ថ្មីៗនេះបេក្ខនារី Veena praveenar បានធ្វើឱ្យអ្នកតាមដានវិស័យបវរកញ្ញាមានការចាប់អារម្មណ៍យ៉ាងខ្លាំងនៅពេលដែលនាងបង្ហាញមុខក្នុងការ Live លក់អាហារក្រោមម៉ាកយីហោរបស់លោក ណាវ៉ាត់ ។ ការ Live របស់បេក្ខភាពរូបនេះគឺដោយសារតែធ្វើតាមសម្តីរបស់អ្នកគ្រប់គ្រងថ្មីរូបនេះ។

ត្រឹមតែប៉ុន្មានម៉ោងប៉ុណ្ណោះនៃការ Live Veena ទទួលបានប្រាក់ចំណេញរហូតដល់ ១.១ លានបាតប្រមាណជាង៣ម៉ឺនដុល្លារអាម៉េរិក។ វាមិនមែនជារឿងចៃដន្យទេដែល Veena សម្រេចចិត្តបើកទូរសព្ទរបស់នាងដើម្បីធ្វើការផ្សាយផ្ទាល់។ នេះជាសំនូមពរពីលោកប្រធាន ណាវ៉ាត់ ដល់បេក្ខនារីដែលចូលរួមក្នុងកម្មវិធីប្រកួត Miss Universe Thailand 2025 យោងតាមបទប្បញ្ញត្តិថ្មី អ្នកដែលលក់ទំនិញច្រើនជាងគេ នឹងមានសិទ្ធិច្រើនជាងគេ ហើយនឹងអាចទទួលបានពិន្ទុក្នុងក្រសែភ្នែកអ្នករៀបចំ ជាពិសេសលោក Nawat ដែលជានាយកគ្រប់គ្រង Miss Universe Thailand និងជាម្ចាស់ Miss Grand International។

ទស្សនិកជនមួយចំនួនមានការព្រួយបារម្ភថាបវរកញ្ញាចក្រវាលថៃក្រោមការគ្រប់គ្រងរបស់ Nawat អាចបាត់បង់អត្តសញ្ញាណ ក្លាយជាកន្លែងកម្សាន្តដែលផ្តល់អាទិភាពដល់ប្រាក់ចំណេញជំនួសឱ្យការស្វែងរកតំណាងដែលស័ក្តិសមបំផុតទៅប្រកួតប្រជែងនៅបវរកញ្ញា។យ៉ាងណាមិញ Veena បានយកសំណើនេះយ៉ាងយកចិត្តទុកដាក់ និងបង្ហាញថាជាបេក្ខជនដ៏មានមហិច្ឆតា។ ចលនារបស់នាងត្រូវបានគេមើលឃើញថាជាយុទ្ធសាស្ត្រដ៏ឆ្លាតវៃដើម្បីបង្កើនអត្ថប្រយោជន៍របស់នាងនៅក្នុងការប្រកួតប្រជែងសម្រាប់មកុដនៅឆ្នាំនេះ។

Veena Praveenar កើតនៅឆ្នាំ ១៩៩៦ មានកម្ពស់ ១ ម៉ែត្រ ៧៨ និងបានចូលប្រកួតបវរកញ្ញាចក្រវាលថៃ ៣ ដង។ ទោះបីជាយ៉ាងណា ក្តីស្រមៃដ៏ធំបំផុតរបស់គឺមិនទាន់ចប់នោះទេនាងសុខចិត្តពន្យារពេលរៀបការ ដើម្បីមានឱកាសធ្វើជាតំណាងប្រទេសថៃក្នុងកម្មវិធីបវរកញ្ញាចក្រវាល ហើយនោះហើយជាមូលហេតុដែលនាងត្រឡប់មកប្រកួតសម្រស់ជាលើកទី៤ ដោយតាំងចិត្តថានឹងឈ្នះមកុដ។

