សហរដ្ឋអាមេរិក៖ Kylie Jenner ដែលជាអ្នកជំនួញល្បីល្បាញម្នាក់របស់សហរដ្ឋអាមេរិក និងជាម្ចាស់ក្រុមហ៊ុនគ្រឿងសំអាង Kylie Cosmetics ត្រូវបានមហាជនជាច្រើនរិះគន់ ដោយសារនាងបានប្រើប្រាស់យន្តហោះឯកជនឥតឈប់ឈរ ចំពេលមានភ្លើងឆេះព្រៃនៅ Los Angeles។

Kylie Jenner ដែលជាប្អូនស្រីបង្កើតរបស់តារាម៉ូឌែល Kendall Jenner ត្រូវបានគេរិះគន់ថាជា “ឧក្រិដ្ឋជនអាកាសធាតុ” ដោយសារនាងបានប្រើប្រាស់យន្តហោះឯកជន ចំនួន ១១ ដង ក្នុងរយៈពេល ២ សប្តាហ៍ ដោយមិនខ្វល់ពីបញ្ហាភ្លើងឆេះព្រៃនៅ Los Angeles ទាល់តែសោះ។

ការប្រើប្រាស់យន្តហោះគឺពិតជាប៉ះពាល់យ៉ាងធ្ងន់ធ្ងរដល់បរិស្ថាន និងធ្វើឱ្យអាកាសធាតុកាន់តែក្តៅ ដោយសារយន្តហោះរបស់នាងបានបញ្ចេញឧស្ម័ន CO2 ប្រហែល ១៦២ តោន ស្មើនឹងការប្រើប្រាស់អគ្គិសនី ៣៣ គ្រួសារក្នុងមួយឆ្នាំ។ លើសពីនេះ Kylie Jenner ក៏បានជិះយន្តហោះដើម្បីធ្វើដំណើររយៈពេលខ្លីផងដែរ មានន័យថា នាងប្រើប្រាស់យន្តហោះដើម្បីហោះហើរត្រឹមតែ ១៥ នាទីប៉ុណ្ណោះ ពីទីក្រុង Los Angeles ទៅកាន់ទីក្រុង Camarillo នៃរដ្ឋកាលីហ្វ័រញ៉ា ដោយបញ្ចេញឧស្ម័ន CO2 មួយតោន និងប្រើប្រាស់ឥន្ធនៈចំនួន ៣៥៩ លីត្រ។

ទោះជាយ៉ាងណាក៏ដោយយន្តហោះតម្លៃ ៧០ លានដុល្លាររបស់ Kylie ហាក់ដូចមិនមានគម្រោងកាត់បន្ថយនោះទេ មានន័យថា នាងនៅតែបន្តប្រើប្រាស់ឥតឈប់ឈរ ដោយមិនខ្វល់ពីការបំពុលបរិស្ថានឡើយ។ ទោះបីជាយ៉ាងនេះក្តី Kylie Jenner បានចេញសេចក្តីថ្លែងការណ៍មួយថា “យើងពិតជាមានការសោកស្ដាយនៅពេលឃើញការបំផ្លិចបំផ្លាញដែលបណ្តាលមកពីភ្លើងឆេះនៅ Los Angeles។

ការមើលឃើញមនុស្សជាច្រើនត្រូវបង្ខំចិត្តជម្លៀសចេញ និងបានឮរឿងរ៉ាវរបស់អ្នកដែលបានបាត់បង់អ្វីៗទាំងអស់គឺជាការសោកស្ដាយយ៉ាងខ្លាំង ហើយពិបាកនឹងយល់»។ ដូច្នេះពួកយើងក៏មានបំណងផ្តល់ “ផលិតផលថែរក្សាស្បែក រាងកាយ សក់ និងគ្រឿងសម្អាងឥតគិតថ្លៃ” ដើម្បីជួយដល់ក្មេងជំទង់ដើម្បីថែរក្សាសម្រស់។ ទោះជាយ៉ាងណាមនុស្សជាច្រើននៅតែខឹងនាងដដែល ដោយសារអ្នកជំនួញល្បីល្បាញរូបនេះនៅតែបន្តជិះយន្តហោះរយៈពេលខ្លី ដែលជាការប៉ះពាល់យ៉ាងធ្ងន់ធ្ងរដល់បរិស្ថាន ធ្វើឱ្យអាកាសធាតុកាន់តែក្តៅ និងកាន់តែស្ងួត៕

