកដំណើរការមក។

គិតត្រឹមឆមាសទីមួយនៃឆ្នាំ ២០២៤ ទីក្រុង Dayong លក់សំបុត្រអស់ ២,៣០០ សន្លឹក ដែលជាមធ្យមប្រហែល ១៣ សំបុត្រក្នុងមួយថ្ងៃ។ នៅថ្ងៃធ្វើការកន្លែងនេះប្រៀបដូចជា “ទីក្រុងខ្មោច” ដោយទីលានសំខាន់ត្រូវបានគេមើលរំលង ហើយហាងនៅតាមបណ្តោយផ្លូវក៏បិទអស់ សូម្បីគោមពណ៌ក្រហមដែលព្យួរនៅមាត់ទ្វារខាងកើតនៃទីក្រុងបុរាណនេះក៏ត្រូវបានរហែក និងរសាត់អស់ផងដែរ។ មូលហេតុដែលកន្លែងកម្សាន្តនេះគ្មានភ្ញៀវមកទស្សនាគឺដោយសារគម្រោងនេះមានគុណវិបត្តិជាច្រើន ហើយជាការរួមបញ្ចូលគ្នាដ៏ឆ្គងនៃស្ថាបត្យកម្មបុរាណ និងទំនើប ដូច្នេះវាមិនទាក់ទាញអតិថិជនច្រើននោះទេ។

លើសពីនេះទីតាំងកណ្តាលនៃទីក្រុងដែលមានចម្ងាយតែ ៣ គីឡូម៉ែត្រពីស្ថានីយ៍រថភ្លើង Zhangjiajie មិនមែនជាអត្ថប្រយោជន៍ធំដូចដែលអ្នកវិនិយោគរំពឹងទុកនោះទេ។ ក្រុមហ៊ុនទេសចរណ៍ជាច្រើនមិនរាប់បញ្ចូលទីប្រជុំជន Danyong ក្នុងកាលវិភាគទេសចរណ៍របស់ពួកគេទេ ដែលនេះក៏ជាហេតុផលដែលកន្លែងនេះត្រូវបានគេបោះបង់ចោលផងដែរ។

ទោះជាយ៉ាងណាការបរាជ័យនៃតំបន់ទេសចរណ៍នេះបានធ្វើឱ្យមន្ត្រីជាន់ខ្ពស់របស់ចិនកត់សម្គាល់ និងគ្រោងអភិវឌ្ឍវិស័យទេសចរណ៍ បង្កើនគុណភាព និងប្រសិទ្ធភាពនៃការវិនិយោគឡើងវិញ។ ពួកគេក៏សម្រេចបើកឱ្យភ្ញៀវទេសចរណ៍ចូលទស្សនាដោយឥតគិថ្លៃ ដូច្នេះសព្វថ្ងៃនេះទីក្រុង Danyong ត្រូវបានអ្នកស្រុកចាត់ទុកថាជាសួនសាធារណៈដោយមិនគិតថ្លៃចូល។ ជំនួសឱ្យកន្លែងទេសចរណ៍ មនុស្សជាច្រើននាំកូន និងសត្វចិញ្ចឹមរបស់ពួកគេទៅដើរលេងជារៀងរាល់ថ្ងៃ៕

ប្រទេសថៃ ៖ ផ្សារបណ្តែតទឹក គឺជាតំបន់ទេសចរណ៍ដ៏ល្បីល្បាញនៅប្រទេសថៃ ដែលបានទាក់ទាញភ្ញៀវទេសចរថៃ និងបរទេសមកកម្សាន្តយ៉ាងច្រើនក្នុង១ឆ្នាំៗ ដោយសារសម្បូរម្ហូបអាហារឆ្ងាញ់លក់លើទូក ។ ភ្ញៀវទេសចរអាចជិះទូកកម្សាន្តតាមប្រឡាយគយគន់មើលហាងលក់ទំនិញផ្សេងៗ និងមើលពីការរស់នៅតាមមាត់ប្រឡាយរបស់ពលរដ្ឋថៃ ប៉ុន្តែថ្មីៗនេះ ភ្ញៀវទេសចរបរទេសម្នាក់បានប្រាប់ឱ្យប្រយ័ត្នពេលមកបរិភោគអាហារនៅទីនេះ ។