ការតស៊ូរបស់ Veena ជំរុញស្ត្រីឱ្យបន្តក្តីសុបិនរបស់ខ្លួន។ យ៉ាងណាមិញ ការបង្ហាញខ្លួនក្នុងកម្មវិធីប្រកួតសម្រស់លើកទី៤របស់នាងក៏បានធ្វើឱ្យមានប្រតិកម្មចម្រុះដែរ។ អ្នកលេងបណ្តាញសង្គមក៏និយាយដែរថាប្រសិនបើ Veena ចូលរួមហើយមិនឈ្នះនៅឆ្នាំនេះ នាងគួរតែគិតអំពីការផ្លាស់ប្តូរទៅកម្មវិធីប្រកួតសម្រស់ផ្សេងទៀត ហើយកុំព្យាយាមឈ្នះ Miss Universe៕

តារាចម្រៀង Jennie នៃសមាជិក BLACKPINK បានទម្លាក់ MV ថ្មីជាមួយតារាអាម៉េរិក Doechii ម្ចាស់ពានរង្វាន់ Grammy ដែលធ្វើឱ្យអ្នកគាំទ្ររបស់នាងពេញចិត្តជាមួយរសជាតិរបស់ Jennie ទាំងការរ៉េប និងស្ទីលតុបតែងខ្លួនបញ្ចេញភាពស៊ិ.ចស៊ីរបស់នាង។

នៅថ្ងៃទី២១ កុម្ភៈ Jennie បានទម្លាក់បទ ExtraL ជាផ្លូវការដែលជាចម្រៀងទី ៣ ពី អាល់ប៊ុម RUBY ដែលជាការចាប់ដៃគ្នាលើកដំបូងរបស់នាងជាមួយតារាចម្រៀងរ៉េបស្រីជនជាតិអាម៉េរិក Doechii មុននឹងទម្លាក់អាល់ប៊ុមនាខែ៣ខាងមុខ។ Doechii គឺជាតារារ៉េបម្នាក់ដែលកំពុងធ្វើឱ្យមានការចាប់អារម្មណ៍ជាមួយនឹងស្ទីលតន្ត្រីទាន់សម័យគួរឱ្យចាប់អារម្មណ៍របស់នាង។ នៅឯពានរង្វាន់ Grammy លើកទី ៦៧ នាងបានឈ្នះពានរង្វាន់សម្រាប់អាល់ប៊ុមចម្រៀងរ៉េបល្អបំផុត។

«ExtraL» គឺជាការ Remix បែប Hip-hop ដ៏អស្ចារ្យសម្រាប់ទាំង Jennie និង Doechii ដើម្បីបង្ហាញទេពកោសល្យរបស់ពួកគេ។ នៅក្នុងបទនេះសមាជិក BLACKPINK រូបនេះបានចូលរួមក្នុងការតែងនិពន្ធ ហើយជាថ្មីម្តងទៀតបានសង្កត់ធ្ងន់លើសារនៃការគាំទ្រស្ត្រី។ Jennie និងតារាអាម៉េរិកបានផ្ញើសញ្ញាមួយថាស្ត្រីមានទំនុកចិត្តក្នុងការធ្វើអ្វីដែលខ្លួនចង់បាន។ លំហូរដ៏លឿនរបស់ Jennie មិនធ្វើឱ្យអ្នកគាំទ្រខកចិត្តឡើយ ដោយនាង«វាយបក» ទៅកាន់អ្នករិះគន់។ បទនេះក៏បានប្រើពាក្យពេចន៍អសុរោះមួយចំនួនដោយមានការសម្គាល់តែ18+។