ថ្មីៗនេះ Rosé សមាជិក BLACKPINK បានបង្ហាញខ្លួននៅក្នុងបទសម្ភាសន៍មួយដោយនាងបានឆ្លើយសំណួរជាច្រើនអំពីជីវិត អាជីព និងអាល់ប៊ុមដំបូងរបស់នាងដែលភ្ជាប់ទៅនឹងឧបករណ៍ចាប់កុហក។ ក្នុងបទសម្ភាសន៍នេះ Rosé បានស្រាយមន្ទិលជុំវិញពាក្យចចាអារ៉ាមនាងនិង Jaden Smith កូនប្រុសរបស់ Will Smith។

បទចម្រៀងមួយបទរបស់ Rosé ដែលមានចំណងជើងថា «Toxic Till the End» បានបង្កឱ្យមានពាក្យចចាមអារ៉ាមថា តើនរណាជាអតីតរបស់តារាចម្រៀងស្រីរូបនេះខណៈមានមតិភាគច្រើនគិតថាជា Jaden Smith ដោយផ្អែកទៅលើម៉ូតសក់របស់តួប្រុសក្នុង MV គឺមានលក្ខណៈស្រដៀងទៅនឹង Jaden ។ បទនេះគឺនិយាយពីទំនាក់ទំនងរបស់ Rosé និងអតីតគូស្នេហ៍របស់ខ្លួនទើបធ្វើឱ្យមានពាក្យចចាមអារ៉ាមនេះនៅលើប្រព័ន្ធផ្សព្វផ្សាយសង្គម។

យ៉ាងណាមិញ Rosé បានផ្តល់ចម្លើយថា បទខាងលើនេះមិនមែននិយាយអំពី Jaden Smith ទេដោយនាងបានឆ្លើយទាំងសើច។ មិនត្រឹមតែប៉ុណ្ណោះ Rosé បានបន្ថែមថា Jaden Smith ជាមិត្តដ៏ល្អម្នាក់របស់នាងដោយបង្ហាញការនឹករម្លឹកទៅកាន់កូនប្រុសតារាសម្តែងល្បីឈ្មោះ Will Smithផងដែរ។ អ្នកសម្ភាសន៍បានសួរថាតើអ្នកទាំងពីរធ្លាប់ណាត់ជួបដែរឬអត់ ដែលនាងក៏បដិសេធ។ ចម្លើយទាំងពីរត្រូវបានផ្ទៀងផ្ទាត់ថាជាការពិតនេះបើយោងតាមការធ្វើតេស្តឧបករណ៍កុហក។

ជាមួយគ្នានេះដែរ Rosé ក៏បានបញ្ជាក់ចំពោះពាក្យសម្តីរបស់ Bruno Mars ដែលបង្ហោះនៅលើបណ្តាញសង្គម Instagram ខណៈពេលដែលពួកគេកំពុងផ្សព្វផ្សាយបទ «APT» ដែលក្នុងនោះ Bruno Mars បានអះអាងថានាងព្យាយាមថើបលោក Rosé បានចែករំលែកថា វាមិនមែនជាការពិតទេ ដោយបន្ថែមថា Bruno Mars គឺអ្នកកុហក»៕

ថ្មីៗនេះ តារាសម្តែង Ding YuXi បានបង្ហាញខ្លួននៅលើក្របទស្សនាវដ្តី L’OFFICIEL ប្រចាំឆ្នាំ។ ភ្លាមៗបន្ទាប់ពីនោះទស្សនាវដ្តីនេះបានឡើងដល់កំពូលនៃចំណាត់ថ្នាក់នៃការលក់។ ជាងនេះទៅទៀត នៅពេល Esther Yu និង Ding YuXi រួមគ្នាក្លាយជាតារាសម្ដែងដែលមានការលក់ទស្សនាវដ្ដីបានខ្ពស់ធ្វើឱ្យចំនួនការលក់វ៉ាដាច់តារាធំៗជាច្រើន។