វីដេអូមួយត្រូវបានចែកចាយយ៉ាងច្រើនក្នុងបណ្តាញសង្គមកាលពីដើមខែមករា ឆ្នាំ២០២៥ ដែលវីដេអូនេះថតដោយភ្ញៀវទេសចរបរទេសម្នាក់ពេលមកកម្សាន្តនៅផ្សារបណ្តែតទឹកមួយកន្លែងក្នុងប្រទេសថៃ និងបានសួរពីបញ្ហាអនាម័យការចម្អិនអាហារលក់ឱ្យភ្ញៀវទេសចរ ។ រីឯអ្នកលេងបណ្តាញសង្គមថៃ ក៏ពុំគាំទ្រទង្វើនេះដែរ ដែលធ្វើឱ្យខូចដល់កេរ្តិ៍ឈ្មោះប្រទេសជាតិដែលល្បីល្បាញផ្នែកអាហារ ។

បើតាមវីដេអូ គឺអ្នកលក់អាហារម្នាក់លើផ្សារបណ្តែតទឹកបានលាងសម្អាតខ្ទះ វែកឆា និងសម្ភារៈផ្សេងទៀតក្នុងទឹកប្រឡាយតូចមួយដែលមានសភាពល្អក់ខ្មៅ ហើយពុំចាប់អារម្មណ៍នឹងក្រសែភ្នែកភ្ញៀវទេសចរ ។ ភ្ញៀវទេសចរជាម្ចាស់វីដេអូនិយាយថា ៖ «អាហារថៃមានរសជាតិឆ្ងាញ់ ប៉ុន្តែខ្ញុំចង់ឱ្យភ្ញៀវទេសចរប្រយ័ត្នរឿងអ្នកលក់អាហារលាងចានក្នុងទឹកប្រឡាយ ចូរមើលទឹកនេះ តើវាមានសភាពបែបណា?» ។

ក្រោយពីមានការចែកចាយវីដេអូនេះក្នុងបណ្តាញសង្គម អ្នកលេងបណ្តាញសង្គមថៃនិយាយថា បច្ចុប្បន្ន ប្រភពទឹកតាមធម្មជាតិមិនស្អាតសម្រាប់ការលាងចានឆ្នាំងទេ ហើយការទម្លាក់កាកសំណល់អាហារចូលក្នុងទឹកបែបនេះ ក៏ពុំគួរធ្វើដែរ ពីព្រោះវានឹងធ្វើឱ្យទឹកកខ្វក់ ។ អ្នកខ្លះទៀតបានរិះគន់ពីការបោះចោលកាកសំណល់អាហារក្នុងទឹករបស់អ្នករស់នៅតាមមាត់ប្រឡាយ ។

អ្នកលេងបណ្តាញសង្គមផ្សេងទៀតនិយាយថា ខ្លួនបានឃើញការលាងចានឆ្នាំងក្នុងទឹកប្រឡាយយូរហើយ ជាពិសេស អ្នកលក់គុយទាវ អ្នកលក់គិតតែពីរឿងអាហារឆ្ងាញ់ ប៉ុន្តែភ្លេចគិតពីអនាម័យ ។ វាធ្វើឱ្យខូចមុខមាត់ប្រទេសជាតិ អ្នកលក់ចំណីអាហារត្រូវប្រយ័ត្នបន្តិចរឿងអនាម័យ ។ បើលាងចានឆ្នាំងសម្រាប់ដាំស្លបរិភោគក្នុងគ្រួសារមិនអីទេ ប៉ុន្តែនេះយើងទទួលបានប្រាក់ចំណូលពីវិស័យទេសចរណ៍ ៕

@khaosodonline

ฝรั่ง งง ไทยก็ งง แม่ค้าใช้น้ำคลองล้าง กระทะ ตะหลิว #ข่าวสด #ข่าวtiktok

♬ original sound – ข่าวสด Khaosodonline – ข่าวสด Khaosodonline