ផ្នែករបស់ Doechii គឺជាការរំលេចដ៏ល្អឥតខ្ចោះ សំលេងរ៉េបរបស់នាងគឺខ្លាំង ជាមួយនឹងការសង្កត់សំឡេងប្លែកៗដែលធ្វើឱ្យអ្នកស្តាប់លេងឡើងវិញបន្ទាប់ពីស្តាប់រួច។ តារា Grammy រូបនេះជួយ Jennie បញ្ចប់បទចម្រៀងដ៏ទាក់ទាញ ប្រៀបធៀបទៅនឹងស្នាដៃហ៊ីបហបរបស់អាម៉េរិក។

ចំពោះ MV វិញ Jennie បន្តធ្វើឱ្យអ្នកគាំទ្រទទួលបានភាពរីករាយជាមួយនឹងរូបភាពថ្មីទាំងស្រុង។ វាហាក់បីដូចជានេះជាលើកទីមួយហើយដែលតារាស្រី Kpop ប្តេជ្ញាចិត្តតាមដែលអាចធ្វើទៅបានជាមួយនឹងគោលគំនិតដ៏រឹងមាំរបស់សហរដ្ឋអាម៉េរិក-ចក្រភពអង់គ្លេស។ បើប្រៀបធៀបទៅនឹងផលិតផលដែល Jennie បានចេញផ្សាយ «ExtraL» កំពុងទទួលបានការឆ្លើយតបជាវិជ្ជមានបំផុត៕

នៅលើប្រព័ន្ធផ្សព្វផ្សាយជាច្រើនបានរាយការណ៍ថាតារាចម្រៀងនិងសម្តែងចិន Lu Han អតីតសមាជិកក្រុម EXO និងតារាស្រី Guan Xiaotong កំពុងមានពាក្យចចាមអារ៉ាមថាបែកគ្នាហើយតាំងពីចុងឆ្នាំ២០២៤។ អ្នកទាំងពីរបានបង្ហាញទំនាក់ទំនងជាសាធារណៈក្នុងឆ្នាំ២០១៧ ខណៈដើមឆ្នាំ២០២៥ វេទិកាប្រព័ន្ធផ្សព្វផ្សាយសង្គមដ៏ពេញនិយមនៅក្នុងប្រទេសចិនរបស់ Lu Han ក៏ត្រូវបាន Banned ព្រោះតែបង្ហាញអាកប្បកិរិយាមិនសមរម្យពេល Live។

ចាប់តាំងពី Lu Han និង Guan Xiaotong បង្ហាញទំនាក់ទំនងរបស់ពួកគេជាសាធារណៈមក ពួកគេទទួលបានចាប់អារម្មណ៍យ៉ាងខ្លាំងហើយត្រូវជំនះឧបសគ្គជាមួយគ្នាពីហ្វេនៗដែលមិនពេញចិត្តចំពោះទំនាក់ទំនងនេះ រហូតមានការទទួលយកទំនាក់ទំនងនេះបន្តិចម្តងៗ ហើយមនុស្សជាច្រើនថែមទាំងទន្ទឹងរង់ចាំអ្នកទាំងពីរចូលរោងការ។ ប៉ុន្តែថ្មីៗនេះ មានពាក្យចចាមអារ៉ាមកាន់តែច្រើនឡើងអំពីការបែកគ្នាខណៈថ្មីៗនេះ អ្នកនិយមលេងអ៊ីនធឺណិតម្នាក់បានបង្ហោះលើ Xiaohongshu ថាអ្នកទាំងពីរបានបែកគ្នាកាលពីខែធ្នូ ឆ្នាំ២០២៤។

អ្នកបង្ហោះនោះបាននិយាយថា Lu Han និង Guan Xiaotong បានបែកបាក់គ្នា ហើយបាននិយាយថាមិត្តរបស់ពួកគេមាន WeChat របស់ Guan Xiaotong ហើយ Guan Xiaotong ខ្លួនឯងផ្ទាល់បាននិយាយនៅក្នុងរង្វង់មិត្តភក្តិរបស់នាងថាពួកគេបានបែកគ្នា ហើយការបែកបាក់បានកើតឡើងកាលពីខែធ្នូ ឆ្នាំ២០២៤ ដែលគួរឱ្យភ្ញាក់ផ្អើលផងដែរ។ ទន្ទឹមនឹងនោះ ការគិតអំពីស្ថានភាពរបស់ Lu Han នៅក្នុងការ Live កាលពីខែធ្នូ ឆ្នាំ២០២៤ វាហាក់ដូចជាបញ្ជាក់ពីពាក្យចចាមអារ៉ាមនេះ។