បន្ទាប់ពីជោគជ័យនៃខ្សែភាពយន្ត Love Game in Eastern Fantasy បានជួយឱ្យ Esther Yu និង Ding YuXi ទទួលបានអ្នកគាំទ្រយ៉ាងច្រើននោះឥទ្ធិពលរបស់ពួកគេក៏កើនឡើងយ៉ាងខ្លាំងផងដែរ។ Esther Yu ជាប់ចំណាត់ថ្នាក់កំពូលក្នុងចំណូលទស្សនាវដ្តីស្ត្រីជាមួយនឹងទឹកប្រាក់ ១៤.០៩ លានយន់ ប្រមាណជាង១លាន៩១ម៉ឺនដុល្លារ។ Ding YuXi បានជាប់ចំណាត់ថ្នាក់កំពូល ក្នុងចំណូលទស្សនាវដ្តីបុរសជាមួយនឹង ២៦.០៣ លានយន់ប្រមាណជាង៣លាន៥៥ម៉ឺនដុល្លារបន្ទាប់ពីការចេញផ្សាយ ២២ ម៉ោង និងឈានដល់ ២៨.៩២ លានយន់បន្ទាប់ពី ២៤ ម៉ោង។

ទស្សនាវដ្ដី Cosmopolitan China បានចេញផ្សាយការចេញផ្សាយចុងឆ្នាំរបស់ខ្លួនខែធ្នូ ឆ្នាំ ២០២៤ ជាមួយនឹងតារាបង្ហាញមុខ Esther Yu ។ នាងគឺជាតារាសម្តែងចិនជំនាន់ទី៩៥ ជំនាន់ទី២ (កើតក្រោយឆ្នាំ ១៩៩៥) ដែលបង្ហាញមុខលើក្របទស្សនាវដ្ដីម៉ូតស្ត្រីធំជាងគេទាំង៥នៅក្នុងប្រទេសចិនដែលមានដូចជា៖ Vogue, Elle, Harper’s Bazaar, Cosmopolitan, Marie Claire) ។ គួរកត់សម្គាល់ថាការលក់ទស្សនាវដ្តីរបស់ Esther Yu ទទួលបានលទ្ធផលគួរអោយចាប់អារម្មណ៍ខ្លាំង។ បន្ទាប់ពីដាក់លក់មិនដល់១០នាទីទស្សនាវដ្តីនេះលក់បាន ១១ម៉ឺន ច្បាប់ បន្ទាប់ពី ១១ នាទីវាបានលើស ១៣ម៉ឺនច្បាប់។ បន្ទាប់ពីបើកលក់បាន៣ម៉ោង ទស្សនាវដ្ដីរបស់ Esther Yu បានបំបែកកំណត់ប្រាក់ចំណូល១០លានយន់។ ការណ៍នេះធ្វើឱ្យក្លាយជានាងក្លាយជាតារាស្រីចិនដែលរកចំណូលបានខ្ពស់បំផុតទី២ បន្ទាប់ពី Dilraba ។ ចំណែកឯ Ding YuXi ក៏បានទិញទស្សនាវដ្តីរបស់នាងយ៉ាងដោយបានចំណាយប្រាក់ជាង ១០៩,៦២០ យន់ដើម្បីបង្ហាញការគាំទ្រដល់ដៃគូសម្តែង។

សម្រាប់ Ding YuXi វិញថ្មីៗនេះបានស្វាគមន៍ឆ្នាំ២០២៥ ជាមួយនឹងគម្របទស្សនាវដ្តី L’OFFICIEL China (ខែមករា ឆ្នាំ២០២៥)។ នៅក្នុងរូបរាងនេះ បុរសសង្ហា Ding YuXi បានធ្វើឱ្យអ្នកនិយមលេងអ៊ីនធឺណែត កោតសរសើរជាមួយនឹងរូបរាងនិងភាពទាក់ទាញរបស់លោកពី collection ផ្សេងៗគ្នា។

ទស្សនាវដ្តីចេញផ្សាយពីម៉ូតរបស់ Ding YuXi មិនដល់១នាទីលក់បាន៦ម៉ឺនច្បាប់រួចទៅហើយ។ បន្ទាប់ពីដាក់លក់អស់រយៈពេល ១០ នាទី ប្រាក់ចំណូលសរុបត្រូវបានប៉ាន់ប្រមាណថាមានចំនួន ១៨.៨៨លានយន់ប្រមាណជាង២លាន៥៧ម៉ឺនដុល្លារ។ ហើយចំនួននេះបានកើនឡើងយ៉ាងឆាប់រហ័សខណៈអ្នករួមចំណែកដ៏សំខាន់ចំពោះ «ព្យុះ» នៃការបញ្ជាទិញសម្រាប់គម្របទស្សនាវដ្តីរបស់ Ding YuXi គឺជា Esther Yu ដែលបានទិញចំនួន ១,២១០ ក្បាលដើម្បីគាំទ្រដៃគូសម្តែងរបស់នាង៕