ទោះបីជាយ៉ាងណាក៏ដោយ ទាំង Guan Xiaotong និង Lu Han មិនទាន់បានឆ្លើយតបនៅឡើយទេ ហើយគេនៅមិនទាន់ដឹងថា ពួកគេបានបែកបាក់គ្នាឬយ៉ាងណានោះទេ។ ប៉ាប៉ារ៉ាស៊ីម្នាក់ឈ្មោះ Wang Dafa ក៏បានលើកឡើងពីស្ថានភាពបច្ចុប្បន្នរបស់ Lu Han និង Guan Xiaotong ដោយនិយាយថាទំនាក់ទំនងរវាងអ្នកទាំងពីរពិតជាបានផ្លាស់ប្តូរ ហើយពួកគេនឹងមិនរៀបការក្នុងពេលឆាប់ៗនេះទេ។

អ្នកមួយចំនួនថែមទាំងបង្ហាញព័ស្តុតាងនៃការបែកបាក់របស់ពួកគេ ដោយបាននិយាយថាអ្នកទាំងពីរមិនបានបង្ហាញរូបគូអស់រយៈពេលជិត ១០ ខែមកហើយ ហើយ Guan Xiaotong មិនបានឃើញ Lu Han មកថ្ងៃកំណើតរបស់នាងទេ ហើយអ្នកទាំងពីរមិនមានវត្តមានរួមគ្នា ក្នុងអំឡុងពេលធ្វើដំណើរទៅកាន់ទ្វីបអឺរ៉ុប។ នេះគឺបញ្ជាក់ពីភាពខុសប្លែកដោយកាលពីមុនពួកគេបង្ហោះរូបថតរួមគ្នាដើម្បីបង្ហាញពីក្តីស្រលាញ់ ប៉ុន្តែឥឡូវនេះឃើញថាមានការថយចុះគួរឱ្យកត់សម្គាល់៕

Kendrick Lamar ជាតារាចម្រៀងរ៉េបដ៏ល្បីល្បាញ ហើយការតែងនិពន្ធរបស់តារារ៉េបរូបនេះពិតជាជះឥទ្ធិពលដល់សហគមន៍យ៉ាងខ្លាំង។ ទោះបីជាចេញចម្រៀង Diss Track ប៉ុន្តែគេមិនអាចបដិសេធទេថាវាកំពុងពេញនិយមថែមទាំងទទួលបានពានរង្វាន់ធំៗជាច្រើនទៀត។ លើសពីនេះសមាគមបេះដូងអាម៉េរិក(American Heart Association) ហៅកាត់ថា AHA បានណែនាំចាក់បទ «Not Like Us» ជួយសង្គ្រោះនៅពេលដែលមនុស្សម្នាក់សន្លប់ និងដួល មុននឹងបុគ្គលិកពេទ្យមកដល់។

ការសម្តែងរបស់ស្តេចរ៉េបអាមេរ៉េក Kendrick Lamar ក្នុងកម្មវិធី Super Bowl Halftime Show បានបង្កើតអារម្មណ៍ជាសកល ដោយទាក់ទាញអ្នកទស្សនាជាង១០០លាននាក់។ មិនត្រឹមតែប៉ុណ្ណោះ Kendrick បានបង្កើតប្រវត្តិសាស្ត្រជាមួយនឹងកំណត់ត្រាសម្រាប់ទស្សនិកជនច្រើនជាងគេក្នុងកម្មវិធីនេះ។ ទោះយ៉ាងណាការសម្តែងរបស់តារារ៉េបរូបនេះក៏បានបង្កើតភាពចម្រូងចម្រាសជាសាធារណៈផងដែរ។ បទចម្រៀង Diss Track ដ៏ល្បីល្បាញ «Not Like Us» មិនត្រឹមតែបានជួយ Kendrick ឈ្នះពានរង្វាន់ GRAMMY សម្រាប់ «Song of the Year» ប៉ុណ្ណោះទេ ថែមទាំងអាចជួយសង្គ្រោះជីវិតមនុស្សក្នុងស្ថានភាពអាសន្នទៀតផង។

យោងតាមសមាគមបេះដូងអាម៉េរិក (AHA) បទចម្រៀងនេះមានចង្វាក់ ១០១ ចង្វាក់ក្នុងមួយនាទី ដែលជាកម្រិតដ៏ល្អសម្រាប់ការសម្តែងការសង្គ្រោះបេះដូង (CPR) ។ សមាគមបេះដូងអាម៉េរិក ណែនាំថា នៅពេលដែលមនុស្សម្នាក់សន្លប់ និងដួល បន្ថែមពីលើការអំពាវនាវរកជំនួយសង្គ្រោះបន្ទាន់ភ្លាមៗ អ្នកឈរមើលអាចចុចភ្លាមៗ ដាក់លើកណ្តាលទ្រូងរបស់មនុស្សដើម្បីរក្សាចរន្តឈាមរហូតដល់បុគ្គលិកពេទ្យមកដល់។

គេដឹងថាបទ «Not Like Us» របស់ Kendrick មិនត្រឹមតែជាបទចម្រៀងរ៉េបបែប Viral ប៉ុណ្ណោះទេ ប៉ុន្តែថែមទាំងបានក្លាយជាបាតុភូតវប្បធម៌ និងទទួលបានភាពជោគជ័យយ៉ាងខ្លាំងទាំងផ្នែកពាណិជ្ជកម្ម និងសិល្បៈ។

ចេញផ្សាយក្នុងខែឧសភា ឆ្នាំ២០២៤ បទចម្រៀងនេះបានជាប់ចំណាត់ថ្នាក់លេខ ១ យ៉ាងឆាប់រហ័សនៅលើ តារាង Billboard HOT 100 ដែលជាការសម្គាល់បទចម្រៀងលេខ ១ ទី ៤ របស់ Kendrick Lamar ក្នុងអាជីពរបស់លោក។ គួរកត់សម្គាល់ថា Not Like Us បានបំបែកកំណត់ត្រាស្ទ្រីមជាច្រើននៅលើ Spotify រួមទាំងឈានដល់ ១២.៨ លានស្ទ្រីមក្នុងមួយថ្ងៃ និង ៨១.២លាននៅក្នុងសប្តាហ៍ដំបូងរបស់វា។

មិនត្រឹមតែទទួលបានជោគជ័យ Not Like Us ក៏ទទួលបានការកោតសរសើរខ្លាំងពីវិស័យសិល្បៈផងដែរ។ បទចម្រៀងនេះបានឈ្នះពានរង្វាន់ចំនួន៥ នៅឯពានរង្វាន់ GRAMMY ឆ្នាំ២០២៥ ។ ភាពជោគជ័យនេះបានពង្រឹងជំហររបស់ Kendrick Lamar នៅក្នុងឧស្សាហកម្មតន្ត្រីហ៊ីបហប និងបានជួយឱ្យលោកក្លាយជាអ្នកសំដែងសំខាន់នៅ Super Bowl ឆ្នាំ២០២៥ ការសម្តែងរបស់តារាចម្រៀងនៅក្នុងព្រឹត្តិការណ៍នេះត្រូវបានគេចាត់ទុកថាមានការផ្ទុះយ៉ាងខ្លាំង៕